ZKIZ Archives


何浩文劃花Jeana塊面

1 : GS(14)@2016-02-10 14:18:53

■Jeana與何浩文寫完揮春便互襲變花臉貓(下圖)。


何佩瑜(Jeana)和何浩文(Dominic)日前返鰂魚涌公司寫揮春迎猴年,用《蘋果日報》四字作開首寫出創意揮春,Jeana先後寫了「蘋安大吉」和「果然好掂」,再配Dominic的「日日健康」和「報報高升」。





豈料Dominic冷不防Jeana揮毛筆偷襲,Dominic馬上反擊,在她粉臉畫貓鬚,二人玩得忘形。Dominic早前被揭有新歡Candy,問他可會到Candy家拜年?他說:「我哋未拍拖,真係拍先去同佢父母拜年。」採訪:比華利 攝影:仇志德髮型:Franco Chung of Hair Corner化妝:Yan of ND& CO.CO服裝:LOEY





來源: http://hk.apple.nextmedia.com/entertainment/art/20160210/19485263
何浩 浩文 劃花 Jeana 塊面
PermaLink: https://articles.zkiz.com/?id=295726

【馮仁昭四圍超】翁子光讚Jeana善解人意

1 : GS(14)@2016-08-04 04:06:26

電影《踏血尋梅》導演翁子光自從同何佩瑜(Jeana)拍拖之後,可能多咗狗仔隊關注,令佢噚日喺facebook有感而發,識做嘅佢不忘讚女友Jeana,佢話:「除了電影消息之外,以前我是不看娛樂新聞版的,最近是會看的,因為有一些關於自己及自己好朋友的報道……而何小姐是藝人,但也是平常人,她率真、貼心、善解人意,沒有如外界所說的任何半點機心……我只希望自己被大家的認識在於我的電影作品,而不是私生活。」撰文:馮仁昭





來源: http://hk.apple.nextmedia.com/entertainment/art/20160803/19720237
馮仁 仁昭 四圍 翁子 子光 光讚 Jeana 善解 人意
PermaLink: https://articles.zkiz.com/?id=304318

男友Fb示愛:從今跟你甘苦與共Jeana嘟嘴向翁子光索吻

1 : GS(14)@2016-08-07 02:13:43

■讀者透過「爆相爆片」,分享Jeana與翁子光在暗角拍拖煲煙相片。讀者提供圖片


現年27歲、擁火辣身材的何佩瑜(Jeana)甩拖3年,早前她與年長十歲、憑電影《踏血尋梅》彈起的導演翁子光傳秘戀,Jeana最初被問及戀情,曾以「比普通朋友好少少嘅朋友關係」來形容,翁子光則否認二人拍拖,直至前幾日Jeana在Instagram貼她向翁子光獻吻相,加上翁子光前晚在facebook貼冧爆留言,二人正式公開戀人關係。日前本報亦收到讀者透過「爆相爆片」分享Jeana與翁子光於暗角「煲煙」的相片,當日穿熱褲戴帽的Jeana素顏上陣,與翁子光站在街角「煲煙」,全程手舞足蹈的她,望着男友已經甜到漏,且不時笑到彎腰,要用手扶着對方,全程拿着香煙的Jeana更與男友分甘同味,夾着香煙遞給男友啜,其後二人齊坐的士離開,Jeana上車後更即望着翁子光嘟嘴,疑似向男友索吻。一直避談與Jeana戀情的翁子光,前晚11時多突然於fb貼一張Jeana的相片,然後寫道:「從今只想跟你甘苦與共,願你的微笑伴我朝暮至老。」又於留言tag女友稱:「PS對不起親愛的,我的怯懦和不善言令你獨自承受了被追問的壓力,我為了你的勇敢和擔當而感恩,以後有甚麼我願一起分擔。」



■Jeana服侍周到,煙仔都餵到入翁子光口,認真體貼。

■Jeana上的士後即嘟嘴,似向男友索吻。

■翁子光前晚在facebook貼Jeana的相片,並留言冧爆女友。



讚男友型爆

男友忽然浪漫,冧到暈的Jeana昨日回應本報說:「型到爆!Ha!」她又說:「佢講嘅嘢,我收到晒。識佢咁耐,未試過咁型。」至於翁子光是否算是承認戀情?Jeana表示:「畫公仔唔使畫出腸,多謝大家關心,希望畀啲私人空間我哋。」問她會否閃婚?Jeana謂:「未咁快,大家觀察吓先,事業為重。」採訪:嵐山、楊定





