ZKIZ Archives


中環在線:魔童搞電視食腦唔講金 李華華

2010-1-20  AD





 

免費電視市場最近好熱鬧,有「魔童」之稱嘅城市電訊(1137)主席王維基(圖)計劃只用2.1億元打入新市場,被人質疑佢係咪全心攪局,佢噚日回應話,搞免費電視唔係單靠錢就得。

魔童噚日出席香港資訊及通訊科技獎頒獎禮後話,搞電視最緊要靠創意,市場最終會汰弱留強。咁佢有乜秘密武器節目?佢就大賣關子,話費事畀人抄橋,一旦落實獲發牌後,先會詳細介紹。

城 電另一樣俾市場質疑嘅弱點,係網絡覆蓋唔完善,目前覆蓋率只約70%;佢話o依家到發牌相信仍有1年時間,其間城電會擴展覆蓋範圍,到時候除咗離島之外, 相信大部份地區都會喺覆蓋範圍以內。佢唔知係咪講反話,話政府效率高,希望政府今年內可以發牌,到時會為市場帶來另一場改革咁話!



中環 在線 魔童 童搞 電視 食腦 腦唔 唔講 講金 華華
PermaLink: https://articles.zkiz.com/?id=13957

天之驕子棄高薪 轉戰創業場 食腦+人脈 贏在起跑綫

1 : GS(14)@2010-08-30 21:37:32

2010-8-25 hT

  年輕打工族對企業忠誠度不高,普遍3至4年就想嘗試創業做老闆,近年更愈來愈多職場「天之驕子」如企業顧問、投資顧問等年輕高層,甘願放棄月入幾萬的金飯碗,心口勇字轉戰創業場。對比以往,年輕高層要創業,機會成本高且市場空間小,但隨着網絡世界開通,新一代都懂得「入流」掌握商機。香港商機創辦人及行政總裁李根興認為,顧問精英本就要為客戶「度蹺」賺大錢,他們自行創業,已經贏在起跑綫。

  李根興表示,雖未有資料顯示近年的企業顧問創業率有明顯增長,但他們的個案確實比金融或投資界的高層和顧問為多:「企業顧問本身的工作就是幫人搞生意、賺利潤,所以他們一旦有做老闆的打算,就可以善用自身的創意和策略思維等優勢。」

80後顧問 重定黃金10年

  他又稱,金融投資界的高層,薪酬始終比企業顧問高,因此往外闖的風險和機會成本都高;再者,高學歷年輕族的家庭負擔較小,不乏回流或繼續轉型的機會,所以現今的年輕高層多數打工3至5年就有創業打算:「相比畢業即創業的人,他們至少有豐富的人際網絡,創業需要援手時,就能找到相應人脈幫助。」

  如26歲的胡嘉瑩(Joyce),本受聘於跨國管理顧問公司麥肯錫(McKinsey & Co),負責內地大型超市的直銷工作,安安樂樂打工3、4年,開始發現身邊的朋友或同事都選擇轉工或創業,影響她重新思考「黃金10年」發展方向:「去年6月還在打工,9月就辭職,鎖定網上電器銷售。」

  一開始,她沒有選擇自己喜歡的零食或護膚品銷售,卻選擇零認知的電器行,開辦eJOY.com.hk網站。「買零食的人會想即刻吃,買護膚品的會先想試上手,惟獨買電器,不論在門市或網上訂購,最後都必定要隔幾天才收到貨,對消費者影響性較小,創業可行性較大。」

營運3個月 月收6位數

  Joyce深明毫無經驗兼屬女流之輩,難以說服老行家讓自己躋身到行內競爭,入行前便花足1個月每天進出電器行查問市況,了解哪些牌子好賣、好用或款多。她積極致電電器供應商爭取經銷權,卻吃盡閉門羹,後來得一位伯樂「過招」:「前輩令我清晰行內運作,例如電器安裝有問題,電器行要全盤負責,所以行家不會冒險拆貨給新手經銷。」Joyce決定用行動展示合作誠意,一日致電6、7次游說,兼主動上門爭取面談,即使被惡言呼喝或連番cut綫也頂硬上:「決定要做就不能回頭。」

