從金融之花到肥師奶 胡孟青
2008-11-06 NextMagazine
一場金融海嘯，打得全球經濟人仰馬翻，無數股民損手爛腳，但股評人胡孟青未有好言安慰，繼續對股民嘲諷作風，偏偏又有一班想聽真心說話的觀眾捧場。
由證券行分析員轉職做獨立股評人，鏡頭前的胡孟青除了身形暴脹外，基本上和以往一樣，仍然是那個會把散戶罵得狗血淋頭，把行家嘲諷得無地自容的小辣椒。但實際上，她少了一半薪水，多了一個兒子，每晚收工便趕回家湊仔。一代金融之花，今天洗盡鉛華，甘願當一個做足廿四小時的肥師奶。6:30am
我不美但我做功課
每逢開市日，胡孟青便 一早起床：「六點幾就要起身，睇番前晚美股嘅消息同新聞，然後落街買報紙。」她認為開咪講股，不能憑空亂吹，必須有真材實料，所以每天必定睇多份報紙，再 上網做足資料搜集才開始工作，「一日唔做功課就拍檔知，一星期唔做功課就行家知，一個月唔做功課就全世界都知！而家有啲人覺得做節目，個樣靚重要啲嘛， 哼，如果真係咁，我呢啲無得做啦！」
今天，她自嘲不美，但原來出道之初，她曾被喻為第一代金融之花。不過，近兩年生了小孩後，沒有修身，身 形暴脹，她笑言：「我第一次上電視做節目前，曾經專登搵健身教練幫我減肥，減咗十幾磅，但生咗仔之後，連健身都無去。」不過電視台並未有因她肥了，便不找 她做節目，有線甚至幫她在Facebook搞了個青姐Fan Club，會員有近九百人。
她認為有麝自然香，不用自己四圍哀求爭取，因此對 一些為求上鏡，信口開河的股評人，非常不以為然：「有啲人周圍搵傳媒高層，話自己期貨、股票、窩輪、外匯咩都識，只要有得講就得，我覺得唔使咁囉！」她認 為懂什麼便講什麼，不要沒有立場：「人哋打嚟問三元八角買咗隻股票，你叫人三元六角止蝕，四蚊止賺，等於冇講。」
除了工作認真，講真話是她另一賣點，「以前有觀眾打電話嚟問我買高寶綠色好唔好，我心諗呢隻股票嘅大股東，接連批股，但批股價一次比一次低，好奇怪，你見思捷批股係咪咁吖？咪叫個觀眾唔好買囉。結果第二日，我俾五份報紙圍插，原來人哋搭緊棚谷股價，點知俾我拆咗。」胡孟青小資料（42歲）
92年：英國列斯特大學經濟學士
99年：香港城市大學財務碩士
93-00年：任職中銀集團，位至保險及投資部主管
00-04年：高信集團副總經理、高信證券交易董事
04-05年：滙豐金融服務副總裁
05年至今：獨立股評人
10:00am
獨立自由人
十時正，她會在新城財經台主持開市直擊，由於現時沒有公司包袱，胡孟青變得更中肯，說話更為大膽。不少電台及電視台因其獨立身份而找她講股，所以儘管是自由身，每天仍要工作八、九小時。
她 預科畢業後，十九歲便在廣東省銀行做文員，兩年後才到英國念經濟，返港後在中銀保險及高信證券工作，其間經常要返內地看上市公司廠房。○四年，當時三十八 歲的她懷孕了，卻不幸流產，「六個星期都仲有心跳，但八個星期就無咗，我會諗係咪佗住個肚都周圍走去做嘢，搞到個胎無咗。」一直笑口常開、聲大大的她，突 然眼神暗了，聲線也沉了。
她後來轉職滙豐，儘管不用再奔波勞碌，但要孭數及服侍客人，覺得壓力不輕，「當時我哋有啲組員好積極，想搵多啲錢，又話要搞韓股又話要搞夜晚期貨，錢係重要，但我覺得生活好唔平衡。」加上她當時再度懷孕，為免重蹈覆轍，索性辭職養胎。
離開滙豐後，胡孟青轉為獨立股評人，每天的工作時間和打份正職差不多，但她卻認為輕鬆了不少，「唔使孭quota，有咩辛苦呀！每日仲可以準時收工返屋企湊仔。」不過，代價是比以往少了一半薪水，「金錢誠可貴，但自由價更高呀！」
