|
||||||
|
蘋果一向多人撐，不過上月中趁John Lennon（http://www.john-lennon.com）七十歲冥壽， 在iTunes（http://www.apple.com/itunes/） 上賣Beatles（http://www.thebeatles.com）歌曲，就被網友狠批發死人財，留言話寧願聽黑膠碟好過買歌。 雖然黑膠新碟近乎絕跡香港，不過二手市場一直不乏買家，鴨寮街有間樓上鋪，就有逾四十萬張黑膠碟擺賣，巴閉至附近街坊都尊稱老闆歐德成為「鴨記黑膠王」。今期就由「黑膠王」，娓娓道出這條「音樂」不歸路。 大家好，我叫歐德成，洋名叫阿Paul，鴨寮街街坊都叫我「鴨記黑膠王」。並非自誇，雖然鋪頭亂過亂葬崗，但六百幾呎地方已收藏了幾十萬張二手黑膠碟，是全香港最多，而且只要你一開聲，無論邊年邊月邊個歌手的碟，都一定即刻搵到出來。 「黑膠碟收藏家」的綽號聽落幾巴閉，但我從來無自豪過，因為好聽叫珍藏，難聽點就是存了廿幾年的死貨，換轉是你，肯定笑不出來。 歐德成個人檔案 五十三歲未婚 七○年代由越南來港 七五年做唱片公司學徒，負責演唱會音響工程。 八三年辭職到鴨寮街擺地攤賣二手唱片 九○年代唱片公司力谷CD，令他一鋪清袋。 ○○年復刻黑膠碟漸流行，起死回生。 ○五年由地攤變樓上鋪 寸音響發燒友 不過，我覺得自己充滿成就感，因為可以憑我雙手，保留到黑膠碟的音樂質感。太虛無？老一輩聽到唱盤發出的炒豆聲，就會有共鳴，何況黑膠碟買少見少，想聽番 以前的老歌，唯一辦法就要聽黑膠碟。我最看不起近年那些所謂黑膠碟發燒友，成日話忍受不到MP3（http://en.wikipedia.org /wiki/MP3）的機械聲， 又彈CD（http://en.wikipedia.org/wiki/Compact_Disc）欠缺現場感，一定要用幾百萬音響器材來聽黑膠碟，聽之前又要幫隻碟除塵除靜電，先可以聽到原音！ 根本就是本末倒置，聽音樂並非純粹聽音色，了解首歌的背後意義或歌手的演繹功架先最重要，像我一樣，即使唱片發霉，只要噴少少水，抹乾後放上陳年舊唱盤，照樣可以播放出悅耳音樂。我想用行動證明，玩黑膠碟不等於高科技高消費。 但我絕對明白這班「發燒友」的心態 ——「有閒錢又無嗜好」，學人玩黑膠碟，只為約朋友返屋企聽歌歎紅酒時顯示品味。不過，聽來聽去評語永遠得「對低音喇叭輸出不錯」，又或「中音甜、低音 實」，完全講不出隊band的結他手功力有幾高，John Lennon邊首歌有反戰思想，極其量只算是一班專玩音響的科技迷。 都是搵食緊要 好似踩得太過分，不過講到尾，好多開音響鋪的鴨寮街街坊，都是靠這班科技迷搵食，沒有他們，幾十萬一對的喇叭搵邊個買？仲邊有人三、兩個月就來幫襯換新機？ 唉，其實我亦不例外，要靠這班科技迷來開飯，否則點可以低價買碟高價易手。大部分人每逢某位出名歌手生日死忌，都會來買碟趕潮流；可是熱潮一過，又嫌隻碟 阻地方拿來賤賣。最佳例子是兩年前傳出Beyond（http://www.beyondmusic.net/）再搞演唱會，即日就有大班人上來買 Beyond舊碟，部分更炒上二千幾；今年John Lennon七十冥壽，那些「家駒粉絲」即刻變成披頭四擁躉，搶碟之餘順便變賣之前重金買回來的Beyond唱碟，而成交價只是區區五十幾…… 因此為免錯過有升值潛力的黑膠碟，無論好壞新舊都照收，搏其中一張炒得起就回本。睇落投資風險高又犯本，其實山大斬埋有柴，平均每個月都有兩萬幾收入，足夠交租食飯，仲有餘錢久不久飛去加拿大，和八十幾歲的老媽子聚一聚。 越南小康之家出身 身邊人話我搞到間鋪爛笪笪，錢又賺不到，笑我懶偉大又太傻，其實，戇居的是他們，我的理想生活是可以自由自在聽音樂，而家目標已經達成，仲想點？