  去年12月,Joyce做了首個家電介紹網,同步花6位數建網站,令銷售功能可媲美門市,針對少有買電器的年輕族,以及忙得沒時間落舖選購的上班族:「舉例我想買惠而浦5公斤洗衣機,輸入關鍵字眼,可快速搜尋合適類別及相近的款式;倘若選了參考清單又不想即時購買,客戶亦可儲存資料,方便下次翻閱。」

  花了3個月時間炮製,網站今年6月正式運作,如今月營業額達6位數字。她給自己2年時間:「創業方向好重要,是想cover人工,還是想做大佢,我是後者。」

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

【Case】電子賀卡太虛無 出路窄

  問題1:今年初,4名科大電腦科學畢業生拿着籌措而來的10多萬元,創立思方科技,大搞網上立體電子賀卡生意,4人預算首年沒有工資,半年內可達收支平衡,惟最近擱置賀卡概念,轉而設計網絡遊戲軟件出售予網絡玩家。

  專家建議:李根興坦言其產品很冷門,缺乏可參考的創業例子,而最大問題是沒有清晰的收費門路,推廣意念亦虛無,未能滿足消費者要「一手付款、一手收貨」的需要。

  應考慮將設計變成實物賀卡,擺賣或寄賣還可實在地收到錢:「若想賣設計或構思,可先聯絡廠商把電子概念實體化,再參加如貿發局等展覽會,爭取與海外顧客接觸的機會,讓對方知道你可以根據客戶需要度身訂造一款軟件,甚至把軟件註冊成專利,生產自己的商標及產品。」

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

【Case】擺檔示範洗鞋 有助吸客

  問題2:本做鐘錶銷售的Tony,與友人開設「美鞋家」,推廣環保洗鞋及保養服務,惟因租金貴,公司設在大角嘴工廠區,只能吸納附近街坊生意,宣傳未見足夠,且收費便宜未能賺大錢。

  專家建議:李根興認為,創業首先要全身投入。其次,洗鞋及保養服務由於貼近大眾需要,可以廣受歡迎:「除在公司樓下擺放易拉架宣傳外,亦可印製單張投入附近屋苑或商廈;趁下班人流最多的時間,找個位置開攤檔,示範簡單洗鞋及保養效果,自然能吸引途人圍觀,順便作為鞋履收集點,減少上門收鞋的時間及成本。到別人上班的日間,就可洗鞋。」他認為收費數十至數百元很合理,只要撈到生意便可發大來做。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

專家之言︰掌握收費之道 鮮有蝕本

  除了Joyce的網上電器銷售外,還有5月才推出但已錄得逾5萬會員的網上團購「激安Zone」,創辦人王鍵基(KK)曾於McKinsey工作,看準外國的「快閃團購」網而照辦煮碗引進本港,以低於5折的商戶或產品優惠,吸引瀏覽者網上消費,從拆帳中賺取利潤。因反應大好,引來不少同類競爭者相繼出現。

首要互惠互利

  創業原因不外乎為夢想或為賺錢,但「創業達人」李根興說最重要一點是想想:「錢從何處收?」eJOY與激安Zone能於短期內獲得不俗成績,只因Joyce和KK懂得利用網絡收費,且有實物作交易:「收費過程清晰,顧客在網上購物,他們實際收到錢之餘,對方亦能實在地得到一件貨品;雖然兩者的構思都不是新概念,但起碼人人都有需要,亦能互惠互利。」

  他補充,如激安Zone之類的團購網,很快就有競爭對手出現,同一範疇最後亦只能留下一個勝利者。他認為KK若想再下一城,就應打鐵趁熱,吸納更多投資者注資,方有穩健的資金繼續與對手決戰:「有錢,就可做更多宣傳和推廣,提高知名度,保持客流量,與商戶爭取優惠的議價能力亦較高。」
天之 驕子 高薪 轉戰 創業 食腦 人脈 贏在 起跑
PermaLink: https://articles.zkiz.com/?id=270555