12:00nn
一餐飯見盡行家醜態在電台收工後，便是午餐及寫稿時間，她一星期要為報紙及雜誌寫五、六篇稿。為了可隨時隨地寫稿，胡孟青總會帶着手提電腦；沒有約人的話，她會外賣午餐回家邊寫稿邊吃飯。但作為股評人，少不免要參加財經飯局或晚宴，不少更令她印象難忘：「建滔化工周年晚宴，人哋主席喺台上面講緊嘢，某四個股評人居然喺台下鋤D，但兩邊分別係公司高層同合作夥伴喎！」她越講越勞氣：「成枱人居然會dead airo架，有啲就兩三個細聲講大聲笑，有啲就淨係識食，平時喺鏡頭面前就也文也武，但個個見到上市公司高層都啞o架！成日都得我同另外一、兩個會問問題o架咋！」除了飯局外，她有時亦要回內地看上市公司廠房，與行家朝夕相對，「飯後節目通常都會去夜場，幾乎個個都攬女。」由於部分廠房在較為雜亂的地區，胡孟青不敢離開大隊自行返酒店，所以一介女流亦要落場搵小姐，「大陸好衰o架，你唔叫，佢就一排一排咁走出嚟，直到你叫為止。」女人叫小姐幹嗎？「傾偈囉！訪問小姐生平囉！」她天性火爆，即使是行家，只要看不過眼亦照樣批評，但卻不是人人欣賞她的快人快語。四個月前，股評人鄧聲興被本刊揭發搞婚外情，記者問她知道嗎，她着記者到國金走一圈便知情，結果被行內某長輩責怪多事，此後她學精了，即使再批評行家，也不會指名道姓。4:00pm
鬧你是為你好
儘管被行家批評，但觀眾對胡孟青有話直說的態度卻非常受落，所以打電話上她節目問意見的人有多無少。
下午四時，胡孟青到有線位於港交所的直播室主持節目，並設有電話發問環節，但不少查詢卻令她大動肝火，「個市係咁插水，都唔識死，仲有好多散戶打嚟話想搏反彈，有啲直頭打電話嚟問應該買邊隻？幾多錢買？咩位放？咩位止蝕？」胡孟青於是答佢：「咁使唔使我話埋俾你聽幾點食飯？點o趙？點吞呀？」事實上，胡孟青今年甚少入貨，九成資產都是現金。
她說話又倔又硬，從來不怕得失觀眾，「一樣米養百樣人，我唔理得咁多人點諗，講心嗰句啫！」
由於節目受歡迎，所以有些上市公司會派人不斷致電來問股價，目的是增加曝光率，她不怕自己評語不當，最怕「有啲阿伯阿婆，以為電視有講嗰隻號碼就係好。」
為杜絕幫人造勢，「所有打嚟嘅電話都不會直接聽，一定係打返轉頭。」
不過，就算是小辣椒，也有些公司是避之則吉，「某啲集團避得就避啦，有啲股票，明知自己一提就把幾火，咪唔講囉，我無幾對手幾對腳。」若有人問到的話：「我唔批評佢，亦都唔評論佢。我成日都話，我仔細老公唔嫩呀！」
7:00pm
收工湊仔家庭最大
提起家人，硬朗的女強人也多了點笑意，七時正，胡孟青準時收工回家湊仔。她的丈夫是IT人，夫婦都要工作，但家中不請工人，兩歲大的兒子由婆婆照顧，至於家務，「老公做囉！」
每晚回到家中，老公負責煮飯餵飽一家，「我要湊仔吖唔煮得o架，佢成隻黐頭芒咁，去到邊都黐住o架！」打掃同樣由老公包辦，「超級市場有個角落係專賣清潔用品嘅，我老公特別鍾意行，對咩清潔劑有咩功效，好有研究。」胡孟青與丈夫一起十四年了，她經常在外跑來跑去，老公則在家中打遊戲機、睇碟、聽歌，她笑言：「佢有佢嘅生活，我有我嘅忙碌。」
最近換了新屋，亦是她的主意。原來她自細是家裡大家姐，下有三個弟妹，「爸爸媽媽又出去做嘢，所以我係屋企嘅總指揮，連睇咩電視劇都係我決定。」
但面對兩歲大的兒子，她也要放低指揮棒，萬事以子為先，如新屋便是為了讓兒子多點地方玩耍而買的，滑溜的牆，「俾個仔用架車車爛咗啦。」無奈的語氣滿布寵溺之情。以前的胡孟青事業大過天，現在，問她人生中什麼最重要，「梗係屋企重要啲啦！」
