ZKIZ Archives


西環集中營︰故宮館或需公帑填氹

1 : GS(14)@2017-01-05 08:03:43

政務司司長林鄭月娥未經公開諮詢下,決定在西九文化區興建香港故宮博物館,引來外界質疑有關做法違反程序。有政界及前西九董事稱,今次林鄭除了在決策程序上有問題,更令人關注是興建故宮館後對整個西九文化區的財務安排,有何變化,例如會否令虧蝕擴大?萬一建館出現超支,馬會捐贈的35億不夠用,是否又要納稅人以公帑「填氹」?有前西九董事對季陶說,其實規劃西九文化區初期,內部有討論過是否興建歷史博物館,「但後來發現計唔掂條數,買古董展品條數可以係天文數字,就算問內地借,保護、營運開支都好大,因為展品可能係國寶級,樣樣嘢唔可以馬虎」,所以最終將西九博物館定位於現代及視覺藝術。


財務預測未包括新博物館


而政府於2008年向立會提交的撥款文件,顧問公司對西九財務評估未有包括興建有國寶級展品的博物館,財務顧問當時估計文化藝術及其他設施總營運虧損為76億元,「?家整多間故宮博物館,究竟對西九營運係蝕少咗定蝕多咗?如果係蝕多咗,收入唔夠補貼,咪又要用公帑畀,冇理由唔畀公眾知道條數先?」有政界人士則指,表面上馬會捐了35億建香港故宮博物館,不用政府出錢,但近年政府工程超支已是「新常態」,「如果起到一半先發現35億唔夠,咁條尾數係咪馬會包底先?若果超支一倍,馬會係咪照畀先?如果到時先向財委會攞錢,咪又好似高鐵咁,已經洗濕個頭,超支幾多都好,財委會又要照批?」他更笑言西九董事局未經公眾諮詢就批出有關項目,「到時超支最好唔好用公帑,由班董事自己諗方法填數」。季陶周一、三、五刊出




來源: http://hk.apple.nextmedia.com/news/art/20170104/19885998
西環 集中營 集中 故宮 館或 或需 公帑 填氹
PermaLink: https://articles.zkiz.com/?id=321291


ZKIZ Archives @ 2019