ZKIZ Archives

周日名牌 奇華舵手黃錫祥：錢唔使　生意唔嚟

1 : GS(14)@2011-02-13 13:41:11


黃錫祥笑言，當年也嫌奇華老土，沒有拿來送禮。

奇華餅家──香港人熟悉的名字， 1938年只是座落於油麻地上海街的一家傳統中式餅舖。面對同業在時代巨輪下一家一家被淘汰，從事金融業的第二代黃錫祥接手改革，大灑金錢，更換包裝、聘代言人、大賣廣告，結果將「老餅品牌」，提升至「香港名牌」。奇華董事總經理黃錫祥說：「有心就有得做！」
記者：陳皓怡　攝影：梁鑑章

提起奇華，很多人會即時想到藝人曾志偉，反而知道創辦人姓黃的人不多，甚至有市民以為，曾志偉是奇華的股東之一，「當初搵曾志偉做代言人，係因為志偉形象鍾意食好嘢，同奇華品牌形象夾。不過，佢就冇喺奇華有任何股份。」
不要以為深懂宣傳推廣伎倆的黃錫祥來自廣告界，他來自「缸」湖。黃錫祥中學畢業後不久已自組公司，在金融業打滾 20年，「財經行業唔係一個 happy business，日日有人輸亦有人贏，今日阿甲笑、阿乙喊，聽日見到阿乙笑、阿甲喊。」
經過 87年一場股災，他將公司股份賣給拍檔，準備退休，但一次與父親黃業榮食飯，談到傳統餅舖能否做下去？「我話如果有心繼承，係有得做，係應該賣得，只不過係欠啲嘢。」就是這一句話，黃錫祥開展第二份事業，「奇華好運囉，又或者我好運囉。」

12345678910
太子爺送禮寧揀半島


六、七十年代，香港過百家中式餅舖關了逾九十間，黃錫祥形容奇華是「死剩種」。當時西式餅店幾乎壟斷糕點市場，究其原因，是由於中式餅店抹不掉的「老餅」感覺。即使是奇華太子爺，但黃錫祥送禮亦不會選擇奇華，「嗰時半島啲朱古力日本仔好嚮往，買半島朱古力，即係代表好尊敬佢。」除了是投其所好，更大原因是「失禮」，「奇華係『正』，但拎出嚟失禮人，個包裝唔名貴，你叫個阿太拎去行 Landmark都覺得好冇面，老實講，你嗰時叫我拎，我都覺得幾老土。」
知道病因，自能對症下藥。除了產品包裝要改，店舖裝修亦要改，「嗰陣餅舖做嘢好是但，裝修佬就係餅舖嘅 designer，間舖可以有幾靚？印刷商就係我哋嘅 graphic designer，靚得去邊度？」為了一洗「老餅」風，黃錫祥與當時設計師孫小華合作，「由 logo、 trademark開始改，就連 letterhead、信封所有嘅嘢都要改，改到現代化。」無論包裝、廣告、電視劇集贊助，黃錫祥從不吝嗇，「錢唔使生意唔嚟。」
「包裝只可呃個客一次」

慣於金融戰場埋身肉搏，黃錫祥深明「虛有其表」，難打持久戰，品質同樣重要，「包裝只可以呃到個客一次，我爸爸唔識包裝，但係識品質。」重外表、有內涵，奇華成功轉型，將本地小食打造成遊客必買手信之一，「最大滿足感係人哋讚我啲嘢，好似我入醫院，啲姑娘知道我係奇華，同我講奇華乜乜乜好食，你哋啲包裝好靚，嗰日我買乜嘢買唔到……止痛藥都唔使食。」
今天會唔會拿奇華送禮？「自從（奇華）改咗之後，我都冇買半島 o架喇！」黃錫祥自豪地說。
奇華餅家發展史

1938年
創辦人黃業榮於油麻地開設小型糖果雜貨店，加入傳統中式嫁喜禮餅、月餅及 麪包

1944年
於旺角上海街 478號開設第一間分店

1982-1985年
開拓海外市場，於台灣及美國發展分銷網絡

1988年
於長沙灣自設製造工場，引入現代化機器提升生產質素及效率

1994年
第二代黃錫祥接手奇華並銳意改革，重新設計商標及全線產品包裝，革新門市裝潢及員工制服

2004年
邀請本地著名畫家阿虫(嚴以敬)為奇華禮品包裝畫上手繪設計

2005年
於深圳開設國內首間分店

2009年
新廠房興建計劃於香港大埔工業邨正式動工
嫦娥變皇帝　驚老父唔批

奇華是由黃錫祥父親黃業榮於 1938年創辦，在兒子眼中，黃業榮是商業奇才。打仗時人心惶惶，爸爸逆市擴充。 70年代流行供月餅會，有一次雞蛋商遲了送貨，阻礙了奇華的月餅供應，「好多人走嚟排隊，好似銀行擠提咁，啲人驚冇餅拎。爸爸向每位客人派利是，畀佢哋飲茶，疏導人龍避免製造恐慌。」

