小飛俠再續爆房緣

「遠東貴婦」回春半島再續崢嶸

2013-12-12 NM

半島酒店，素有「遠東貴婦」之名，本週三，是她八十五歲生日。曾經，她是香江第一美人，以奢華、優雅的殖民地風姿，驚艷世界。她的成長，緊扣香港歷史，做過英軍軍營，甚至淪陷被擄，成為日軍司令部。滄桑演化為風骨，倍添韻味，各國元首、富豪、巨星，都是她的座上客。走過烽火，卻敵不過歲月。隨着頂級酒店相繼落成，港島的四季、九龍站的Ritz-Carlton，就如摩登、性感美少女，迅速成為富豪新寵。終於，主人嘉道理家族出手，豪擲四億五千萬，為這間香港歷史最久的酒店施展回春術，保住上市公司香港上海大酒店（45）的橋頭堡。家底美貌俱備的貴婦，走過大半世紀，將歲月轉變成經典，再現九龍半島之上。

白帽白西裝的門僮，徐徐拉開偌大的玻璃門，溫柔如揭開貴婦臉上的薄紗。悠揚舞曲傾瀉而出，一對對盛裝男女，穿越時光，在大堂中央，旋轉滑動，翩翩起舞。這是十二月第一個星期天下午，半島八十五周年最後一次茶舞。舞池旁，行將九十的何鴻章，在兒子何彪及何豹攙扶下看熱鬧，泛紅的臉發光，瞬間年輕了。「我阿爺何東搞金婚派對，喺度跳舞，佢好叻跳舞。我細個成日喺半島前面嘅花園踢足球。」何鴻章顫巍巍道。一九三一年，富甲一方的何東爵士，在半島舉行金婚派對，名流商賈雲集。派對結束，半島的奢華卻剛開始，自此成為上流社會的社交行宮。舞池內，一身藍色舞衣的Lily跳得忘我。她是富豪御用裁縫店Ascot Chang（詩閣）的第二代。一九六三年，父親張子斌在半島開設分店，直到今天。「呢度係我由細玩到大嘅地方。六十年代，半島係最高級嘅酒店，直到依家，呢度嘅氣氛、殖民地風格，侍應嘅白色禮服，都係獨一無二嘅。」Lily興奮道。妝容、舞衣閃閃生輝。

歲月．藏金

大堂鎖住時光。沿着正中的樓梯步上一樓，才發現，新舊已完成交替。今年五月，半島完成歷時超過一年的翻新工程，包括三百間客房、會議室及露台餐廳等。不過，在競爭激烈的今天，翻新只是追落後，半島賣的，仍是歷史。上月底，半島將酒店一角布置成懷舊影院，舉行集團紀錄片《經典．傳承》的首映禮，亦是八十五周年慶典的重頭戲。主禮人、大酒店主席米高嘉道理表現風騷，更在片中粉墨登場，大談半島歷史。四十五分鐘的紀錄片，大打感情牌。在酒店上演的故事，如同香港歷史的縮影。

開荒．淪陷

歲月流轉，半島和香港一同經歷過最黑暗和光輝的年代。二十年代初，猶太裔的嘉道理家族，斥資三百萬，興建半島酒店。一九二七年，剛落成的半島，未開業便被英軍徵用做臨時軍營。翌年，軍營遷至深水埗，酒店重整旗鼓，於十二月正式開張，由署任港督修頓爵士主持開幕禮。當時，樓高七層的半島，是維港兩岸最高的建築物，卻被取笑是「九龍一間大而無當，無人會入住的酒店」。半島早期大部分住客，是乘鐵路前往內地的旅客。後來，豪華客輪不斷進出維港，帶來世界各地的名人富豪。香港歷史博物館名譽顧問鄭寶鴻指嘉道理甚有眼光：「二、三十年代嘅尖沙咀，已有旅遊區嘅雛形，交通算方便，有天星小輪、郵輪，又有鐵路總站（文化中心現址）。依家喜來登酒店嘅位置，當年係個廣場，工展會、飛機展都喺呢度搞，滙豐第一間九龍分行，就選址半島。」勢頭剛起，一九四一年的聖誕夜，一切突然煞停。港督楊慕琦在半島酒店336室簽署投降書，向日軍無條件投降，香港正式淪陷。半島改名東亞，成為日軍司令部。前立法局議員蘇周艷屏（蘇太），十四歲時，曾在半島幫日軍打工，回憶仍歷歷在目：「當時佢哋請會計，好多人應徵。」她因懂得算盤而獲聘，取錄她的日本人，名叫清水一夫。「工作包伙食，但得幾條菜，同黑色嘅飯，最開心係午飯有兩個好細粒但熱騰騰嘅包，係唯一滋味嘅嘢。」日軍見她表現好，將工資加到一百港元，已算高薪。數月後，戰事加劇，在半島亦聽見炸彈墜落的呼嘯聲，蘇太終在母親勸告下辭職。