自來水洗鼻 食腦變形蟲殺 2人

1 : GS(14)@2011-12-19 23:54:57

http://hk.apple.nextmedia.com/te ... 335&art_id=15905002
自來水殺死人!美國路易斯安那州衞生部門發警告,指當地連接有兩人使用裝在洗鼻壺(圖)的自來水清洗鼻腔和鼻竇後,感染「食腦變形蟲」致死。
據指出,路州一名 53歲女子和一名 20歲青年,接連因用自來水清洗鼻竇後死亡,相信用的瑜伽用洗鼻壺不潔淨,加上自來水沒煲滾,結果感染俗稱「食腦變形蟲」的福氏耐格里變形蟲死亡。專家提醒民眾,要清洗鼻腔必須用蒸餾過、已消毒或煲滾的水,不應用自來水。
美國《時代》周刊
2 : honey(6546)@2011-12-20 00:03:02

點解無得醫?
3 : 龍生(798)@2011-12-20 00:46:45

唔知香港有冇呢的菌呢....
4 : honey(6546)@2011-12-20 00:53:08

[size="2"]
3樓提及
唔知香港有冇呢的菌呢....

[size="2"]由於係「自來水」,估有啦
5 : 龍生(798)@2011-12-20 00:55:47

shit...

我都好鐘意沖涼時咁樣用水沖的....
6 : honey(6546)@2011-12-20 11:00:03

[size="2"]
5樓提及
shit...
[size="2"]我都好鐘意沖涼時咁樣用水沖的....

[size="2"]「用水沖」?係邊度入?個鼻定個口?[size="2"]

7 : 如詩之山(2344)@2011-12-20 11:22:36

咁恐怖!? smiley
8 : hsts(1521)@2011-12-20 11:45:29

阿米巴原蟲
9 : Wilbur(1931)@2011-12-20 11:52:39

原來我平時唔洗鼻,等到傷風個時用鼻水洗鼻先係最衛生~ smiley
10 : fineram(806)@2011-12-20 17:02:56

話時話, 覺唔覺按下自己個鼻會有d臭臭地既感覺, 但聞落又幾正.
11 : GS(14)@2011-12-20 21:54:02

10樓提及
話時話, 覺唔覺按下自己個鼻會有d臭臭地既感覺, 但聞落又幾正.


可能熱氣
12 : passport(1491)@2011-12-21 00:26:20

熱氣就要飲下涼茶啦
但話時話
大家平時又會去洗鼻架咩?
13 : 龍生(798)@2011-12-21 00:48:48

我就係用清水去洗...

方法就只係輕輕, 少少地吸入去, 然後噴番出黎咁咋嘛....

