ZKIZ Archives


3T感情路:Yumiko預產期四月

1 : GS(14)@2015-02-10 01:07:28





蔣雅文(Mandy)當年與鄭希怡(Yumiko)和劉思惠(Maggie)組成組合3T闖樂壇,不過僅推出了一張唱片《少女蝶》後,三女拆夥各自發展。Mandy和Maggie先後離開娛樂圈,Mandy孤身到台灣做生意,今年元旦更做了過埠新娘;至於Maggie就轉做品牌鞋店售貨員,上月為男友未婚生仔,成為3T首個榮升做人母。



前年Yumiko就和拍拖八年的化妝師男友梁學儲(Andy)結婚,現時腹大便便的她預產期是今年四月,心情興奮迎接BB出世的她,昨日被問到Mandy患卵巢病一事時,Yumiko在電話說:「了解吓先,唔係好知發生乜事。」



■(左起)鄭希怡、Maggie與蔣雅文曾組3T加入樂壇。資料圖片





來源: http://hk.apple.nextmedia.com/entertainment/art/20150209/19034428
3T 感情 Yumiko 預產期 四月
PermaLink: https://articles.zkiz.com/?id=287742

Yumiko隨時生陀巨肚掃貨

1 : GS(14)@2015-04-01 08:58:08





■鄭希怡前日現身銅鑼灣,陀住巨肚的她步伐輕盈。DV圖片








【銅鑼灣】現年33歲的鄭希怡(Yumiko),前年和拍拖八年的化妝師男友梁學儲(Andy)結婚,去年一擊即中懷B女,今個月便是預產期。隨時生得的Yumiko,近日忙為快將「面世」的B女準備日用品,免她入院後老公會手忙腳亂。前日黃昏約6時,素顏Yumiko由司機接載到銅鑼灣渣甸街,司機將七人車停泊在路邊後,一位相信是商店女職員隨即拿來一張嬰兒座椅走近車旁,坐在車上的Yumiko見到女職員即興奮開車門,再仔細研究對方拿來的嬰兒座椅,收貨前再將手機內照片與實物對照一番,果然升呢當人妻後,變得精明眼。



■鄭希怡見到嬰兒座椅後,再用手機內的照片作比對。DV圖片

■鄭希怡叫司機將嬰兒座椅放入車尾箱。DV圖片


■鄭希怡曾在ig公開B女「樣貌」。資料圖片

健步如飛

Yumiko當日收貨後,再上了一座商業大廈,逗留了個多小時才離開。雖然快將入產房,但首次陀B的Yumiko明顯肥胎不肥人,除了臉部長多了一點肉,當日穿紫色長紗裙配黑披肩的她,手腳仍然十分纖幼,而且挺着巨肚的她依然步伐輕盈,心情亦相當好,見到記者拍照全程保持笑容,但問她是否準備入院生B,她則沒有回應,只笑着跟記者揮手,然後一個箭步便返回七人車離開。採訪、攝影:潘冠恩





來源: http://hk.apple.nextmedia.com/entertainment/art/20150401/19096987
Yumiko 隨時 生陀 陀巨 巨肚 肚掃 掃貨
PermaLink: https://articles.zkiz.com/?id=289186

馮仁昭四圍超:乳名梁浸浸 Yumiko誕5.5磅女

1 : GS(14)@2015-04-09 19:05:03

■Yumiko噚日剛生完,即上載BB女嘅尿片照。互聯網圖片








鄭希怡(Yumiko)噚日朝喺港安醫院為化妝師老公梁學儲生BB女,據知佢今次係擇日開刀。Yumiko噚晚大約7點半左右,喺facebook上貼上BB下半身包住尿片嘅相,喺張相嘅角落頭清楚見到印有港安字樣嘅毛毯放喺床上。喺佢發相短短十幾分鐘後已經有60幾個「like」。不過佢為咗保持神秘感,暫時未公開B女個樣,相信多少都由於媽咪Yumiko貪靚,要等兩母女變番靚啲先可以現身。至於Yumiko噚日講番囡囡出世時話:「BB今朝出世,5.5磅,成個過程好順利,亦都好感動,學習點做媽咪。」而Yumiko就笑住話B女叫做「梁浸浸」,因為噚日涼涼哋。