來源: http://hk.apple.nextmedia.com/entertainment/art/20160806/19724586
男友 Fb 示愛 從今 跟你 甘苦 與共 Jeana 嘟嘴 嘴向 向翁 翁子 子光 光索 索吻
PermaLink: https://articles.zkiz.com/?id=304689

偕陳七大肚妻出海Jeana性感催婚

1 : GS(14)@2016-08-09 07:10:50

■Jeana前晚出席電影《導火新聞線》謝票,有愛情滋潤零舍風騷。


周家怡、王宗堯、何佩瑜(Jeana)、唐貝詩、楊淇等,前晚為電影《導火新聞線》到九龍塘又一城謝票。Jeana近日被踢爆與電影《踏血尋梅》導演、現年37歲的翁子光撻着,前晚她在訪問中難掩一顆恨嫁的心。有愛情滋潤的Jeana,昨日換上泳衣出海,拋胸兼晒長腿,她在社交網分享照片,但未見翁子光同行,相中卻見到前足球先生「陳七」陳肇麒大肚未婚妻劉雅婷(Toby)。
Jeana和翁子光由曖昧關係到承認戀情,翁子光上周四晚突在facebook作出愛的剖白,他留言:「從今只想跟你甘苦與共,願你的微笑伴我朝暮至老。」Jeana前晚在謝票現場冧爆回應:「佢梗係想啦,不過我都想,大家都係向呢個方向行。」



■Jeana和翁子光拍拖兩個月,早前兩人公開承認戀情。資料圖片

■Jeana昨日穿上泳衣出海,拋胸晒長腿。互聯網圖片





■陳七大肚未婚妻劉雅婷(右)與Jeana(左)一起出海。

陳肇麒 資料圖片



已見男友家長

問Jeana翁子光可有透露何時成家立室,她即說:「佢都唔細喇,大我十年。」男方家長可有催婚?她自爆拍拖兩個月,大家有共識,並見過男友家長及其姪仔姪女。那可會閃婚?Jeana講笑說:「下星期啦,請埋你哋,記得過嚟飲,今晚結婚夠唔夠快呀?」Jeana早前被讀者拍到與翁子光街頭一支煙兩份煲,上車後又向男友索吻,Jeana聽到呆了呆後說:「係呀係呀,好sweet呀!」


■王宗堯和周家怡出動謝票,親自答謝買票入場觀眾。

王宗堯趕謝票

《導火》上周四上映,王宗堯表示準備率領演員隨時出動謝票,他說:「票房而家好好,見到好多紅色(賣出座位),而家會mon住邊間戲院係紅色就衝去謝票。」王宗堯希望票房過千萬搞慶功,周家怡則說:「外語片同大片都好多,但見到《導火》第一、二行都有人買好感動。票房幾多唔敢諗,只希望觀眾睇完會好開心。」《導火》票房截至前日約收160萬港元。此外,近日被拍到孖咇買餸惹斷背疑雲的唐文龍和劉家良姪仔劉永健,前晚竟又相約睇《導火》,撞正傳媒採訪謝票。劉永健強調性取向是愛異性,身邊唐文龍也說:「係呀,佢係鍾意女人㗎。」採訪:黃曉妍攝影:陳俊強





來源: http://hk.apple.nextmedia.com/entertainment/art/20160808/19726867
偕陳 陳七 大肚 出海 Jeana 性感 催婚
PermaLink: https://articles.zkiz.com/?id=304993

【馮仁昭四圍超】Jeana讚翁子光小超人

1 : GS(14)@2016-08-17 08:01:35

何佩瑜(Jeana)同電影《踏血尋梅》導演翁子光拍拖兩個月,男友錫到燶,近日有報道指Jeana去九船連環,參加資深律師清洪契仔巫翊鳴(前名巫雨平)生日P,翁子光噚日喺fb主動為Jeana澄清,仲貼埋女友當日喺船P嘅玩伴合照。翁子光不屑女友遭誣衊,大插報道失實,翁子光話:「我百分百信任Jeana。」Jeana噚日都回覆:「清者自清,我都唔多講,多謝佢為我澄清。」佢仲讚翁子光係「小超人」。撰文:馮仁昭




