ZKIZ Archives


Shine黑夜摸索7個鐘

1 : GS(14)@2014-11-03 22:40:47



組合Shine前晚在葵涌出席「奧比斯盲俠行」活動,第一次參與夜行籌款活動的Shine說:「其中一段路要蒙眼行,畀大家去感受睇唔到嘢嘅感覺,我哋做音樂會時,有啲環境都會好黑,都要靠耳仔去聽聲。雖然要行到天光,成個行程接近7個鐘,但做善事一定堅持。」而Shine本身也是佛教徒,徐天佑表示經常為宗教活動做義工。黃又南剛於北京拍完電影返港,問到患有哮喘的他有否受到霧霾影響呼吸?又南說:「我喺郊區拍,空氣比較好,但一返入城市即刻感覺到個差別,不過我哮喘都冇發作。」此外,天佑表示稍後會自導自演一部愛情微電影,戲未開已感受到壓力。採訪、攝影:盧妹



【三個粉絲去首爾】追星實錄,即上韓劇讀: http://hk.apple.appledaily.com/kstar




來源: http://hk.apple.nextmedia.com/entertainment/art/20141103/18921342
Shine 黑夜 摸索 個鐘
PermaLink: https://articles.zkiz.com/?id=286295

兩棲發展:Shine拆夥又重組

1 : GS(14)@2015-10-07 01:32:03

現年32歲的徐天佑,01年與黃又南組成男子組合Shine,與Twins同期出道,二人都是由導演陳果發掘。翌年,Shine有份拍攝電影《香港有個荷里活》及《一碌蔗》等,在樂壇頒獎禮亦獲得組合獎項,成績不俗,成名歌有《祖與占》、《燕尾蝶》等。07年,兩人宣佈分開發展,Shine正式拆夥,直至12年,Shine在黃偉文的作品展再次合體演出,大受歡迎,之後重組開演唱會及錄歌。天佑入行以來,緋聞不多,最為人知是02年與楊愛瑾(Miki)拍拖5年,二人再見亦是朋友。





來源: http://hk.apple.nextmedia.com/entertainment/art/20151006/19321782
兩棲 發展 Shine 拆夥 夥又 重組
PermaLink: https://articles.zkiz.com/?id=292771

Shine 15周年想開戶外騷

1 : GS(14)@2016-07-09 06:47:41

Shine和譚玉瑛昨日到尖沙嘴出席活動,Shine最近分頭行事,徐天佑為新歌《史上最遠離家出走》宣傳,黃又南為電影開工。天佑表示年底會推出迷你專輯:「下半年會做多啲音樂,有live show,年尾會出碟。」問他們何時合體出碟?又南說:「而家都係單首形式,有想做嘅題材就做,唔會刻意出碟。」黃又南指現時聽歌模式不同,樂迷會網上買歌,天佑說:「我自己會出碟,不過都係限量,係情意結嚟,覺得都係實體好。」明年是Shine出道15周年,他們正計劃舉行演唱會:「都希望係紅館嗰類大場,戶外都有興趣,感覺特別啲。」採訪、攝影:盧妹





來源: http://hk.apple.nextmedia.com/entertainment/art/20160708/19685775
Shine 15 周年 想開 戶外
PermaLink: https://articles.zkiz.com/?id=303042

Shine配音喪嗌出血

1 : GS(14)@2017-04-04 08:59:27

Shine昨日在青衣為配音卡通電影做宣傳,又學扭主角造型氣球,兩個大男人都扭得不錯。徐天佑指今次配音有別於以往角色,全程要不停喪嗌:「頭一日配咗幾個鐘經已聲沙同感覺到喉嚨有血味,跟住導演叫我哋提早收工,第二日再配過。」黃又南指本身並非專業配音員,所以只懂不停嗌,幸好導演翌日準備潤喉飲品護聲。配音配到出血,豈不是收到可觀血汗錢?天佑說:「唔講呢啲,係咪都要落力。」經過今次工作令他們發掘到自己跳脫一面,天佑笑指可以練定將來用這種聲線講故事給小朋友聽,問到何時生B?他說:「計劃緊,未咁快,仲有少少時間。」採訪、攝影:馬建華




來源: http://hk.apple.nextmedia.com/entertainment/art/20170403/19978166
Shine 配音 喪嗌 出血
PermaLink: https://articles.zkiz.com/?id=329166

蔡卓妍×Shine 本色聲演 重聚於藍精靈村莊 2017-04-07

1 : GS(14)@2017-04-10 01:14:07

https://www.am730.com.hk/news/%E ... d%91%e8%8e%8a-73297

自從15年前,蔡卓妍(阿Sa)與Shine二子合拍《這個夏天有異性》後,今年三人在動畫電影《藍精靈:迷失的村莊》再合作,齊齊聲演「十分勁」的《藍精靈》角色,各人分開配音,在宣傳訪問期間,才有機會聚頭,卻不減彼此了解,首先為「美芝」角色配音的阿Sa,不假思索便猜中Shine聲演的角色,「天佑一定做『智多星』,佢係精靈啲,又南說話很論盡,一睇就係『論盡仔』!」黃又南和徐天佑直認是本色聲演,天佑亦鬼馬回應,「佢都話自己似『美芝』,好良善、有冒險精神、又多好朋友啦……」且聽他們親自解畫,究竟跟角色有幾似?

