ZKIZ Archives


關仁隱事:秀秀公主病發甩拖

1 : GS(14)@2016-01-24 17:07:27

早排秀秀甩拖,分手原因除咗因為太忙冇時間陪男友之外,原來致命傷係秀秀經常公主病發。雖然秀秀本身都係一個好女仔,又有禮貌,聲譽都唔差,不過對助手同男友嘅態度就完全唔同喇。好怕熱嘅秀秀每次開外景,最少都要有一兩個助手擔遮遞風扇同毛巾抹汗,遞慢啲都俾秀秀鬧:「係咪想熱死我呀!」同男友拍拖一段時間後,真性情就出晒嚟,除咗有時會公主病發,仲因為開工冇時間見,但又會成日check住條仔,搞到男友頂佢唔順,忍唔住嗌分手。撰文:關仁





來源: http://hk.apple.nextmedia.com/entertainment/art/20160124/19464399
關仁 隱事 秀秀 公主 病發 發甩 甩拖
PermaLink: https://articles.zkiz.com/?id=294953

關仁隱事:阿呆

1 : GS(14)@2016-02-28 16:39:25

呢排娛樂圈俾一班小三籠罩,搞到啲大婆有得震冇得瞓,好似半紅不黑嘅阿呆都係同人夫搭上。劇情發展係點唔好講,但係佢絕對係一個進擊嘅女人,以前做奶媽嗰陣,已經好識得幫自己爭取利益,點都要
關仁 隱事 阿呆
PermaLink: https://articles.zkiz.com/?id=296339

關仁隱事:「藍帶」升呢男一速變臉

1 : GS(14)@2016-03-06 16:12:13

話說「藍帶」仲係主持嘅時候,不知幾好人,同記者有問必答。不過佢拍劇擔正做男一之後,就即時覺得自己「貴咗」,開始睇人唔起。有次一位嬌滴滴嘅雜誌記者想同佢做訪問,藍帶先係眉頭一緊,又問人邊間雜誌社,最後佢好寸咁話:「我今時今日,絕對可以選擇接唔接受你訪問!」之後就轉身走咗,個記者呆咗企喺度,連藍帶嘅保母當場都嚇一跳,保母即走去同藍帶耳語兩句之後,以為佢會同位記者做訪問,點知佢仲話:「我唔係針對你個人!」之後又走咗,呢啲咪死蠢囉。撰文:關仁





來源: http://hk.apple.nextmedia.com/entertainment/art/20160306/19518200
關仁 隱事 藍帶 升呢 呢男 男一 一速 變臉
PermaLink: https://articles.zkiz.com/?id=297028

關仁隱事:「花花」陰陽面唔准影相

1 : GS(14)@2016-03-14 01:43:54

關仁明白係女人都貪靚,尤其做娛樂圈呢行,真係人比人比死人囉!不過好似「花花」貪靚到唔畀影相,就真係大支嘢咗啲喎!話說有次花花出席一個公開活動,大會邀請咗記者採訪,咁記者職責梗係要訪問同影相㗎啦,點知現場啲燈光有問題,啲相出嚟影到花花變陰陽面,花花喺數碼相機螢幕睇到自己咁嘅樣,啲相一啲都唔靚,竟然大發嬌嗔全程唔畀影相,結果成個活動記者冇得影相,只可以用大會提供嘅發相囉。撰文:關仁





來源: http://hk.apple.nextmedia.com/entertainment/art/20160313/19527246
關仁 隱事 花花 陰陽 面唔 唔準 準影 影相
PermaLink: https://articles.zkiz.com/?id=297815

關仁隱事:「長腿」飯局價千萬嚇鬈毛

1 : GS(14)@2016-05-08 14:54:02

傳媒每隔一段時間,就會報道女藝人嘅飯局或者過夜價,人越紅價位越高,呢種現象亦造就一批中間人應運而生。圈中出名專做搞笑劇嘅「鬈毛」雖然出鏡率唔高,但喺圈中甚吃得開,唔少藝人都知佢經營副業,介紹女藝人俾老闆結識。有次佢打電話俾專飾演邪牌嘅「長腿」,單刀直入叫人開個價俾佢,鬈毛此舉當堂嚇窒長腿。但長腿定定神之後,就同鬈毛開價千萬,鬈毛聽完即刻爆粗鬧長腿,問佢係唔係用金做。自此之後,鬈毛每次見到長腿,都十足十仇人咁黑口黑面,睇嚟係怪長腿帶挈唔到佢撈油水。撰文:關仁





來源: http://hk.apple.nextmedia.com/entertainment/art/20160508/19602319
關仁 隱事 長腿 飯局 價千 千萬 萬嚇 嚇鬈 鬈毛
PermaLink: https://articles.zkiz.com/?id=300085