來源: http://hk.apple.nextmedia.com/entertainment/art/20160817/19739014
馮仁 仁昭 四圍 Jeana 讚翁 翁子 子光 光小 超人
PermaLink: https://articles.zkiz.com/?id=306263

Jeana榴槤月餅氹未來奶奶

1 : GS(14)@2016-09-02 05:49:46

鍾舒漫(Sherman)和何佩瑜(Jeana)前晚到油麻地出席《胡莉糊濤》首映禮,Jeana被問到為何男友翁子光沒陪伴到場?她說:「佢喺屋企等我食飯,部戲我自己應該睇唔明,所以遲啲會買碟一齊睇。」男友等開飯,是否已同居?她否認並急轉話題,謂中秋節準備了月餅禮券送禮:「榴槤味月餅,翁子光媽咪好鍾意食,佢個97歲嫲嫲好鍾意我,會攬住我嚟錫。」有否被催婚?她笑說:「等我拍多幾部戲先。」此外,Sherman之前提過會祝福舊愛吳浩康有新戀情,目前單身的她說:「都唔急,雖然而家冇人追,但有信心自己將來會幸福。」採訪:黃曉妍攝影:沈健程




來源: http://hk.apple.nextmedia.com/entertainment/art/20160902/19757061
Jeana 榴槤 月餅 未來 奶奶
PermaLink: https://articles.zkiz.com/?id=307209

Jeana後巷洗碗靠男友定驚

1 : GS(14)@2016-09-06 22:51:05

何佩瑜(Jeana)近日參演港台劇集《人間有情之蘋果的故事》,她今次作出新嘗試,扮演一位基層單親媽咪,母子相依為命,由於身世坎坷,壓力令她爆發思覺失調。
Jeana為演好洗碗女工一角,事前特別去茶餐廳後巷視察。問到導演男友翁子光可有教路揣摩角色?Jeana昨日在電話中說:「佢畀咗好多意見,我個角色有一場戲幾激動,佢教我可以誇張少少去演,其他場口要演平實啲,否則會over咗。」Jeana更自爆翁子光有去後巷探班:「佢嚟冇壓力,反而我個心定咗。」採訪:楊定




來源: http://hk.apple.nextmedia.com/entertainment/art/20160906/19761166
Jeana 後巷 巷洗 洗碗 碗靠 男友 定驚
PermaLink: https://articles.zkiz.com/?id=307843

Jeana摺埋冇難度

1 : GS(14)@2016-09-11 05:50:37

何佩瑜(Jeana)平日不用開工,最愛做運動,她前晚在Instagram貼出做瑜伽照片,素顏的她躺在瑜伽墊上,伸出長腿做出「摺埋」動作,全冇難度。擺甫士同時左手做V字勝利手勢,臉部則得戚單眼,狀甚風騷。
Jeana昨日在電話中說:「係呀,我筋骨自細都幾柔軟,將來有慈善籌款活動,不妨搵我塞入行李篋,應該可以做得到㗎。」




來源: http://hk.apple.nextmedia.com/entertainment/art/20160911/19766951
Jeana 摺埋 埋冇 難度
PermaLink: https://articles.zkiz.com/?id=308634

【馮仁昭四圍超】Jeana爆男友懶郁

1 : GS(14)@2016-09-14 05:52:20

林建岳新餐廳Operetta噚日喺金鐘開幕,媽咪余寶珠同一班仔女恬兒、孝能等撐場外,仲有蔡一智、蘇志威、何佩瑜(Jeana)等出席。陀住BB嘅恬兒着住3吋高踭鞋滿場飛,但就唔想多講陀B事。
Jeana就話最近不停做運動減肥:「隔日做gym,男朋友好少做運動,所以佢都唔會陪我,佢文青派,好懶。」撰文:馮仁昭




來源: http://hk.apple.nextmedia.com/entertainment/art/20160914/19769887
馮仁 仁昭 四圍 Jeana 男友 懶郁
PermaLink: https://articles.zkiz.com/?id=309072

