財經評論：劏房越劏越細 肥啲都住唔到
1 :
GS(14)@2016-10-10 00:42:23以前買樓要睇size夠唔夠大，啱唔啱用；而家買樓都要睇size，不過就係掉番轉，睇吓自己個size夠唔夠細，塞唔塞得落呀。最近發展商開嘅則，已經唔係叫「奇則」，升level叫「神則」。有幾「神」？先講四叔嗰兩個盤，一個加多利軒，嗰個閂唔到門嘅廁所，真係隻腳長多兩吋，閂咗門都要頂住呀……人哋話個玻璃門係沖涼嗰陣先閂埋，平時去廁所係閂浴室道門，仲話參考好多酒店嘅設計㗎。嘩，真係唔該晒喎，以前買樓要有家的感覺，但而家發展商嘅設計話畀你知，買樓要有住酒店嘅感覺，酒店都唔只190呎啦（膠囊除外），又唔見你開大啲。另一個南昌一號595呎劏四間房，最細嗰間房得44呎，坐監嘅人均標準空間都49.5呎啦，瞓嗰間房真係仲慘過坐監囉。不過講到明係「神則」，最「神」嘅就梗係396呎劏三房，其中一間仲要得37呎，即係有幾大？都幾大㗎，最少我嗰個4.99呎高嘅同事瞓落去，都仲有少少位剩，不過同事想喺間房拉吓筋、做吓瑜伽就頂住晒囉。人哋個設計剩係畀你瞓，搞咁多嘢做咩啫。都話南昌一號幾有人性㗎啦，點有人性法？咪就係話你知，高過5呎唔好瞓嗰間房囉。其實啲新盤真係好鼓勵較肥嘅朋友減吓肥，就好似田少家族旗下嘅何文田The Argyle，其中一個三房單位，最細嗰間房得30呎，一拉張單人床出嚟，咩位都冇晒，撼贏晒四叔啲「神則」。佢仲有個「賣點」，就係套廁除咗有淋浴間，仲有個超大型洗手盤……係浴缸先啱，佢個size係2.3呎乘1.8呎，深2呎幾。簡單啲講，即係小朋友之外，其他人都唔使旨意浸晒全身。浸浴都係想放鬆吓啫，佢咁嘅size，浸又浸唔晒全身，伸腳又頂住晒，坐落去仲有侷促嘅感覺，肥多少少都未必坐得落，咁浸嚟做乜？所以話，而家買樓或租樓之前，除咗睇你有冇錢之外，仲要睇埋你個身型，又高又肥又大隻嗰啲，有錢又點，啲單位塞得落咩？記者：何紫恩
來源:
http://hk.apple.nextmedia.com/financeestate/art/20161008/19794485
利字當頭：規限越多彈性越細
1 :
GS(14)@2017-05-13 02:03:21「假如某大電視台改用更多人工更低的新演員，觀眾會否因此多了選擇？」喂阿哥，你究竟講緊咩呀？「我意思係，香港冇理由淨係得天皇巨星；假如強制電視台用吓新人，咁咪可以畀觀眾多啲『選擇』囉！」各位讀者，以上對話，雖然全屬虛構。不過，最近競委會公佈的「香港車用燃油市場研究報告」，卻不經意地犯了同樣的思維錯誤。話說，競委會建議，由於香港市場上只有98辛烷值的汽油供應，故此建議在未來批地興建油站時，加入條款要求油公司提供95辛烷值的汽油作選擇，希望可以藉此降低車用汽油零售價。明眼人一睇就知，這種做法根本行不通。我最大的質疑是，為何像競委會般人才濟濟的機構，竟然會提出如此不加思索的建議？請不要誤會，我不是說香港的車用燃油不貴。可是真正問題核心，又可會是簡單的油公司合謀壟斷？之前已經指出過，政府是有意令油價貴以迫使市民傾側向公共交通工具；市場集中和高油價是果，政府才是所有現象背後的最主要因素。其實許多年前在草擬競爭法的時候，我和不少朋友已經提出，假如政府願意就香港社會所有缺乏市場競爭的環節，來一次大清算，我們會舉腳贊成；畢竟沒有政策的扭曲，市場不可能出現反競爭的情況。記得當時政府只推說在某些範疇政府必須介入，市場競爭也不是金科玉律；結果在這個矛盾之下，競爭法終於在掌聲下通過，也沒有人再理會究竟條文細節是否合理。競委法不會令由沒有競爭的市場，變成一個真正的自由市場。越多的規限，只會令市場更加缺乏彈性、更千篇一律，這是根本的問題，可惜從來只有少數人明白當中道理。利世民
http://www.fb.com/leesimon.hk本欄逢周二、四刊出
來源:
http://hk.apple.nextmedia.com/financeestate/art/20170511/20017306
痛心長者捱苦 基層越住越細
1 :
GS(14)@2017-07-29 03:30:16【本報訊】劉小麗在中大任社會學導師近10年，之後轉職理大專上學院。從教室走上街頭再投身議會，只因在學校高談理想，學生踏入社會時卻捱低工資，見不到希望，「只喺個象牙塔度講呢啲嘢，我教唔落去」，走出來是要證明可以將關心的事化為動力。
母患癌啟發人生
訪問中劉多次提到土瓜灣車房被逼遷的個案，清潔工、基層長者苦況如何，「我唔甘心，唔係因為我被DQ，係唔甘心長者捱苦，成個城市重建只係益有錢人，城市變得單一，基層越住越細、越住越貴，呢啲事我都仲有感覺」。除了教書，母親患癌亦啟發劉的人生。她憶述已過世的媽媽當年確診患上末期肺癌，前後經歷6年，當時教學工作特別忙碌，教書同時兼顧學生課外活動，一天要到醫院探望媽媽兩次，「我記得去到一個moment，我真係好burn out，直頭覺得自己生命係點點滴滴走緊」；但面對學生志業及親人生命的承擔，學會了打逆境波，「?家我成日質問自己：呢啲嘢係咪你要做？確定咗就堅定做」。在9個月的議會生涯，劉小麗自問是認真的議員，亦令議會與民間連結的路線變得清晰，認為民間可看政策的盲點，由議員爭取到政府讓步，最終則要回到民間落實推動。即使現在不是議員，她稱仍會在民間繼續工作，支援議會同事，令這條路線繼續保存。■記者陳雪玲