不滿雞皮紙包蛋卷

黃業榮 13歲打工， 18歲當老闆，養活一家。黃錫祥坦言父親對其影響最大，「諗番起當年佢講啲嘢九成都啱。」奇華月餅「主角」由嫦娥變成皇帝，黃錫祥不怕市場接受不了，卻怕是老父不接受，豈料父親只淡淡一句，「你丟咗我個靚女，換咗個伯爺公。」
黃錫祥以為改革過關，冷不防以紙盒包裝的蛋卷，父親反而不滿意，「喺佢個年代，雞皮紙係最 cheap嘅紙，佢話『你拎張雞皮紙包住個盒，送俾人都唔要。』」不過老人家非常開明，「過幾個禮拜，佢聽到朋友讚，就叫我搵夥計送幾箱雞蛋卷返去派，咁即係佢 accept喇！」
兄弟不和　祖業必敗

黃錫祥 90年代在哥哥手上接過接力棒，「哥哥將奇華改變好多，以前阿叔拎啲乜畀你，你都要買，哥哥改做自助式，女員工開始有制服，嗰時我哋係香港首批用機器做蛋卷。」黃錫祥指，當年面對西餅店衝擊，哥哥努力改革，「如果冇哥哥管理，可能奇華早已冚埋咗，去唔到我手上。」
直至哥哥退休，黃錫祥與三弟接棒，沒有近年炒得熱烘烘的家族爭拗，「從來未試過拗撬，一間公司、一個祖業，一定要和氣，我哋都知道，如果我哋兩個打交實死。」
拍照錄音　改善經營

傳統生意得以延續並發揚光大，源自兄弟同心，還有事事上心，「我部手電有兩個功能，一係影相，影落嚟睇吓人哋點做。第二樣就係錄音，喺車諗到啲乜，錄低佢返到嚟開會睇吓有乜要改。」由父親到哥哥，再由哥哥到自己，奇華世代相傳，問到他會否「再次」退休，交棒第三代？「我唔會退休，冇可能自己生咗個仔出嚟唔睇住佢？不過會畀啲機會後生仔去 make decisions。」
周日 名牌 奇華 舵手 黃錫 錫祥 錢唔 唔使 生意 唔嚟
PermaLink: https://articles.zkiz.com/?id=272980

香港騙子拖錢唔還-戴曙陽

1 : GS(14)@2011-04-26 22:08:04

無能力就破產，點解要害正當商人，不x知所謂，唔爆粗都唔得

http://hk.apple.nextmedia.com/te ... 104&art_id=15200021

曾在東莞拖欠過百供應商逾 6,000萬元貨款，引起軒然大波的港商戴曙陽，再次捲入賴賬風波，涉及最少十間供應商共逾 300萬元。有深圳廠商夫婦遭拖數十多萬元，上月底來港追數惹上官非後仍不放棄，妻子直踩戴的新公司理論時，更遭對方手指篤額頭爆粗喝罵「畀條×你」。但夫婦追債決心未被打沉，揚言：「追到天腳底都要追！」
記者：梁曙光　馮樂琳

....

夫婦其後發現至少十間行家公司同被眾翔拖欠合共逾 300萬元。上月 25日，盧氏夫婦來港追債時，戴躲在公司不肯現身，夫婦在門外「死等」至凌晨 2時許，因恐戴溜掉而用單車鏈鎖上公司大門，結果涉嫌非法禁錮被警方拘捕，翌日被法庭罰款 2,000元。
本月 11日，盧太單人匹馬再到卡德追數，發現已關門大吉，追查下得悉兩日前已搬至毗鄰大廈，門口掛上「 Autotek」新招牌。盧太直闖入內向戴追數，對方被迫下爆粗連珠炮轟，豎中指說：「畀乜錢呀，畀條×你呀」，又用手指篤盧太額頭說：「你咁嘅態度，我一毫子都唔畀你！」盧太無奈離去，兩日後她知悉 Autotek在灣仔會展舉行的春季電子展擺攤位招客，再往踩場，遇到多名到來追數的外國廠商。
同日，記者陪盧太在展場與戴曙陽對質，戴先承認自己擁有眾翔五成股份，之後又說只是外母持有，堅稱眾翔與卡德是兩間公司：「佢哋（盧氏夫婦）搵黑社會向我姨仔成燕追債，成燕迫於無奈先用卡德名義開支票，卡德先捲入風波，佢哋追數追到香港，我都係以禮待人先幫眾翔佢哋簽還款欠單……眾翔有管理層，你問番佢哋，唔通長江欠債，你去問和黃？」盧太不斷指摘戴講大話，追數落空，盧先生翌日到會場企足一天，戴未有現身，夫婦正部署下一步行動。
2 : GS(14)@2011-04-26 22:08:31

