ZKIZ Archives


金牌OUT走扭計吳雨霏

2011-4-23  NM




金牌大風年初大執位進行大換血,揸弗人龐維仁親自出面,私下挽留藝人傾續約,本來答應二月開到演唱會便留低的吳雨霏(Kary)又再玩嘢扭計。唔想時間,金牌決定叮佢走。不可一世

吳雨霏五月約滿金牌大風,年初與公司傾續約時,更暗示只要如期為她安排在紅館開個唱,就會留低。「為咗表示誠意,當日金牌仆心仆命幫Kary搞演唱會,雖 然一場賣晒飛,不過佢要求多多,音樂嗰part又要自己話晒事,搞到超支,埋單金牌其實要蝕錢。到個騷完咗,佢又扭計話要俾時間諗清楚去向,當時金牌仲好 有耐性,繼續同佢傾,不過Kary嘅態度就好麻麻,以為冇咗自己唔得,連陳輝虹(金牌CEO)同佢開會,只要覺得唔啱聽,就望多眼都費事,完全當陳輝虹無 到。」知情者說。

有頭無尾

吳雨霏老豆吳子綸是現任福源國際有限公司董事,去年四月公司上巿後,吳雨霏搬屋換波子,老豆愈有米,Kary的公主病愈嚴重。「好似出一張海報,概念係點 有乜內容都要佢拍板話事,舊年跟地下組合Hardpack,亦係佢提出,大家都知無錢賺,但開咗個頭搞搞吓佢又無心機做落去。其實金牌都算就佢,即使 Kary佢成日病發,照按計劃幫佢出個人品牌香水同T恤,但佢依然嫌三嫌四,好麻煩。」

堅持話事

據了解,金牌傾續約外,吳雨霏亦有同環球、英皇、以及Neway傾過偈,更每每強調最緊要有「自主權」,故遲遲未成事。「Kary想做一姐,如果入英皇, 肯定唔輪到佢,更加無可能特登開個label俾佢,所以傾嘅都係無米粥。至於Neway,開嘅條件都幾好,不過Kary唔係擺錢第一,佢覺得同人哋唔啱 feel,所以暫時環球最大機會,事關阿Kay(謝安琪)個勢跌咗咁多,佢相信自己可以乘虛而入坐正。」知情者說。自我放大的吳雨霏,早前更公開在微博宣 洩不滿,放了一張?頭煩爆相配合,寸嘴說:「一而再再而三挑戰我的底線,放過我吧,而且在一個地方待得太久,我會瘋掉。」你揀人,人揀你!本來有心留人的 金牌,據知對得一想二的吳雨霏忍無可忍,決定唔續約,算數!

鵪鶉變阿姐鵪鶉期

九餅Cookies初出道,樣貌毫不出眾的Kary,風頭完全被Stephy、Theresa、Miki等蓋晒,係九餅中唔起眼嘅一個。

生還者

05年九餅分拆,Kary憑住富貴老豆撐腰,加上是餅碎中唱功最好,成為重組Cookies的生還者,自此發力上位,演出機會跟組員有得揮。

上位期

餅女瓦解後,跟雷頌德胞弟等人另組Rock味組合Ping Pung,首當女主音的她憑《愛是最大權利》出頭,在多個頒獎禮奪獎。

擔大旗

近年以獨立歌手姿態在樂壇打拼,成績唔算好出眾,但至少被認同唱得。當年最唔起眼的餅女,後來居上,成為餅女中最快踩紅館舉行個唱的一個。


金牌 OUT 走扭 扭計 計吳 雨霏
PermaLink: https://articles.zkiz.com/?id=24330

【壹週刊】收男友150萬黑波子吳雨霏隨時嫁

1 : GS(14)@2015-01-16 19:37:54





【壹週刊】吳雨霏Kary同初戀男友洪立熙Brian復合後,隨時準備做人妻。而為氹女友,Brian仲花150萬買架波子送俾Kary。想知更多,記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150116/19003892
週刊 男友 150 黑波 子吳 雨霏 隨時
PermaLink: https://articles.zkiz.com/?id=287237