有敏感的人必知我講乜....
14 : passport(1491)@2011-12-21 01:04:00

我都有好勁既鼻敏感
但我反而無咁樣洗過鼻
15 : 龍生(798)@2011-12-21 01:27:43

試下, 唔死的話效果唔錯的

安全少少, 用的煲過的水, 加少少鹽, 輕輕地吸

而家的洗鼻水都係咁原理咋嘛
16 : GS(14)@2011-12-21 23:22:04

14樓提及
我都有好勁既鼻敏感
但我反而無咁樣洗過鼻


多喝水吧
17 : passport(1491)@2011-12-21 23:22:40

16樓提及
14樓提及
我都有好勁既鼻敏感
但我反而無咁樣洗過鼻


多喝水吧
會比較好一點嗎?
其實我平時都應該唔算飲得少
18 : GS(14)@2011-12-21 23:23:28

17樓提及
16樓提及
14樓提及
我都有好勁既鼻敏感
但我反而無咁樣洗過鼻


多喝水吧
會比較好一點嗎?
其實我平時都應該唔算飲得少


最緊要個鼻唔好乾...
19 : passport(1491)@2011-12-21 23:24:42

18樓提及
17樓提及
16樓提及
14樓提及
我都有好勁既鼻敏感
但我反而無咁樣洗過鼻


多喝水吧
會比較好一點嗎?
其實我平時都應該唔算飲得少


最緊要個鼻唔好乾...
不過我想問
係咪大部份有鼻敏感的人
皮膚都係麻麻地?
20 : GS(14)@2011-12-21 23:25:22

少飲水D皮膚自然無彈性,仲要有好睡眠
21 : passport(1491)@2011-12-21 23:28:08

20樓提及
少飲水D皮膚自然無彈性,仲要有好睡眠
咁我應該好難有好睡眠了
番SHIFT好難訓得好
22 : GS(14)@2011-12-21 23:28:39

咁真是無乜辦法...
23 : passport(1491)@2011-12-21 23:29:51

22樓提及
咁真是無乜辦法...

就好似琴日咁
3點訓
今朝8點就醒左了
自來 水洗 食腦 變形蟲 變形
PermaLink: https://articles.zkiz.com/?id=276986

食腦時代 2014年05月22日

1 : GS(14)@2014-05-28 15:37:04

http://www.am730.com.hk/article-208245

長輩成日話做人要勤勤力力同安守本份,但嚟到二十一世紀,正所謂唔怕你奸,最怕你蠢,要做個成功嘅打工仔,一味得個做字已經生存唔到,唔帶腦返工,必定辣㷫老闆。喺你踏出食腦第一步之前,建議最好瞭解自己用開左腦定右腦,雖則兩者分別同發達與否未必有直接關係,但起碼知道自己邊瓣最強,點計都著數啲!  
文:77合作社

測試你用左腦定右腦?
早前喺fb瘋傳一個合手方法,測試你係左腦人定右腦人,準唔準就見仁見智,但若果你覺得做一個test唔夠可靠,可以試嚇其他方法,check嚇你究竟用開乜嘢腦。
1. 合手測試
好似祈禱咁,將雙手十指緊扣,如果……
左手手指公壓住右手手指公→右腦人
右手手指公壓住左手手指公→左腦人

2. 問卷test
1.對於平日打扮嘅化妝同髮型,你會:
A.時時轉look   B.得閒先試下新嘢
C.幾乎唔變

2.當你要決定一件事嗰陣:
A.憑直覺   B.小事當機立斷,大事認真思考
C.左諗右諗都決定唔到

3.plan旅行計劃嗰陣你會:
A.只要冒險,唔怕危險
B.唔會冒險囉!但會聽下人意見而改下個plan
C.有過可怕旅行經驗,次次都要慎重咁plan下

4.當你睇傳記文學嗰陣你會:
A.心諗:「唔係掛,真㗎?咪玩啦!」
B.情節誇張得滯都會質疑下
C.創作嘅嘢你識咩,梗要全情投入,信到十足

5.如果有人叫你小心某人,你會:
A.都未同佢講過嘢,傾下偈先判斷
B.點都會防一防
C.扮下嘢,但勁防佢

6.睇說明書嗰陣,你會:
A.只睇重要部分
B.逐頁睇,未必每行字睇曬
C.逐粒字睇

7.同朋友睇戲,你會:
A.坐右邊   B.坐左邊

8.學生年代,你擅長:
A.幾何   B.代數

9.當你睇展覽嗰陣:
A.睇咗鍾意嗰啲先   B.跟次序睇

10.玩到興起嗰陣,會唔會唔記得自己要工作?
A.會   B.唔會

1-6題,選A得5分、B得3分、C得1分;7-10題,選A得3分、選B得1分。如果你有30分以上就係右腦人;29分以下就係左腦人。

3. 動作測試
翹手嗰陣,你會……
左手搭右手→右腦人
右手搭左手→左腦人

特徵,普遍嚟講,有用腦嘅人會偏向重用其中一邊腦,而且會直接影響行為同性格。簡單而言,用開左腦嘅人係邏輯型,而用開右腦嘅人就係創意型,兩種人喺做人處事,甚至思考模式都好唔同㗎。

左腦人(邏輯型) - 呢種人嘅邏輯性同分析力會強啲,即係好少蕩失路,搞得掂微積分,而且有語言天份,思想直接,目標為本,識得將複雜嘅嘢簡單化。

鍾意睇真人真事嘅古仔
呢啲人睇完成套《阿凡達》都唔會有感覺,事關喺佢哋思想入面,藍色嗰隻嘢經已唔真實,俾套《鏗鏘集》佢睇先至啱口味。

鍾意睇說明書
各位要分清楚,鍾意睇同睇得明係兩回事,咁各位明白啲老竇點解會霸住本說明書睇,不過睇極都唔識用個電飯煲啦!

