ZKIZ Archives


債仔被捕 麥基:佢要洗pat 我好矛盾

2013-02-14  NM
 
 

 

上期本刊報導「金融老蠱惑 息誘麥基」,話前上市公司主席陳英鳴,以高息吸咗粵語殘片影星麥基嘅錢無還。文章一出,警方即刻做嘢,上週四喺灣仔拘捕一名五十七歲陳姓男子。小宗即刻打去搵陳英鳴,佢電話已飛去call台。而麥基則話自己開心又矛盾:「佢要洗pat pat(小宗按:大前提係被判罪成兼坐監),其實我都好矛盾,咁我嗰六十萬仲收得番嗎?」佢話搵緊律師商討對策。原來陳英鳴過去一直信誓旦旦還錢,但麥基每次同佢傾,佢都態度輕佻咁話:「我有二、三千蚊,要唔要吖?」有次麥基喺銀行門口等佢「還住十萬」,點知陳英鳴來到話:「哎呀,我只籌到一萬咋!」仲話:「你態度唔好,我又唔還住喇!」麥基次次被激到扎扎跳;債仔惡過債主,又一例證。本週圖片

白花油王子年年都喺維園擺檔賣吓白花油,今年仲喺攤位賣個人專輯,睇吓王子,揸住咁cute嘅福仔,都一副「唧」極唔笑嘅樣,似乎唔係好滿意銷量噃。(嚴寶權攝)

本週對峙

日方大波挑釁

東瀛防護相小野寺五典透露,一月十九日下午中國054型導彈護衞艦「溫州號」以火控雷達瞄準日本

驅逐艦「大波號」,雖然未有開火,但事不尋常云云。

以「大波號」出迎「溫州號」,究竟邊個挑釁邊個先?

即使開火,都唔怪得人嘅噃。

Give me a break平鑽充靚鑽

新年流流,最多春茗飯局,大家互相恭賀之餘,OL仲可以將身上嘅行頭,互相較勁,咁點樣可以平買靚鑽石?批發鑽石予Cartier、Dior、Tiffany的批發商LAZARE KAPLAN東南亞區董事兼副總裁李清輝,就教路話,同為最高級嘅D色,佢哋牌子嘅一卡價錢十八萬,零點九卡只九萬元,價錢差成倍!但肉眼點睇?佢自言做咗呢行幾十年,都分唔到。仲有,原來鑽石並非大粒淨色就叫靚,重點係夠閃。鑽石中D色為最貴,但揀到粒「cut得靚」嘅H色,望落分分鐘閃過同卡嘅D色,價錢又係平一截!要keep住鑽石夠閃,李清輝攞住隻五卡鑽戒話,用最普通的洗潔精加暖水浸,用牙刷擦吓啲罅,望落就閃閃令啦!

金管局出重炮

金管局去年尾話Hibor報價機制無問題,轉頭就被境外監管機構「溫馨提示」,指UBS就Hibor報價可能涉及不當行為。被人笑係無牙老虎,金管局就喺呢個星期、RBS被指操控Libor有結果前做嘢,並引用《銀行業條例》,首次將業界制定的操守準則作為法定指引;違規者,「釘牌」都有之。而Hibor日常運作及監管亦由銀行公會交俾財資會,讓金管局成Hibor的新管理人,「搣銀公柴」。銀行界人士話,金管局過去買大行怕,尤其獅子號,不但係發鈔銀行,細行嘅P(最優惠利率)都唯佢馬首是瞻,影響力大。金管局不時要派班職員巡查銀行,獅子號例以「資料機密」為由,指明非阿head級數嚴禁內進。今鋪金管局揸緊《銀行業條例》呢碌「重炮」,對銀行同新成立嘅金發局來說,絕對係下馬威!