三度離合終結果吳雨霏嫁網球王子:很幸福

1 : GS(14)@2015-01-27 09:05:20





■吳雨霏昨在社交網公告結婚,在美國註冊嫁初戀男友網球王子洪立熙,兩人三度離合還是覺得你最好。


現年二十八歲的吳雨霏(Kary)昨在社交網公告結婚喜訊,情歸三度離合的初戀男友、網球王子洪立熙(Brian),兩人已在美國註冊結婚,新任人妻Kary幸福留言:「婚姻是人生重要的一課,今後的日子,我倆會互相支持,互相愛護、互相尊重。謝謝大家的祝福,我們感到很幸福!」並引用《哥林多前傳(書)13:4》承諾:「愛是恒久忍耐,又有恩慈,愛是不嫉妒;愛是不自誇,不張狂。」



■新任人妻吳雨霏目前仍身在美國,據知八月在港補擺喜酒。





父母美國見證

Kary還貼出三張跟老公的甜蜜合照,包括蹺着老公的手錫面、Brian親吻她的額頭及兩人十指緊扣,幸福滿瀉,記者致電恭喜Kary,她透過唱片公司回覆:「Brian先喺意大利跪地求婚,訂婚後去美國玩,Brian為咗畀驚喜我,原來請咗雙方父母去美國,我以為父母嚟賀我哋訂婚,點知係見證我哋註冊,我連婚紗都冇準備,真係好感動,忍唔住喊。」仍身在美國的Kary下月初才返港出席續約環球記者會,據知八月在港補擺喜酒。二十九歲的Brian跟Kary是青梅竹馬的戀人,多年來兩人三度離離合合,前年他們第二度分手,之後Kary和余文樂因拍MV撻着,惟戀情僅數月即玩完,Kary火速翻撻初戀男友Brian,兩人三度復合打得火熱,去年中Brian更豪擲一百五十萬送保時捷給女友,洪媽媽更贈以兩人英文名縮寫「KB」車牌給Kary,早已視她為未來新抱。


■吳雨霏前年初跟余文樂撻着,但戀情僅維持數個月即玩完。資料圖片

阿樂:祝佢幸福

對於Kary宣告結婚,舊愛余文樂昨日在電話中說:「恭喜佢,衷心祝福佢得到幸福。」前Cookies好姊妹鄧麗欣在電話說:「之前已經知道,好恭喜佢,等佢返嚟食飯慶祝。」區文詩昨到佐敦出席活動說:「好開心,我知嘅時候喊咗出嚟,Brian係超級好男仔,我覺得Kary得到最大幸福。」採訪、攝影:皓騫、馬建華



【餅女傅穎最失策】

吳雨霏出身自組合Cookies,她覓得終生伴侶,另外三位餅女各有造化。



鄧麗欣

獨立發展拍戲又拍內地劇,跟方力申拍拖多年屢傳婚訊。



楊愛瑾

轉戰內地拍劇的楊愛瑾,被指介入永安太子郭永淳婚姻導致對方離婚,早前獲男友發聲明力證非小三,更傳兩人將於今年結婚。


傅穎

傅穎

感情不如意,曾被舊愛羅仲謙虐打致分手。





來源: http://hk.apple.nextmedia.com/entertainment/art/20150127/19017331
三度 離合 結果 雨霏 網球 王子 幸福
PermaLink: https://articles.zkiz.com/?id=287472

吳雨霏五分鐘嫁出

1 : GS(14)@2015-02-05 22:28:04





剛為人妻的吳雨霏(Kary)昨日佩戴三百萬鑽飾及求婚戒指到尖沙嘴出席「三喜臨門記者會」,宣佈與環球續約及將於本月十五日舉行的音樂會,Kary笑說:「咁大個女都未戴過咁貴(鑽飾)。」憶述與老公洪立熙在美國註冊的過程時,她大讚老公安排了很多驚喜:「求婚戒指係佢自己設計,佢知我鍾意乜。」Kary又笑言過程好快:「註冊時都係五分鐘,證婚人都話未見過咁快,裙又冇,婚戒又冇,講嘢又冇,會喺香港搞番晒。」她透露可能於今年暑假補擺喜酒,問她是否有喜?Kary表示:「唔係,順其自然啦。」採訪、攝影:文國駿





來源: http://hk.apple.nextmedia.com/entertainment/art/20150205/19029290
雨霏 分鐘 嫁出
PermaLink: https://articles.zkiz.com/?id=287640

