陳琪大肚寫真豁出去
1 :
GS(14)@2016-09-17 17:52:52■陳琪打算趁最後一胎,與老公胡諾言影大膽寫真。
陳琪和胡諾言的兒子將於下月中出世,今次生第三胎的陳琪表示已經擇日開刀,現在心情輕鬆,但未來將會是新挑戰。昨日她接受電話訪問說:「今胎真係意外有咗,仲要係仔,之前兩個都係女,所以今次就好似一切要重新開始,連衫褲鞋襪,大個搵學校都係再重新搞過。」陳琪笑指囡囡曾問她弟弟出世是否讀同一間學校,但她的女兒都是就讀女校,所以不可能。生完第三胎之後,陳琪會停產,她說:「邊有人生咁多,就係知道會收爐,所以朋友介紹我去影寫真,不過老公好保守,第一胎影咗啲傳統溫馨相,第二胎話攰唔想影,今次最後一胎,影咁大膽嘅相,都係最後一次。」採訪:非非
來源:
http://hk.apple.nextmedia.com/entertainment/art/20160917/19772903
胡諾言快手剪臍帶陳琪誕8磅仔圓夢
1 :
GS(14)@2016-10-15 12:12:17■胡諾言昨午陪老婆陳琪入產房,親自為孻仔Jayden剪臍帶。
現年39歲的胡諾言和42歲的陳琪09年結婚,至今剛好7年,但兩人婚後越來越恩愛,不但沒痕沒癢,二人世界還變成五口之家。兩人先後育有7歲長女胡芷苓及3歲二女胡芷悠,陳琪昨日為老公圓追仔夢,剖腹生下重8磅1安士的孻仔Jayden,母子平安。
眼鼻似爸爸
胡仔升呢第三任爹哋仍難掩興奮心情,他昨日在電話中說:「已經係第三胎,但唔知點解我心情仍然咁緊張,我明明有經驗,入去產房等時,我心一直諗太太要健康,BB都要健康,今次剪臍帶好快手,唔使半秒就剪好,醫生護士推BB出嚟時,囝囝喊聲好雄亮,佢好大聲。」胡仔指陳琪生得輕鬆,他說:「我一直拖住佢隻手,畀佢鼓勵,記得生大女、二女時,我有眼濕濕,呢次見住阿仔出世,我好淡定。」萌爆的Jayden眼睛和鼻仔最似爸爸,皮膚白淨,出生時體重更勝兩位胞姊,胡仔笑說:「我算對得住太太,冇乜嘢山珍海味畀佢食,但BB都咁重。」兩位姐姐在媽咪產前有到醫院探訪打氣,異口同聲心急想見弟弟。
■胡諾言雖然第三次做爸爸,但他表示見到囝囝出世時心情緊張。
■兩名女兒是胡諾言的寶貝,加上囝囝,湊成完美家庭。資料圖片
■陳琪陀仔時營養充足,囝囝出世時體重逾8磅。資料圖片
「要乜我都畀」
第三次剖腹生產的陳琪,傷口埋得不錯,預計多留院幾天便可出院。胡仔剛完成手頭拍攝工作,他表示這段時間正好照顧坐月的太太及BB。問到胡仔會送甚麼獎勵陳琪?他說:「佢要乜我都畀,我成個人都係佢,咁多年大家在心中,我哋有個幸福家庭,不論愛同物質,佢想要乜都得。」陳琪昨午產後精神很好,還短訊回覆:「生時好緊張,但生得好順利。」採訪:陳杰
來源:
http://hk.apple.nextmedia.com/entertainment/art/20161015/19801294
胡仔接陳琪孻仔出院
1 :
GS(14)@2016-10-18 08:15:23■胡諾言昨日接太太陳琪及囝囝Jayden出院。
陳琪上周五剖腹誕下第三胎,胡諾言昨日到浸會醫院接太太及出世時重8.1磅的囝囝Jayden出院,胡仔先後親吻太太及孻仔,陳琪精神奕奕,身形略有點水腫。胡仔指囝囝五官似自己,只有頸紋似太太,講到曾承諾送大禮給太太時,他笑指跟太太之間不着重物質。胡仔指囝囝中文名由李居明改,當初師傅批他們命中有仔時,陳琪還笑指師傅未有留意她險切子宮新聞,不久便意外懷孕,陳琪說:「嗰時冇諗係仔定女,只着重大小平安。」雖然是第三胎,但兩人已忘記湊仔技巧,要重新學習,今次決定不請陪月,凡事親力親為。採訪:馬建華攝影:沈健程
來源:
http://hk.apple.nextmedia.com/entertainment/art/20161018/19803827
陳琪抱B變五十肩
1 :
GS(14)@2016-11-21 00:05:00胡諾言和陳琪的兒子胡澔錕(Jayden)上周剛剛滿月,陳琪在Jayden滿月當日在微博貼相,之後上載全家福,她昨接受傳媒訪問說:「嗰日係我個仔滿月,第一次帶個仔出街,本來打算喺屋企食飯,點知發現冇買餸,咪喺屋企附近餐廳食,買咗個蛋糕慶祝,不過Jayden都係掛住瞓。」陳琪指Jayden一個月有11磅,是一個重磅B,她說:「真係笑人就叻,自己嗰個喊到收唔到聲就忍唔住抱,抱到我五十肩。」另外,「歌神」許冠傑(Sam)的兒子許懷谷日前宣佈太太誕下一子,Sam再做爺爺,更為孫仔改名許梓陽,英文名叫Tyler Hui,許懷谷昨在Ig留言感謝爸爸為兒子改名。採訪:非非
來源:
