ZKIZ Archives


馮仁昭四圍超:馬天佑小便搵千語睇水道歉林峯拍拖睇醫生 父母傍實

1 : GS(14)@2016-05-08 01:56:16

【女友陪伴】■戴住口罩嘅林峯患感冒,噚日同女友千語BB喺養和醫院等睇醫生。








林峯噚日同女友吳千語(Karena)現身跑馬地養和醫院,連林峯嘅爸爸媽媽都拎埋嘢食去咗陪佢,等千語BB同助手畀錢兼拎埋藥之後,佢哋一家大細坐七人車走人。



【父母出動】■林峯嘅爹哋媽咪都有同行陪住囝囝睇醫生。

【服侍周到】■林峯同爹哋坐埋一邊,千語BB就幫手畀錢同拎藥。


■馬天佑日前當街小便,搵千語睇水。

馬天佑:對唔住

問林峯係咪攰得滯病咗?佢就話:「感冒啫!」當問到馬天佑當街小便嗰件事,林峯話:「回應咗喇喎!唔講喇!」不過問多兩句之後,佢就話冇嬲,得個笑字囉!反而千語BB全程冇出聲,一直跟喺男友後面行,然後一支箭上車走人。講番馬天佑件事,事關噚日有周刊報道,影到馬天佑日前同老死林峯嘅女友千語BB去咗數碼港公園放狗,點知人有三急,佢竟然拉咗千語BB去草叢幫手睇水,再背住千語放尿。噚日馮仁昭搵馬天佑問番呢件事,佢話:「對今次發生呢件事,感到十分十分十分十分十分抱歉,真係……係第一次同最後一次。希望呢件事唔好影響到任何人,包括我朋友,所以真係對唔住。」講到千語幫手睇水?馬天佑就勁尷尬咁話:「嗰刻咁啱得咁蹺佢喺度,佢幫手……喺公眾地方做呢樣嘢係唔恰當,一人做事一人當,冇得怪Karena,全部都係自己責任。」撰文:馮仁昭





來源: http://hk.apple.nextmedia.com/entertainment/art/20160505/19598044
馮仁 仁昭 四圍 馬天 天佑 小便 搵千 千語 語睇 睇水 道歉 拍拖 醫生 父母 傍實
PermaLink: https://articles.zkiz.com/?id=299868

同馬天佑男上女下超蓮特別的洗頭技巧

1 : GS(14)@2016-08-13 14:59:42

去髮型屋洗個頭,可以發生咩事?好多嘢係大家都想像唔到,好似賭王三房千金何超蓮咁,去洗個頭,點諗到會有一個男人壓喺佢身上呢?昨日超蓮就喺IG同微博都點咗一張相,呢張相就係超蓮瞓咗喺度洗頭,但佢身上就有一個男人,就係佢嘅好朋友馬天佑。當時超蓮瞓咗喺度洗頭,而馬天佑就用雙手支撐,同超蓮面對面,所以上半身係冇接觸,但係下半身嘅接觸,就疑似零距離,唔知超蓮媽媽三太睇到呢張相,會有咩反應呢?而一班網民嘅反應都好激烈,有似有話:「Frd還Frd,係咪應該要出聲話下佢唔好借啲意想搏懵呢?黐咁埋女仔度搏乜?」「洗頭啫!咩事呢!哥哥。」「洗頭好危險。」「甚麼鬼……馬天佑這姿勢?」




來源: http://hk.apple.nextmedia.com/entertainment/art/20160813/19734437
同馬 馬天 天佑 佑男 男上 上女 女下 下超 超蓮 蓮特 別的 洗頭 技巧
PermaLink: https://articles.zkiz.com/?id=305673

少時Jessica馬天佑拖手睇騷無聊踎地

1 : GS(14)@2016-08-16 06:11:22

■Jessica近年在香港積極搞潮人時裝生意,更與馬天佑稔熟,前晚齊齊去亞博睇騷。DV圖片





【亞博館】韓國女子組合「少女時代」前成員Jessica(鄭秀妍)自離隊後,不時飛來香港及內地拓展其個人時裝生意,因而與本地潮人馬天佑稔熟。前晚,二人就孖住去亞洲博覽館,欣賞英國電子組合Disclosure的音樂會,同行還有幾位女友人。身穿白衫白褲的Jessica,初時與馬天佑企定定睇騷,不過Jessica全程似乎不太投入,個樣冇乜表情,相反馬天佑就high爆,不時同友人舉手大叫。其間馬天佑見Jessica顯得納悶,亦有氹她,又拖着她手揈揈。雖然Jessica隨着音樂舞動身體,不過好快又停下來,之後就玩電話同影相。其後更「大媽」上身,踎在地上與女友人打牙骹,一行人未等完騷就離開。