Jeana寸「識佢米奇老鼠」阿澤暗嘲袁嘉敏係「猿糞」

1 : GS(14)@2016-09-25 10:28:19

今年31歲嘅袁嘉敏(Candy),參加2009年香港小姐,奪得最上鏡小姐後入行。當年Candy選港姐都叫做有後台o架,提名佢嘅就係影后級人馬吳君如,擁有34D上圍嘅Candy,仲俾君如姐叫做「大波Candy」o添!加入大台後,Candy嘅工作並唔多,主要做吓主持咁,拍劇並唔多,直至11年佢接拍《潛行狙擊》,戲入面做張國強嘅情婦,先開始被人認識。工作亦開始增加,是非亦開始多,好似12年佢就同o靚模許穎(Phoebe)齊為一套動畫電影《神秘之法》配音,兩女就各自話係套動畫嘅主角配音,仲喺旺角宣傳時鬥嘴,火藥味甚濃。之後Candy仲係微博度,暗寸Phoebe叫佢:「醒少少喇!」
Candy之後離開大台埋咗王晶堆,做咗「晶女郎」,Candy亦豁咗出去,接拍三級片《鴨王》,仲要全裸滿出,真係好搏架,唔知係咪搏得制。今次Candy又再同戲中嘅對手鬧不和!首先,佢就同Jeana(何佩瑜),Jeana就以「識佢米奇老鼠」嚟寸爆Candy,之後Hazel(唐紫睿)就話佢成日黑面,咁Candy就即刻喺微博還話有人利用佢做新聞。三個女人都已經一個墟架喇,點知連男主角何浩文(Dominic)都要加埋入去圍攻Candy,令到Candy感到被孤立。Dominic就曾經喺fb到留言:「我真係冇興趣玩埋小學雞遊戲,自己唔知自己咩有問題就問下其他人發生咩事,點解自己被針對。」呢段留言,仲引咗曾經同Candy一齊拍《3D豪情》嘅杜汶澤加入戰團,阿澤留言話:「我懷疑你講緊一條八婆。」之後阿澤仲講到:「其他人同佢,就係佢哋之間嘅猿糞。」令人聯想到呢督「猿糞」就係袁嘉敏。




來源: http://hk.apple.nextmedia.com/entertainment/art/20160925/19781188
Jeana 識佢 米奇 老鼠 阿澤 暗嘲 袁嘉 敏係 猿糞
PermaLink: https://articles.zkiz.com/?id=309984

Jeana四年考到牌被寸

1 : GS(14)@2016-10-15 12:12:21

何佩瑜(Jeana)、何佩珉等昨日於知專設計學院出席《辣警霸王花》分享會,Jeana特意選穿牛仔裝增加書卷味,她說:「今次主題係講一套電影的誕生,好高興全部學生都係讀電影嘅,係未來嘅電影人。今日特登揀呢套衫,有書卷味啲。」
Jeana考車牌四年,共三次,最近終於成功,但遭何佩珉寸爆:「四年可以考到個大學學位喎!」Jeana笑笑口:「之前嘅期唔啱,又遇到唔好彩,暫時都唔敢揸住,都幾危險。」問男友翁子光會不會送車?她說:「緊係想,開頭最好就揸啲可以撞嚟撞去嘅,之後先買dream car。」採訪、攝影:羅慧敏




來源: http://hk.apple.nextmedia.com/entertainment/art/20161015/19801096
Jeana 四年 年考 考到 到牌 牌被 被寸
PermaLink: https://articles.zkiz.com/?id=312147

Jeana唔蒲偕男友煮飯仔

1 : GS(14)@2016-10-16 08:20:06

梁琤、何佩瑜(Jeana)、何佩珉與余曉彤昨日在深水埗出席電影《辣警霸王花》謝票活動,Jeana打扮密實,是否與翁子光拍拖後避免性感?她笑謂:「唔係嘅,佢都叫我可以性感吓,如果有好劇本性感都冇問題。」Jeana指男友不會夜蒲:「我都冇乜興趣去玩,反而會喺屋企煮飯招呼朋友。」她坦言視翁子光為結婚對象。至於梁琤拍動作片,大讚戲中演員:「見到佢哋咁搏命,睇到以前嘅自己。雖然辛苦,可能我有被虐狂。」對於《巨輪II》吳岱融的劇情被網友笑指是《亂輪II》,梁琤說:「對戲嗰陣,我有個咁嘅老公都驚㗎。」採訪、攝影:盧妹




