ZKIZ Archives


首播飯局被飛 陳鍵鋒:咁做好無聊!

1 : GS(14)@2011-04-11 00:32:44

2011-4-7 NM

接受有線訪問,寸無綫唔夠大方的陳鍵鋒,日前出席新劇《洪武三十二》宣傳,無綫派出外事部副總監曾醒明全程傍實,若他再發炮的話,出口攔截;陳鍵鋒勇敢宣洩多年怨氣,無綫亦還以顏色,週一新劇首播,叫齊全劇演員飯局睇首播,偏偏無人通知陳鍵鋒。被飛的陳鍵鋒繼續寸嘴:「如果係刻意咁做,真係好無聊!」

身為男主角之一的陳鍵鋒,在《洪》劇海報只能靠邊站。他更在微博透露,無人通知他去飯局。

最新指引

同無綫即使再無合約,但陳鍵鋒日前用廣東話上有線做訪問,依然引起無綫大反應。據知,有線的訪問出街後,無綫經理人部門,即時發出內部新規條:「無論跟無綫簽有長約、短約、部頭約,亦不得以廣東話、普通話、英語,接受有線訪問!」一眾無綫合約藝人,接到全面封鎖的新聖旨,十分愕然。提出無綫內部新指引,陳鍵鋒禁不住扯火:「如果真係咁就好奇怪囉!本來已經唔可以去有線,唔可以講廣東話,依家連普通話、英語都唔得,咁係咪講日文、法文就得!其實無綫嘅藝人都好尊重公司,唔會貿貿然上有線,咁做好無謂!但係我睇有線網站,我又見到王祖藍都試過用廣東話做訪問,咁係咪兩個standard呢!」去年七月約滿無綫,陳鍵鋒當時仍在《洪武三十二》劇組,其時無綫曾搵人與他接觸,表示合約期屆滿夾唔到劇集八月煞科日期,希望他以舊有條件簽一份新合約。「唔明點解會拍拍吓先話發現我份約到期,要我簽約拍埋個劇,但完全無商量條件空間。」

十年零加薪

近日不少花旦小生如佘詩曼、林保怡等都決定北上賺人仔,唔再續約無綫,更早已經起步外闖的陳鍵鋒,四年前已堅持唔簽無綫經理人合約。「當時有個高層叫我去傾,其中有部分條件我唔係好接受到,除咗係年期長,當時簽約人工大概係一個大學生做咗兩年嘢嘅年薪,我提出咗個疑問,都做咗咁長時間,十年都收咁嘅人工,係咪有問題呢!對方就同我講:『如果你簽咗約,我哋會捧你,你愈嚟愈紅,會有好多外面賺錢嘢番嚟!』但我好純粹理性分析話,如果你(公司)真係捧我,我先有咁嘅可能,但如果打後五年你唔理我,我又收咁奀人工,我點生活!連屋企人都養唔到!我再要求多啲,佢哋話無得再加,我亦覺得無辦法簽落去。「嗰次傾完之後,佢哋又即刻話張約已經準備好,簽啦!依家係講緊十年八年嘅合約,我都要考慮!我話要攞番屋企考慮,佢哋就話,你考慮一晚好啦!第二朝一早,已經有人打嚟問我簽咗約未,我話要再考慮,之後就無人再聯絡我嘞!」陳鍵鋒說。

隨遇而安

無簽經理人約,唔係無綫「親生仔」,陳鍵鋒一直被不平等對待,不過,他聲言十分理解,「唔開心一定有,但我明白,佢哋簽artists,都要同佢哋交代,有分別我係理解嘅,但係唔好去做啲古靈精怪嘅嘢傷害人!」被飛出首播飯局只是第一步,陳鍵鋒隨時被cut戲份,「既來之則安之,我唔相信,三十集戲,要重新剪片好大工程,我覺得佢哋唔會花咁嘅時間同精神囉!」陳鍵鋒說。

無啖好食

在無綫十一年,陳鍵鋒拍過《衝上雲霄》、《學警》系列、《律政新人王》等人氣劇集,一度與林峯、吳卓羲、黃宗澤睇齊,但一直未有與無綫簽包薪經理人長約的他,被捧指數不斷下降,近年即使有擔正劇集出街,宣傳片亦被降格做陪襯。