■Yumiko早前公開大肚照。

物色臍帶血血庫

另外,前日Yumiko喺fb表示已經為BB女物色到一間可以儲存臍帶血嘅血庫,為BB嘅將來以防萬一,最特別嘅地方係嗰間血庫嘅資料係由未有亦不打算生小朋友嘅伍詠薇提供。撰文:馮仁昭





來源: http://hk.apple.nextmedia.com/entertainment/art/20150409/19105411
馮仁 仁昭 四圍 乳名 浸浸 Yumiko 5.5 磅女
PermaLink: https://articles.zkiz.com/?id=289407

「掛到成晚瞓唔到」Yumiko初生B女入ICU

1 : GS(14)@2015-04-10 09:14:47

■Yumiko前日在港安誕下5.5磅B女,BB出世半日即被送到公立醫院ICU,她昨想外出探望卻不獲醫生批准。資料圖片



現年33歲的鄭希怡(Yumiko)初為人母,前日在港安醫院誕下5.5磅女兒梁浸浸(乳名),怎知BB出世不足24小時,前晚在爸爸梁學儲陪同下由救護車轉送公立醫院,昨仍留港安休養的Yumiko直認B女現於ICU,囡囡甫出世即骨肉分離,Yumiko掛念到整夜失眠,昨想外出探望心肝寶貝,可惜不獲醫生批准!


鄭希怡和化妝師梁學儲於去年9月在香港註冊兼擺酒,Yumiko於11月宣佈懷孕3個多月,前日兩夫婦分別在社交網貼B女腳仔相,宣佈囡囡出世了,重5.5磅,因前日天氣涼笑言B女乳名叫梁浸浸。然而,B女在港安醫院出世短短半日,前晚約10時梁學儲被發現陪囡囡由救護車送往公立醫院,記者致電Yumiko了解,但她沒有接聽電話。昨凌晨2時半,經理人霍汶希(Mani)聯絡了Yumiko回覆:「放心,Yumiko剛覆:BB觀察緊,暫無大礙。」昨早8時許,Yumiko透過Mani表示:「現在BB在ICU,希望快些出來。」她透露因原本的醫院,沒有BB需要的專業儀器,所以轉往公立醫院。



■Yumiko前日剖腹誕下女兒,在fb貼囡囡腳仔相。

■阿Sa昨晚收工後趕到醫院探Yumiko,她表示BB情況OK。



阿Sa祖兒現身探望

初為人母的Yumiko跟囡囡骨肉分離兩間醫院,據知前晚徹夜難眠,甫生完BB倦極的她,半夜2時許仍睡不着,超掛念囡囡的Yumiko,昨產後翌日即申請外出見心肝寶貝,可惜不獲醫生批准,令她十分失望!老公在公立醫院照顧囡囡,Yumiko的父母就留在港安陪女兒,剖腹生女的她估計尚要兩三日才能出院見囡囡。昨好友谷祖琳、黃伊汶(Emme)、前經理人Kitty媽等到醫院探訪Yumiko,小谷帶產婦咕
掛到 成晚 唔到 Yumiko 初生 女入 ICU
PermaLink: https://articles.zkiz.com/?id=289440

請假探BB滿面憂心Yumiko又笑又喊:囡囡有進步

1 : GS(14)@2015-04-11 11:43:33

【神情擔憂】■心急如焚去探BB的Yumiko在七人車內木無表情。


鄭希怡(Yumiko)大前日弄瓦之喜誕下乳名「梁浸浸」5.5磅重的囡囡,不過當晚B女由港安醫院轉送到東區醫院的兒童及新生嬰兒ICU,據老公梁學儲(Andy)透露BB的呼吸麻麻。因為Yumiko剖腹生產,所以未能即時出院探望BB,但愛女心切的Yumiko昨日下午2時由老公Andy及助手陪同下,頭戴冷帽及口罩,身穿長衫密不透風離開港安醫院。



老公開路護駕


由於當時下着毛毛細雨加上她傷口未完全癒合,所以每一步都行得很慢,精神雖然不俗,但神情凝重難掩傷感之情。老公一面為Yumiko開路護駕,另一方面又提醒記者小心,之後他們乘七人車離開。七人車大概半小時後到達東區醫院,Yumiko緩緩下車和老公慢步進入醫院大堂等電梯。





