📖 ZKIZ Archives

Eric

[貼圖]Eric Schmidt

1 : GS(14)@2011-08-06 14:37:27

---

2 : GS(14)@2011-08-06 14:37:37

http://hk.apple.nextmedia.com/te ... 307&art_id=15499271

Google執行主席：
智能手機將成必需品
2011年08月06日

---

JJ樊少皇排期結婚王菀之11.28嫁Eric So

1 : GS(14)@2015-11-12 08:34:36

■36歲的王菀之將於11月28日嫁Eric So，憑歌寄意：「遇上你，太感恩，不遲亦不早。」資料圖片



昨日11.11是脫離盛女的好日子，36歲的王菀之（Ivana）和34歲的賈曉晨（JJ）於光棍節齊爆婚訊，JJ於明年初下嫁43歲樊少皇，娶得美人歸的他在網上晒婚照，JJ宣示主權留言：「蛋皇是我的人了！」Ivana跟Figure王蘇卓航（Eric）於本月28日結婚，婚禮從簡不擺酒不影婚照，Eric於今年金像獎舉行前夕求婚，率先獲男友頒最佳女主人獎，Ivana昨憑歌晒愛：「遇上你，太感恩，不遲亦不早。」


【蘇王聯婚】現年36歲的王菀之和Figure王蘇卓航拍拖兩年，昨日Ivana於光棍節在微博宣告脫離單身，藉自己歌曲《好時辰》的歌詞訴心聲：「『遇上你，太感恩，不遲亦不早』感謝天父，感謝父母，感謝所有好兄弟姊妹，感謝大家，也祝福天下有情人終成眷屬，白頭偕老，攞個彩先——Eric So, you're SO LUCKY。」



■由於男友性格低調，Ivana嫁夫隨夫婚禮都低調舉行，只簽紙不擺酒。

■王菀之和男友於上月登記註冊結婚，兩人職業都報稱是藝術家。攝影：卓寶花



車上收戒指

兩人於上月22日到婚姻登記處入紙結婚，據知，Ivana趕做11月新娘，婚期訂於本月28日，惟因為男友藝術家脾氣為人低調，所以這天一對新人只進行簽紙儀式，不擺酒不影婚照，只會跟雙方家人食飯分享喜悅，溫馨地慶祝。昨日Ivana甜蜜回應婚訊，她說：「4月19日係金像獎頒獎禮，但4月18日我同Eric喺韓國首爾忙緊佢嘅展覽，所以18號我一定要返香港。就喺去機場嗰程車，佢攞咗隻戒指同我求婚，當時心情好激動。金獎像有冇獎都未知，但就好想率先頒一個最佳女主人獎畀我。」Ivana表示兩人認識時是單身，因同樣愛藝術愛旅遊，大家價值觀相若，所以很適合對方。Eric則在社交網貼一對Figure公仔，多謝大家祝福。
Ivana和Eric的情路波折，有女星殺手封號的Eric，曾跟盧巧音、蒙嘉慧和杜如風拍拖，有傳當年杜如風和Eric情海翻波，Ivana攝位主動出擊冧掂Eric，Ivana對此曾呼冤否認。



■王菀之昨在微博晒兩人拖手相，甜蜜公告結婚喜訊。

■Eric So4月在首爾舉行展覽，回程時在去機場的車上向Ivana求婚。



杜如風高興

昨兩人公告婚訊，杜如風送祝福：「恭喜晒，有情人終成眷屬，白頭到老，執子之手與子偕老。」曾跟Ivana傳假緋聞的張敬軒說：「好開心，搞到我都想立刻宣佈婚訊，昏迷個昏，好高興一直睇住Ivana情海翻波到搵到啱嘅人，Eric係冇得頂嘅人，好人又體貼，Ivana會好幸福。」楊千嬅亦送恭喜：「戥佢好開心，祝佢同Eric白頭到老，早生貴子。」容祖兒也說：「戥佢哋開心，希望佢哋生BB，恨見到佢哋係矇豬眼BB。」曾合作《金雞SSS》的吳君如則說：「好戥Ivana開心，搵到另一半咁愛佢愛佢，怕你攞唔到獎，用下半生氹你開心。」採訪：皓騫、王連連、何永寧





來源: http://hk.apple.nextmedia.com/entertainment/art/20151112/19368826

---

馮仁昭四圍超：準新郎Eric笑談婚禮

1 : GS(14)@2015-11-13 08:46:55

王菀之（小圖）前日宣佈同拍拖2年嘅Figure王蘇卓航（Eric）喺呢個月28號結婚，消息傳出後唔少人都戥佢哋開心，準新郎Eric噚日下晝單拖離開牛頭角屋企，心情勁靚嘅Eric俾人追問婚禮，佢話：「準備緊，搞掂晒會通知大家。」之後笑笑口坐車去觀塘返工。此外，森美噚日喺中環出席活動時話：「喺朋友口中知道，佢冇請飲但我做姊妹都得。」撰文：馮仁昭





