📖 ZKIZ Archives

太古廣場：仲去百年唱Yen咁儍豬？

1 : GS(14)@2016-12-07 07:56:29

講啲唔啱大圍channel嘅嘢，就叫掃興。難得今日阿姐今日去咗小圈子協會lunch，成team人即刻傾一陣早走去邊度食個長飯，但最識食嗰個Connie竟然話佢唔去。「我一陣要去百年唱錢呀，下個星期去九州」。有無發現好多人都係咁，捨得畀幾千蚊買機票酒店去日本，但就要慳埋嗰幾個價位，排足成個lunch time去慳幾舊水。次次有人講去邊唱Yen最平，我都笑而不語。「幾百蚊可以食餐好啦！抵喎！」媽咪級秘書搭嗲。Well，先唔好講幾百蚊喺日本可以食得有幾好，為咗嗰一餐去後樓梯企足半個鐘，講緊如果你咁好彩打到電話訂cash咋喎，打唔通分分鐘排足成個鐘都無得你唱。見到Connie唔知點算咁嘅樣，又係成日去日本嘅Daniel話：「而家銀行啲rate都好好㗎喇，你有無中銀戶口呀？你無我幫你唱吖！」我即刻碌大隻眼望住Daniel，唔係好奇呢個次次去親都係秋葉原嘅宅男點解都會咁熟架步，而係吃驚佢終於踏出第一步進攻Connie。「……家姐！」我吃驚到Connie係咁叫我都聽唔到。「你上次去東京咪話唔使錢訂酒店嘅？我啲friend問你點樣訂㗎，佢哋話酒店訂咗好貴呀今次」。「你12月去梗係貴啦……不過你咁鍾意唱cash，都無免費酒店住㗎喇」。個個露出「關咩事呀」嘅表情望住我，而我只想快啲去食lunch：「我就唔鍾意帶錢嘅，食飯買嘢，甚至去七仔買mask嗰千幾Yen都碌卡儲分。而家唔係張張卡都儲miles㗎喇，知你哋鍾意搭廉航吖嘛，碌完卡變咗可以直接儲分換機票或者酒店，外幣仲要儲得快啲㖭。咁你話，排隊唱錢慳嗰幾百蚊抵啲，定係幾晚酒店唔使錢抵啲？」我見媽咪級秘書想開口，都估到佢想講乜㗎喇，梗係唔俾機會佢搭嗲。「就算銀行賺你滙率，都賺唔到你住幾晚酒店嗰幾千蚊咁多啦。仲有方便呢？日日帶住幾十萬cash你估真係唔驚呀？一個唔覺意跌咗銀包，你慳幾多千都無晒啦」。講到口水乾，最後Connie都係無同我哋食lunch，因為佢返咗屋企攞住址證明去申請張卡去日本碌；我呢？就梗係食完lunch爭住碌卡啦，碌港紙都儲到分㗎。講係咁講，日本好多地方都仲係要用cash嘅。傳統食店同魚巿場唔在講，坐交通工具用嘅IC Card（日本八達通）大部份增值機都仲係要用現金增值。要去郵局買名信片，甚至寄戰利品返香港，都只係收cash。到時大吉利是唔夠cash用，都可以去7-11或者郵局嘅ATM提款，只有呢兩個地方先可以用海外提款卡，當然記得出發前要喺香港ATM啟用左「海外提款功能」先啦。關家姐
http://www.fb.com/kwangajei本欄逢周三刊出




來源: http://hk.apple.nextmedia.com/financeestate/art/20161207/19857072

---

【仲去二世古？】北海道新滑雪勝地　軟綿粉雪年降廿幾米

1 : GS(14)@2016-12-18 11:12:56

Kiroro的雪質極佳，即使不滑雪，在雪地上走進樹林也有極美的雪景。



當北海道被National Geographic Traveller選為10 Best Trips2016之一時，特別點名提到Kiroro（???），指其雪質其實更勝著名滑雪勝地二世古。



Kiroro位於余市郡，距離小樽約45分鐘車程、札幌亦只是約2小時車程，交通比二世古方便一點。由於地勢較高，山腳也在海拔500米以上，這裏降雪量驚人，去年就錄得23.5米的降雪，而且雪季亦長，由11月下旬開始可以滑到翌年5月初。Kiroro兩間酒店去年被泰國財團收購，經過翻新後重新開業，更廣泛對外宣傳，泰國票房冠軍愛情電影《One Day》亦取景於此，多了不少慕名而來的人。



a Tribute Portfolio是其中一家酒店，今年剛完成翻新工程重新開業。

滑雪場共21條雪道，有三分一是適合初學者的初級雪道。

滑雪場有不少來自歐洲的教練，能夠以英語溝通之餘，亦懂得鼓勵人。

滑雪場不小，21條雪道分佈三個山頭，最長一條長達4公里，非常過癮。初級雪道亦有7條，初學者可按進度到不同雪道練習。到訪幾天，每天都落雪，天天有新雪可滑，雪質相當好，握在手揑不出一個實淨的雪球，反映雪質乾身軟綿，這種雪最適合滑雪，而且雪厚，跌倒也不會痛。若然不懂滑雪，滑雪學校有不少操英語的外籍教練，我們在現場體驗，教練的教學方法有趣，以遊戲形式進行熱身，而且言語相當具鼓勵性，即使不停跌低又再起身，筋疲力盡還是令人想再試多一次。