樓市招「愈變愈辣」

市場一直流傳,政府會在上週五再出招打壓樓市,不過事實證明,流料歸於流料。咁究竟流言是如何形成的呢?前星期小宗從地產代理口中收到風,話政府有意效法星洲,對炒賣工廈徵稅。兩日後,facebook就傳出係對第二套住宅徵特別印花稅。再過多幾日,小宗收到whatsapp,話會加重買家印花稅、第三套房停造按揭、及第一季推一萬伙超長樓花期居屋等等,到上週五連改圖創作嘅假政府公告都出埋。呢單嘢,明顯係經紀想谷旺市之舉;但喺度奉勸行會成員,呢排別做物業買賣,免得政府突然出招,就步林奮強後塵矣。

金牙大狀講嘢練乙錚誹謗七百萬人

689出律師信指控練乙錚登喺《信報》篇鴻文誹謗佢。細閱全文,練教授其實係誹謗緊七百萬人。大家睇吓佢點講:堂堂一個香港特別行政長官候選人,得到「江氏紅」中聯辦的點頭去馬之後,是怎樣「斥之乞來」、「呼之不去」,怎樣誠惶誠恐,怎樣卑躬屈膝打哈哈擺和頭酒、最後得到黑道的百分百支持,神一樣替他撐住了比唐氏高的「民意」,讓當時的中聯辦領導得以「名正言順」抬他上位。各位,「民意」係乜呢?此又豈非七百萬人之意向乎?然而在練教授筆下,七百萬人原來並無陳寅恪所講「獨立之精神,自由之思想」,而是聽任黑道扯線擺布者,咁對七百萬人嚟講,又豈非絕大之侮辱?若然689要出律師信,都理應唔係以佢私人名義出,而係代表七百萬市民向練教授討回公道。不過,如果佢都識得咁做,佢又仲係689乎?

債仔 被捕 麥基 佢要 要洗 pat 我好 矛盾
PermaLink: https://articles.zkiz.com/?id=44029

《超人回來了》狂加BB成員刺激收視三胞胎晒pat搶客

1 : GS(14)@2016-04-23 18:37:45

■三胞胎被爸爸出賣公開沖涼片,當中萬歲更露出小屁股。


韓國男星宋一國的4歲三胞胎囝囝大韓、民國、萬歲因演出親子節目《超人回來了》而成為「國民BB」,不過由於宋一國要忙拍劇而攜囝囝離開節目,令《超人》在失去台柱的情況下收視逐漸下跌,近日節目組就決定先後新加三個家庭,望以新血刺激收視。而三胞胎離開節目後,宋一國就頻頻於Instagram晒愛兒的照片,昨日更公開三胞胎沖涼的短片,萬歲更晒小屁股,憑可愛鬼馬維持高人氣。


■宋一國三胞胎雖然已離開《超人》,不過人氣有增無減。


雖然《超人》已於2月時播出三胞胎的最後一集,不過宋一國非常識做,經常於Ig公開囝囝的生活照及有趣短片,讓一眾粉絲可以止癮。昨日宋一國再出招,一口氣公開多段三胞胎新片,當中最吸引的就是三胞胎在浴缸洗澡那段。片中三胞胎在浴缸邊玩玩具,宋一國問大韓在做甚麼,大韓即專心地表示在砌玩具,認真的表情非常可愛。而萬歲因為背對鏡頭而露出小屁股,之後他更興奮地拿着海綿轉向鏡頭,果然是三兄弟中最活躍的一個。而粉絲對於宋一國出賣兒子的行為都連聲稱好,留言「多謝分享」、「三胞胎長大了好多,但依然可愛」等。另外,宋一國亦分別公開三胞胎讀故事書、食雪糕、手持激光劍扮《星戰》白兵的照片及短片,十足十一個新版《超人》。



吳智昊獨湊愛女


未知是否因台柱三胞胎離開節目,《超人》的收視在2月尾開始下跌,而節目組亦要不時加入新血刺激收視,昨日更一次過爆出三個家庭會加盟節目,包括韓劇《茶煲阿四》男星吳智昊、韓劇《3days》女星蘇怡賢的老公印喬鎮,以及男歌手梁東根。據悉三個家庭的女兒都是去年出世,於是節目組以「朋友」為拍攝概念,梁東根已完成拍攝,昨日就輪到印喬鎮和吳智昊的部份,二人要在48小時內獨湊小朋友。撰文:梁雯迪



■蘇怡賢的丈夫印喬鎮昨日攜B女拍攝《超人》,令人期待。

蘇怡賢

■吳智昊前年跟圈外女友結婚,去年12月31日榮升父母。



來源: http://hk.apple.nextmedia.com/entertainment/art/20160423/19582402
超人 回來 狂加 BB 成員 刺激 收視 三胞胎 pat 搶客
PermaLink: https://articles.zkiz.com/?id=299584

