ZKIZ Archives


【廣告vs真相】揭開端午糭真面目 美心大家樂太興邊隻最離譜?

1 : GS(14)@2017-05-21 13:19:26

廣告照片往往是「圖片只供參考」,美心糭王「足斤裹蒸糭」尚算合格。



包裝先行已是王道,但你有冇發覺餐牌或宣傳單張上的食品圖片,十居其九也是「圖圖不符」?廣告往往附上一句「圖片只供參考」,市民都習以為常,皆因廣告與現實真的差很大。記者揭開三間連鎖店的端午節糭,看看實際差距有幾大。



今年最吸睛的莫過於有「糭王」之稱的美心「足斤裹蒸糭」,售價為149元,廣告內蛋黃、燒鴨、腩肉和原粒瑤柱等材料堆滿糭,顯得十分豐富。廣告傳單更聲稱足600g重,孰真孰假,立即把糭上磅秤一秤。結果「足斤裹蒸糭」共重713g,比廣告宣稱的更重,烹煮後的樣貌雖然與廣告圖上的材料不符,但尚算可找回所有完整材料,還有一粒約5元硬幣大小的瑤柱。記者再找來三隻以鮑魚作主打的糭,分別是大家樂XO至尊鮑魚糭(每隻116元)、美心原隻鮑魚瑤柱糭(套裝價227元,另包括3款糭)和太興的原隻鮑魚裹蒸糭(每隻118元),解構一下其真面貌。



記者買了三間連鎖店的端午節糭,看看是否與廣告圖片差距甚大。(左起:大家樂XO至尊鮑魚糭、美心原隻鮑魚瑤柱糭和太興原隻鮑魚裹蒸糭。)

甫打開大家樂的糭身,已經看到有一粒花菇在頂端和兩粒大栗子在中央。

太興糭內藏的材料頗多,金華火腿亦很足料,惟與圖片的比例落差頗大,似乎要吃很多糯米才會吃到材料。

甫打開大家樂的糭,已經看到有一粒花菇在頂端和兩粒大栗子在中央,惟鮑魚位置藏得比較深入,也找了很久才看到。大家樂的糭賣相尚可,但就不太像圖片。太興雖然最重,但記者切到一半還未見到材料,再切深一點並掰開大部份糯米才看見鮑魚。雖然內藏的材料頗多,金華火腿亦顯然十分足料,惟與圖片的比例落差頗大,似乎要吃很多糯米才可咬到材料。



美心鮑魚糭是三間中最輕,糯米的比例不多,相對上與圖亦最神似。

美心的鮑魚是三間之中最細隻(左起:太興、美心和大家樂)。

美心鮑魚糭是三間之中最輕身,糯米的比例不多,相對上與圖亦最神似,頂端同樣有幾片瑤柱絲,較易認出,但鮑魚卻是三間之中最細隻。記者隨即在街上把以上的對比照片給街坊看看,大部份的受訪者指分不出,亦都感到差異甚大,認為並非同一隻糭,但卻異口同聲指在香港已經接受和習慣了:廣告就是廣告,一定與實物不符。記者:吳業紅攝影:劉永發、蕭志南2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170521/20027863
廣告 vs 真相 揭開 端午 真面目 美心 大家樂 大家 太興 邊隻 隻最 離譜
PermaLink: https://articles.zkiz.com/?id=333912

趣BLOGBLOG:30隻最衰港股一大共通點

1 : GS(14)@2017-07-09 12:13:01

■David Webb早前點名列出50隻不能沾手港股。 資料圖片





今年至今跌得最慘烈港股,主板是中國集成(1027)瀉95%,創業板是翠如bb股聯旺(8217)瀉98%,兩隻皆是David Webb50隻黑名單之內。統計頭30隻跌得最慘的主板股份,Webb50隻黑名單中,有11隻上榜,但另一個有趣發現,是30隻重傷股中,竟有22隻近年曾經改名,百分比超過七成。



上市公司10年改名5次

港股數目約2,000間,過去3年改名的上市公司,平均每年都超過120間,而名字完全改變的接近一半,約60間。公司改名主要有兩個原因,一是主業改變要配合,另一個是先前個名臭晒,逼不得已換名,希望蛋散唔記得當作新公司,重新開始過。上周有間聯合光伏(686)的上市公司改名為熊貓綠能,這間公司近10年已改名5次,平均每兩年一次。2008年底前稱為Gay Giano、然後改為太益,2011年則改為金保利,3年後改為聯合光伏,然後今年就改為熊貓綠能。記得2014年4月寫過一篇〈青蛙不會變王子〉的文章,曾經講過「若要人不知,唔好太低B」,公司改名雖然非常阿Q,但橋唔怕舊,最緊要有人受。大家可以翻閱30隻衰股大表,相信很多散戶已經忘了昔日舊名,當炒風重臨,大家又中過冧把降,能怪誰。或者,下一次大家聽完冧把後,不妨稍為做下功課,了解這間似熟非熟的公司。方法很簡單,去David Webb網站(https://webb-site.com)首頁,右上角有欄Stock code的物體,打股票代號,就會去到該公司介紹頁面,中間部份有齊這間公司過去中、英文名稱變動。很多散戶埋怨炒股經常輸錢,但捫心自問有否曾做過功課先落注。一次又一次中伏,俾人說是無能,沒錯吧!股榮
https://www.facebook.com/stockwing1