來源: http://hk.apple.nextmedia.com/entertainment/art/20161016/19801985
Jeana 唔蒲 蒲偕 男友 煮飯
PermaLink: https://articles.zkiz.com/?id=312277

Jeana孖男友過火辣聖誕

1 : GS(14)@2016-10-28 06:24:19

何佩瑜(Jeana)和女模Cara G.昨日在灣仔出席時裝品牌House of V活動,兩女換上秋冬新裝。Jeana表示正跟修讀時裝設計朋友商議搞品牌,她說:「拎五到六位數字出嚟,大家未搞過,試吓囉。」



■Jeana(左)及Cara G.(中)昨日出席時裝品牌活動。

Jeana稍後會返內地工作,順道到內地探導演男友翁子光班,她期待今年聖誕假期時,可以孖男友出埠過熱辣辣的聖誕,她說:「同佢拍咗拖都未正式一齊去過旅行,以前都係陪佢飛台灣工作,我dry咗3個聖誕,見到朋友喺咁放閃,我都眼火爆,今年要閃番佢哋,希望我哋去熱嘅地方,游吓水,曬吓太陽。」而混血女模Cara G.早前去米蘭參加活動,參加了美鑽設計大師班,還請外籍設計師好友Giuliana指導,手繪了自己心儀的設計。撰文:陳杰




來源: http://hk.apple.nextmedia.com/entertainment/art/20161028/19814245
Jeana 男友 火辣 聖誕
PermaLink: https://articles.zkiz.com/?id=313844

【馮仁昭四圍超】Jeana晒火辣身材

1 : GS(14)@2017-01-06 02:07:51

何佩瑜(Jeana)趁近排冇工開得閒,飛咗去馬爾代夫同陽光玩遊戲,咁啱內地首富王健林個獨仔王思聰為慶祝前日29歲生日,同大班朋友去咗馬爾代夫開超豪派對。講番Jeana,佢噚日放咗啲泳裝照上Instagram,大方分享佢嘅火辣身材,着住白色比堅尼嘅Jeana,笑得好燦爛㖭,又出海玩浮潛,不過全部都係獨照,唔知幫佢操刀影相嗰位係咪男友翁子光呢?撰文:馮仁昭




來源: http://hk.apple.nextmedia.com/entertainment/art/20170105/19886563
馮仁 仁昭 四圍 Jeana 火辣 身材
PermaLink: https://articles.zkiz.com/?id=321504

Jeana認唔續約外闖

1 : GS(14)@2017-01-08 19:02:47

■Jeana近日到馬爾代夫度假,全程由男友翁子光做攝影師,拍下不少水着寫真。



何佩瑜(Jeana)和導演男友翁子光近日到馬爾代夫度假,全程由男友做私人攝影師,拍下充滿愛的水着寫真,翁子光昨說:「我係業餘,又係第一次影,希望幫Jeana影啲健康寫意嘅相,同?模時代嘅性感撩人唔同,?家佢散發成熟個性美。」翁子光覺得Jeana笑容最迷人。



■Jeana強調與男友外遊,不會二人去三人返。

Jeana左手戴上翁子光送的鑽戒聖誕禮物,但兩人強調不是訂婚戒指,問到Jeana這次旅程會兩人去三人返嗎?她說:「唔會,你放心都得啦。」Jeana忽被爆不滿公司偏心周秀娜,她打算今年4月約滿成立工作室向外闖,她說:「我同公司合約係仲有幾個月,咁我覺得有時人大個咗,好似一直同父母住,大個都想試吓搬出去自己住,過吓獨立生活。」公司老闆蕭定一昨說:「佢冇同我講過,我唔知消息真偽,等佢返嚟先確認。」採訪:陳杰




來源: http://hk.apple.nextmedia.com/entertainment/art/20170108/19889836
Jeana 認唔 續約 外闖
PermaLink: https://articles.zkiz.com/?id=321879