【老公護駕】■Yumiko昨由老公梁學儲陪同下離開港安醫院,前往東區醫院探囡囡。

【回復笑容】■探完BB後兩公婆笑個不停。



等候期間Yumiko被問到身體狀況時僅點頭示意,但再問到囡囡肺部是否出現問題時,Yumiko繼續點頭,但已見到眼有淚光。臨入電梯前Yumiko以微弱的聲音說:「唔該晒。」Yumiko事前已透過助手表示不會接受訪問,一切會留待今日出院再談。



回復笑容受訪


Yumiko和老公在ICU逗留一小時後離開,神情顯然輕鬆了很多,更回復笑容,心情轉好的Yumiko今趟主動接受訪問,她說:「今日終於鬆番口氣,頭先醫生話BB好咗好多,開始有進步,好多謝大家呢幾日祝福同關心。」言談間Yumiko表現得很感觸,再問到目前感受時,她的聲音已變得哽咽說:「終於體驗到為人父母緊張同牽掛。」被問到是否為BB哭了很多遍時,她沒有正面回應說:「唉!希望大家所有BB都身體健康。如果BB繼續進步,希望盡快出院。」她又感激這幾天老公的照顧及看護,而自己開刀的傷口已經不痛。稍後Yumiko和老公乘七人車回到港安醫院,兩人心情明顯更輕鬆,對記者的提問亦笑笑口點頭,他們全程保持笑容返回病房,Yumiko則將照原定計劃今日出院。採訪:卓寶花、馬建華攝影:陳俊強、仇志德



■Yumiko懷孕期間一直有將近照放上網分享。資料圖片

■Yumiko於大前日在fb貼囡囡腳仔相。資料圖片

■當年英皇力捧的小花3T都已成為人妻,劉思惠和鄭希怡更於去年及大前日升級做媽媽。資料圖片


■梁漢文昨表示希望好友鄭希怡母女健康。

【全城祝福】梁漢文網友齊打氣

梁漢文昨日到商台宣傳新碟時,談到好友鄭希怡的囡囡「梁浸浸」正於東區醫院的兒童及新生嬰兒ICU留醫,他表示暫時不便打擾她,以他所知BB女沒問題,大家可以放心,希望她母女都健康。另外,亦有媽媽級網友,於網上留言送上祝福,為她們兩母女打氣。網民NG Rozitaaa特別在Yumiko的facebook留言說:「唔好太擔心,我女出生嗰時就係因為呢個問題,即刻入咗ICU……隔咗一陣就冇事㗎喇,醫生都話,BB喺我肚度住慣咗,出到嚟未習慣『換新方式呼吸』。放心~初生BB乜嘢情況都會有,適應番就OK㗎喇!」採訪、攝影:溫敏芝





來源: http://hk.apple.nextmedia.com/entertainment/art/20150411/19108094
請假 BB 滿面 憂心 Yumiko 又笑 笑又 又喊 囡囡 進步
PermaLink: https://articles.zkiz.com/?id=289475

囡囡肺積水有改善Yumiko返家學泵奶

1 : GS(14)@2015-04-12 16:25:30

■Yumiko獲醫生批准出院後,昨日已秘密返家休息。 資料圖片


鄭希怡(Yumiko)上周三在港安醫院剖腹誕下5.5磅女兒梁浸浸(乳名),豈料BB出世不足24小時就要放進氧氣箱送往公立醫院ICU病房,初為人母的Yumiko懇求醫生批准其外出探望初生女兒,終於前日在老公梁學儲陪同下,前往東區醫院探囡囡,原來囡囡是肺積水,經過治療,情況已好轉,而Yumiko昨日就秘密出院回家休息了。