好理性
咩叫好理性,即係睇套慘情片,有人會喊苦喊忽,但理性嘅人會諗抵唔抵死,或者覺得件事好簡單,唔明點解搞成咁,呢啲就係理性嘅人。

鍾意狗
唔係因為狗仔可愛活潑,而係忠心,容易捉到路,俗語所講即係你擺下條尾都知你想點,事關佢哋面對「估唔到」嘅事會慌張兼手足無措。

樂評人、鍾意古典音樂
鍾意將唔規律嘅嘢規律化,音樂明明係隨心創作嘅嘢,佢哋就認為4拍4就係4拍4,4拍3就係錯,得把口但唔識創作嘅就係佢哋。

按計劃做事
做嘢有曬step,雖然好似悶啲,不過呢啲男人至係搶手貨,事關佢同你結婚之前已經會諗掂曬擺酒、買樓、生仔,有曬計劃,唔使你操心先啦!

坐到直睇書
我知,依家經已冇乜人睇書,或者轉個角度講,呢類人鍾意坐得四正,去打機、上網、睇片,咁講會唔會易明啲?

做乜都要有根有據
可能會覺得呢類人好煩,不過諗真啲,如果呢類人入立法會就一流,起碼會幫小市民問政府攞納稅人錢做咩?點解要咁做?點解會超支?

右腦人(創意型) - 呢啲人通常缺乏組織能力,好似冇定向風咁,但又估佢唔到咁感性,鍾意睇漫畫多過睇小說,最叻同人溝通,上至特首、下至阿嬸都可以吹水吹足一晚。

浮躁
佢哋浮躁唔係精神有問題,只係佢哋有十萬樣嘢想試想玩,但又能力有限,唔知做邊樣先好,就係咁之嘛!

有創意和藝術感
啲人普遍以為designer就一定有創意同藝術感,咁諗就錯,世界上不知幾多designer抄橋又發咗達,今時今日真係好難定義。

情緒化
唔好以為女人至會咁,男人都一樣會,只係冇擺晌塊面咁明顯,其實反而更加恐怖,唔信?睇下你老闆咪知囉!

神經質
人哋一個動作,一個眼神,都會刺激到佢嘅神經,最鍾意陰謀論,搵呢類人做看更、G4就一流。

用直覺解決問題
右腦人解決問題嘅方法就係隨心,問佢點解佢會話「得㗎喇」,永遠答唔出個邏輯,好彩就搞得掂,唔好彩的話……建議唔好俾佢話事好啲。

鍾意貓
各位又誤會喇!佢哋唔係鍾意貓難以觸摸,而係鍾意隻貓唔使多打理,唔使帶落街行,打亂佢哋自由自在玩嘅時間啫。

唔鍾意睇說明書
佢哋要摸清一件產品嘅運作會比一般人耐,當佢哋搞清楚嘅時候,件產品應該俾佢哋搞壞咗,不過一但佢真係學識,又會比一般人瞭解得多。

鍾意聲音
唔理有節奏定係冇節奏嘅聲音,只要會發聲嘅佢哋都會鍾意,所以多數會做到音樂人。

打工仔食腦sell橋法
唔理好橋定屎橋,sell到老闆就係一條絕世好橋!老生常談,即使條橋幾咁出色、有曬數據back up,九成九幫到公司賺大錢,但你唔識點包裝同sell橋,下場只會得一個字:嘥晒!依家過兩招俾你,出嚟搵食,梗係食腦啦懵炳!好好袋穩喇,終生受用啊細路!