吳雨霏日日電老公

1 : GS(14)@2015-03-02 08:42:53





【米蘭直擊】吳雨霏(Kary)於米蘭時間前晚去欣賞Emilio Pucci時裝騷,穿上低胸裝與短褲的她,表示在騷上看中多套靚裝:「好多都好啱頒獎禮同喺台上表演着,嚟咗幾日已經做咗好多工作。」Kary謂未有時間shopping,惟有等最後一日的空檔,問她預多少budget?她說:「冇㗎,見到啱就買。」
Kary表示到米蘭數天已很掛念中式湯水,尤其是媽媽煲的靚湯,問她有沒有掛念老公?她說:「OK嘅,我哋保持一日一電話報平安。」至於農曆新年出埠,是否慳了不少利是錢?她說:「唔係,好多朋友叫我過年後返香港派!」採訪:顏英儀攝影:陳志嵐





來源: http://hk.apple.nextmedia.com/entertainment/art/20150302/19059858
雨霏 日日 老公
PermaLink: https://articles.zkiz.com/?id=288106

吳雨霏目標生三個

1 : GS(14)@2015-03-10 22:58:39





吳雨霏(Kary)前晚在圓方出席迪士尼電影《仙履奇緣》首映,Kary今年首次以洪太身份派利是,她說:「初四去咗米蘭時裝周,過幾日又飛去台灣錄音,好忙,冇乜時間喺香港,不過都有去好多親友度拜年,一早又揸車去元朗買蘭花畀奶奶,好過我煮餐飯畀佢哋食啦!」拜年時有否被長輩催生?Kary說:「順其自然啦,其實老公都成日唔喺香港,不過上天嘅禮物好難講,我哋兩個都好鍾意小朋友,想生三個。」至於在港舉行婚禮的日期,Kary表示已開始籌備,預計暑假舉行,她說:「最近開始book場同諗主題,不過十劃都未有一撇,但係女仔一生點都要着一次婚紗先得。」採訪、攝影:藍文浩





來源: http://hk.apple.nextmedia.com/entertainment/art/20150310/19069787
雨霏 目標 三個
PermaLink: https://articles.zkiz.com/?id=288364

【壹週刊】辣著環球 無綫反口飛起Kelly吳雨霏

1 : GS(14)@2015-08-10 08:34:45

【壹週刊】閂埋門一家親的無綫,綜藝節目極度環保,鄭俊弘、吳若希、許廷鏗重複又重複,睇到觀眾叫救命。唔想收視愈插愈低,監製麥鎮東主動向環球唱片借將,成功得到陳慧琳、吳雨霏、盧冠廷幫手做下個月舉行的《星光熠熠耀保良》表演嘉賓。點知大台高層余詠珊又反口,突然飛起Kelly同吳雨霏,出爾反爾,再次辣着環球。下月二十六日在紅館舉行的《星光熠熠耀保良》,是無綫年度大騷,監製麥鎮東為交功課,早於六月已向各大唱片公司敲門借將,當中包括有不少紅人在手的環球唱片。「監製主動搵環球嗰邊幫手,對方亦即時做嘢度期,最後俾咗Kelly、Kary、盧冠廷同Robynn& Kendy我哋。點知去到上個月底,突然話唔使環球歌手做個騷!」一名無綫人說。據了解,無綫突然反口,全因高層余詠珊玩嘢。「Sandy話環球歌手一直唔肯簽歌星合約,年底頒獎禮亦唔肯撐場,所以無理由搵佢哋出大騷喎!」度完期又話唔要,環球唱片對於大台出爾反爾,亦感不滿。「Kelly年底要開演唱會,已經忙緊籌備,Kary結完婚返嚟亦有好多工作要還債,佢兩個唔係得閒冇嘢做,無綫浪費我哋時間,以後再話要攞人幫手,真係要認真考慮。」一名環球員工說。





來源: http://hk.apple.nextmedia.com/entertainment/art/20150810/19249665
週刊 辣著 環球 反口 飛起 Kelly 雨霏
PermaLink: https://articles.zkiz.com/?id=291987

