ZKIZ Archives


每季600萬置裝繡「JL」大劉鍾情藍T

1 : GS(14)@2017-04-10 23:36:01

■大劉對藍色情有獨鍾,經常穿藍色上衣示人。資料圖片



【劉鑾雄講大劉】【連載系列之十二 低調奢華】富豪劉鑾雄接受本報獨家專訪,今回講到他的衣着,只要稍為有留意其新聞就會發現大劉的衣着貫徹單一,鍾情藍色。夏天多以藍色Polo Tee、西褲,到冬天就轉灰色長袖樽領上衣,再加件機恤外套的「大藍人」打扮。近月因養病關係,大劉衣着再變身,愛以藍色間條睡衣出巡,他表示:「第一,我冇出街,一係返公司,自己地方冇所謂;第二,係醫院,都係瞓喺病床,都係想舒服,好簡單理由。你去睇戲,你唔會專登喺大庭廣眾場合着呢啲衫。」



■大劉所穿的恤衫,胸口前都會繡上其英文名縮寫「JL」。資料圖片

會着25蚊T恤

別以為大劉衣着看似千篇一律,其實都出自法國名牌Hermès訂做。他是愛馬仕Hermès世界級VVIP不是一個秘密,他曾承認花費數億買手袋,其衣服胸口位置均繡上「JL」(大劉英文名Joseph Lau)字樣。坊間有傳他是香港首位富豪獲Hermès度身訂造的待遇,他語氣平淡表示:「誇張咗啲,你有錢畀佢,佢乜都同你做,唔係特別為我做。」大劉曾穿100蚊四件Giordano T恤,但大部份出自Hermès手筆,西裝出自倫敦名牌Savile Row裁縫工匠度身訂做,一條靚料西褲索價26.6萬,一套西裝要150萬埋單,每季置裝費至少5、6百萬,大玩低調奢華。日日同款百穿不厭,大劉說:「係麻煩少少,有啲牌子T恤尺寸唔啱我,我高啲,着起嚟短,叫佢哋長度加多兩、三吋,就番我自己着衫習慣。」



■近月大劉以藍色間條睡衣到醫院檢查。

新衫太多送人

大劉自言年輕時貪靚姿整:「到?家年紀、心態,最緊要乾淨,所以最舒服係T恤。」最瘋狂時,大劉試過將全新未着過的名牌衣物轉贈別人:「曾經送過超過1,000對新鞋畀人哋,唔係我買嚟送畀人,而係我買買吓儲儲埋冇開嚟着。今日啱啱訂咗一批,因為尺寸肥咗,着唔到,其實可以改,我嫌麻煩,寧願唔改送畀人哋。」採訪:陳月媚



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170410/19985068
每季 600 置裝 JL 大劉 鍾情
PermaLink: https://articles.zkiz.com/?id=329958

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019