霍建華遭翻舊賬贈興裸女晒反光pat坐大髀

1 : GS(14)@2016-07-09 06:36:02

台灣男星霍建華同林心如好事近,好多網民紛紛去佢哋社交網留言祝賀。有人就搵咗一輯霍建華嘅舊照貼出微博嚟「賀」準新郎,相中嘅霍建華西裝骨骨,同一名全身赤裸嘅女子一齊影,嗰位裸女仲趴喺霍建華身上,其中一張係霍建華靠坐喺梳化,裸女坐上佢個身!仲係重要部位對重要部位!雖然話霍建華「被」擰歪面,冇正面望實裸女個胸,但意識已經非常大膽!另一款相係霍建華真空上陣,只着一件白色西裝,裸女趴喺佢身上,個反光pat完全係郁一郁就掂得到!有網民睇完輯相後:「原來我華這麼開放!」亦有人講笑叫準霍太林心如千祈唔好睇,甚至tag佢:「你知道這事嗎?」仲有網民搞笑話睇相就知霍建華對女人冇興趣。





來源: http://hk.apple.nextmedia.com/entertainment/art/20160707/19684330
霍建華 翻舊賬 贈興 興裸 裸女 女曬 反光 pat 坐大
PermaLink: https://articles.zkiz.com/?id=302903

台灣新Note7首爆險炸傷台妹Pat Pat

1 : GS(14)@2016-10-10 04:28:18

換了新的Note7竟然還是發生爆炸!台灣台北市從事美髮業的26歲賴小姐,前日深夜帶着新換10天的三星Note7手機遛狗,但遛狗不到3分鐘,手機突然爆炸,她趕緊將手機從口袋抽出丟到地上,不敢置信的愣住看着手機冒出白煙,氣憤的大罵,「以後不敢再用三星手機了,害我的屁股差點開花!」她指事發時,手機放在牛仔褲後右邊的袋,突然聽見「碰」一聲爆炸聲響,覺得屁股位置熱熱的,趕快把手機秒丟在地。她眼睜睜看着手機冒出約50秒白煙才停下,手機當時仍很燙。她於8月23日花了11,900元新台幣(約2,933港幣),並以月繳1,399元(約344港幣)跟台灣大哥大續約,購買三星Note7手機,從電視報道得知有Note7爆炸的新聞後,上月27日到木柵門市,更換新的手機,使用時沒有任何問題,她也未曾摔過,當她發現比較長時間使用手機時會燙燙的,她就會停止使用。她自稱是三星Note系列手機愛好者,但未來將考慮轉用蘋果或其他品牌的手機,她會要求三星退錢,不會接受三星再更換新機。而台灣三星則回應稱,正積極聯絡當事人,希望收回產品找出原因,未經調查前,該公司仍無法證實自燃事件為新版Note7所致。台灣《蘋果日報》




來源: http://hk.apple.nextmedia.com/international/art/20161009/19795696
臺灣 灣新 Note7 首爆 爆險 炸傷 臺妹 Pat
PermaLink: https://articles.zkiz.com/?id=311256

杜如風遊日被摸Pat

1 : GS(14)@2017-03-04 10:18:40

杜如風昨日在商台分享對日本的愛恨,她表示最恨日本癡漢及日本人的固執:「喺日本真係隨時俾人非禮,搭火車、地鐵都會,但佢哋嘅文化係好proud of俾人非禮,所以唔會有人出聲。」杜如風曾被人摸臀,她說:「我即刻鬆踭,同埋用個袋頂住佢。」她又指日本人很固執,拍攝前要不停開會:「我試過借舖頭拍嘢,出街就5分鐘,但之前開咗兩日會。」問到何時再帶隊去旅遊?杜如風說:「準備咗旅遊節目先,不過?家整親腳,唔跑得又唔跳得,所以地點都未決定,但我好多地方都未介紹過,北海道、九州都未,放心,我邊度都買到嘢㗎。」採訪、攝影:盧妹




來源: http://hk.apple.nextmedia.com/entertainment/art/20170304/19946656
如風 遊日 日被 被摸 Pat
PermaLink: https://articles.zkiz.com/?id=327771


ZKIZ Archives @ 2019