先試水溫
sell橋前,不妨「乍家依」向同事試試水溫,當套下料睇下佢哋預備成點又好,漏啲料佢聽下佢意見都好。咁當然要用下腦,唔係成個plan講佢知啦!點chok同事料?自己諗!

咪怕蝕底
預備工夫做得愈多愈好,千祈咪怕蝕底,所謂能者多勞,多嘢做即係你叻囉!同時都為被ban橋時作兩手準備,有時間做埋個簡潔後備plan,咁就萬無一失啦!

出擊前要望清 
視乎老闆心情,笑容滿面陳四萬咁樣,正正係sell橋好時機;相反見佢塊面黑過鑊燶,就梗係避之則吉啦!

主動出擊
醒目嘅,就喺老闆追問前主動sell橋,費事到佢開到口問,就會覺得你辦事不力㗎喇!

Full package
條橋要Full package,集齊數據、好橋背後嘅例證、點幫公司賺錢等等,好老實,作為老闆嘅無非都係緊張盤數,你話俾佢知你為公司帶來幾多利潤,又點會唔buy你呢傻豬!

咪身先士卒
開會時咪做第一個,通常都係講先死先。大家都未warm up,你又可能緊張,老闆又可能未瞓醒,大家思路都未清晰,條橋幾好都未必有人留心聽,嘥晒!

做開心大使
無時無刻都保持笑容,聽嗰個心情都好啲啦!即使俾同事挑你機,都咪發火咁冇品,笑笑口一一解答,贏都贏得靚仔過人!

留意用詞同語氣
個心咁諗:老闆你嘅提議唔work㗎!但把口應該咁講:冇問題!我盡力試下(即使最後都係做唔到)。

睇老闆眉頭眼額
sell橋時睇下老闆眉頭眼額,一見唔對路就搞下gag緩和氣氛。講嘅時候又出啲力,繪影繪聲、投入啲,俾啲信心自己!

適當時擦鞋
老闆梗有啲虛榮感,係鍾意聽啲手下擦下鞋,做細嘅,咪得閒講兩句囉!「我都係邊做邊跟你學嘢咋」「睇下老闆有冇咩天才提議?話曬你食鹽多過我食米!」

被ban咪黑面
萬一被ban橋,切勿據理力爭,儘可能投其所好,如果老闆提出蠢意見,惟有喺佢要求的範圍內作微調,千祈咪一時意氣黑面。

拋浪頭
適當時候大下老闆,即所謂「拋浪頭」,咁當然不能廢拋啦!一陣大佢唔到,俾佢大番轉頭,真係瘀到核爆!
食腦 時代 2014 05 22
PermaLink: https://articles.zkiz.com/?id=284589

憑「食腦」上位林雅詩金主新歡被爆疑有家室

1 : GS(14)@2016-11-10 08:02:40

38歲林雅詩同江湖猛人「沙田Me」過從甚密,憑「食腦」上位,喺新西蘭定居、讀大學,早前佢返香港爭坐館時,更被爆佢有一個外籍妻子,沙田Me可以講一口流利英語,人又聰明,自2007年回流返港後,立刻得到賞識,同江湖中人「薯仔」過澳門搵食做叠碼,有指沙田Me只要兄弟有事相求,佢都一定盡力協助,所以一向得到兄弟支持。沙田Me於90年代冒起,曾跟隨一名叫Ricky嘅大佬做睇場,正在上位之際,突然去新西蘭留學,並喺當地結婚,5年前先回流返港。話說昨日有周刊指沙田Me近年開始喺娛圈發展,不時同圈中人有聚會,上年更投資電影《極闘》搵咗佢兩個囝囝做男主角,又指係因為沙田Me唔想出面,先叫佢下屬馬天樂去做電影公司老闆。




來源: http://hk.apple.nextmedia.com/entertainment/art/20161110/19828339
食腦 上位 林雅 雅詩 詩金 金主 新歡 被爆 爆疑 疑有 家室
PermaLink: https://articles.zkiz.com/?id=314898