■剛出生的梁浸浸有肺積水情況,要送往東區醫院嬰兒ICU病房醫治。

■Yumiko前日在老公梁學儲陪同下,前往東區醫院探望囡囡。 資料圖片



B女料留院一周

Yumiko剖腹誕下囡囡梁浸浸後,醫生已發現其女兒有氣促情況,所以要把她放進氧氣箱,後來因情況未見好轉,院方為其檢查始發現是肺積水,為安全起見,主趁醫生建議把BB女送往設備較完善的東區醫院嬰兒ICU病房接受醫治。一直擔心女兒情況的Yumiko翌日已要求去醫院探囡囡,但醫生認為其狀態還未可以出院,直至前日才批准外出,當Yumiko看到女兒剛出世就要插喉的樣子,就忍不住流淚起來。初生嬰兒出現肺積水並不罕見,Yumiko是剖腹產子,BB沒有經過自然分娩程序,有部份BB可能未及反應,自行將肺部胎水排出,故才會出現肺積水情況,經院方悉心治療後,梁浸浸肺積水情況已改善,預計留院一周就可以出院。前日探過女兒的Yumiko終於鬆一口氣,乖乖返回醫院休息,而昨早醫生檢查過她的健康情況後已批准出院,之後Yumiko在老公陪同下,秘密出院返家休息。據悉當囡囡稍後出院回家,Yumiko會以人奶餵哺,連日她來已學習泵奶。經理人霍汶希(Mani)昨日被問到Yumiko是否已出院,她證實說:「今朝已經出院返屋企,噚日佢見咗BB已經放心,心情好咗好多,多謝大家關心。」採訪:鍾國仁





來源: http://hk.apple.nextmedia.com/entertainment/art/20150412/19109144
囡囡 積水 改善 Yumiko 返家 學泵 泵奶
PermaLink: https://articles.zkiz.com/?id=289498

馮仁昭四圍超:Yumiko金鏈為B女打氣

1 : GS(14)@2015-04-13 09:01:37

鄭希怡(Yumiko)嘅B女梁浸浸(乳名)因為呼吸問題,目前仍在東區醫院留醫。Yumiko前日返家坐月,請咗陪月工人照顧,而佢嘅父母亦都返咗香港探兩母女。喺屋企休養嘅Yumiko雖然冇再到醫院,但就喺社交網貼金鏈相為愛女打氣:「我出院先,你乖乖哋,養好身體再出院,呢個係Auntie Sa送畀妳的禮物,妳抖順條氣,返到屋企我就幫你戴。」撰文:馮仁昭





來源: http://hk.apple.nextmedia.com/entertainment/art/20150413/19110077
馮仁 仁昭 四圍 Yumiko 金鏈 鏈為 打氣
PermaLink: https://articles.zkiz.com/?id=289548

囡囡留院兩周提心吊膽Yumiko接梁浸浸團聚

1 : GS(14)@2015-04-22 22:35:08

■Yumiko在Instagram上載梁浸浸的大頭照,B女精靈可愛,是美人胚子。互聯網圖片


鄭希怡(Yumiko)在本月8日於港安醫院剖腹生了5.5磅的B女「梁浸浸」,不過,梁浸浸出生不足24小時,因呼吸系統出現問題及有肺積水情況,要轉送東區醫院ICU,令人擔心;幸好留院兩個星期後,梁浸浸終於可以出院。
Yumiko和老公梁學儲昨日分別在不同社交網貼相,公佈梁浸浸出院的好消息,又貼囡囡大頭相,梁浸浸雖然只有兩星期大,但眉清目秀,不但有雙眼皮、而且鼻仔高高、下巴尖尖,五官清秀,絕對是美人胚子。本報透過短訊恭喜Yumiko,她就透過短訊回覆:「多謝關心。」



■Yumiko早前公開與女兒拖手的照片,場面溫馨。資料圖片

■梁學儲在Instagram展示接女戰車,又代囡囡留言致謝。



老公扮囡囡留言致謝

昨午Yumiko更向傳媒報平安:「梁浸浸已經返咗屋企,我諗佢第時一定會係好獨立及貪玩小朋友,因為佢一出世想自己靜吓,出去住一排,跟住先肯返屋企。」
Yumiko續說:「喺呢段時間我好提心吊膽,亦都好擔心,好珍惜每日喺醫院見佢好短暫時間,但幸福往往嚟得好突然,喺我毫無準備下,醫生就話其實佢而家情況都開始穩定,你會唔會想帶佢返屋企?嗰一刻好開心,亦都好多謝東區醫院醫生及護士喺呢十幾日對佢悉心照顧,令佢好番得咁快。」Yumiko又感謝所有朋友同事、傳媒朋友、網上朋友對佢鼓勵及打氣。她更解釋女兒梁浸浸名字由來:「上海話係『亮晶晶』。」而她老公梁學儲就在社交網站代囡囡留言說:「我出院啦,多謝各位一直為我打氣同祝福,更衷心地多謝東區醫院所有哥哥姐姐。梁浸浸上」採訪:小米