【add】紅人主場:吳雨霏 人妻重生

1 : GS(14)@2016-01-22 01:50:11

McQ金屬色皮褸Roberta Einer閃片連身裙Kurt Geiger藍色高踭鞋


如果婚姻真是戀愛的墳墓,大抵吳雨霏(Kary)因此重生。結婚一年,加了「洪師奶」身份的Kary,變了全新的一個女人,重心由工作移至家庭,享受與老公在生活小節上磨合,喜歡鑽研夫妻共識的學問,更由昔日的地獄廚神,變身「煮婦」,為老公學煮家常小菜,「好想照顧另一半,以前都仲想喺事業度爭取一啲嘢,而家唔需要爭啲咩。」為同門爭寵的傳聞,更添懸念。造型、撰文:林嘉慈攝影:周樂恒化妝:Hubei Har髮型:Kate Shek of Hair Culture指甲:EightyEight服裝:I.T
Kary與青梅竹馬的「網球王子」洪立熙(Brian),八年間三度離合,終在去年1月宣佈註冊結婚。婚後的Kary努力學做人妻,家庭放首位,「唔知點解結咗婚之後,諗嘢真係唔同咗好多,身份唔同咗,好想照顧另一半、屋企人,以前都仲想喺事業度爭取一啲嘢,而家會覺得做到自己鍾意、令自己開心嘅嘢,已經OK,唔需要爭啲咩、追尋啲咩。」



Simone Rocha黑色薄紗裙Kurt Geiger蛇紋高踭鞋

Ann Demeulemeester黑色背心黑色透視上衣綠色圖案長褸黑色皮褲Kurt Geiger黑色露趾鞋


■Kary去年初與Brian註冊,同年7月在意國舉行草原婚禮。

結婚容易相處難

兩公婆相識多年,相處方式與日常生活大致沒有改變,但原來暗藏微妙變化,「之前唔係一齊住,結咗婚一齊住,就覺得:『咦?乜你平時係咁㗎?』好似啲生活習慣,可能佢啲衫鍾意咁放,我就好鍾意好乾淨,生活上嘅小事要大家慢慢去夾。」說話開門見山,卻不會嗌交,「有時見到對鞋、對襪,零零丁丁喺條路中心,我就會話:『執起佢啦!』」
Kary坦言尚未習慣同住,但享受其中,「兩個一齊去make decision,一齊去認同一樣嘢時,會難compromise啲,呢樣係真,但我幾鍾意兩個一齊make decision,係一個學問。」


■Kary努力學煮飯,笑稱現時廚藝合格。

地獄廚神揸鑊鏟

最意想不到的是,曾在電視節目煮食捲起火舌,被封地獄廚神的Kary,今日竟會拿起鑊鏟,婚姻威力真大!「好多時候錫嗰個人,先為佢做呢樣嘢,見佢返工放工,唔想佢食出面嘅嘢,盡量學到嘅都學。」多得好友真人教學,進步神速,現在自認廚藝合格,「前排聖誕節,食西式嘢多,學識煮蒜蓉烤雞,啱啱研究咗個海膽菠菜意粉,聽落都覺好味。」兩公婆較深閨,閒時愛躲在家玩煮飯仔、睇戲,下月農曆新年,也寧願邀朋友在家吃飯、玩board game。做了煮飯婆,Kary不抗拒被稱師奶,「又唔使完全變咗喺屋企嘅太太,呢個年代,結咗婚都可以做自己鍾意做嘅嘢,可以好型,好潮,有自己事業。」


■Kary兩公婆上月聖誕,到蒙古做義工。

蒙古探訪暖在心

新時代女性兼顧家庭和事業,Kary日前才與公司開會,希望今年作出有新鮮感的音樂及搞演唱會,老闆與同事亦體諒她,規劃工作時會問她要否先徵求老公同意。有傳Kary為與新加盟的李幸倪爭寵而扭計,缺席早前的四大頒獎禮,工作人員在訪問前已擋駕。之前Kary請假,與老公到蒙古,為受家人酗酒問題困擾而流浪街頭的小朋友送愛,身穿六層厚衣,帶小朋友滑雪、開聖誕派對,「雖然負30度,但就好溫暖。」事隔一年再會,小朋友主動上前攬實打招呼,衝破語言障礙,令Kary充滿滿足感。「佢哋從來冇踏出過蒙古,復活節好希望請到十幾個小朋友嚟香港,等佢哋見識吓,當係鼓勵乖嘅小朋友。」小朋友激起Kary母愛,但無促進生B計劃,「我哋真係好鍾意小朋友,但真係唔想set個期限畀自己,好好彩雙方屋企人都冇催,我哋順其自然,好free。」