故事見證

Johnny，酒保，70歲，在半島工作56年，是年資最長的員工，至今仍住在半島宿舍。「五十年代，阿爸喺半島Lobby做Captain。十四歲，阿爸過身，半島主動打來叫我返工。喺嗰個年頭入到半島，多數係世襲。喺酒吧咁多年，最難忘係美國大明星奇勒基寶教我整「Screwdriver」，我敢話，係香港第一杯雞尾酒。六十年代，半島好威水，出車去港島區做到會，喺佐敦渡船角過海，其他貨車要排長龍，但半島就可以同警車、消防車一樣，行優先通道。我去過港督衞奕信屋企，仲有滙豐大班，好像桑達士、沈弼，年年聖誕都叫半島到會。大老闆米高嘉道理都有落來，每次都飲加咗辣椒仔、喼汁和辣根嘅辣番茄汁。我無結婚，半島就係我屋企，我當自己係半島個仔。」

Peter，大堂茶座經理，在半島工作28年。「當年我考咗三、四次先考到入半島，由侍應做起。呢度好多客早過我已喺度幫襯。最有印象係已故嘅明星張國榮，佢經常落來，靜靜食支煙，諗吓嘢或同朋友傾偈，最鍾意食士多啤梨卷（甜品）。依家多咗內地人來，食物都會加入多啲中國元素，好像早餐有油炸鬼。我哋通常安排遊客坐西翼，佢哋鍾意熱鬧，嗰邊有隊Live band，東翼較靜，多數係熟客或名人。公司鼓勵我哋將手提電話俾熟客，方便幫佢安排座位及食物。」（註：只有住客及熟客才可訂位。訪問當日，Peter便收到六嬸方逸華的訂座電話。）

Billy，44歲，行李及運輸部經理，加入半島27年，父母兄弟都幫半島打工。「以前阿爸做執房，阿媽做洗衣房。我同阿哥Boris都由門僮做起。半島大老闆Michael好有人情味，03年沙士，好多酒店裁員，但公司只係叫我哋提早清假，節省開支，堅持唔炒人。大堂每日都有好多故事發生，有一次，有對遊客唔見咗個女，我哋幫佢喺酒店及走出街搵，最後喺彌敦道搵番。之後嗰家人每年都寄聖誕卡俾我哋。」

風華．朝聖

和平後，酒店重開，歷史任務卻未完成。四九年，中共上台，嘉道理兄弟羅蘭士和賀理士，協助滯留上海的猶太難民移居海外，半島的宴會廳成為臨時收容所，安置滯港期間的猶太人。烽火過後，經濟起飛，富豪家財迅速膨脹，半島亦迎來最輝煌的年代。各國元首巨星來港，如英女皇、美國前總統尼克遜、玉婆、艾頓莊等，都指定入住半島。大堂咖啡室，又名「影人茶座」，張國榮、張曼玉、鍾楚紅都是常客，還有六叔邵逸夫，年過百歲，仍不改到半島歎茶的習慣。崢嶸歲月，滲透在酒店每一個角落。回到大堂，茶舞已曲終人散，走廊再次被自由行及各國遊客佔據。歷史只供朝聖，故事未完，最美的年代卻已過去。

PermaLink: https://articles.zkiz.com/?id=84528

📖 ZKIZ Archives

Random Tags