再講，我幾十年人都抱住黑膠碟過日子，那種情意結怎可以輕言放棄！ 其實只要知道我的出身，就會明白我做不成只識賺錢的香港人。我生於越南的小康之家，細個適逢越戰爆發，根本無心向學，最叻逃學蒲酒吧，開始接觸西方音樂。 老媽子怕我被捉去打仗，於是託人帶我去香港，因為老媽子是華僑，到港後不用住難民營，仲可以即時搵工。當時我只對音樂有興趣，於是投身唱片公司做學徒，閒 時學學打鼓夾band；不過鼓一直打不好，打工又不上心，只是渾渾噩噩過日子。 猶幸七十年代香港唱片業蓬勃，即使身為學徒，分花紅都分到手軟。更被我發現Bee Gees（http://www.beegees.com） 或Carpenters（http://www.richardandkarencarpenter.com）等當紅外國樂隊，最受香港人歡迎，但市面上 只得鴨寮街的地攤有二手貨賣，於是就託行船的朋友，由外國運黑膠碟回來，再轉售給鴨寮街的地攤，想不到因此被我賺了第一桶金，之後索性辭埋職，學人擺地攤 賣黑膠碟。 風光日子太短暫 回想當年好風光，出入揸哈利電單車（http://www.harley-davidson.com）又型又威，於是乎，在唱片公司識落不少娛樂圈猛人， 每有玩局都預我一份，我就曾經同四哥謝賢遊過車河，追過女仔。當年軟硬天師（http://www.softhard.com.hk/） 的名曲《老人院》（http://www.youtube.com/watch?v=lH1dQOm6h_g），歌詞中那句「買哈利扮阿Paul」，其實那個阿Paul就是我。 想不到黑膠碟盛世話完就完，八九年CD碟推出，因體積較細，立即受到追捧。我抱住姑且一試心態試聽，發現新科技令音質變差之餘，唱片公司亦只替新進歌手出 碟試反應，令我堅信CD熱潮好快過氣。但最估不到是，原來聽眾懶理CD音質，即時令黑膠碟由寶變成草。唱片公司見大部分樂迷零要求，於是便乘機大量推出成 本較低的CD，就算之後音質更差的MP3亦大行其道，明眼人都睇得出黑膠碟前路渺茫。但我依然相信總會遇上知音人，加上當時已經三十幾歲，想轉行都無技 能，所以繼續堅守黑膠碟地攤，大手買入黑膠碟，其實睇住存貨由幾千變幾萬，個心一直揦住揦住。 為了死撐，我要賣車賣樓來套現，身邊朋友勸我收手，老媽子甚至出動經濟封鎖，要我跟她移民加拿大，我都充耳不聞；最終搞到朋友愈來愈少，反而多了不少敵人，鬧我個檔口阻人發達，更笑我攬住黑膠碟似乞兒。 黑膠碟起死回生 幸好當時仍有幾個真正發燒友，時不時幫襯我，叫做可以吊鹽水過活。正當所有街坊以為我永世不能翻身，二千年樂壇卻忽然掀起懷舊風，不少老牌歌手例如葉德嫻 （http://www.facebook.com/pages/Deanie-Ip-ye-de-xian/28054965739） 、張國榮（http://mv.ezproxy.com.ezproxy.lb.polyu.edu.hk/） 及譚詠麟（http://www.tamwinglun.com/）等，輪住推出復刻黑膠碟， 最巴閉是當時甫出道就被喻為「平成（日本年份）歌姬」的日本歌手宇多田光（http://www.emimusic.jp/hikki/），其熱潮更吹來 香港，她的黑膠碟更是逢人皆搶，隨即令我的死貨又再變成搶手貨。之後雖然多了行家搶生意，不過因為我堅持多年，還有不少人識得返來幫襯，生意好到由地攤做 到變樓上鋪。 雖然黑膠碟又再變成潮流，不過我無奢求可以靠炒賣來賺大錢。唯一擔心是五十幾歲依然孤家寡人，睇怕我死後，再無人承繼這些黑膠碟，它們或者又會再變成垃圾，被掉去堆填區…… |
||||||