|
||||||
老友強哥開餐 廳,不以賺大錢為目的,只在乎過癮,得閒招呼吓老友而已,十幾年前在灣仔軒尼詩道開中餐,後來在蘇豪區開法國餐,及禮頓道至到依家在旺角開西餐廳,就似乎 蝕多賺少,不過蝕錢唔入肉,強哥當作娛樂費、應酬費而已,有佢咁樣嘅老闆,蝕本都肯創造職位,張建宗局長應該讚賞佢對降低本港失業率嘅貢獻。 既 然蝕本,邊有預算去賣廣告吖,莫講話報紙廣告,就算係小型之網上廣告,強哥都唔肯賣,你估係麥當勞,大家樂呢啲大集團咩。個零月前,有飲食介紹網站搵到上 門,請強哥落廣告,強哥醒目,立即拖住,再上網站一睇,自己間餐廳在該網站從來無人提,即係平時該網站都對佢不屑一顧啦。強哥餐廳一來唔想有額外使費,二 來覺得該網站冇誠意,一口拒絕之。 點知拒絕之後,生意仲衰過以前,一個月內成間餐廳靜雞雞,生意比以前更少,強哥不明所以,直至一位老友 call佢:「喂,我今日係iPhone食飯網睇到人地寫到你間餐廳好曳喎,有冇得罪人呀?」強哥急忙上網一查,唉吔,自己間餐廳竟然已經「榮登」旺角食 肆行列,不過係有評語指責多多嗰種,話佢間餐廳生蠔太鹹懷疑浸過鹹海水喎! 強哥向左丁山訴苦,力指佢地嘅生蠔由法國空運到港,絕不以本港鹹 水浸之,左丁山話:「搵番該網站賣番一個月廣告,可唔可以挽回頹勢呀?」強哥話:「豈有此理,雖然無證無據話人地,一於寧死不辱。」左丁山於是諗起,好多 年前曾有泰國所謂傳媒大亨,來香港找編輯S做亞洲區出版總裁,出手甚高。編輯S立即飛去曼谷到該公司睇一睇,發覺裝修陳舊,設備落後,點似係出版王國呀, 但見到佢啲雜誌有好多廣告噃,有啲來自出名嘅公司。於是搵曼谷賓架P查一查,賓架P話:「你都係返香港好嘞,我地泰國商界每晚有好多應酬,沖涼、送禮物等 事情,一啲老闆會收到照片與草擬稿件,跟住就有記者打電話嚟要求confirm照片中人是否自己及稿件內容。第二日,老闆叫市場部在某雜誌落廣告,以後就 冇事情發生。阿黃你明白人地點樣發達未?」即刻明白晒,編輯S第二朝就坐飛機回港咯,無謂向嗰位所謂傳媒大亨求證吖。 |
||||||
自今年7月19日和黃宣佈把百佳超市放盤,吸引了八個潛在買家入標。最後Woolworths以出價30億美元只及理想叫價的下限,和黃在上週五股市收市後宣布擱置出售計劃。和黃在聲明中指出,經初步策略性評估後,認為透過私人市場交易出售百佳未能為集團股東帶來最高價值,因此決定擱置計劃。但和黃同時宣布,將出售業務的策略性評估範圍擴至屈臣氏整體零售業務,並且表明公司不會考慮放棄任何上述業務的控制權。
百佳賣盤或上市,收回來的錢其實差不多,但上市後,控制權仍在手中,生意還繼續產生現金流,但上市的股票又變成錢,手上無端端多了一筆現金,加上分拆屈臣氏上市,屈臣氏作為和黃的整個資產淨值中佔比高達30%,去年在和黃整個盈利貢獻中的佔比達17%,較之百佳盈利貢獻3%,百佳在私人市場交易出售都值30億美元,屈臣氏估值肯定更豐厚。
雖然百佳未有賣出,但經此一策略評估,擾攘一輪後,長實股價自7月中至現在,已升了約20%,跑贏恆生地產指數此期間只上升約12%,賣樓業績如何未知,但股價上升己為長實帶來利潤,最令人贊嘆的是,在宣布擱置計劃前,即星期五收市前,長實股價升至近期最高位收市(見下圖表)。9月股息除淨後,全年股息收齊,也該是股東出貨之時,擱置出售計劃正來得合時。超人的確是精明的生意人,但今時今日人人仇富仇商,有幾多人真正懂得超人的生意高招?