來源: http://hk.apple.nextmedia.com/entertainment/art/20151113/19370520

---

王菀之同軒仔攬攬錫唔畀Eric So捧場

1 : GS(14)@2015-11-23 08:30:32

■軒仔與Ivana演出時攬完又錫，完全不怕Eric So呷醋。


張敬軒和王菀之（Ivana）前晚在會展舉行《拉闊音樂．劇場版》，今次找來林嘉欣擔任特別嘉賓，軒仔和Ivana飾演一對情侶，雖然Ivana即將成為人妻，不過她在台上不避忌地與軒仔打情罵俏，其中一幕Ivana與軒仔面對面兼被錫額頭，甚至被軒仔從後攬實唱情歌和錫面，感覺溫馨。未知是否待嫁心情太興奮，Ivana演出時多次出現甩漏，結果當然又被軒仔取笑：「叫咗你開騷前唔好食咁多飯喇！知你結婚喇，都唔使咁開心，呢幾日綵排見到你個樣好似烚熟咁。」不過Ivana解釋只是為兩人十年後再合作而感開心。最後他們合唱《老了十歲》時，因歌詞提到「被別人狂追更成為伴侶」因太過應景，軒仔搞笑地說：「呢首歌道出我心聲！」



■準人妻王菀之與張敬軒前晚在會展舉行婚前最後的音樂會。

■Ivana全晚被軒仔取笑，更被指樣子好似烚熟了。



聞蘇太冧爆

完騷後接受訪問，聽到大家稱她做蘇太的Ivana，表現冧爆，但她透露未婚夫Eric So沒有來捧場：「佢都有問我嘅，但係我覺得有啲尷尬，因為知有好多朋友嚟。」問她是否怕台上打情罵俏激親男友？Ivana笑言：「我哋平時喺佢面前仲sweet！我好鍾意同軒仔演出，好放心。」軒仔亦說：「佢男友點激都唔嬲。」再問到婚禮詳情，Ivana說：「軒仔話我請唔請佢都會到，我哋都係一切從簡，只係屋企人食餐飯，會有簽紙儀式同向雙方家長斟茶儀式。」另外，今次只負責演出的林嘉欣，坦言很開心，問她為何不唱歌？嘉欣笑說：「一定唔會唱，唱歌對我係太遙遠嘅事。」至於金馬獎的準備工作，她則說：「好期待，希望完咗頒獎禮可以食餐勁，不過老公唔會去，佢喺度反而有壓力，留喺屋企睇電視，我會平常心出席，當朋友敍舊。」採訪：王連連攝影：沈健程



Eric So（右）資料圖片

■林嘉欣透露老公不會陪她出席金馬獎。



來源: http://hk.apple.nextmedia.com/entertainment/art/20151120/19379843

---

18年前打波先嚟落雨四眼仔32歲Eric操爆肌做教練

1 : GS(14)@2016-11-14 01:13:12

2016-11-10 NM

「打波先嚟落雨，唔通連個天都唔鍾意我？」這個社會福利署洗腦宣傳片播足十幾年，令人印象深刻！片中個四眼仔Eric（鄭仲軒），原來已經32歲，今年三月做埋人老公，同拍拖四年的女友結婚。當年瘦削四眼仔，如今是個任職健身教練的爆肌男，還會不時參加不同的健美先生選舉，堅大隻佬！播到今時今日

十八年前，Eric為政府拍了首個處男廣告，沒想過這條宣傳片可以播到今時今日。「拍嘅時候我十四歲。都幾尷尬，每年都會播，會考放榜前實播！當時係阿媽同我講，話有個人搵我拍廣告，嗰時僆仔冇錢，想搵零用，咁咪去囉。」三千多元的酬勞，亦是Eric至今唯一的廣告。

好勝心強

不過，當年瘦弱的四眼男，如今已變成令人難以想像的爆肌男。「由細到大都鍾意做運動，乜都玩！我唔係高大型，比較奀瘦，對做運動亦有好大障礙，所以想自己大隻啲。」瘦仔階段的Eric，體重只得百二磅。「我個人好勝心強，習慣咗做gym後，就keep住健身，而家體重都升到一百六十幾磅。（今年係咪結埋婚？）係呀！我同女友拍咗拖四年，今年三月二十四日結婚。」

澳洲學拳

未當健身教練前，Eric做過很多不同類型的工作，但冇一份做得長，三十歲前，他去了澳洲一轉working holiday。「喺嗰邊用咗年半學拳同做運動，返到香港真係想做同運動有關嘅工作，所以就入咗呢行。」據了解，公司VO2對Eric十分器重，還以他作為icon。「公司對我好好，不過屋企人、朋友同公司都認為我而家咁嘅身形啱啱好，唔使再谷大隻啲。九月我參加咗HK WFF PRO搞嘅健美先生選舉，拎咗個獎，下一個目標係十二月嘅Mr. Olympia。」Eric說。

