【人人問】 韓男「Mei Ling」做媒人醒你8招冧愛人心
1 :
GS(14)@2016-10-11 08:11:58朴寶劍(左)同金裕貞拍劇甜到漏。 (《雲畫的月光》截圖)
【三個粉絲追韓劇】朴寶劍同金裕貞喺《雲畫的月光》甜到漏，集集穩坐收視No.1，劇情亦越嚟越緊湊！女主角洪樂瑥（金裕貞飾）喺劇中係戀愛高手，第一集就講佢開檔做戀愛顧問，教客人使出「以退為進」同「英雄救美」兩招，成功追女。成功嘅原因係洪樂瑥女扮男裝，本是女兒身，清楚女人心！就好似香港嘅鑽石媒人Mei Ling，同埋韓國媒人李宰穆...啊！佢係男兒身！
金裕貞喺劇中係戀愛顧問，專幫男人解決愛情煩惱。 (《雲畫的月光》截圖)
佢教客人使出「以退為進」同「英雄救美」兩招，成功追女。 (《雲畫的月光》截圖)
現實中，韓國著名戀愛及婚姻顧問原來係男兒身－－李宰穆，佢個樣好似搞笑藝人曹世鎬(圓圖)。
三個粉絲一見到李宰穆，佢就搞笑咁問，「我個樣係咪好似搞笑藝人曹世鎬？」大家都即刻大笑話：「係幾似！」完全打破晒尷尬氣氛！原來佢都係做Gagman出身，最初經朋友介紹，去相睇活動搞氣氛，點知做做吓，就做埋戀愛及婚姻顧問。佢唔單止閂埋門同啲客傾計，仲成日出去搞event玩相睇，13年嚟幫過40000人搵對象，仲出埋《戀愛中介所》教人戀愛添！佢話佢嘅客人多數係女性，想知男性諗緊乜，搵佢就最啱數，同時因為多機會同女仔傾計，自然掌握到佢哋諗緊乜，又可以幫返男性客人。
港韓男女都有愛情問題問戀愛顧問，呢位韓女問：「我30歲喇，去邊搵男朋友呢？」
韓女朋友問：「點樣令男朋友知道佢自己做錯嘢呢？」
三個粉絲難得有機會拜訪戀愛顧問，唔會自私少咗你嗰份！我哋搜集咗港男港女同韓男韓女有咩戀愛煩惱，一於幫你哋「人人問」！未拍拖嘅女仔通常會問「點先受男仔歡迎？」、「去邊搵男朋友好？」拍緊拖嘅就會想知「點維繫Long D」、「另一半做錯事點話佢知？」至於就嚟結婚嘅就話「驚同未來奶奶溝通唔到」。而最騎呢嘅係有位港男經歷緊「狗血韓劇」，佢話「鍾意咗個女仔，但自己阿爸同女仔個阿媽拍緊拖，我哋兩個後生點算好？」咁鬼複雜...都無有怕，無論啲問題有幾難幾複雜，李宰穆都一一作答，一共醒咗8招畀大家！想學嘢就即刻去片！
港女朋友問：「點同奶奶相處好呢？」
呢位港男仲經歷緊「狗血韓劇」，究竟咩事？李宰穆點解決大家嘅愛情煩惱？睇片啦！
主持：動主播阿仙記者及繙譯：卓惠媛(Joyce)攝影：陳家文、李錦鏵《雲畫的月光》片段由Viu提供：
https://goo.gl/LCYTGt【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161011/19796702
【生活方「法」】「李好味」定「Lee Lo Mei」
1 :
GS(14)@2017-01-24 03:00:39行過中環擺花街，你會見到一間名字玩嘢的新食店「Lee Lo Mei」，明玩廣東粗口諧音，不過中文名就含蓄得多叫「李好味」，聽聞不少中環人都被店名吸引而來一試，證明香港情懷下賣通俗文化確有一定吸引力。其實店名使用「李」字，主要因為餐廳的掌舵人是土生土長的港人廚師──烹飪及營運總監Joe Lee及行政總廚Max Lee，大家都是姓李，加上食店菜式靈感主要來自香港街頭傳統食品，就得出這個充滿本土特色的名字了。
食店裝修似舊式茶檔、大牌檔或舊式雜貨店，不過以荷李活電影式呈現，用上霓虹光管招牌。全店分兩層樓面，上層是食堂，下層是酒吧，方便happy hour之後晚餐或晚餐之後繼續飲杯。李好味的食物，我會形容為港式小廚及街頭小食的大膽變奏版，至於是否如其店名那麼「好味」？我已親身求證，現在跟大家逐一分享一下。
菜名gimmick 炸蟹球叫「倒瀉籮蟹」
首先試試「倒瀉籮蟹」，其實是炸蟹球，蟹球之下是蝦乾、蝦醬、蒜頭及辣椒碎，蘸來吃，令本身已經十分香口的蟹球更惹味，個人認為比起一般蘸泰式辣醬有誠意得多。另一道「正粉腸腸粉正」基本上就是蒸腸粉，驟眼看跟平時酒樓吃的差不多，但特別之處在於以慢煮雞肉、鵝肝、黑松露作餡，也不是淋豉油，而是淋菌清湯，這個變奏大膽創新，如果你是酒樓腸粉的忠實粉絲未必受落，我則認為味道不錯，只是略嫌菌清湯太稀，如果可以濃一點，跟腸粉皮口感會更夾。「牛魔王過河」名字比較易猜，實則是乾炒牛河，只不過是富貴版，上桌時兩塊A4和牛放在炒河上，配上一點雞蛋絲。以瑞士汁炒成的牛河有日式壽喜燒風味，加上少少蘿蔔醬，有鑊氣而不油膩，我頗為欣賞。甜品方面，我點的是「破鏡重圓」，猜到是甚麼嗎？有個圓字，沒錯就是湯圓，反傳統做法，薑湯包在湯圓內，有點像小籠包的感覺，只不過是甜的，吃的時候要小心燙嘴，裏面還有一點芝麻蓉、糖冬瓜。值得一讚的是李好味的服務，經理Anthony、李主廚及侍應明顯對餐廳的新菜式非常有信心，逐一介紹之時，我亦深深感受到他們的熱情，相信大家吃完之後應該會對他們說「李好味」而不是「Lee Lo Mei」。
「破鏡重圓」即湯圓。
「正粉腸腸粉正」即蒸腸粉。
「牛魔王過河」即乾炒牛河。
裝潢裝修似舊式茶檔、大牌檔或舊式雜貨店。
Profile：何偉文
香港出生，溫哥華長大，多倫多約克大學修讀政治學，英國布里斯托爾大學深造法律，現在香港執業。熱愛旅遊，閒時喜愛到處發掘美食，至今已嚐超過二百粒米芝蓮星。IG:
www.rayho.hk
編輯：謝慧珊美術：孔文彬
來源:
http://hk.apple.nextmedia.com/su ... t/20170123/19903651