關仁隱事:「巨嬰」跟風行山博曝光

1 : GS(14)@2016-05-22 12:16:12

唔知係而家啲藝人忽然醒覺要注重健康,定係想跟風?又或者想捕獲巨星?點都好,最近真係多咗好多藝人去行山。「巨嬰」離開大台之後,經常拎住大聲公同人講話去拍西片,結果得個桔,勇闖完外國影壇之後,巨嬰終於好似啲移民港人咁回流返港,不過佢見自己回歸後工作唔多,又冇乜人氣,為咗博見報,就周圍打聽發哥喺邊度行山,諗住捕獲巨星影合照,然後放上網博見報,結果又真係俾佢撞到正,個天都算待佢不薄。撰文:關仁





來源: http://hk.apple.nextmedia.com/entertainment/art/20160522/19622071
關仁 隱事 巨嬰 風行 山博 曝光
PermaLink: https://articles.zkiz.com/?id=301094

【關仁隱事】大富請小飛食臭蟹

1 : GS(14)@2016-06-06 03:17:46

內地當紅小生「大富」身家億億聲,不過佢出身寒微,雖然做咗富豪,節儉性格依然不變。早前大富幫「小飛」拍部愛情電影,當中有場戲講一班朋友食飯,因為怕NG,道具手足買咗成籮蟹返去做準備。點知拍完之後剩番好多,大富本住食得唔好嘥精神,將啲蟹拎返酒店房慢慢嘆。據幕後人員同關仁爆料,大富第二日又將食剩再食剩嘅蟹攞番出嚟畀大家嘆,但隔咗兩日,新鮮蟹都變晒臭蟹,但小飛又唔好意思推,接收完轉頭就叫工作人員幫佢掉咗佢。撰文:關仁





來源: http://hk.apple.nextmedia.com/entertainment/art/20160605/19641468
關仁 隱事 大富 小飛 食臭 臭蟹
PermaLink: https://articles.zkiz.com/?id=302062

【關仁隱事】MK妹怕有手筋唔抱B

1 : GS(14)@2016-07-17 16:01:42

娛樂圈好多女星都要keep身形,就算陀B同生完B,身材好似都冇乜嘢走樣,其實佢哋背後都付出好多,除咗陀住B都要做運動同節食之外,連生完B之後都有好多禁忌。好似「MK妹」咁,生咗個好可愛嘅BB之後,因為驚抱得多重磅B會有手筋,搞到隻手唔靚,忍痛唔敢抱自己個親生骨肉,不過而家個個星都鍾意喺社交網晒幸福,有時佢作狀都會抱住個B一陣影張相,但影完就第一時間放番低。撰文:關仁





來源: http://hk.apple.nextmedia.com/entertainment/art/20160717/19697922
關仁 隱事 MK 妹怕 怕有 有手 手筋 筋唔 唔抱
PermaLink: https://articles.zkiz.com/?id=304078

【關仁隱事】單車妹妹撬番老友牆腳

1 : GS(14)@2016-08-08 00:17:12

「單車妹妹」自從離開舊公司,不但事業發展平平無奇,傳聞連佢嘅有米男友都俾「大聲妹」搶走咗,單車妹妹同大聲妹係十幾年閨蜜,俾好友撬牆腳真係好傷痛,好在有米男友最後迷途知返,而家單車妹妹同男友不知幾鬼煙韌,早排有米男友仲帶佢出席朋友結婚派對,正式公開兩人情侶關係,單車妹妹嗰晚都好識做,喺婚禮上表演贈興,完全畀足面男朋友,不過,為保事業佢就對記者堅稱單身,魚與熊掌都想兼得。撰文:關仁





來源: http://hk.apple.nextmedia.com/entertainment/art/20160807/19725991
關仁 隱事 單車 妹妹 撬番 老友 牆腳
PermaLink: https://articles.zkiz.com/?id=304836

【關仁隱事】口水擺明針對山東妹

1 : GS(14)@2016-08-14 14:29:22

最近「山東妹」拍劇爆出好多是非,聽聞原來係幕後人「口水」四圍唱佢。事緣山東妹因為生得高大,同其他人做對手戲時,燈光同攝影師都要作出多方面配合,出嚟畫面先至好睇,變相令其他工作人員做多咗工夫,所以每次山東妹開工,其他人都會皺眉頭。口水一開始就唔鍾意山東妹,好多時都玩針對。聽聞除咗山東妹,之前同口水合作嘅「身痕」,都俾口水四圍唱佢演技唔掂!撰文:關仁




來源: http://hk.apple.nextmedia.com/entertainment/art/20160814/19735252
關仁 隱事 口水 擺明 針對 山東
PermaLink: https://articles.zkiz.com/?id=305794