孖男友旅行晒鑽戒Jeana:唔會兩個去三個返

1 : GS(14)@2017-01-08 19:02:49

何佩瑜(Jeana)連日喺Instagram post泳照,仲要日日新款,佢仲同閨密對胸合照o添!佢哋身處馬爾代夫呢個度假勝地,到底邊個咁有興致同佢影呢靚相呢?答案就係佢嘅導演男友翁子光,有圖有真相,佢哋真係拍拖去咗馬爾代夫預支蜜月o架!Jeana成批靚相中,其中有一張係佢打開行李篋,無意間騷咗成篋三點式,無錯,不過佢呢次唔係為咗騷33C咪咪而影寫真做準備,佢純粹去玩影啲私人珍藏,所以Jeana有啲相係素顏出鏡。Jeana同翁子光去年中開始拍拖,為紀念佢哋一齊過首個元旦,所以佢哋去年大除夕就出發去咗馬爾代夫旅行,玩足一個星期。有愛情滋潤嘅Jeana,有埋「私家」攝影師,影咗成輯寫真都好合情合理呀!翁子光昨日透過We Chat回覆話:「哈哈哈。」問到佢哋此行揀去蜜月勝地馬爾代夫度假,係咪乘機預支蜜月?翁子光話:「我本身從來唔去旅遊嘅,出國都係工作需要,Jeana喜歡陽光海灘,就趁元旦陪佢出去放放假,為新一年繁忙工作備戰。」Jeana鍾意影相,翁子光就做佢御用攝影師,落力配合:「我係業餘,又係第一次攝影,希望幫Jeana影啲健康寫意嘅相片,好慶幸朋友睇到啲相都話Jeana唔一樣,跟模時代嘅性感撩人唔同,家散發嘅係更成熟、更有溫度嘅個性美,希望大家會越來越睇到佢另一面。」究竟喺翁子光眼中,Jeana邊一部份最靚?翁子光不加思索話:「最喜歡Jeana從心而發嘅燦爛笑容,嗰份純真美係佢喺《夜蒲》同『模』時代未見過嘅,我覺得呢啲先係真正嘅性感,唔係撩人誘惑,係骨子裏嘅自在同女性柔美。」
Jeana好享受呢個sweet爆之旅,佢左手中指突然多咗隻搶眼鑽戒,翁子光話:「係聖誕禮物。」送戒指時有順便求婚嗎?佢話:「大家都為未來而努力,希望未來幾年都可以拍出代表作,大家對未來都有共識。」神秘禮物同旅程冧爆Jeana,問佢會唔會兩個去三個返?Jeana話:「唔會,你放心都得啦。」Jeana承認鑽戒係驚喜,佢話暫時工作為重,冇打算秘婚或閃婚。




來源: http://hk.apple.nextmedia.com/entertainment/art/20170108/19890191
男友 旅行 鑽戒 Jeana 唔會 兩個 三個
PermaLink: https://articles.zkiz.com/?id=321883

Jeana湊B叫救命

1 : GS(14)@2017-01-26 18:22:20

何佩瑜(Jeana)早前和導演男友翁子光去馬爾代夫預支蜜月,強調不會兩個去三個返。喜歡小朋友的她最近與王宗堯舊愛黎紀君、梁諾妍和倪晨曦獲ViuTV邀請參加真人騷《全職媽媽放大假》,四女齊當保母,每日24小時貼身照顧小朋友一星期。
Jeana被安排做一對小兄弟的保母,哥哥峰峰兩歲半,弟弟森森5個月大,但她僅做了一日保母就大嗌救命,她在電話說:「吐血身亡!我要凌晨4點幾起身餵BB奶,6點再起身湊哥哥返學,跟住又去街巿買餸煮飯,再湊放學、幫BB換片沖涼,呢7日激發咗我母性,好開心同峰峰有呢7日緣份。」採訪:陳杰




來源: http://hk.apple.nextmedia.com/entertainment/art/20170126/19908648
Jeana 救命
PermaLink: https://articles.zkiz.com/?id=324298

Jeana儲湊仔經驗

1 : GS(14)@2017-01-28 12:04:17

何佩瑜(Jeana)、余曉彤(Hidy)和吳燕安(Annie G.)前日相約到何浩文在炮台山開的飯糰小店踩場,Jeana剛拍完ViuTV真人騷《全職媽媽放大假》,她前日見到Hidy及Annie的囡囡,風騷大送肉嘴。左手無名指戴上戒指的Jeana,莫非暗示雞年好事近?她說:「未咁快呀,事業為重先,?家玩住人哋嘅BB儲啲經驗先。」