文:許惠敏
圖:鍾式明、蘇文傑
服裝:Paul Smith (Shine)
髮型:Louis Tse@ POPEIGHT (Shine), Sing Tam@Orient4 (阿Sa)
化妝:Henry Tse@ BigC styling(Shine), Natalie Soo@ndn.co (阿Sa)
news-images
阿Sa與Shine為動畫配音,表情趣怪。

阿Sa愛冒險 首配靚靚女聲
《藍精靈》是比利時漫畫家Peyo的作品,曾多次被改編成電視或電影動畫,在八十年代引進香港播放,主題曲「藍精靈,十分勁」曾經唱到街知巷聞,故事圍繞百多隻深藍色、3個蘋果般高的人形精靈群體,每隻都性格鮮明,唯獨美芝例外,「因為佢唔係藍精靈,集合所有性格,我最似美芝。」《迷》片的美芝為追尋身份之謎,於是與智多星和論盡仔等友伴離開村莊,展開歷險旅程。阿Sa自言跟美芝相似,都是有勇氣、愛冒險的人,經常趁假期即興買機票,一個人去旅行,偶爾也會令朋友擔心,「試過自己去沖繩睇椎名林檎演唱會,打算兩日一夜唔住酒店,聽說那裡有『星砂』沙灘,本想晚上瞓沙灘,地上係星星,個天又係星星,好浪漫,點知俾阿嬌(鍾欣潼)狂鬧『黐線!一個女仔……』」為使好姊妹安心,唯有乖乖訂酒店房,她語帶無奈,「我覺得瞓沙灘浪漫啲,我住那間賓館很細,自己對住四幅牆,很慘。」



爆祖兒是諧星
縱然,阿Sa愛獨個兒闖盪,卻從未想過要離家出走,「不會咁笨,有同學離家出走,無嘢食又要搵地方住,好慘,屋企有食有住,點解要走?最多俾人鬧,我由細到大都被鬧慣,鬧下又唔會痛。」即使初入行,曾因應付工作壓力,閃過出走念頭,始終沒有實行,「年紀愈大,愈來愈多責任,更難拋開一切,若走了,阿嬌、阿爸、阿媽、阿嫲點算?」與其想著出走,倒不如盡力適應,入行多年,阿Sa很懂得忙裡偷閒,善用短途旅程充電,「這動畫配音改期,有幾日沒事做,便去日本玩,阿媽知我獨自去,於是陪我,買機票時,我正在修甲,修甲姐姐又話好吸引,唔夠12小時後,買機票一齊去!」3個女子一拍即合。她笑言,最享受吃到飽得捧著肚子,只要肯吃肯玩,就是「旅伴」。談到玩樂,阿Sa表現雀躍,提到她與容祖兒參與內地真人騷《奔跑吧兄弟》時,更是笑得合不攏咀,「只有站在台上,容祖兒才是有氣勢的Diva,私底下,她真是個諧星,每日由早笑到晚,玩一個我們很熟悉的遊戲,她明明已經勝出,卻又唔知,激到拍檔吐血,我要勉勵她的拍檔,唔好氣絕身亡!」回想當時情景,阿Sa模仿祖兒的語氣,引來哄堂大笑。



聲演靚女
過去,阿Sa曾為不同類型的動畫配音,但都不及聲演美芝感覺新鮮有趣,「以前都是配男仔或較中性的角色,第一次做女仔角色。」她解釋,「通常與阿嬌一齊配音,她一定係做靚女,我亦無所謂。其實我也配過女仔,做小丸子,都唔係靚女。」對她來說,能夠參與配音已是一大樂趣,「我細個已經好喜歡配音,睇電視會調校音量到很細聲,自己創作對白來配音。」雖說自小已養成「配音癮」,但聲演美芝,還是有新挑戰,「有一場戲,美芝要扮牢騷王,要很快轉聲,最後,她又要用另一把聲對付巫師加達,像人格分裂,但幾好玩。」回想最深刻的配音經驗,她首選是13年前與阿嬌為《小飛俠彼得潘》配音,她聲演真人版小飛俠,「第一次配較長的卡通片,當時很忙,我與阿嬌一齊來到錄音室,我配音時,她瞓梳化,她配音時,我瞓梳化。」
news-images
又南自爆在配群戲時,曾經認不出自己的角色論盡仔。
news-images
美芝為解開身世之謎,跟論盡仔和智多星誤闖禁足之林,展開歷險旅程。

Shine合體聲演動畫 談15周年大計
出道15年,Shine已開始籌劃合體演出,打頭炮是為《迷》動畫配音,接著會參與一齣港產片拍攝,至於fans熱切期待的紀念演唱會,因紅館檔期爆滿,則可能要等到2018年。原來,又南和天佑對上一次齊齊為動畫配音,已是2003年的《星空奪寶》,當年他倆聲演的是真人,今次才首配小精靈角色,又南聲演論盡仔,天佑則演智多星,雖說角色與兩人性格是絕配,但不代表是手到拿來,由於初期未能掌握聲線運用,試過配到「走音」,又被導演嫌力度不夠,更蝦碌地找不到自己的角色,由配音室到接受訪問,可謂笑料百出。



