【酒精害人】醉爆Bob被小春追打
1 :
GS(14)@2016-10-22 22:28:53過往有不少圈中人飲大兩杯,輕則有笑料,重則醉酒打架也見不少。
Bob
去年10月錢國偉辦婚禮,醉爆的林盛斌(Bob)衝上台贈興,帶醉的陳小春見Bob失控,爆粗掟咪兼追打他,酒醒後的Bob即道歉。
曹格
曹格有多次醉酒失儀個案,09年他飲醉踢向側田,事後被警方以普通襲擊罪拘捕,幸和氣收場。大前年他在林志穎的婚禮大聲叫囂又動手動腳,老婆羞憤落淚。
曾志偉
志偉在酒宴飲醉被抬走,甚至坐輪椅走屢見不鮮。12年他出席落選港姐鄭嘉雯婚宴時飲醉酒,與黃浩發生爭拗,事後黃浩聲稱被志偉掌摑一巴,報警到醫院驗傷。
梁漢文
梁漢文曾被鄭中基取笑「birthday boy」,經常在派對醉酒鬧出笑料,去年他在蔡一智生日會又飲醉,上車時撞到車門黑面。
來源:
http://hk.apple.nextmedia.com/entertainment/art/20161022/19808503
Bob睇逾億獨立屋
1 :
GS(14)@2017-01-09 08:11:28■Bob前日與老婆Pearl,在經紀陪同下看逾億獨立屋。讀者提供圖片
林盛斌(Bob)家有老婆Pearl,三個囡囡霏霏、熹熹和機機及兩名外傭,他一直計劃追仔,但覺得房子不夠住。讀者林先生前日透過本報「爆相爆片」,分享了Bob攜妻睇何文田半山壹號價值過億的獨立屋。林先生指前日Bob夫婦由一男一女地產經紀傍實睇樓:「嗰間屋放成億幾,Bob好細心咁睇。」
Bob被爆睇逾億豪宅,他昨日說:「噚日同師傅(堪輿師陳定幫)飲茶,佢話附近有好樓盤,我見得閒咪同老婆行吓,純粹參觀,了解巿況。」他孭飛的電影《我要發達》即將上映,莫非真的發達,他抵死說:「拍戲就中六合彩,我希望有一日可以同報料讀者做到鄰居。」採訪:陳杰
來源:
http://hk.apple.nextmedia.com/entertainment/art/20170109/19890590
Bob豪派10萬元利是
1 :
GS(14)@2017-01-29 10:31:40■Bob與三個寶貝女兒穿上紅衫應節。
林盛斌(Bob)昨日大年初一與老婆Pearl及三個囡囡出動向太嫲拜年,四代同堂好熱鬧。Bob一家五口都着紅衫應節,變成五個人肉利是封周圍走。去年在逆巿中工作不停的Bob,荷包豬籠入水,又孭飛演出賀歲片《我要發達》,所以今年利是都加碼。他昨說:「成績唔錯,今年就豪派利是,新年前換咗10萬蚊,預計會狂派。」Bob當然特別偏心三個寶貝女,他說:「我會派幾封大利是畀囡囡,希望佢哋身體健康、聽教聽話同學業進步。」採訪:劉敏
來源:
http://hk.apple.nextmedia.com/entertainment/art/20170129/19911886
【馮仁昭四圍超】翠如講團拜失控:阿Bob最盡興
1 :
GS(14)@2017-02-11 18:37:56■Bob年初四去張繼聰屋企團拜,點知又被指醉酒鬧事。互聯網圖片
林盛斌(Bob)酒後多次出事,試過啜爆梁烈唯同搗亂錢國偉婚禮。噚日有周刊爆大鑊,指Bob今年大年初四同黃宗澤、蕭正楠、黃翠如等去張繼聰屋企團拜,幾杯落肚後又失控。當晚Bob狂自隊,酒後口齒不清又爆粗,張家家規講明唔可以喺室內食煙,點知Bob邊行邊食,仲周圍強吻人,連周柏豪都中招,有人抗拒被吻,推撞之間連傢俬都推跌。團拜尾聲,Bob唔肯走,張繼聰叫佢都唔理,仲爆粗回敬,友人勸Bob離開仲被箍頸,搞到大肚婆謝安琪扯火,張繼聰差啲被開年。
Bob噚日回覆傳媒時話:「其實當晚大家玩得好開心,絕對唔係佢哋寫到咁,已經約緊出年再聚。」屋主張繼總亦話:「冇咁嘅事,嗰晚大家玩得好開心。」
■黃翠如話Bob團拜當晚被人夾實坐埋一邊。
夾實坐一邊
有份去張繼聰屋企嘅黃翠如噚日喺屯門出席活動,問到團拜當晚發生嘅事,佢笑笑口話:「阿Bob最盡興,我噚晚撞到佢,佢問我當晚發生乜事。」仲話Bob當晚被人夾實坐埋一邊,食咗三碗公仔麵又嘈喧巴閉,問Bob有冇爆粗同推跌傢俬?翠如即刻扮無知,只係話佢留到最後,張繼聰不停同佢講人生道理。撰文:馮仁昭
來源:
http://hk.apple.nextmedia.com/entertainment/art/20170210/19923372
Bob盼為子剪臍帶
1 :
GS(14)@2017-05-21 00:59:19林芊妤(Coffee)、林盛斌(Bob)昨日到尖沙嘴出席「挑辣星極辣挑戰賽」,最近成功追仔的阿Bob,指太太身體狀況很好,他說:「之前太太畀我睇張超聲波相,有得睇吓何B仔,好開心。不過我9月頭喺澳門開騷,驚到時冇得親自剪臍帶,但係我哋唔想開刀,都係順產好啲,唔想太太因為開刀會創傷。」同場的Coffee表示獲邀請時,只打算來玩,她說:「其實我唔係好食得辣,嚟到聞到陣辣味先開始驚。」她指男友是馬來西亞人比較吃得辣,但未有學煮馬拉菜,她說:「我三餸一湯都OK㗎,馬拉嘢好濃味,我哋平日鍾意食清啲。」採訪:盧妹攝影:陳俊強
來源:
http://hk.apple.nextmedia.com/entertainment/art/20170520/20026862
Next Page