來源: http://hk.apple.nextmedia.com/financeestate/art/20170709/20083281
BLOGBLOG 30 隻最 最衰 港股 一大 通點
PermaLink: https://articles.zkiz.com/?id=338699

操盤手札記:超人系呢隻最有景

1 : GS(14)@2017-11-05 17:06:38

新股大抽獎,資金被抽乾。閱文(772)頂頭槌飛一張要成4.2億元,竟然都有51張飛!閱文股票錢未解凍,現時市場資金相對唔多,抽雷蛇(1337)或比抽閱文值博。銀根抽緊,拆息抽高,股樓受壓。現時超過九成樓按使用H按,一般以一個月拆息作基準,現約H+1.38厘,並以P按作鎖息上限,現計2.15厘。一個月拆息由9月平均0.43厘升至如今0.815厘,已高過封頂位。美國處於加息周期,香港遲早要跟,P會上升,當按息升至3厘,供平過租嘅優勢消失,樓市就會逆轉。差餉物業估價署最新數據顯示,樓價連續11個月破頂。天水圍嘉湖山莊本周亦連續三日破頂,兩房呎價高見10,603元。按統計處數據,個人每月收入中位數為15,300元;換言之,半數打工仔就算唔飲唔食,一個月都買唔起1.5呎邊陲樓!特首林鄭月娥嘅房屋政策以置業為主導,但佢從未喺香港置過業!如果一個股票分析員從未買過股票,你聽佢支笛?加息周期當前,息即是凶呀!買樓不如買地產股,雖然地產股都息口敏感,但無咁犯本兼回報更高。今年以嚟,樓價指數CCL累升17.6%;恒生地產分類指數就升31.5%,跑贏CCL成條街,兼跑贏大市。四大地產股中,長實(1113)今年累升40.7%,恒地(012)升44.1%,新地(016)升33.1%,新世界(017)升45.7%,計埋股息仲和味。我近期就比較留意長實。長和系前年大重組,和黃地產業務歸入長實,地產以外業務就歸長和(001),但年尾長建(1038)同電能(006)合併失敗後,長實開始減少地產業務,轉戰基建,公司剛以402億元出售中環中心75%權益,成為淨現金公司。現時系內長實、長建、電能、港燈(2638)都做基建。除咗港燈專注香港電力,其餘三間業務重叠。長實逐漸變身基建股,估值有提升空間;而且系內重組基建業務機會唔低,長實現金最多,最值得諗。割柑人本欄逢周四刊出



來源: https://hk.finance.appledaily.co ... e/20171102/20202157
操盤 手札 超人 系呢 呢隻 隻最 最有 有景
PermaLink: https://articles.zkiz.com/?id=343809

財路:內需股呢隻最抵買

1 : GS(14)@2018-02-13 03:04:05

中糧油(606)已經發咗盈喜,集團聚焦米麵油戰略,食住內需回穩升溫,嚟緊日子,keep住掂過碌蔗。內需瓣數當中,中糧油預測PE亦係至平選擇,勁抵煲。中糧油上月發盈喜,估計就快派2017年成績單,盈利約30億元。粗略計數,就算扣除當中出售生物燃料帶嚟9億元淨收益,中糧油盈利仍高達21億元,比對過去五年成績單,都係最省鏡。現價3.58元,莫講過唔到五年股價新高,就算比對2015年高位5.15元,仲係講緊累跌近31%!又中糧油全年成績單靚仔,皆因各主打瓣數回勇,以上年上半年為例,唔單只毛利翻過一番到36.4億元,毛利率同比亦增加3.9百分點,到8.2%。中糧油係全國第二大包裝食用油品牌企業,旗下小包裝米麵,亦喺內地處領導性優勢。國家統計局數據,上年頭三季,反映最終消費嘅糧油、食品零售額1.18萬億元人仔,同比增加10.6%,食住內需回暖條水,中糧油掂當。場內專業預測,中糧油今年再冇出售業務一次性收益,今、明兩年EPS0.326元同0.37元,預測PE10.9倍同9.5倍,兩年預估PB得0.62倍同0.59倍。場內內需瓣數康師傅(322)今、明兩年預測PE33.2倍同29倍、統一(220)23倍同21倍,同中糧油同系統嘅中國食品(506)預測26.2倍同21倍、蒙牛(2319)預測PE23.1倍同19.3倍,中糧油至抵搞。呢期大行包括里昂同大摩,都睇好內需股,有大孖沙睇好,為呢瓣加添鑊氣。買中糧油,煲翻半番到5.37元咁計,明年預測PE14倍,未追到上邊任何內需瓣數。錢雋細價股專家本欄逢周二刊出



來源: https://hk.finance.appledaily.co ... e/20180206/20296962
財路 內需 股呢 呢隻 隻最 最抵 抵買
PermaLink: https://articles.zkiz.com/?id=348256

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019