戲裡戲外皆老友
訪問期間,兩人不時即場示範,說到興奮時,又南連電話也掉在地上,天佑禁不住搶白道:「你睇佢幾似角色!」被拍檔踢爆,又南也毫不介懷,「其實我真係好似論盡仔,好大頭蝦,唔見銀包,搵好耐,原來在袋裡,經常自己嚇自己!」戲裡的智多星與論盡仔老友鬼鬼,天佑表示:「我們的關係跟戲內一樣,都幾得意,他說唔見了銀包,我的反應會跟智多星差不多,『唔使理佢,陣間會搵番!』」每次又南慌亂找失物,天佑總是氣定神閒,又南形容,「我哋同角色都好似,喺戲入面又好老死,真係本色演出!」天佑不諱言,自己跟智多星的發明家個性頗為相似,「我細個會好無聊地發明啲東西,現在又喜歡創作,故事講述他喜歡冒險,有書有工具又計劃一切,我都係這樣的人,但無佢咁謹慎。」在小學期間,他更曾以DIY的手作做生意,「試過將遊戲機的角色,畫成紙板公仔,又會自製磁石貼紙,返學校開價一蚊、兩蚊賣俾同學。」至於生意如何?他直言乏人問津,「只係賺了幾蚊,磁石係無人買,因為手工有點遜色……」



最緊要夠誇
事隔14年,重拾動畫配音工作,兩人異口同聲表示,確實不易,「我一向配音都快,以前試過為國語對白配廣東話,所以信心十足,但今次配動畫,真係有啲難度。」天佑回想,最難適應是初入配音室的幾小時,「唔係太識運用把聲,不斷走音。」隨即他示範走音式呼喊論盡仔,又扮喘氣跑步,「其實真係要好似Hugh Jackman(為《盧根》配音的網上片段)!記得有段跑步戲,起初是扮喘氣,但導演話『好流』,原來真係要好誇張,起初有點尷尬,但發現唔跟住做(動作),帶唔出戲。」由於配音要較平常說話誇張10倍,經過一整天的配音,天佑回家後,連話都不想說。話雖如此,又南認為已較上次進步,至少沒有失聲,「我覺得配音員好犀利,一入戲,energy level便很高,我哋不是經常配,容易用死力。」又南自爆曾發生爆笑的「尋精靈」事件,慶幸有導演從旁提點,「每次配音都要望著螢幕計時間,智多星戴眼鏡,很容易認,但配群組戲時,一堆都係藍色,論盡仔很難認,要導演提醒。」



期望再站紅館
完成今次電影配音和宣傳後,Shine將會自《那夜凌晨,我坐上了旺角開往大埔的紅VAN》之後,再度合作拍攝香港故事,天佑說:「八十年代(背景),很地道,我們要由18歲演到30歲。」為紀念出道15年,他倆期望能在紅館與歌迷重聚,惜願望落空,又南直言,「申請5次都未批,應該要等到2018年。」至於會否考慮轉往較細規模的場地,天佑答道,「也會考慮,但要睇紅館申請如何。」看來Shine迷要密切留意了。
蔡卓妍 Shine 本色 聲演 重聚 聚於 於藍 精靈 村莊 2017 04 07
PermaLink: https://articles.zkiz.com/?id=329847

Shine紅館入紙6次得米

1 : GS(14)@2017-05-01 11:58:03

成軍15年的組合Shine,成員徐天佑日前在facebook宣佈「2018年3月紅館見」,入紙成功。昨日天佑接受電話訪問表示:「其實我哋由上年開始申請,已經第6次,我哋喺12年開完跨年騷後,一直有主辦單位問幾時再搞,上年我哋覺得係時候要搞,因為嚟緊15周年,我哋不斷入紙,入咗6次終於攞到期,當時感覺係,終於得啦!」問如果等不到紅館期,寧願揀其他場?天佑表示:「都諗過,但未開始搵,諗住試多幾次先,因為上次搞紅館騷開三面台,今次想試四面台。」問到15周年有甚麼感受?天佑坦言:「好快囉,係時候同fans搞個gathering,我哋對個騷好有信心,今次想有突破,如果開到四面台已經好大挑戰。」採訪:皓騫



難得生性暴龍哥創科眾籌夢,遭隱世肥報販秒殺!https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170501/20006951
Shine 紅館 館入 入紙 次得 得米
PermaLink: https://articles.zkiz.com/?id=332175

Made in HK的 閃亮時刻 Shine 2018-01-12

1 : GS(14)@2018-01-15 03:40:31

https://www.am730.com.hk/news/%E ... %88%bb-shine-111286
Made in HK 閃亮 時刻 Shine 2018 01 12
PermaLink: https://articles.zkiz.com/?id=346863

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019