ZKIZ Archives


細價股玩家李鋈麟背妻搭上爆乳模

2015-11-26  NM

小三無處不在!繼司馬燕老公被揭瞞住患癌的老婆五年,搭上小三Summer後,股壇最近傳出現任東華三院副主席、有細價股玩家之稱的李鋈麟,亦背妻被曾跟房祖名、周杰倫傳過緋聞的32D台模Debbie(蘇子賢)生擒。據了解,小三獲李鋈麟投資千萬開按摩養生館做老闆娘外,更肆無忌憚在金主位於灣仔的新華電視公司返工,公然挑戰正印。早前Debbie揸住男友的三百萬法拉利自炒出事,令親密關係曝光。黐過祖名周董

十一月十五日凌晨,小三Debbie揸住李鋈麟的法拉利在香港仔撞樹,車頭嚴重損毁,事後她被送院治理。由於車主登記屬李鋈麟持有公司,二人親密關係即時現形。「Debbie好識得揀人嚟黐,同房祖名行過,又黐過周杰倫,未同Alan Lee(李鋈麟)之前仲有個韓國model男友,不過一黐到Alan Lee就即刻飛甩對方。有Alan Lee射住,佢即刻富貴晒,住喺一號銀海,喺公司仲當正自己係老闆娘咁。」知情者說。

扮晒事頭婆

據了解,二人於去年經朋友介紹認識,工作量有限的Debbie除了氹得李鋈麟俾錢出寫真集,又進駐他名下的一號銀海相連豪宅,今年二月,再斥資千萬打本給她開按摩養生館,開幕當日,Debbie以老闆娘身份請莊思敏、李逸朗等人做剪綵嘉賓。「Debbie直頭當人哋老婆冇到,兩個人成日孖住周圍玩,仲試過同埋其他人一齊去山區做慈善扶貧活動,Alan Lee特登喺公司劃咗一個地方俾Debbie,佢耐不耐就會返公司做嘢,俾大家知道佢存在。做到咁揚,人哋老婆點會收唔到風?而家撞埋車,公告天下!」

正印開腔

對於小三入侵並成功霸住一號銀海,又拍住金主李鋈麟一齊搞生意、結婚二十年,育有四個子女的李太歐雪明,在電話中表示知道有Debbie這個人存在,但問她是否清楚丈夫跟對方關係時,她一味以「你問番佢哋」作回應。至於李鋈麟打本給小三Debbie開按摩養生館,歐雪明似乎懵然不知,堅稱是:「係李生開嘅。」面對進擊小三,正印李太有口難言。

台灣淫照案女角

現年31歲的小三Debbie蘇子賢,11年被拍到在台灣跟房祖名夜蒲而傳出緋聞,12年又自爆險被台灣富少李宗瑞強姦,在對方屋企被剝剩底褲,幸好最後成功逃脫。三年前簽約香港經理人公司轉戰香港,32D Debbie被拍到送上門,到周杰倫下榻的酒店開party。搭上有米李鋈麟後,富貴的她經常出外旅遊,歎貴酒食白松露,今年2月,開埋按摩養生館,升呢做老闆娘。金主錫晒,要乜有乜!

撰文、攝影、攝錄:娛樂組

細價 價股 玩家 李鋈 鋈麟 麟背 背妻 妻搭 搭上 上爆 爆乳
PermaLink: https://articles.zkiz.com/?id=173889

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019