■梁學儲和Yumiko等足兩星期,終於可以接B女返家,非常開心。資料圖片

■梁浸浸之前在東區醫院留醫,現已康復回家。攝影:陳順禎



來源: http://hk.apple.nextmedia.com/entertainment/art/20150422/19120564
囡囡 留院 院兩 兩周 周提 提心 心吊 吊膽 Yumiko 接梁 浸浸 團聚
PermaLink: https://articles.zkiz.com/?id=289815

Yumiko生B要排隊

1 : GS(14)@2016-02-02 15:58:08

鄭希怡(Yumiko)和袁彩雲昨日在西貢拍攝美容品牌廣告,Yumiko囡囡梁浸浸出世時因心臟問題需要服藥,她早前宣佈囡囡已康復:「心臟問題已經好番,呢樣係我踏入今年最開心嘅事,出街有啲媽咪會主動話替我開心,又話係我個女嘅fans。」問到會否再追多個孩子?她笑說:「等丁丁(應采兒)生先,我哋有次序,佢到我再到黃伊汶。」袁彩雲透露帶同兩歲半囡囡回港過年,讓她感受中國傳統氣氛,她又說:「順便探吓姨甥,見到姨甥女好得意,我都想生。」採訪、攝影:馬建華





來源: http://hk.apple.nextmedia.com/entertainment/art/20160202/19475360
Yumiko 排隊
PermaLink: https://articles.zkiz.com/?id=295076

Yumiko蕩失路兩頭騰

1 : GS(14)@2016-04-12 18:16:38

【中環】鄭希怡(Yumiko)啱啱至幫完囡囡梁子柔(梁浸浸)慶祝完生日,前日就撇低囡囡去做按摩同facial輕鬆吓,點知仲反而左撲右撲。
Yumiko前日戴住黑超現身中環,見佢周圍望搵緊路,又走入食肆問夥計,夥計指手劃腳一輪,Yumiko跟住個提示方向行都係搵唔到,佢又走去問大廈保安,但個保安就指番回頭路,行返轉頭嘅佢兩頭騰都係搵唔到,佢又再入士多問人,又係手指指教路,最終來回騰咗半個鐘,攰到要入7仔買飲品唞唞,然後見佢打電話搵人求救,好彩最後都搵到,但原來就係最初搵到嗰個地方。採訪、攝影:徐錦池、畢紹基





來源: http://hk.apple.nextmedia.com/entertainment/art/20160412/19567088
Yumiko 蕩失 失路 兩頭
PermaLink: https://articles.zkiz.com/?id=299108

Yumiko跟囡囡學嘢

1 : GS(14)@2016-05-08 02:09:14

潮媽鄭希怡(Yumiko)日前接受藥品品牌的母親節專題訪問,談到其得意爆燈的囡囡梁子柔(梁浸浸),Yumiko坦言至今感覺有點不真實,她說:「以前習慣咗俾屋企人同公司照顧,而家要照顧囡囡,真係有啲手騰腳震,我仲會反問自己係咪湊得掂。」她還說:「我成日都會上網搵資料,而家我先明白媽咪嘅傳統智慧真係好寶貴,我都會諗番嗰陣媽咪點樣照顧我,再用番同樣嘅方法照顧梁浸浸。」
Yumiko還搞笑地說:「其實我都喺囡囡身上學咗唔少嘢,好似佢啱啱學嘢,我成日喺佢耳邊講『媽媽、媽媽…』,希望佢第一句係叫媽媽先,點知到咗嗰日佢竟然先叫『爸爸』,佢教曉咗我一件事,就係努力唔一定有收穫!」撰文:唐琛悠





來源: http://hk.apple.nextmedia.com/entertainment/art/20160506/19599414
Yumiko 囡囡
PermaLink: https://articles.zkiz.com/?id=299904

怕變怪獸媽媽Yumiko:唔該打醒我

1 : GS(14)@2016-05-21 17:49:38

■Yumiko接受本報專訪,許下諾言不會做怪獸家長。


鄭希怡(Yumiko)的囡囡梁浸浸(乳名)萌爆得到網民大愛,人母角色顛覆了她的人生,大前日她在旺角接受本報專訪說:「以前唔想要小朋友,都係唔想負呢個責任,我對自己健康唔會好注重,但小朋友有乜唔舒服,我會好緊張。」梁浸浸出世時心臟有5mm的窿,被轉送東區醫院ICU,當時Yumiko仍在港安醫院:「醫生話我由床頭行直線到門口就畀出院,其實真係好痛,我要扮到冇事。」