【關仁隱事】「加把勁」被闊少人夫疏遠

1 : GS(14)@2016-08-21 08:11:06

公仔箱小花個個都想釣金龜,以為嫁入豪門就可以上岸,印印腳做少奶奶。最近一朵小花「加把勁」經常被人發現同闊少新歡出雙入對,新歡即被起底原來係人夫,加把勁淆晒底。關仁收到風,加把勁個新歡已經唔係第一次偷食,成日都趁老婆唔喺香港就作反,今次闊少再被爆出搞搞震,佢屋企人嬲到爆,下令闊少馬上要斬纜,男方礙於家人施壓,所以無可奈何,都開始疏遠加把勁。撰文:關仁




來源: http://hk.apple.nextmedia.com/entertainment/art/20160821/19744124
關仁 隱事 加把勁 闊少 人夫 疏遠
PermaLink: https://articles.zkiz.com/?id=306748

【關仁隱事】大粒周圍匿避風頭

1 : GS(14)@2016-09-04 18:03:43

「大粒」喺電影圈拍過好多電影,又係鬥靚出身,好多年前嫁到好人家,婚後相夫教子,成為好多女星釣金龜嘅樣辦。不過大粒都唔係一帆風順,佢曾經被傳俾人篤背脊嘅醜聞,搞到佢要搵地方匿,屋企都唔返得!最後俾佢搵到個拍廣告識嘅印度籍老外,去咗佢屋企住咗一個禮拜。呢位印度男同朋友講番,其實同大粒唔係好熟,唔知點解會搵佢,不過外國人又冇乜嘢所謂,何況大粒咁靚女,佢仲話嗰一個星期,一啲香艷嘢都冇發生過,大家都好守禮喎!撰文:關仁




來源: http://hk.apple.nextmedia.com/entertainment/art/20160904/19759135
關仁 隱事 大粒 周圍 避風頭 避風
PermaLink: https://articles.zkiz.com/?id=307459

【關仁隱事】火爆哥粗口鬧爛導唔掂

1 : GS(14)@2016-09-11 05:50:28

「爛導」製作出名唔掂,但勝在識擦鞋,成日搵到老闆打本畀佢開戲。早前火爆哥就落搭接咗爛導一部中港合拍劇,火爆哥一睇劇本就鬧唔掂,場場戲都話要改。有幕後人員爆料,話火爆哥喺現場日日捉住導演嚟鬧,仲試過喺片場爆粗:「X你,仲衰過TVB!問啲嘢連唔連戲,我點知呀?全X部都唔專業!」火爆哥開始變本加厲,有時化完妝都唔去開工,要人三催四請,不過講到尾火爆哥都唔敢同爛導正面衝突,咪又係搞着班細㗎囉。撰文:關仁




來源: http://hk.apple.nextmedia.com/entertainment/art/20160911/19766956
關仁 隱事 火爆 粗口 鬧爛 爛導 導唔 唔掂
PermaLink: https://articles.zkiz.com/?id=308619

【關仁隱事】前世男神為仔女講價

1 : GS(14)@2016-09-18 10:51:51

越嚟越多星二代想入行,好多客戶都睇準呢個機會,搵新面孔工作,不過好多時都會俾佢哋啲阿媽阿爸激到紮紮跳。好似「前世男神」咁,佢個後裔最近俾品牌客戶睇中佢幫手宣傳,本來客戶除咗貪新人有新鮮感,就係價錢比較平易近人,點知前世男神就經理人上身,唔單止自己出面同agent傾價錢,開嘅價錢仲畀大台力捧嘅哥仔貴,本來agent都好想換人,但因為客戶都有興趣同呢位後裔合作,agent惟有硬食佢啲麻煩要求,好似話活動當日有乜嘢人參與都要話畀佢知,佢OK先可以搵,真係仲慘過佢係老闆。撰文:關仁




來源: http://hk.apple.nextmedia.com/entertainment/art/20160918/19773834
關仁 隱事 前世 男神 神為 為仔 仔女 講價
PermaLink: https://articles.zkiz.com/?id=309585

【關仁隱事】綠仙子茅招博上鏡

1 : GS(14)@2016-09-25 10:28:22

「綠仙子」入行多年演技了得,攞過好多獎,不過佢外表睇嚟不拘小節,但其實為人好鍾意出風頭。好似早排佢同「天神」合作,兩個人出席宣傳,天神被傳媒包圍訪問,令綠仙子不是味兒。後來佢兩個應邀一齊做傳媒專訪,事前綠仙子主動打畀天神,話大家夾定着乜嘢衫,順便襯埋顏色,天神好坦白咁同佢講自己會點着,而綠仙子就話自己又會襯。殊不知去到專訪當日,綠仙子竟然換晒另一啲勁sharp醒嘅衫出現,同之前夾好嘅完全唔同,明要搶番天神風頭!撰文:關仁