來源: http://hk.apple.nextmedia.com/entertainment/art/20170128/19911142
Jeana 儲湊 湊仔 經驗
PermaLink: https://articles.zkiz.com/?id=324527

BB母親責Hea拍湊仔真人騷Jeana反擊:眼淚歡笑都是真

1 : GS(14)@2017-01-29 10:31:38

■Cobol留言指峰峰至今仍不鍾意Jeana。



【ViuTV風波】未婚沒子女的何佩瑜(Jeana),近日被ViuTV邀請拍攝真人騷《全職媽媽放大假》做保母,要24小時貼身照顧小兄弟峰峰和森森一周。Jeana曾大讚做媽媽好偉大,但這次湊B經驗難忘:「全天候湊仔,感受媽媽嘅偉大,腰骨都快斷了,睇見小朋友嘅笑容,乜嘢攰都唔記得。」



■峰峰媽咪Cobol在社交網揶揄Jeana hea爆湊B。

被揶揄偽人

Jeana貼心照顧一對小朋友,卻被小兄弟媽咪Cobol在社交網揶揄:「幾吹得吓,藝人果然係偽人。」不少Cobol的朋友都留言指看到Jeana給森森沖涼畫面而擔心,看到峰峰喊又心痛,Cobol就留言:「峰峰到今日都仍然話唔鍾意Jeana!但佢好鍾意鏡頭後照顧佢嘅劇組姐姐。」
Cobol踢爆Jeana不是全天候照顧兩子:「我想話佢只係同我大仔瞓咗一晚咁多,之後都係佢爸爸自己湊。細仔見過一日半咁大把,接觸過幾小時,第二日佢已經請咗半日病假。」Cobol表示沒後悔參加這次真人騷,可得到免費遊日本,她明踩Jeana,卻讚其他參加的藝人,指王宗堯舊愛黎紀君(Christy)、梁諾妍(Inez)及倪晨曦表現不錯:「其他保母好盡責,係我自己揀錯人選。」



■Jeana為五個月大的森森沖涼,被小孩媽咪朋友批評不夠細心。

■Jeana早前應ViuTV邀請拍攝真人騷做保母,照顧一對小兄弟一周。

■未婚的Jeana表示這次湊仔經驗難忘,感受到當媽媽的偉大。資料圖片


「捨不得峰峰」

對於被指摘hea爆湊B,Jeana昨以短訊回覆:「今次拍攝都是配合劇組安排,也不明白甚麼叫hea,只知道拍攝過程的眼淚和歡笑都是真的,今次我負責照顧的峰峰是個很特別的小孩,有自己個性,為人母的責任,自問已盡了力,明白父母對孩子的疼愛,對保母照顧孩子有一定的期望及要求,拍攝之後還是很捨不得峰峰,也希望峰峰的媽媽可以為孩子作為榜樣,以寬恕和平和的心去對待所有人和事。」採訪:嵐山、楊定




來源: http://hk.apple.nextmedia.com/entertainment/art/20170129/19911942
BB 母親 Hea 拍湊 湊仔 真人 Jeana 反擊 眼淚 歡笑 都是 是真
PermaLink: https://articles.zkiz.com/?id=324603

Jeana拍潛水戲險死

1 : GS(14)@2017-04-09 10:49:43

何佩瑜(Jeana)早前到墾丁拍攝電影《天使曾經來過》,戲中有潛水戲,她昨日大呻拍攝水底戲辛酸:「在十米深的海裏看不清,毫無安全感,突然不能協調呼吸,我掙扎起來馬上想上水,教練立刻阻止,因氣壓問題會爆肺,甚至死亡。」
Jeana表示稍鎮定後才慢慢上水:「頭一伸出海面,我忍不住大叫嚎哭,第一次感受到與死亡那麼接近,生命那麼脆弱,珍惜生命,珍惜所有。」




來源: http://hk.apple.nextmedia.com/entertainment/art/20170409/19984324
Jeana 潛水 戲險 險死
PermaLink: https://articles.zkiz.com/?id=329838

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019