人妻的OOTD

Kary的轉變從內到外,skinny jeans死忠派變陣,「而家鍾意oversized少少嘅嘢,襯對sneakers都幾型。襯西裝褸,好多人都覺得要襯高踭鞋,其實襯sneakers都可以有型,又casual。」這日的off duty造型,就是鬆身Ports1961直身恤衫,配Victoria Beckham闊褲。愛着鬆身衫,不代表鬆懈瘦身,Kary堅持一星期做一次瑜伽,收靚線條。



■Kary婚後頻晒泳照。

■拍攝當日,Kary的私服十分鬆身。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20160121/19459909
add 紅人 主場 雨霏 人妻 重生
PermaLink: https://articles.zkiz.com/?id=294745

吳雨霏連環晒Miu Miu熱賣綁帶鞋

1 : GS(14)@2016-06-06 03:17:46

吳雨霏(Kary)衣著打扮一向緊貼潮流,繼早前在IG show off過近期最熱賣最渴市的Miu Miu的芭蕾鞋後,日前又在IG晒另一對Miu Miu新鞋,鞋款同以格仔布綁帶設計,不過就換上尖頭高踭鞋。Kary簡單搭配白恤衫和黑西褲,造型俐落,時尚富女人味,不少粉絲都留言大讚。其實這對Miu Miu綁帶高踭鞋同樣深受熱捧,少女時代的Tiffany及日本《Vogue》時裝編輯Anna Dello Russo都有穿過。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160605/19642083
雨霏 連環 Miu 熱賣 綁帶
PermaLink: https://articles.zkiz.com/?id=302065

吳雨霏穿Nina Ricci紅裙大開中門性感艷麗

1 : GS(14)@2016-10-10 00:43:54

吳雨霏(Kary)日前現身中環出席一個護膚品活動,悉心打扮,身穿一襲鮮紅色長裙,非常搶鏡。早前宣佈暫別樂壇放假的Kary,顯得狀態甚fit,身穿來自Nina Ricci2016秋冬的紅色裙,大開中門騷事業線,若隱若現透bra邊,而且仲開高衩,非常性感。Kary襯色穿了一對Giuseppe Zanotti Design的綁帶高踭涼鞋,造型sharp爆,配戴黑色choker和黑belt,艷麗之中多了幾分型格。




來源: http://hk.apple.nextmedia.com/entertainment/art/20161008/19794606
雨霏 Nina Ricci 紅裙 大開 中門 性感 艷麗
PermaLink: https://articles.zkiz.com/?id=311188

人妻吳雨霏Givenchy喱士睡衣性感誘惑

1 : GS(14)@2016-10-10 16:14:36

人妻吳雨霏(Kary)日前出席唱片公司的宣傳活動時,穿上shocking pink的喱士裙上陣,內衣外穿,相當性感吸睛,原來是來自潮牌Givenchy的早秋系列的新裝,鮮粉紅加上黑色喱絲邊,相當誘惑,外披黑色絲絨繡花bomber,刻意造出跌膊效果,令整個look更添型格。




來源: http://hk.apple.nextmedia.com/entertainment/art/20161010/19796163
人妻 妻吳 雨霏 Givenchy 喱士 睡衣 性感 誘惑
PermaLink: https://articles.zkiz.com/?id=311399

吳雨霏搵屋 收拾流產心情

1 : GS(14)@2016-11-06 15:49:11

■經歷小產之痛的Kary,早前孖老公Brian在大坑拍拖睇樓盤。





【大坑】現年30歲的吳雨霏(Kary)去年與青梅竹馬男友洪立熙(Brian)在美國結婚,婚前工作大過天,升呢洪太後的她開始減產,享受甜蜜婚姻生活。Kary婚後曾表示不設防造人,理想生3個小孩。可是上周卻有報道指Kary今年2月造人成功,可惜陀B數月,有次做產檢發現腹中塊肉沒有心跳,不幸小產,令Kary感到傷心。
Kary大前日網上貼文,承認曾經有過BB,但最後「失去了最珍貴的小生命」,令夫妻都心碎。Kary小產後,6月獲老公Brian陪伴出埠散心,她已走出陰霾,並調理身體準備再陀B。



【認真查詢】■Kary在地產舖內查詢時,神色凝重。

【提高警覺】■Brian發現門外有人舉起手機拍照,顯得敏感。


神色凝重

早前,Kary穿上白色衣服,戴上口罩與老公Brian揸車到大坑,兩人泊車後在附近地產舖睇樓盤,未知是否想搬新居,他們在門外看了一些資料再入店內查詢。睇樓盤期間,Kary全程神色凝重,當他們與經紀傾談時,有中年男士疑似在門外拿手機拍攝,令他們以為被偷影,最後兩夫妻逗留半小時便速閃。採訪、攝影:梁繼光、黃曉程




