回etam的問題
etam:
睇咗湯財轉載或親自操刀寫嘅供股、殼股、變身股、老千股嘅文章，好嘢！獲益良多獲益良多！
係今次大跌市中，似乎梳打阜嘅證券行做緊嘢，趁勢以大比例瘋狂供股（錦興、英發），蠟埋唔少財困殼股公司啲股權，準備做世界，食大茶飯！
呢啲爛殼一般值幾多錢？市值=淨殼價+資產，這樣計？
梳打老依家收購呢啲重未申請清盤嘅財困公司，會唔會早咗啲？
另外，中國管業單嘢，之前七成五股權（29.52%國中以現金7400萬賣）成咗一億七千萬，會唔會貴咗啲？你認為值幾多？
白武士食咗化工老千葉檔嘢，再打救金廁所，你點睇？可能最著數係個條四眼豪仔，哈哈哈！
greatsoup:
殼價的確是這樣計，但是有以下因素會影響到:
(1) 隱藏炸彈:如在中國有工廠工業股，勞動法規定炒人要賠錢，如工廠有過萬人，年資也不少的話，起碼賠的錢是億億聲。
(2)隱藏融資:如左面好威，問員工借錢，錢放入其他應付款，或當同他做生意入了應付款，甚麼都看是看不出來的。
(3)老闆問題:好似張希，買入幫福控股，賺一筆又買百靈達，點知個原殼主竟然在附近和他開廠和他鬥，結果搞到公司執了，牌又停埋，血本無歸，現在要賣幫福套現救亡啦。
(4)資產轉讓:可能公司以高價購入不明人資產，或以低價售出資產予不明人，以作為殼價一部分。
買殼唔會早，到旺會貴好多，現在買倒是損失幾百萬等旺的皮費。在旺cap一次都幾千萬啦。
我覺得這次賣殼不會貴。一來本業賺錢(一年賺千多萬)，二來第二手殼主張生和新抱仔注入了兩塊地(但可能有問題)，如搞掂都好好賺。我覺得是張生搞中國花了好多錢(認2億新股+10億CB，認股價1毛)，所以要套現吧。
豪仔partner是千億亞洲股神個新抱個老父，後台咁硬，無失敗之理。我覺得是立體金(3D-gold)擴張太快，大股東無錢，所以要用不乾淨方法拿錢，但是大股東算較左面好威、發德正派，殘害股東較少(立體金徬金人、左面好威徬梳打埠證券巨頭、發德徬華匯Henna)，加上國內生意搞得唔錯，大股東也搞得規範，又有文氣、理念、眼光、願景，不是後兩者所及，所以我倒是喜歡他的，但是他英年早逝，生意的不乾淨處過度曝光，結果急跌停牌，但基調仍在，亦有值錢資產，故海化救成功，也許會賺大錢。
P.S.咁馨和應發供股都失敗。