【過年食到肥】空手道一姐 教你劈走脂肪
1 :
GS(14)@2017-02-05 10:40:28第一招，這個格擋動作，雙手同時間一出一收，擋的位置就是對面膊頭的高度。轉腰出手時轉手腕，會練到二頭肌即老鼠仔和腹部。
新年食到超負荷？不用怕，香港空手道一姐、世界排名第四的香港空手道套拳代表劉慕裳，今日就教你用空手道招式，先教你收手臂，再教你練出大腿和臀部線條，最後練埋核心肌肉和側腹，靚晒。記者：李聰攝影：周芝瑩、伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
第二招，組合技，首先出拳，緊記前手前腳，即係腳伸出那一邊，手亦同時出那一邊。
然後出另一隻手，出拳時要轉腰和轉動手腕。
再踢腿，踢腿時身體要展開，不要縮起。可以練埋核心肌肉和側腹。
第三招，最後是單腳深蹲，放一張凳仔在腳下。
一腳向前一腳向下曲，碰到凳仔就上來，練出大腿和臀部線條。提提你，這個動作非常辛苦，如果能力不足，可以坐在凳仔再上來，相對簡單。
來源:
http://hk.apple.nextmedia.com/su ... t/20170203/19916078
【實試新可樂】Plus/Zero味道難分難解 酸酸哋點樣減到肥？
1 :
GS(14)@2017-04-13 22:41:02日本3月底率先推出的新系列可樂（Coca-Cola Plus），跟無糖Zero一樣零糖零卡路里，更標榜可以減肥。
日本3月底新推出的減肥可樂（Coca-Cola Plus），現在在香港的便利店都可以買到。我們街頭找來一眾市民測試原味、無糖Zero和減肥版Plus，三個系列到底有甚麼分別呢？
街頭試飲後，大家覺得無糖Zero和減肥可樂的味道十分相似，平時不好可樂的人更覺得三個系列都沒太大分別。記者再實試了兩種味道是否真的很難分，無糖Zero的可樂味最淡，而減肥可樂則較甜較多汽，亦多了點酸味。到底減肥可樂如何有助減肥？原來是加入了5g的水溶性食用纖維「難消化性糊精（Indigestible Dextrin）」，營養師吳耀芬指：「經過十多年的日本研究，發現難消化糊精有多種功能，可降膽固醇、血脂和血糖，增加腸道益生菌和抵抗力。難消化糊精是栗米粉經過加工之後，栗米粉內的澱粉質就重新排列，在小腸裏不能消化而進入大腸，部份難消化的糊精會慢慢發酵，其他的就會排出體外。跟普通水溶性纖維比較，它只製造小量的酸性和氣體，就會更容易阻截澱粉質和脂肪的吸收。攝取方面，一支減肥可樂大約相等於一條香蕉的水溶性纖維。」
看看減肥可樂跟其他兩種可樂有何分別。
Chole說：「平時不常喝可樂，味道好像沒太大分別。」
減肥可樂第一天推出的售價為$25，價錢偏貴，其他系列的可樂約售$10。可能太貴所以無人問津，有便利店就將減肥可樂Plus減價至$16.9，比起普通可樂仍貴約$7，值不值得買就見仁見智了。售賣點：部份7-Eleven記者：黎婉婷攝影：許先煜2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
成份標籤可見主要成份有可阻隔吸收澱粉質和脂肪的難消化糊精（Indigestible Dextrin）。
第一天售$25的減肥可樂，有便利店降價至$16.9，跟其他可樂比較還是偏貴。
來源:
http://hk.apple.nextmedia.com/su ... t/20170413/19988620