【飲食籽】無味煮人 食腦創新

1 : GS(14)@2017-03-05 09:31:16

郭偉君(白衫)四年前確診為鼻咽癌第三期,經過大半年化療康復,卻失去味覺、嗅覺。



【飲食籽:瘋狂食事】第一次見到郭偉君,他弱不禁風,面無半點血色,說話氣若柔絲,那時正值化療後的康復階段,記得那時他堅定地說,「我從來無抱怨過會有癌症,自己已拼盡能力去生存。」他是廚師出身,今年45歲,儲到錢後在銅鑼灣開了日本餐廳「築地日本料理」,卻在四年前確診患鼻咽癌第三期。經過半年時間化療,最終擊退癌細胞,卻有一連串副作用,其中對他打擊最大的,是失去味覺和嗅覺。味覺和嗅覺是人類最基本的感官,當食之無味,味蕾再感受不到甜酸苦辣鹹時,尤其對從事飲食業的他,等於喪失技能,需要重新適應。死過翻生,重新振作,去年他在觀塘再開了韓式餐廳「小火焰韓式咖啡餐廳」,向難度挑戰。



「我本身做飲食的,當一個人從事飲食,沒有味覺和嗅覺時,你不知如何適應這份工作,而在這份工作上又可以再做甚麼呢?」郭偉君冷靜地說。由於父母均是因癌症去世,自小已有心理準備,但卻料不到踏入40歲便收到這個噩耗。「最初發現時以為是淋巴癌,因為淋巴癌死亡率高,所以好擔心,之後被確診為鼻咽癌,總算是有得醫,都是不幸中之大幸,始終仔細老婆嫩,都要決定去醫。」那時郭偉君太太剛懷了第二胎,大女只是兩、三歲,雖然知道化療過程很痛苦,亦會有後遺症,但他別無選擇。


失味覺嗅覺 曾感徬徨

「當知道確診消息時,我未感受到死亡恐懼,只是治療期間,身體一日比一日差,有很多是未知數,最差時試過一吞口水便嘔,要拿着盤不斷吐出來,口腔喉嚨都乾到爛掉,那種痛只有自己明白。用接近死亡不貼切,我會用遊走地獄的感覺去形容。現在回想,不是病症令人產生恐懼,而是治療過程令人產生恐懼,有好多人捱不過化療便走了。」經過大半年時間化療,每星期出入瑪麗醫院,最終擊退癌細胞。不過,經化療後身體極度虛弱,更有耳鳴,失去味覺和嗅覺,器官功能亦差了好多,其中肺功能只餘下四分一。「以前不覺得味覺和嗅覺有緊密的關係,我現在聞香水是臭的,只會感覺到有味道攻入鼻,但味道卻是臭的。口腔已經無口水,那時我好豁達地想,食飯可以撈水食,原來是不可以的,口水和水是完全兩回事,由於無口水時,食物不容易黏住,容易在體內周圍走,如果入到肺就不好了。」他續說,「就算你煮屎給我食,我都不會知道,最主要功能失去,尤其這些是自己搵食架生,都會徬徨。」


素食壽司吸引素食者

雖然癌症有機會復發,不過他仍樂觀面對。「我總相信,不好的事情總都會過去的。這個病讓我突然看通好多事,以前未必可以豁達去看一個問題,個人好暴躁,下屬一做錯事,我會好不耐煩地鬧。現在已豁達了,由得他吧!」因病得到啟發,他的日本餐廳增賣素食壽司套餐。「我病癒後,留意到很多健康有機食物,希望做到一件食物給喜歡食素的人,方便他們和非素食的朋友一起吃飯。」壽司套餐的前菜以阿麻籽拌黑蒜、淮山,壽司飯用胚芽糙米及藜麥做,由於質感較珍珠米硬身,煲米時要作出調節,花了不少時間研究。