撰文、攝影、攝錄：娛樂組

---

毛玉萍娶新抱Eric開心收一億豪宅

1 : GS(14)@2016-11-16 04:54:06

■毛玉萍囝囝俞俊材昨日跟女友任靄婷共諧連理。



毛玉萍的囝囝俞俊材（Eric）昨日與拍拖5年的任靄婷結婚，一對新人早前在英國影結婚相，最特別是有水底婚紗照。Eric和任靄婷昨在港簽紙，新郎母子感動到喊。



■毛玉萍（左）大讚新抱100分。

Eric昨晚接受傳媒訪問時口快說：「好開心，好感動，第一次娶新抱。」把娶老婆也說錯，他也忍不住笑。Eric承諾愛老婆一生一世，新娘聽後甜笑收貨，Eric希望生龍鳳胎，婚後到馬爾代夫度蜜月。有指毛玉萍送上一億豪宅，Eric直認：「係，好開心。」他避談婚宴開支，毛玉萍寄語Eric要愛老婆，做個負責任老公。毛玉萍未有透露婚宴花費：「開心係無價。」大讚新抱值100分，並表示抱孫順其自然：「佢哋鍾意就得，越多越好啦！」對於被爆有新歡，毛玉萍說：「我有好多男性朋友。」




來源: http://hk.apple.nextmedia.com/entertainment/art/20161115/19833983

---

【馮仁昭四圍超】Eric So賣口乖冧菀之

1 : GS(14)@2016-12-03 05:12:39

MastaMic同王菀之老公蘇卓航（Eric So）噚日喺旺角出席玩具展記者會，Eric為活動設計吉祥物，而佢為王菀之嘅演唱會設計嘅公仔，暫時未知有乜嘢產品推出。問到佢幾時同王菀之造人？佢笑話：「做玩具啦！唔好造人喇！」最近太太瘦咗，佢覺得肥靚定瘦靚？佢話：「梗係一樣咁靚呀！」另外，MastaMic為大會作主題曲，明年會出專輯，仲希望出赤裸人像。撰文：馮仁昭




來源: http://hk.apple.nextmedia.com/entertainment/art/20161202/19851939

---

【馮仁昭四圍超】Eric Kwok俾老婆踩演技

1 : GS(14)@2016-12-09 00:03:48

李幸倪（Gin Lee）同郭偉亮（Eric Kwok）噚日喺商台宣傳新歌《雙雙》合唱版，提到新歌MV，Eric笑住話：「Grace（太太葉佩雯）話我演技over咗，我話佢喺《創世紀II》都唔係好好啫。」Gin Lee透露原計劃同韓國嘅池錫辰合唱，可惜最終唔知乜嘢原因而唔成事。臨近年尾，各大樂壇頒獎禮將陸續舉行，Gin Lee噚日笑話希望可以「Gin立」獎項。撰文：馮仁昭




來源: http://hk.apple.nextmedia.com/entertainment/art/20161208/19858227

---

神話成員任兄弟Eric做老襯　啜爆羅惠美

1 : GS(14)@2017-07-02 14:19:40

韓國長壽六人男團神話的38歲隊長Eric，昨日跟26歲女星羅惠美低調舉行婚禮，成為神話首名人夫，神話一眾成員亦以兄弟身份出席，見證這個甜蜜時刻。Eric於婚禮上對老婆照顧有加，二人又情深咀嘴，認真幸福。
Eric跟羅惠美的婚禮於昨午以非公開形式舉行，僅招待雙方親友。雖然一對新人事前表示不會公開婚禮場地及時間，不過一眾韓媒亦到場等候，更拍得一對新人甜蜜拍攝婚照的過程。Eric跟羅惠美率領兄弟姊妹團於教會外拍攝婚照，神話成員以兄弟身份出席，當中Min Woo早前雖然遇上車禍而入院接受治療，不過昨日亦有現身，成員更齊齊擺chok甫拍照，恭喜Eric娶老婆。而李瑞鎮、尹鈞相等圈中好友亦有出席婚禮。
Eric對老婆全程照顧有加，不時扶實穿高踭鞋的羅惠美上落樓梯，又一直甜蜜望實老婆，拍照時啜爆對方，大晒恩愛。不過由於天氣太熱，穿上禮服的Eric不用埋位拍照時即不停撥扇。而Eric所屬事務所昨日亦發聲明祝賀Eric結婚，表示他婚後會更努力工作，以更好的一面見粉絲。



■由於天氣太熱，穿上禮服的Eric不用拍照時即不停撥扇。

■Eric和羅惠美穿傳統韓服拍婚照。

■Eric和神話成員在婚禮現場大擺chok甫。


坦言恨生小孩

另外，羅惠美婚前為雜誌拍照，對於結婚的感想，她甜笑說：「最近真的很幸福。」而Eric就曾表示恨生小孩，更揚言如果努力過也不行，亦會考慮領養小孩，未知二人結婚後，是否將積極造人？Eric跟羅惠美於今年2月認拍拖，兩人曾於2014年傳過緋聞，據知二人秘戀5年曾多次離合，最終亦認定對方。撰文：梁雯迪




來源: http://hk.apple.nextmedia.com/entertainment/art/20170702/20075588

---