【溫馨拖手】■馬天佑見Jessica納悶,即拖着對方手舞動身體搞氣氛。

【影相解悶】■Jessica全晚不太投入,只偶爾拎起手機影相。
DV圖片

【大媽上身】■Jessica忽然大媽上身,踎在地上與女友人打牙骹。DV圖片


傳與韓女不和

雖然Jessica人在香港,但她在韓國又惹是非,有傳她與女歌手Solbi不和,後者不滿外界常將兩人外貌作比較,Solbi更在Ig公開相關截圖,留言表明不要離間她與Jessica關係,之後又忽然刪走留言,好似默認不和之說。採訪、攝影:楊浩賢、陳辰




來源: http://hk.apple.nextmedia.com/entertainment/art/20160815/19736139
少時 Jessica 馬天 天佑 佑拖 拖手 手睇 睇騷 無聊
PermaLink: https://articles.zkiz.com/?id=305947

自家創作涉抄襲潮牌 馬天佑:時裝嘅嘢好主觀

1 : GS(14)@2016-12-31 10:18:07

今年28歲嘅馬天佑,係林峰老死、千語BB閨蜜,亦係近年冒起嘅星級形象指導,最近佢仲踩過界,殺入樂壇做歌手,又開自家品牌賣埋衫,瓣數多多。不過人怕出名,有讀者向《蘋果》報料,話佢嘅品牌「SUGAR005」設計,有抄襲Vetements,以及G-Dragon個人品牌PEACEMINUSONE之嫌。《蘋果》聯絡過馬天佑,佢就話:「我自己的確好留意呢兩個牌子(自己都有買)。但時裝嘅嘢好主觀,好似神級街牌Fear Of God,開頭都俾人話好似Rick Owens,但係佢做到人人都想擁有,人人都想着,並唔係容易嘅事。」馬天佑又潮流教主上身,舉例話:「今季興長袖oversize tee,Vetements用歌德式設計,代表如Chrome Hearts,再演變成Oversize。我自己覺得每一個設計師都會崇拜某一位設計師,做一個品牌設計固然重要,但亦唔能夠忽略價格定位,尤其係街牌應該係大多數人都負擔得到。」馬天佑話:「好似Supreme一件Tee抄到3、4千蚊,係有大把人買,但我哋o依家係賣300蚊一件tee,希望大部份鍾意品牌嘅粉絲都能夠負擔得起。」




來源: http://hk.apple.nextmedia.com/entertainment/art/20161231/19882558
自家 創作 抄襲 潮牌 馬天 天佑 時裝 主觀
PermaLink: https://articles.zkiz.com/?id=320816

【馮仁昭四圍超】馬天佑貼地搭港鐵

1 : GS(14)@2017-02-05 10:39:44

富二代兼形象設計師馬天佑叻過林鄭月娥,本報讀者康小姐透過《爆相爆片》,分享佢喺年初二見到馬天佑坐港鐵相片,康小姐話:「佢喺金鐘上車,不停send短訊,又頭岳岳,好似未坐過港鐵,佢喺黃竹坑落車,冇八達通。」馬天佑接受訪問話:「梗係有坐過港鐵啦!喺灣仔搭去黃竹坑,新線未坐過咪望清楚囉!我有八達通㗎,好貼地㗎,留咗喺屋企之嘛!」撰文:馮仁昭




來源: http://hk.apple.nextmedia.com/entertainment/art/20170203/19915918
馮仁 仁昭 四圍 馬天 天佑 佑貼 貼地 地搭 搭港 港鐵
PermaLink: https://articles.zkiz.com/?id=325312

馬天佑自嘲跳舞似智障

1 : GS(14)@2017-03-25 10:34:32

馬天佑最近積極學跳舞,昨日他在Instagram上載於停車場練舞的短片,片中他一臉認真落力跳,但又留言自嘲「智障馬天佑跳舞日記」。不過一班網民卻錯重點,紛紛在馬天佑的跳舞短片下留言,讚他穿的波鞋靚。馬天佑接受本報訪問說:「我學咗個幾月,初初係想增值吓自己,但跳咗之後愛上咗,我都好後悔細個冇學,所以?家要努力啲!」 




來源: http://hk.apple.nextmedia.com/entertainment/art/20170325/19969094
馬天 天佑 自嘲 跳舞 智障
PermaLink: https://articles.zkiz.com/?id=328799


ZKIZ Archives @ 2019