郭偉君確診患癌時,太太剛懷第二胎,經過半年化療,二女剛出世,這時他身體最虛弱。

化療一共要打六針,到第五針時由於出現嚴重副作用,郭偉君曾一度想放棄。

素食壽司套餐 $128大部份都是用有機食材,壽司飯用胚芽糙米及藜麥做,質感較珍珠米硬身,花了不少時間研究。

築地日本料理銅鑼灣金百利廣場7樓R1室記者:何嘉茵攝影:伍慶泉編輯:陳禮康美術:黃創泰




來源: http://hk.apple.nextmedia.com/su ... t/20170305/19946542
飲食 無味 煮人 食腦 創新
PermaLink: https://articles.zkiz.com/?id=327834

What we are reading:食腦的寄生蟲

1 : GS(14)@2017-08-06 18:40:19

獅子、老虎、大白鯊可能是很多人心目中極具危險的動物,但其實寄生物(parasite)才是人類最不願意見到的「敵人」:中世紀歐洲有三分之一人死於鼠疫、哥倫布發現新大陸後,將天花、麻疹、流感病毒帶到美洲,殺死95%原住民,這些疫症在歷史上不斷重覆着……等一下,我們不是要說寄生物嗎?為何會在說這些傳染病呢?要解釋首先我們要弄清楚「寄生」是甚麼意思。寄生是指一種生物生於另一種生物(即宿主)的體內或體表,並從中攝取養份以維持生命,並繼續傳播後代的現象,所以病毒、細菌、真菌絕對屬於寄生範圍。這些寄生物有不同方法「借取」宿主養份,最常見的是寄住在宿主體內或體表,吸取養份,又有一些如住在蜘蛛身上的寄生物會竊取蜘蛛網上的獵物;又有一些會強逼宿主做一些違反原本習慣的活動,殺死牠們好讓自己可以繼續傳播。偏側蛇蟲草菌(Ophiocordyceps unilateralis)就是例子。這些真菌會感染螞蟻將之變成喪屍蟻,並指令螞蟻身體離開蟻穴,在附近找一片安全的樹葉,緊緊咬住,然後被真菌殺死。自生命出現幾十億年來,寄生物與宿主之間的攻防戰一直未停過。較大型生物包括人類發展出更完善免疫系統之時,寄生物亦不斷進步,以更層出不窮的方法進入宿主。例如鐵線蟲的生命周期大部份時間都在水中度過,會在遇上蚊幼蟲成長後才會被帶到陸地被蟋蟀吃掉。問題是:科學界從來未見過蟋蟀受鐵線蟲驅使掉落水,就算鐵線蟲有如此能力,牠們又如何避免其他生物吃掉宿主呢?法國學者Frederic Thomas在實驗中發現受感染蟋蟀被青蛙吃掉時,鐵線蟲會盡九牛二虎之力,在青蛙食道逆流而上,在有機會時從鼻腔或口中逃走。而另一研究團隊更發現,鐵線蟲會聰明地製造一些與蟋蟀極為類似的神經化學物質,使後者於晚上更受光線吸引。在叢林之中,最光的地方自然就是受月光照射的水面,蟋蟀一躍便要來生再見。以上故事只佔着名科普記者Kathleen McAuliffe寫的This is Your Brain on Parasites一部份。本書還訴說一些更大膽的寄生物假說:有學者發現傾向集體主義的社會普遍都是傳染病最多、較近赤道的地區。學者提出,雖然這些地區的人會吃辣椒、咖喱等天然殺菌殺蟲香料,但寄生物仍與這些地區的人變得更服從集體指示有關。當然我們可能永遠無法印證這個說法是否正確,而學者也認為實在有太多可能性去影響人類思維。不過,大膽假設小心求證是科學的基本元素之一,寄生物研究學領域仍尚在發展初期,我相信未來一定還有更多發現,以了解到底寄生物會如何影響我們的腦袋。或者我在寫這篇書評根本就是寄生物驅使呢。小肥波




來源: http://hk.apple.nextmedia.com/financeestate/art/20170806/20112979
What we are reading 食腦 腦的 寄生蟲 寄生
PermaLink: https://articles.zkiz.com/?id=339846

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019