■梁浸浸沒有學習壓力,Yumiko只希望女兒能享受人生。資料圖片

■Yumiko為愛女決心學廚,炮製愛心食品。互聯網圖片



望愛女享受人生

為母則強的Yumiko說:「當時佢好細好弱,全身都插管,我覺得佢好可憐!我有諗係咪關我事?係咪我以前冇食多啲嘢,令到佢冇咁健康?我會怪自己,同自己講要照顧佢快高長大,以前我唔煮嘢食㗎,而家會睇書諗新菜式煮畀個女食。」
Yumiko會成為怪獸家長嗎?她笑說:「我同朋友講,如果feel到我變怪獸媽媽,唔該你打醒我,我唔會畀壓力下一代,自己都唔係喺名校,其實佢唔需要學好多嘢,佢又冇返playgroup、又冇學flash cards,佢乜嘢都唔識㗎,但我畀佢見好多親戚朋友,佢唔怕陌生,我覺得識得同人相處,畀佢識好多顏色、英文字重要啲囉。」現代家長注重起跑線,Yumiko卻說:「唔需要,佢輸得啦!希望佢做一個對社會有貢獻嘅人,享受自己人生。」撰文:余燕儀髮型:SingTam化妝:Circle Cheung場地:Highfly studio





來源: http://hk.apple.nextmedia.com/entertainment/art/20160519/19617653
怕變 怪獸 媽媽 Yumiko 唔該 該打 打醒 醒我
PermaLink: https://articles.zkiz.com/?id=300724

Yumiko做打碟辣媽挑機瓊姐:你係邊個?行出黎!

1 : GS(14)@2016-05-21 17:49:38

■Yumiko學了打碟4年,早前她見女兒漸漸長大,抽空到上海擔任DJ打碟重新投入工作。攝影:葉君海


女兒長大Yumiko決定復工,早前她到上海做打碟辣媽,不怕到夜店打碟被酒客性騷擾?她說:「我識泰拳嘛,我唔怕喎。」下月Yumiko又到上海拍劇,跟囡囡天各一方:「真係好掛住佢嘅話,可能會叫佢嚟一個禮拜。」報酬不是重點,她說:「我嘅人生唔應該只係喺屋企,想演戲想工作想見多啲出面世界。」



想知瓊姐係邊個

Yumiko真名叫鄭列瓊,以前家住慈雲山,網友借用她的名稱改名「慈雲山鄭列瓊」,在網上世界橫行多年,正牌瓊姐Yumiko說:「嗰時自己已經好奇,唔知佢係邊個,不過都鍾意佢用自己個名,如果唔係邊有咁多人知瓊姐,哈哈!但真係唔係我,我邊有咁好文采。」





來源: http://hk.apple.nextmedia.com/entertainment/art/20160519/19617745
Yumiko 做打 打碟 碟辣 辣媽 媽挑 挑機 機瓊 瓊姐 你係 係邊 邊個 行出 出黎
PermaLink: https://articles.zkiz.com/?id=300725

Yumiko拖女家庭樂梁浸浸未玩夠

1 : GS(14)@2016-07-12 22:08:10

【學行萌爆】■梁浸浸開始學行,前日在西貢周圍走,似乎未玩夠。








【西貢】鄭希怡(Yumiko)女兒梁子柔(梁浸浸)已經15個月大喇!自從出世後,她的人氣已經比媽媽更強勁,不過Yumiko一點都不介意,還經常為梁浸浸上載最新的成長圖輯,大家眼見梁浸浸一日一日快高長大,見證她越來越可愛得意!早前有不少廣告商向梁浸浸招手,但Yumiko仍然要細心考量,只怕囡囡年紀小太辛苦。曾經講過不怕輸在起跑線上的潮媽Yumiko,除希望囡囡開心健康地成長,還要給梁浸浸一個快樂的童年,她果然是身體力行。日前Yumiko與家人帶着愛女梁浸浸一起去海洋公園遊玩。