來源: http://hk.apple.nextmedia.com/entertainment/art/20161106/19824103
雨霏 搵屋 收拾 流產 心情
PermaLink: https://articles.zkiz.com/?id=314257

巨耳環爆紅王菲楊冪吳雨霏力捧

1 : GS(14)@2016-12-01 00:01:29

Statement earrings橫行今年秋冬時裝騷,單隻、chunky、不對稱設計,五花八門。王菲、楊冪、吳雨霏、周麗淇、徐濠縈等大批女星力推,dress up及dress down都襯到。未敢跳step挑戰誇張款,亦有著重線條的輕巧入門版,就連沒有穿耳的朋友都照顧到,有clip及ear cuff選擇。




來源: http://hk.apple.nextmedia.com/entertainment/art/20161130/19849672
耳環 爆紅 王菲 楊冪 冪吳 雨霏 力捧
PermaLink: https://articles.zkiz.com/?id=317668

一人一個吳雨霏Niki齊齊收Furla新袋

1 : GS(14)@2016-12-21 23:42:01

下周聖誕節,女星們自然狂收禮物,當中以手袋最多。吳雨霏、周麗淇及周秀娜等,近日各自收到意牌Furla送的新手袋做聖誕禮物,一人一個,齊齊輪流post,各有不同方法講多謝,比收錢post文的KOL更有心思。




來源: http://hk.apple.nextmedia.com/entertainment/art/20161221/19872077
一人 一個 雨霏 Niki 齊齊 Furla 新袋
PermaLink: https://articles.zkiz.com/?id=319684

同女神全智賢撞DG裙吳雨霏戴多條頸鏈整色整水

1 : GS(14)@2017-01-05 08:01:11

吳雨霏(Kary)日前穿黑金色fringe dress,在上水出席倒數活動,長裙熟口熟面,原來韓國女神全智賢曾在劇集《藍海傳說》穿過。長裙來自Dolce& Gabbana2016秋冬,全智賢拍劇時沒有襯任何飾物,sell女神與生俱來的魅力,吳雨霏就在華麗黑金裙上整色整水,戴choker、花形晶石鏈及黑絲帶,實行glam上加glam,不過似乎有點over。




來源: http://hk.apple.nextmedia.com/entertainment/art/20170103/19885102
女神 全智賢 DG 裙吳 雨霏 多條 頸鏈 整色 色整 整水
PermaLink: https://articles.zkiz.com/?id=321257

【桃花強勁】曾戀黃伊汶吳雨霏

1 : GS(14)@2017-02-11 18:58:01

余文樂在2000年出道,桃花運比星運更旺,感情世界多姿多采,真戀情加上緋聞女友一大籮。


黃伊汶

發展五年地下情,傳余文樂太花心遭女友怒飛,曾五度求復合不果。



盧巧音

發展姊弟戀,兩人性格皆強悍,最終因小誤會而分開。


鍾欣潼

傳出與陳冠希在《十大勁歌金曲頒獎典禮》後台衝突互爆粗,為的是爭奪鍾欣潼。



吳雨霏

合作MV擦出愛火,相戀不到一年,傳遭女友發現和其他女子的情慾短訊,結果被分手。


李靜儀(Heidi)

被網友踢爆同遊台灣,二人在Ig分別上載來自同一間店的牛肉麵相片,被指秘密撻着。


周冬雨

合作內地真人騷節目《我們相愛吧》火速傳撻着,經常公然打情罵俏。




來源: http://hk.apple.nextmedia.com/entertainment/art/20170211/19924737
桃花 強勁 曾戀 戀黃 黃伊 伊汶 汶吳 雨霏
PermaLink: https://articles.zkiz.com/?id=326378

吳雨霏目標超越憶蓮

1 : GS(14)@2017-03-04 10:18:36

吳雨霏(Kary)走出小產陰霾,重新工作,前晚她以性感露腰、魚網絲襪配四吋高踭鞋的造型,出席銅鑼灣一間化妝品牌店舖開幕,她說:「真係好耐冇見大家,要花啲心機打扮吓,今年真係衝,會多啲見大家。」
Kary表示兩年沒出碟:「最近開會都開始緊張,有少少無形壓力,上次隻碟係林憶蓮幫我做,點樣可以做得好過佢呢?我要求又高。」談到偶像憶蓮參加內地節目《歌手》,Kary說:「成日都睇住佢,佢唱我就喺電視旁邊緊張,希望佢贏啦!」問Kary會否參加?她說:「我?家好輕鬆,開心就做,唔開心就唔做,等再唱好啲先挑戰自己。」採訪、攝影:馬建華