主角變配角

03年,陳鍵鋒接拍《律政新人王》,同林峯齊孭男主角,收視報捷,但07年,因拒簽經理人合約,拍續集時已淪為大配角,改由馬國明擔正。

被迫演奸角

唔肯簽賣身契,形象健康的陳鍵鋒竟被安排演奸角,在《鳳凰四重奏》強姦佘詩曼三次,又在《千謊百計》中毒害徐子珊,乖仔形象一鋪清。

台慶陪跑

每年的台慶頒獎禮,陳鍵鋒都係陪跑一族,就算同期出道的林峯、黃宗澤、吳卓羲等全部有份角逐男主角,陳鍵鋒頂多有配角提名,連飛躍進步男演員都未攞過。

刪減戲份

先後拍過三輯《學警》系列的陳鍵鋒,第一輯擔正同薛凱琪做對手,第二輯與陶大宇、郭羨妮玩三角戀,戲份大減,到第三輯已淪為配角,拍奀星梁嘉琪做情侶。
首播 飯局 被飛 陳鍵 鍵鋒 做好 無聊
PermaLink: https://articles.zkiz.com/?id=273898

陳鍵鋒重要部位遇襲

1 : GS(14)@2016-09-24 23:30:53

陳鍵鋒和衛詩雅昨日在觀塘拍港台劇《獅子山下2016》,合演將結婚的情侶,詩雅爆鍵鋒拍外景時被女粉絲摸,鍵鋒笑說:「嗰日中秋前,喺街見到幾個我媽咪年紀嘅姐姐,佢哋摸住我手臂搵我合照箒。」提到熱情粉絲,鍵鋒說:「印象最深係出席一個活動,俾人襲擊重要部位。」問是否被猴子偷桃?他笑說:「咁深入好難講,當時有啲力度,覺得痛。下次我惟有打側身,因為喺台上做緊嘢。」詩雅建議他穿硬一點的褲。此外,提到張致恒因性上癮要看醫生,詩雅指不了解事件,望對方努力工作。採訪:羅慧敏攝影:仇志德




來源: http://hk.apple.nextmedia.com/entertainment/art/20160924/19780135
陳鍵 鍵鋒 重要 部位 遇襲
PermaLink: https://articles.zkiz.com/?id=309878

小生變中生係警號陳鍵鋒買金條退休養老

1 : GS(14)@2016-10-30 14:35:57

當大家每晚喺電視機前見黃宗澤嘅時候,你仲記唔記得佢同林峯、馬國明、吳卓羲同陳鍵鋒喺大台時曾被封為新「五虎將」,但O依家除咗黃宗澤同馬國明,其餘三虎都已經向外發展。好似陳鍵鋒,佢係2010年離開大台,翌年就返咗大陸賺人仔,之後佢就憑同林心如、楊冪合作嘅劇集《美人心計》而打響名堂,人氣急升。正當大家以為佢會繼續去拼搏嘅時候,昨日有周刊報道話陳鍵鋒,已經諗到急流湧退,為退休作好打算。今年37歲嘅陳鍵鋒,報道指佢講到當年返大陸發展時,並唔係大家所諗一炮而紅,佢都捱過。佢話,以前係大台拍嘅劇,戲份都幾重,但喺大陸初接劇時,角色都唔係好重要,試過一年只拍一部,仲有一次佢講要出外景,化好晒妝等出外景車,但當日劇組就冇安排演員車,咁佢就同工作人員一架車,點知佢係最遲一個上車,上到去已經冇位,但全車都若無其事,冇人打算讓位俾佢,剛好有半個位放咗道具,佢就惟有坐半邊位,唔係就要自己行去拍攝場地。坎坷過後有艇搭…陳鍵鋒O依家喺大陸總算捱出頭來,正當以為佢會大展拳腳嘅時候,佢竟然諗嘅係退休。陳鍵鋒話,當有一日有人同佢講成熟咗、老咗,套套劇都搵佢做老竇角色嘅話,佢就要好好咁諗下,原來小生轉做中生,佢覺得呢個係一個警號。陳鍵鋒話佢O依家已經開始諗,離開演藝工作,自己可以做啲乜,佢想將來過啲安穩啲嘅生活,所以一直都有投資房地產、股票、基金同買金條,因為佢覺得咪嘢都會有機會暴升,報道仲話,陳鍵鋒曾經試過有經紀打俾佢,講咗兩句佢就買咗唔同嘅金融產品,雖然買咗咁多金融產品,但佢依然覺得?頭係最實際,同埋比較安全。




來源: http://hk.apple.nextmedia.com/entertainment/art/20161030/19817075
生變 中生 警號 陳鍵 鍵鋒 鋒買 金條 退休 養老
PermaLink: https://articles.zkiz.com/?id=314121


ZKIZ Archives @ 2019