|
||||||
|
富昌證券前總經 理、「藺大師」藺常念，同埋另一財經名嘴黃偉康合作搞新證券行，由年初講到家陣，仲係只聞樓梯響。市場中人好多都睇死佢兩個「講就天下無敵，做就有心無 力」，尤其係其中一條水喉黃浩縮沙唔玩。不過，華華收到風，佢哋原來已經籌到錢，仲揀咗灣仔大同大廈做未來新總部。新公司叫靈獅證券，洋名 Lyncean，籌備工作已經七七八八。 取名靈獅寓意靈活快速 藺大師同華華講，取名「靈獅」，係希望公司好似獅子咁，又靈活又快捕捉商機。佢希望將來新公司，按繳交保證金排行榜，能夠打入100名以內。近排市況波動，成交額又唔多，佢話正好用呢段時間部署。 講 開呢次搞證券行嘅風風雨雨，藺大師話，今年4月開始着手為開檔「籌旗」，過程尚算順利，到o依家佢哋仲等緊證監會發牌，連埋獲得發牌後需要買交易權計，最 快9月份先開到檔。至於今次自立門戶使咗幾錢？佢話，買交易權唔算貴，大概30萬左右，但係連埋其他雜項開支，兩千萬無走雞。 話時話，新舖個名咁猛，個logo係咪一樣咁威水？華華八到，兩位仲未有最後定案，黃偉康仲喺facebook度post咗3個款叫朋友畀意見。 李華華 |
||||||
|
||||||
|
○八年落選港姐高海寧，靠住天賦 34D驕人身材，日晒夜晒事業線谷旺人氣，肯露密做，雖然月賺逾十萬，但父母依然要在旺角女人街日曬雨淋擺檔賣銀器。本月十八日，四十八歲高海寧父親高榮 宜，涉賣假貨被海關拘捕，現已獲保釋候查。擔心父母有事的高海寧，愧疚表示：自己做極都養唔起全家！海關掃蕩被捕 高海寧與無綫簽下藝人合約後，一直被安排做綜藝及資訊節目，天生34D，她從不收收埋埋，在飲食節目中性感煮餸，近年已坐穩宅男新一代「咪神」之位。高海 寧的知名度及賺錢能力日增，但其父母依然繼續在旺角的女人街擺檔賣銀器。七月十八日（上週一），海關到女人街（通菜街）一帶展開突擊掃蕩行動，在高海寧的 四十八歲父親高榮宜的攤檔中，檢獲多款仿冒名牌銀器，高父當場被捕，現在獲保釋候查。本刊曾向海關部門查詢有關事件，他們只肯透露在七月十八日的確在旺角 區執行掃蕩行動，並拘捕一名四十八歲男子，其他資料不方便透露。 愁爆繼續開檔 據知，父親被海關拘捕當日，高海寧正離港到珠海拍旅遊特輯，事發後父母立即致電女兒，好讓她有心理準備。高父被海關扣查後，七月十九及二十日均沒有開檔， 休息了兩天，二十一日（上週四）始開檔做生意。當日下午，本刊記者曾到女人街高父擺檔的地方，高海寧父母一齊睇檔，坐在一旁的高父愁爆，不時眉頭緊皺，高 母不時走到老公身旁聊天，在老婆安慰下，高父才稍現歡顏。上星期五（二十二日），高海寧父母亦有開檔，傍晚時分，高父留下老婆一人睇檔，獨自去到女人街的 泰豐大廈十三樓一單位，發現高父拉起閘再推開一扇用報紙遮住的玻璃門，入內不到三分鐘，有一男一女撳鐘，高父開門招呼二人入屋，非常神秘。無獨有偶，高海 寧自用的寶馬汽車資料，登記地址正是泰豐大廈十三樓。 最想爸爸冇事 本刊記者問高海寧有關父親在女人街賣假貨被捕一事，其經理人搶說已無嘢可以講，反而高海寧面對現實。「件事係我離開香港當晚發生，所以不太清楚。事件已交 律師處理，現階段不便講太多，多謝大家關心！」據知，高海寧多次跟身邊友人透露很擔心父親的狀況。「這件事發生得太突然，大家都唔知點算好，即時搵咗律師 處理，我最擔心係爸爸，全家人都唔開心，但爸爸驚我太過擔心，又怕影響我份工，成日喺我面前扮堅強，見佢咁，我都冇逼佢再講件事，呢件事上我做唔到啲乜， 爸爸搵朋友介紹咗律師，我最想佢冇事。」高海寧說。至於高父曾出入的泰豐大廈十三樓，記者向高海寧求證單位是否用作工場時，她說：「係呀！（工場用嚟設計 定生產？）主要係做設計，爸爸會喺嗰度畫吓畫，算係佢嘅小天地。」 無能力養全家 據了解，現年廿四歲的高海寧是家中的長女，有兩個分別十三歲及十歲的弟弟，一家五口同住，本身住旺角的她，入行後為方便起見，才以一萬五千元租住何文田的 單位。由於高海寧肯搏肯捱，無論是主持飲食節目還是出席公開活動，也大方將34D身材示眾，因而廣受客戶歡心，賺錢活動一個接一個，去年更豪擲三十萬元， 購入寶馬代步，自我獎勵一番。對於父親賣假貨被捕，高海寧感到十分自責，認為自己冇用。