山頂上還有個愛情之鐘，據說許個願，敲響鐘，愛情就會降臨，這也是泰國愛情電影《One Day》其中一個情節。

酒店大堂經翻新後，感覺溫暖。

相比二世古，Kiroro亦比較適合家庭旅客，Sheraton和a Tribute Portfolio兩家酒店都是較大型的度假村，設施齊全得來亦比較集中，而Sheraton更位處滑雪場山腳，可以ski in ski out，最啱專程到來專心滑雪的人。



酒店房間算?敞，帶齊架生滑雪都無問題。

在日本少不了露天風呂，但只限在a Tribute Portfolio。

Kiroro Resort價錢：入住a Tribute Portfolio Hotel Hokkaido連滑雪套票每位約$1,317記者：曾冠輝攝影：梁志永




來源: http://hk.apple.nextmedia.com/su ... t/20161218/19868801

---

太古廣場：仲去日本掃平藥妝？直接送到屋企仲好啦！

1 : GS(14)@2017-01-21 03:35:02

想趁yen再上之前平買藥妝？唔使搶平機票去日本入貨嘅傻豬，呢個世界有Amazon㗎嘛，仲有直送香港㖭！價錢分分鐘仲平過喺日本藥妝店呀、驚安之殿堂買㖭呀，跟家姐嚟網上爆買啦！最近毒霧咁嚴重，梗係要大手入口罩啦。有隻日本好出名嘅口罩，一嚟佢產品名叫「超立體」，戴咗真係唔會頂住口鼻；二嚟佢勾住耳仔條繩係紗布料，又舒服又貼面，家姐我次次都俾人託買勁多，搞到要爆買。呢款口罩七片裝喺藥妝店賣380yen已經覺得好平，Amazon竟然仲只係賣268yen，即係每個口罩都係兩個幾港紙咋！可以大手入貨抗毒霧啦！



另外港女最鍾意托返嚟嘅平面膜都有，阿信屋旗下Kawaiiland都有賣嘅日本Pure Smile面膜，香港一塊賣幾蚊，日本藥妝店有8片裝，Amazon只係賣436yen，除返開每塊都係3個幾港紙咋陰功！一大盒有42塊嘅Lululun Mask都有得賣，仲要同藥妝店免稅個價錢一樣，只係1,500yen！同價之餘最重要係唔使托，42片裝喎，買多幾盒都拎唔到返酒店啦！喺屋企就買到日本藥妝係好high，咁但係運費呢？自從日本Amazon上年開始直送香港之後，運費真係平到笑。當我買三磚Lululun面膜（真係成嚿磚咁）、三包口罩，同埋頭先講嘅Pure Smile面膜，仲有啲洗面乳補充裝咁，埋單運費都只係80幾蚊港紙，就有速遞送到門口。會唔會好耐先？我唔直接答你，我用例子答你：家姐我喺日本Amazon買過兩次嘢，星期三落單，星期六就收到速遞電話到咗門口！仲快過喺日本買完去郵政局寄返香港呀！（除非你寄超貴EMS啦吓）



■咁大盒mask都係同日本同價，仲要唔使自己托返嚟。

■有圖有真相，8片裝都係賣400幾yen咋。

■運費100蚊都唔使，仲計埋個rate畀你睇，唔滿意Amazon個rate仲可以揀返用yen找數。

會唔會驚上網賣嘅係假嘢？放心，Amazon唔係強國嘅產物，你會見到產品賣家其實就係官方，例如喺Amazon賣雪肌精嘅會係Kose，由官方供返貨畀Amazon，分分鐘仲信得過你喺啲不知名又好平嘅藥妝店買呀。唔止女人嘢，日本Amazon買DVD甚至blu-ray都係平到笑，兩者仲要多數同價。之前諗住買返隻《Interstellar》嚟儲，隻blu-ray都只係1,080yen，即係70幾蚊港紙咋！當然係無中文字幕嘅，但都仲有英文同日文揀，英文唔好可以考慮番喺香港用幾百蚊買。



最後，都有啲嘢係Amazon買唔到嘅，因為暫時可以寄嚟香港嘅貨好有限，嚟緊會唔會增加就唔知喇。首先大部份藥品類都唔寄得，龍角散呀、咳丸傷風丸一律NO；另外有啲大牌子例如雪肌精同埋Sofina都係唔賣海外的，梗係啦平咁多，你叫香港門巿仲使做嘅？所以要買呢啲，就要飛一轉日本喇。



【家姐教路】係，日本Amazon係用日文嘅，但其實買嘢都係睇嗰幾樣：產品名、價錢、數量㗎啫。喺Google搵返件產品嘅日文名，再copy& paste落Amazon search bar就可以搵到。最最最緊要係search完要搵左手邊一個叫「絞り込み」嘅物體，其實即係narrow search，㩒呢個再揀海外配送（Amazon Global），就會show晒邊啲貨送香港。唔識咪搵個識日文嘅朋友幫手囉，仲易過搵人幫你托貨返香港啦。



提供上面講過嘅產品日本名畀大家search：超立體口罩：ユニ・チャーム超立体マスク
Pure Smile面膜：ピュアスマイルエッセンスマスク
Lululun面膜：フェイスマスクルルルン



關家姐
http://fb.com/kwangajei本欄逢周五刊出




來源: http://hk.apple.nextmedia.com/financeestate/art/20170120/19902446

---