來源: http://hk.apple.nextmedia.com/entertainment/art/20160925/19780876
關仁 隱事 仙子 茅招 招博 上鏡
PermaLink: https://articles.zkiz.com/?id=309992

【關仁隱事】叻女被好姊妹過一戙

1 : GS(14)@2016-10-02 13:35:32

大台花旦「叻女」早排拍咗一套以專業人士為題材嘅劇集,難得有機會做女主角,原本叻女開心到痹,點知,套劇臨出街嗰陣,所有宣傳片全部被抽起,反而新冒起嘅「淑女」,突然搶閘變成女一,仲要宣傳去晒佢度!最慘係捱足好多年嘅叻女,一直對淑女好似妹妹咁,照顧周到,結果而家好似俾人過咗一戙。淑女咁把炮,其實除咗有人撐腰之外,最主要係佢姣媾監製,日日咁放電,對方好受落。撰文:關仁




來源: http://hk.apple.nextmedia.com/entertainment/art/20161002/19788181
關仁 隱事 叻女 女被 被好 姊妹 過一 一戙
PermaLink: https://articles.zkiz.com/?id=310985

【關仁隱事】小弟偷食女粉絲

1 : GS(14)@2016-10-10 04:28:30

以前嘅娛樂圈好似簡單啲,冇狗仔隊冇爆料,唔知係咪因為咁,以前啲藝人個膽都大啲,好似而家已經做咗人夫嘅男歌手「小弟」,想當年仲做緊偶像派嘅時候,去到邊都俾fans圍住,大部份都係女仔,仲有啲幾靚女㖭!有一次小弟要開工,工作人員比原定時間早咗少少去到佢屋企樓下,準備上樓接佢,點知就喺呢個時候,俾佢見到啲唔知應唔應該見到嘅嘢,就係有個女fans竟然喺小弟屋企行出嚟。雖然只係見到咁多,但晨早流流見到啲咁嘅嘢,真係好難唔諗多囉!撰文:關仁




來源: http://hk.apple.nextmedia.com/entertainment/art/20161009/19795182
關仁 隱事 小弟 偷食 食女 粉絲
PermaLink: https://articles.zkiz.com/?id=311293

【關仁隱事】公主追兵仔攞酬勞

1 : GS(14)@2016-10-16 08:20:05

喺娛樂圈好多關公手段,其實好與壞真係一線之差,「兵仔」早前就惹出是非,關仁聽講畀佢害過嘅人原來仲有「公主」。之前兵仔不停游說公主,幫手影一輯婚紗相,兵仔同公主講,話係幫雜誌影靚相,所以冇酬勞㗎!到場之後,公主先知原來有車馬費,但兵仔竟然一直都用拖字訣,唔肯畀錢,最終公主要出絕招,喺電話入面變埋聲扮助手問兵仔攞錢,幾經艱苦先攞番幾千蚊!撰文:關仁




來源: http://hk.apple.nextmedia.com/entertainment/art/20161016/19802033
關仁 隱事 公主 追兵 酬勞
PermaLink: https://articles.zkiz.com/?id=312272

【關仁隱事】大眼娃娃勁貪踏幾船

1 : GS(14)@2016-10-24 04:21:00

公仔箱嘅花旦,好多都想釣個金龜,快啲上岸。自甩拖後,發姣功挾有米人夫嘅「大眼娃娃」,最後搞到人哋兩公婆吵鑊甘,之後大眼娃娃改媾「卒仔」,不過就輪到俾卒仔正印女友數臭,大眼娃娃當然又例牌否認係小三!關仁八到大眼娃娃其實同時會一腳踏幾船,佢次次都會分散投資,因為務求要喺男方身上有斬獲後,佢先肯收手。大眼娃娃過去幾年都係自稱單身,其實全力
關仁 隱事 大眼 娃娃 勁貪 貪踏 踏幾 幾船
PermaLink: https://articles.zkiz.com/?id=313289

【關仁隱事】黑馬分手後暗護莉莉

1 : GS(14)@2016-10-30 14:35:58

娛樂圈有好多金童玉女,就好似童話故事嘅小戀人,「黑馬」同「莉莉」經常情侶檔就更加有錢途,在公在私都係雙贏。不過,世事難料,最近黑馬同莉莉分手,黑馬頭都大埋,唔明同莉莉好好地,點解忽然要分手,不過就算幾突然都好,總要善後,網民一面倒撐黑馬反莉莉,搞到莉莉好不滿,仲打電話命令黑馬,喺社交平台留言幫佢講番幾句好說話,黑馬惟有聽話配合。撰文:關仁




來源: http://hk.apple.nextmedia.com/entertainment/art/20161030/19816556
關仁 隱事 黑馬 分手 後暗 暗護 護莉 莉莉
PermaLink: https://articles.zkiz.com/?id=314124

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019