來源: http://hk.apple.nextmedia.com/entertainment/art/20170304/19946664
雨霏 目標 超越 憶蓮
PermaLink: https://articles.zkiz.com/?id=327763

吳雨霏着A Wang露腰衫潮跟歐美流行牛仔褲內襯魚網襪穿法

1 : GS(14)@2017-03-05 09:35:04

吳雨霏日前在銅鑼灣出席化妝品牌活動,穿上Alexander Wang今個春冬系列的cropped cold-shoulder top,輕露纖腰,為造型帶來亮點。她還跟近期在歐美好流行的魚網絲襪穿法,刻意騷出牛仔褲內的魚網絲襪,野性誘惑,增添睇頭。在活動上,吳雨霏襯紅色高踭鞋增高,配魚網絲襪,女人味就較濃。Off duty換上yeezy boost350炒價波鞋,sports gear與魚網絲襪撞出摩登潮味,揹個Miu Miu黑色皮袋,整體造型反而更型。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170305/19948416
雨霏 Wang 露腰 腰衫 衫潮 潮跟 歐美 流行 牛仔褲 牛仔 內襯 魚網 穿法
PermaLink: https://articles.zkiz.com/?id=327895

吳雨霏買禮探Miki囝囝

1 : GS(14)@2017-04-09 10:49:38

■吳雨霏表示復活節後會去探望Miki囝囝(小圖)。



吳雨霏(Kary)前晚在銅鑼灣出席時裝品牌派對,近日她重投工作,問是否要日日煮早餐給老公?她說:「近排佢唔喺香港,停一段時間,不過佢好快返,復活節會去旅行,當休息。」會否順便造人?她說:「今年唔做住,因為做唱片先。」問是否打算調理好身體再造人?Kary說:「我恃住後生,事業衝吓先。身邊好多朋友生咗,唔急仲有時間。」好友楊愛瑾(Miki)早前誕下囝囝,Kary表示復活節後會去探望:「仲未有時間買禮物,送實用嘢為主,或者直接問有乜需要。」而Miki昨在Instagram貼了囝囝擘大口相,非常可愛。採訪:張俊銘攝影:陳慧安




來源: http://hk.apple.nextmedia.com/entertainment/art/20170409/19984307
雨霏 買禮 禮探 Miki 囝囝
PermaLink: https://articles.zkiz.com/?id=329821

經歷小產傷痛吳雨霏:是我做錯了甚麼嗎

1 : GS(14)@2017-05-18 01:10:52

Kary前年7月同「網球王子」洪立熙(Brian)結婚,之後全力造人,據知去年2月,兩人終於曾終於造人成功,Kary小心謹慎,一直秘而不宣,只於社交網寫道:「生命的旅程,現在才開始呢……」可惜未幾Kary的胎兒心跳停頓,需人工流產,此事令她與Brian傷心不已。而這個秘密,只有至親好友才知。事有湊巧,去年11月2日,即Miki剛宣佈懷孕翌日,Kary即被爆小產,更成為封面人物。Kary不欲外間太多揣測,惟有於社交網自揭痛史,憶述謂:「沒想過開心的時間很短暫,轉眼間噩夢就開始了……我們失去了最珍貴的小生命,我們的心都碎了。」
Kary續寫道:「我心裡有一千個問號,為什麼會發生在我身上?是我做錯了什麼嗎?」事件曝光,Kary身邊幾位好姊妹接受傳媒訪問時,紛紛予以安慰鼓勵,Miki接受本報訪問時稱:「發生呢件事,冇人會開心,身為好朋友更覺心痛,呢段時間夫妻互相支持最重要,而我亦會無限量支持佢哋。」




來源: http://hk.apple.nextmedia.com/entertainment/art/20170517/20024201
經歷 小產 傷痛 雨霏 是我 我做 做錯 錯了 甚麼
PermaLink: https://articles.zkiz.com/?id=333153


ZKIZ Archives @ 2019