ZKIZ Archives


港人愛住上海夠Chill夠多機遇

1 : GS(14)@2016-08-14 14:28:21

■港人Keith(左)與Jordan享受被派駐上海的生活。 《蘋果》記者攝



【周日熱話】上海被視為香港的競爭對手,隨着國際公司重心轉移,越來越多港人被派駐上海工作,深入「敵營」感覺如何?《蘋果》記者近期走訪幾位港人,他們認為上海充滿機遇、很chill。何謂chill?既是放鬆也是潮。不過,城市高速發展背後,「軟件」仍未跟上,醫療方面尤為明顯。非官方數據指,截至去年,在滬定居的港人逾10萬人。《蘋果》記者上海直擊



「的確有好多文化差異,但上海未必係差。」港人Jordan任職某國際品牌的視覺策劃,四個月前被公司派駐上海,從開始的不習慣,到現在的欲罷不能,「我而家住嘅就係舊洋房,兩層,好chill。完全係香港搵唔到嘅生活,返唔到香港」。
Jordan帶記者來到他最愛的法租界,這裏保留了不少西式建築,也有很多西式餐廳,雪茄、咖啡、民國建築、歐洲般閒適生活……多元化的消遣有美式的、local吧、主題club,不光在酒吧街,別墅區也別有洞天,Jordan說:「香港係周末有得玩。呢度係一至七都有得玩。而家好多外國名DJ唔會去香港會嚟上海,因為地方大人多,呢度1,380元人民幣(約1,613港元)門票都大把人買。」



■在港任職空姐的Cathy與男友Andy讚上海文化多元。

■法租界的餐廳有歐式的閒適。


港人追熱潮 滬鑽研文化

上海人對文化的推崇令Jordan讚嘆:「佢哋鍾意嗰個文化,就會研究。香港唔會,三個月興完就冇。」以自己的工作為例,在上海擺櫥窗設計,總會吸引一大班人圍觀,「香港需要設計,但畀唔起錢。大陸人發展硬件ok,軟件未配合,但佢哋肯消費,願使錢。」
Jordan認為內地人多市場大,港人在此有優勢,畢竟在服務、管理等方面經驗更久,「我哋可以預見機會、抓住機會。我有個朋友在大陸賣台式炸雞排,一年開咗100間分店」。街口一個果汁店,短期內已開三間連鎖店;一家新開的雪糕店更是大排長龍。港大畢業的Keith是時裝買手,被派駐上海工作已三年。鍾情玩音樂的他也享受這裏空間比香港更大,「香港band房可能係工廠大廈,上海好多地方都有,有藝術園區畀人畫畫夾band,或者有啲大廈地底做band房」。上月底,Keith的樂隊BUZZ在上海夏日藝術派對表演,隊友有港人、新加坡人、北方人和歐洲人。不過Keith認為上海只是暫居之所,「最終會返香港,始終屋企喺嗰度。又要睇吓香港有冇嘢做啦,講市場的話,上海係好好嘅」。受訪當日,Keith和band友瑞士人Andy到法租界的上海話劇藝術劇院門口busking(街頭賣藝),「香港都有busking,多數喺中環,不同之處呢度人比較投入,輕鬆啲。香港節奏快啲,忙啲」。附近還有人吹簫,與結他英文歌遙相呼應。旁邊打牌的阿伯說:「很好呀,多元化嘛。」
Andy在上海住了一年,數周後會搬來香港「投奔」女友。女友Cathy是空姐,和很多港人一樣感抗拒內地,但上海例外,「上海很意外地很靚,文化很fusion」。




來源: http://hk.apple.nextmedia.com/international/art/20160814/19735482
PermaLink: https://articles.zkiz.com/?id=305751

Next Page

ZKIZ Archives @ 2019