http://hk.apple.nextmedia.com/entertainment/art/20161120/19839480
陳琪送公主蛋糕賀囡囡
1 :
GS(14)@2016-11-29 07:55:31陳琪和胡諾言的二女胡芷悠(Jacey)昨日4歲生日,剛巧她不用上學,跟媽咪一齊去拍廣告,陳琪說:「係呀,Jacey同我一齊去拍咗個關於香港主題樂園嘅聖誕廣告,佢最初都有啲怕醜,叫佢講嘢有啲細聲,佢話自己斯文喎!拍完一個shot又話要補妝,真係俾佢笑死。」前晚陳琪一家人,加上爺爺嫲嫲和公公婆婆為Jacey慶祝生日,又買了她最喜歡的公主城堡蛋糕,Jacey很開心在蛋糕前唱生日歌送給自己。此外,陳琪誕下的細仔胡澔錕轉眼已經滿月,夫婦二人打算明年1月21日在迪士尼酒店擺百日宴。撰文:非非
來源:
http://hk.apple.nextmedia.com/entertainment/art/20161129/19848467
孻仔怕咗佢哋!胡仔陳琪拍片喪叫「波仔」
1 :
GS(14)@2017-01-18 08:04:29胡諾言同陳琪09年結婚,先後生咗大女胡芷苓同二女胡芷悠,上年10月,陳琪為老公圓追仔夢,剖腹生咗孻仔胡澔錕(Jayden),打算喺今個月21號為囝囝Jayden喺迪士尼酒店擺百日宴。胡仔昨日凌晨貼咗一家五口嘅片,留言:「點解佢叫波仔,係因為。。。」片中就話孻仔好似一個波,一家人係咁叫Jayden嘅乳名「波仔」,大家姐仲忍唔住錫細佬一啖,不過因為胡仔拍緊片,同大女講:「拍緊片,你行開先!」一家人真係好熱鬧,連胡仔都打hashtag自嘲「我諗波仔其實係怕咗我哋嘅」。
來源:
http://hk.apple.nextmedia.com/entertainment/art/20170117/19899867
胡蓓蔚爭抱等生B 胡諾言陳琪囝囝福星
1 :
GS(14)@2017-01-24 03:00:15■胡蓓蔚(右)抱過BB後,陳琪即預祝她快添丁。
胡諾言、陳琪夫婦前晚在迪士尼樂園為囝囝胡澔錕(Jayden)舉行百日宴,加上大女胡芷苓(Jay)、細女胡芷悠(Jacey)一家五口影全家福,氣氛熱鬧。吳家樂、陸詩韻、梁靖琪(Toby)、陳庭欣、沈震軒及胡蓓蔚等過百賓客到賀。
為子接廣告
小名「波仔」的Jayden偕爸爸胡仔以父子裝亮相,波仔趣致可愛,現場嘉賓爭相抱他,陳琪趁胡蓓蔚抱起波仔時,即笑說:「抱過就會生㗎啦。」至於盛裝打扮的陳琪則笑謂:「台慶都冇着到咁靚,原來搞百日宴辛苦過結婚,感覺似預演娶新抱咁。」胡仔夫婦大讚囝囝腳頭好,出世後夫婦工作各樣都變得順利,最近更為囝囝接洽一個嬰兒用品代言人廣告。陳琪並分享一單趣事:「有次胡仔抱囝囝出街,有街坊要求合照,但原來只係想同囝囝影,搞到胡仔好尷尬。」胡仔即笑謂:「唔緊要,希望個仔第日名與利都比我好。?家我好投入做湊仔公,希望佢可以帶旺我哋。」問到是否三個夠數?陳琪直言:「夠皮,因為生小朋大責任大。」
■胡諾言和陳琪夫婦前晚為兒子舉行百日宴,與兩女一家五口影全家福。
■百日宴以Jayden的BB踢死兔fondant cake作回禮。
■陸詩韻表示有男仔追,但堅稱單身都好幸福。
詩韻老皇妃
此外,單身的陸詩韻坦言眼見相識多年的胡仔一家幸福,回想自己卻仍然原地踏步:「單身都有單身嘅幸福,家庭當然都想擁有,但冇得強求,一切都整定,我相信緣份。有男仔追,但要觀察吓先,?家嘅年紀要求穩陣,唔會心急同任性。」至於有份拍無綫劇《深宮計》,飾演皇妃的她,被外界譏笑與一班妃嬪年紀都大,詩韻即笑說:「咁咪實力強勁囉。」採訪、攝影:卓寶花
來源:
http://hk.apple.nextmedia.com/entertainment/art/20170123/19905627
【離巢藝人】簡慕華陳琪唔撈
1 :
GS(14)@2017-06-18 21:45:06北上拍劇多機會,加上ViuTV及奇妙等新電視台成立,無綫已不是好遮蔭的地方,不少沒演出機會藝員都意興闌珊,今年離巢外闖。
陳琪
大專畢業後加入無綫,一做就做超過20年,由少女做到已成為人母,角色都是綠葉為主。3月尾拍完《深宮計》離巢,現轉做KOL。
蓋鳴暉
月前透露與無綫滿約,結束20多年賓主關係,現專心投放時間在粵劇事業上。
簡慕華
2000年選港姐入行,屬戚其義御用班底,多獲派演配角的她仍甚有發揮,演技獲網友大讚,離開原因是覺得在無綫無突破。
許亦妮
11年港姐季軍,多年不受無綫重用,今年5月完約,最後參演的劇集,是去年的《潮流教主》做配角。
來源:
http://hk.apple.nextmedia.com/entertainment/art/20170616/20057287
Next Page