【共敍天倫】■Yumiko與丈夫帶着囡囡梁浸浸,準備上車離開。

■日前Yumiko與家人帶梁浸浸到海洋公園遊玩。互聯網圖片


■剛剛學行的梁浸浸新車落地,榮升車主。互聯網圖片

囡囡揸靚車

前日Yumiko與丈夫梁學儲(Andy)又帶着梁浸浸,還有外公外婆,現身西貢海鮮街的停車場,大約下午2時許,他們一行人到泊車處取車,萌爆的梁浸浸開始學行,她拖住爸爸好似小企鵝一樣,左搖右擺行過馬路,由於他們的座駕好近馬路邊,Andy要拖着梁浸浸在馬路上車,梁浸浸意猶未盡,似乎還未玩夠,仍然想周圍行來行去,一班大人只好圍住她,再抱她上車。另外,潮媽Yumiko繼續為愛女po相,剛學行的梁浸浸已經收到一架新車,成為車主,Yumiko昨日在Instagram貼相,留言:「新車落地,你要快啲考番個車牌,一齊去遊車河啦!小心駕駛,一路順風!」採訪、攝影:潘冠恩、畢紹基





來源: http://hk.apple.nextmedia.com/entertainment/art/20160712/19690589
Yumiko 拖女 家庭 樂梁 浸浸 未玩 玩夠
PermaLink: https://articles.zkiz.com/?id=303418

【馮仁昭四圍超】Yumiko潮唱洗腦雞歌

1 : GS(14)@2016-08-16 06:11:28

高登網民嘅潮文:「雞,全部都係雞」瘋傳,更被配上古典音樂《夢中的婚禮》旋律變洗腦歌,蔡卓妍同鄭希怡(Yumiko右)都唱埋一份,Yumiko仲將合唱短片貼喺社交網,兩女勁扭蛇腰大唱:「雞,全部都係雞,全部都係雞……」但係佢哋唱到第9秒已經笑到停咗,網友留言:「活捉兩個蛇精病!」Yumiko透過短訊回覆:「呢排同阿Sa拍緊戲,盧巧音畀咗條片我睇,成個腦都係呢首歌,玩吓啫!」撰文:馮仁昭




來源: http://hk.apple.nextmedia.com/entertainment/art/20160815/19736186
馮仁 仁昭 四圍 Yumiko 潮唱 唱洗 洗腦 腦雞 雞歌
PermaLink: https://articles.zkiz.com/?id=305963

Yumiko一個夠數

1 : GS(14)@2016-09-10 13:54:50

潮媽鄭希怡(Yumiko)昨日在尖沙嘴出席活動時透露,時裝品牌會開設pop-up store,但暫時不考慮長期開實體店,被問到會否追多個?她謂:「呢個擺到好後,冇計劃,暫時一個都好夠。」剛於本月6日度過35歲生日的Yumiko,生日跟老公梁學儲及囡囡梁浸浸去了有陽光與海灘的地方旅行,她說發覺囡囡很愛游泳。




來源: http://hk.apple.nextmedia.com/entertainment/art/20160910/19765946
Yumiko 一個 夠數
PermaLink: https://articles.zkiz.com/?id=308522

Yumiko讚梁浸浸識擺甫

1 : GS(14)@2016-09-24 23:30:53

鄭希怡(Yumiko)前晚在尖沙嘴出席自家品牌和LCX合作的慈善義賣tee活動,她說:「出咗一啲T恤捐去童夢慈善基金,印咗幾百件,都係自己設計,希望可以賣哂。」
Yumiko靈感來自囡囡梁子柔(梁浸浸):「諗咗正面訊息,叫朋友畫出來,呢個好互相影響,佢係開心嘅小朋友,大家互相感染,佢又好開心帶畀我哋好多笑聲,希望將正能量帶畀其他家庭,我想將呢啲衫整童裝畀個女着。」並指不想囡囡當模特兒:「我自己影晒幾套衫都好攰,睇佢第日得唔得意先啦!不過可能我敏感,覺得佢識擺甫士,好喜歡影相,佢快歲半。」採訪、攝影:盧妹




來源: http://hk.apple.nextmedia.com/entertainment/art/20160924/19780097
Yumiko 讚梁 浸浸 識擺 擺甫
PermaLink: https://articles.zkiz.com/?id=309874