「我好想佢哋（父母）唔使再喺女人街擺檔，入行之後更加想，但我點 做都冇能力養起全家，我仲有兩個細佬讀緊書，又要供樓、供車……屋企人同我會一齊努力，我真係唔希望佢哋再留喺女人街，夏天好熱，平時嘅三十幾度，喺女人 街焗住有成四十度，係好辛苦。」高海寧說。 父母齊封口 高海寧自責養唔起全家，令父母至今仍要在女人街日曬雨淋搵兩餐。記者向高母提到有關其丈夫被捕一事，她首先否認自己是高太，然後再說：「唔好意思，我乜都 唔會講，我乜都唔知！」對於女兒高海寧不想父母辛苦在女人街擺檔，並自責養唔起全家，高母說：「喺香港搵食個個都咁辛苦，我都係普通人一個，唔想冇咗私 隱，唔好意思。總之，佢（高海寧）好乖，我哋一齊住o架！」至於高父見到記者，即表現愕然，對有關賣假貨的事，他邊走邊擰頭說：「我冇嘢講！」 吸金力浮動 以34D作為最強吸金武器的高海寧，08初出道時出騷價只得五千，因為肯搏，鋪鋪晒巨咪，從而晒出錢途，出騷身價去年已經三級跳至萬五，高峰期試過一星期 出騷四次。據知今年更加價至二萬，仍然長做長有。唔計無綫嗰份只有萬多元嘅奀工，單係喺今年七月暑假旺季，外快收入超過十萬。2011年1月至6月：商場 騷約共13個×$2萬=$26萬7月：商場騷約共7個（截至廿六日）×$2萬=$14萬瘦身產品硬照廣告$12萬半年外快約：52萬 賣肉之路 入行前跟外婆姓沈，叫沈江莉的高海寧，在20歲當model時為一髮型品牌影硬照廣告，為賺多幾千養家不惜胸前只用乳貼遮胸半裸上陣，入行後更加搏！ 參選「胸」對手 08年選港姐時，自知34D上圍係武器，所以在泳衣同晚裝環節都搏到盡，胸壓全場成焦點，預咗落選無得做高貴港姐，都可以走咪神路?銀。 借勢晒巨咪 09年出埠拍《美女廚房》，面對最強對手童顏巨乳的台灣瑤瑤，識搶鏡的高海寧聰明以象鼻借勢一谷，將巨胸壓到上鎖骨，奇景令人難忘，從此坐穩咪神地位。 咪咪吸金強 晒巨咪場面一次又一次震撼人心，咪神形象入晒腦，09年趁前咪神徐淑敏生女成功攝位，高海寧成品牌活動新寵，仲可以登大銀幕，拋胸拍王晶執導的《美麗密令》。 遇強越強 搶韁呂慧儀一度成為咪神高海寧飯碗對手，無論係《港男》，賀歲片抑或品牌活動，兩個以事業線格鬥搶客，誓不低頭的高海寧睇準對手弱點，以性感加親民入屋笑容擊退長腳蟹，保住廣告客歡心。 長做長有 識做高海寧每次出席活動，都以大半球答謝客戶支持，09年當上咪神至今，活動長做長有，雖然身價唔算高，但密食當三番，幫到家。 麻煩老豆 血濃於水，父母出事，做仔女豈能坐視不理！唔少圈中人都重視親情，就算明知會惹到一身蟻，都不惜攬上身。 李彩華 03年5月，李彩華父親炒燶股欠債12萬元，被股票經紀追數。其後李彩華在記者會上哭訴父親早年生意失敗，欠債數以百萬計，她16歲入行搏命搵錢就是為替父還債，堅持咗五年數，終於在05年將所有償務清還。 謝霆鋒 謝霆鋒16歲便賣身飛圖（英皇前身），簽下10年長約。有傳當時四哥（謝賢）投資地產失敗，身家只剩兩萬，霆鋒簽約英皇，實情是為了代父還債。 張栢芝 99年，張栢芝父親鬍鬚勇因債項問題在尖東一間酒店與人發生爭執，事後他的地盤全被「掃場」，更盛傳有人向張栢芝發出「江湖姦殺令」，張栢芝高調交代事件，其後因警方高度介入，事件才得以平息。 |
||||||
|
||||||
|
星級分析員張一鳴（Derek，圖）自從唔撈DBS唯高達之後，華華每次見到Derek都會問佢，究竟轉去邊。直至最近終於有頭緒，原來佢又由sell-side轉返做buy-side。 話說，朋友前兩日叫華華上證監會個網，用Derek個名搜尋吓，就會有發現。果然有料到，Derek成為咗一家叫Aegis Capital Limited嘅主事人，上個月11日生效。有憑有證，華華打電話畀Derek，直接問佢打算點樣大展舉腳。 Derek 話籌組緊個基金，準備隨時出擊。佢好謙話呢個時勢，唔知可唔可以成功raise到心目中嘅fund size，但已經部署咗入市策略，唔會學似有啲fund，話就話係對冲基金，但就唔做對冲，走去炒細價股。Derek話，自己會買大藍籌，會long亦會 short，完全冇bias。 Derek係典型港產叻仔，打得砌得，最重要係有guts，又等華華拭目以待睇佢點表演。 |
||||||