來源:
http://hk.apple.nextmedia.com/news/art/20170728/20104044
稅貸專題：打工仔借稅貸款額越細息率越貴
1 :
GS(14)@2017-12-05 00:54:05■稅貸產品大多附綑綁條款。資料圖片
打工仔不少已經收到稅單，或須向銀行借稅貸救急，雖然今年不乏年息低於1厘的稅貸產品，但大多附綑綁條款，若只計適用於一般客戶的「清水版」，息率普遍達2厘以上，借稅貸前須留意6大事項。第一，借稅貸先要有稅單，申請稅貸時，銀行會要求借貸人提供稅單，若未能提供，銀行或會以私人貸款形式批出貸款，但息率一般會較稅貸息率高。其次，低息附帶綑綁條款，有銀行計及現金回贈後息率低至0.68厘，但要同時申請出糧戶口，而且貸款額只限稅額1倍，上限10萬元；其他條款有綑綁信用卡，或只限公務員等。
宜用實際年利率格價
第三，貸款額越細，息率越貴，「吸睛利率」貸款額要求通常達100萬元以上，還款期為1年，假設貸款額最多為收入8倍，意味需月入逾10萬；10萬元至20萬元貸款額利率通常最貴，不少達3厘以上。第四，實際年利率為格價指標。稅貸息率可分為每月平息，或實際年利率兩個指標，但前者未計及手續費、行政費等，借款人應以實際年利率（APR）為最終參考。第五，還款期多為1至2年，稅貸還款期一般為6個月至24個月不等，還款期越長利息開支其實越高。加上當稅貸未還清，明年又迎來下一個稅季，屆時財政壓力可能更大。最後，打工仔須留意早還款要罰息。稅貸一般設有罰息期，提早還款並無着數。銀行除了會收取手續費外，有機會收回獎賞禮品、現金回贈等。
來源:
https://hk.finance.appledaily.co ... e/20171203/20233282
【比拼臘膶腸】膶腸蒸後越縮越細 煲仔飯達人：含鴨膶比例越多
1 :
GS(14)@2017-12-05 01:04:41紹華小廚老闆朱浚華（華Dee）。
全新旅遊專頁，即like籽想旅行：
https://fb.com/travel.appleseed「紹華小廚」老闆朱浚華（華Dee）說：「市面上大部份膶腸，實際所含鴨膶份量不多，好多都會溝了火雞膶，怎樣選擇呢？真的是蒸出來才知，如果見到膶腸蒸完後越縮越細，那恭喜你，你選擇到真正鴨膶腸！」他入行廿年，由銅鑼灣新翠華炭爐煲仔飯，到現在筲箕灣熟食中心自己開舖，一晚閒閒地都煲二三百煲飯，由他品評臘腸與膶腸夠說服力。
先講評選準則，華Dee：「首先，要看腸衣是否用新鮮腸臟做，現在內地有很多臘膶腸都是用人工腸衣，這決定了腸衣的煙韌程度，另外，玫瑰香味要足，甜味要均勻。」今次他品評市面有售的四款臘膶腸，分別是1952年創立的「和興臘味家」、有七十年歷史的老字號「錦祥號」、奇華和美心。結果如何？睇片啦！
今次比拼選手有四間，左起和興臘味家、錦祥號、奇華及美心。
左二蒸後明顯縮得最小，華Dee表示，膶腸鴨膶成分較高。
記者：何嘉茵攝影：鄧鴻欣
來源:
https://hk.lifestyle.appledaily. ... e/20171130/20229715
日出康城單位越建越細
1 :
GS(14)@2018-02-28 07:35:31【本報訊】日出康城住宅區乃港鐵（066）在將軍澳86區的十年住宅發展大計，區內住宅供應亦見證樓市變化，由「開荒期」的首都，以至近年推售的晉海及Malibu，單位供應越建越細，與早年供應3房或以上換樓市場有所不同。
1至3期主攻大戶
以新社區作發展模式的日出康城，長實（1113）吃頭啖湯，連奪第一至三期住宅發展權，建成1期首都；2期領峯、領都、領凱，及3期緻藍天，除首都設小量2房單位外，主要供應3房及4房大單位。發展商當年「開大則」，乃考慮到區內一群需要換樓的客源，以及吸納對岸港島東舊樓客源，因而供應一般逾700方呎，甚至逾1,000方呎大單位，細單位的比例反而少，大概徘徊10%左右水平。不過，隨着樓價不斷攀升，銀行關水喉收緊借貸，大單位銷情放慢，日出康城項目開則轉攻細戶，新地（016）早前開售的晉海，便是日出康城區首個設有1房細戶的項目。是次會德豐地產的Malibu，1房及2房單位佔去超過1,000伙，比例達68%，由於面積改細，銀碼相對降低，主攻上車客源，因而單位「開則」見證着購買力降低，以細面積遷就購買力的現象。
來源:
https://hk.finance.appledaily.co ... e/20180227/20316692
Next Page