【馮仁昭四圍超】Yumiko黑色鬥雞誘瓊姐落叠

1 : GS(14)@2016-09-28 05:04:28

■Yumiko搽黑塊面兼玩鬥雞,造型出位。





網絡紅人高登瓊姐「慈雲山梁列瓊」現真身?原來係「真.鄭列瓊」鄭希怡(Yumiko)為Sony宣傳電子遊戲,惡搞動漫角色,變身黑人女王挑戰高登瓊姐,事關對方用黑人女星Tiffany Pollard作為社交網icon相,由於Yumiko呢個造型太出位,瓊姐即據為己「用」轉新頭像,留言:「終於以真面目見大家。」
Yumiko噚日喺電話大笑表示:「呢次真係唔止梁浸浸(囡囡)認唔到我,媽咪都認唔到我,跟住我樓下嘅看更都認唔到我,哈哈!」問搽到塊面咁黑,有冇嚇親梁浸浸?Yumiko話:「咁又冇,佢係一個好大膽嘅小朋友,返到屋企梁浸浸瞪大眼望住我,望咗好耐,呆咗!」至於高登瓊姐攞咗佢張相用,Yumiko抵死話:「大家一直對瓊姐好好奇,好想知佢係邊個,佢都係時候現真身嘞!」



■高登瓊姐個fb頭像已換咗Yumiko張相。

■曾江扮電玩《街頭霸王》嘅司令,入型入格。


曾江扮司令

另外其他有份拍宣傳硬照嘅藝人,包括曾江扮電玩《街頭霸王》嘅司令、同韓星宋仲基「撞臉」嘅張松枝扮「軍佬」;周柏豪扮漫畫《鐵拳浪子》嘅矢吹丈,而蘭桂坊之父盛智文嘅造型似足《哈里波特》角色佛地魔,杜小喬則似虛擬歌手初音。撰文:馮仁昭




來源: http://hk.apple.nextmedia.com/entertainment/art/20160928/19783760
馮仁 仁昭 四圍 Yumiko 黑色 鬥雞 誘瓊 瓊姐 姐落 落疊
PermaLink: https://articles.zkiz.com/?id=310434

Yumiko爭寵輸畀梁浸浸

1 : GS(14)@2016-11-20 23:52:03

鄭希怡(Yumiko)昨日穿低胸及大露背裝現身尖沙嘴,擔任一間化妝品專櫃明星店長,她更即席為女顧客護膚及推介產品。穿上超性感長裙的Yumiko笑指沒有經老公過目,因自己在老公眼中的重要性,隨着女兒「梁浸浸」出世後已被取代。她又指梁浸浸開始愛上扮靚:「我化妝時佢會好留意我,有次我拎轉背執袋,佢拎咗我支唇膏搽上塊臉,變成花臉貓。」日前Yumiko已為好姊妹蔡卓妍(阿Sa)預祝生日,問到送甚麼生日禮物?她笑說:「係咪要送靚仔?唔使啦!佢咁多人追,祝佢永遠開心幸福。」不少人想透過Yumiko認識阿Sa,她表示也會先為姊妹過濾朋友。採訪、攝影:馬建華




來源: http://hk.apple.nextmedia.com/entertainment/art/20161119/19838500
Yumiko 爭寵 輸畀 畀梁 浸浸
PermaLink: https://articles.zkiz.com/?id=316264

Yumiko指祖兒恨生B

1 : GS(14)@2017-01-07 00:29:07

薛凱琪(Fiona)和鄭希怡(Yumiko)昨日到灣仔出席護膚品牌活動,Yumiko稱囡囡「梁浸浸」經常會跟她一齊用護膚品:「佢見到我用乜又會跟住,試過攞咗自己搽pat pat啲尿片膏搽到成面都係。」至於可有計劃再追多個小朋友?她說:「唔會咁快,係都祖兒先啦,佢好錫梁浸浸,不過都係要等佢忙完先。」



■Fiona昨透露前晚因工作未能出席港台頒獎禮領獎,大嘆可惜。

早前Fiona為品牌拍攝廣告,她表示今次是多年來拍得最舒服的廣告,因為只要打坐、做瑜伽的動作。Fiona前晚缺席「十大中文金曲頒獎禮」,但仍獲十優歌手獎,她說:「因為有其他工作撞咗時間去唔到,噚晚知道有獎後我開心到大叫,一半係多謝港台,另一半係嬲自己去唔到。」採訪:曹家誠攝影:葉君海




來源: http://hk.apple.nextmedia.com/entertainment/art/20170106/19887689
Yumiko 指祖 祖兒 兒恨 恨生
PermaLink: https://articles.zkiz.com/?id=321652

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019