http://hk.apple.nextmedia.com/te ... 867&art_id=15200022
收落定後不理定單

阿偉說，戴氏夫婦簽的支票很有問題，「真係兌到錢嘅應該係簽英文名，但佢哋會簽中文名，結果一定彈票，有時仲專登寫錯字，好似將『 three』寫成『 tree』，呢招都唔係一次半次」。
卡德的買家來自世界各地，部份透過網上訂貨。阿偉說，戴曙陽不時說服買家落定訂貨後，就將定單擱置不理，收下的定金可達 40至 50萬元，「正常收到定金會排期生產，但有些定單久久未排期，戴生根本唔理」。
本報記者
3 : 龍生(798)@2011-04-27 01:53:06

真係好仆街!!!

有乜方法可以對付佢? 我真係諗唔到...商業斗紛...無人會理, 幾廿萬, 打民事又得不償失

佢就係睇中呢樣野, 正人渣
4 : reference(1610)@2011-04-27 12:08:25

正人渣 smiley
5 : GS(14)@2011-04-27 22:39:04

3樓提及
真係好仆街!!!

有乜方法可以對付佢? 我真係諗唔到...商業斗紛...無人會理, 幾廿萬, 打民事又得不償失

佢就係睇中呢樣野, 正人渣


畀十幾萬買兇先得
6 : 龍生(798)@2011-04-28 00:03:48

唉, 你都咁講, 即你都明白係無佢符吧....
7 : abbychau(1)@2012-05-30 09:50:41

呢個數告小額咪得, 又易入又慳錢
8 : dcdc(1215)@2012-05-30 10:08:19

5樓提及
3樓提及
真係好仆街!!!
有乜方法可以對付佢? 我真係諗唔到...商業斗紛...無人會理, 幾廿萬, 打民事又得不償失
佢就係睇中呢樣野, 正人渣

畀十幾萬買兇先得


正PK, 佢地未遇上真正惡人者, 時辰未到. 為啖氣, 出小小錢, 大把方法玩死佢地.
9 : GS(14)@2012-05-30 22:18:40

7樓提及
呢個數告小額咪得, 又易入又慳錢


都是追唔到，可能連律師都是錢
10 : abbychau(1)@2012-05-30 22:57:21

9樓提及
7樓提及
呢個數告小額咪得, 又易入又慳錢

都是追唔到，可能連律師都是錢

你識唔識架, 告小額唔洗律師
11 : GS(14)@2012-05-30 23:00:40

10樓提及
9樓提及
7樓提及
呢個數告小額咪得, 又易入又慳錢

都是追唔到，可能連律師都是錢

你識唔識架, 告小額唔洗律師


上堂都要錢是咪
12 : dcdc(1215)@2012-05-30 23:01:04

10樓提及
9樓提及
7樓提及
呢個數告小額咪得, 又易入又慳錢

都是追唔到，可能連律師都是錢

你識唔識架, 告小額唔洗律師


超過50,000元的申索, 小額唔受理啊.
13 : GS(14)@2012-05-30 23:01:58

12樓提及
10樓提及
9樓提及
7樓提及
呢個數告小額咪得, 又易入又慳錢

都是追唔到，可能連律師都是錢

你識唔識架, 告小額唔洗律師

超過50,000元的申索, 小額唔受理啊.

涉及最少十間供應商共逾 300萬元。
14 : abbychau(1)@2012-05-30 23:32:16

你係可以淨追入面其中五萬, 但會蝕差額
15 : abbychau(1)@2012-05-30 23:32:49

13樓提及
12樓提及
10樓提及
9樓提及
7樓提及
呢個數告小額咪得, 又易入又慳錢

都是追唔到，可能連律師都是錢

你識唔識架, 告小額唔洗律師

超過50,000元的申索, 小額唔受理啊.

涉及最少十間供應商共逾 300萬元。

只係差訂金幾十萬
16 : GS(14)@2012-05-30 23:32:51

14樓提及
你係可以淨追入面其中五萬, 但會蝕差額


追幾萬都無乜用
香港 騙子 拖錢 錢唔 唔還 戴曙 曙陽
PermaLink: https://articles.zkiz.com/?id=274127

爽視彈：《一分鐘》派錢唔夠多 朱國亮

1 : GS(14)@2013-03-30 23:14:16

http://www.sharpdaily.hk/article/entertain/20130204/173224
周日親友飯聚，電視正播映《決戰一分鐘》，當獎金只是幾千元時，大家的注意力仍在飯餸上，到挑戰過萬元獎金時，大家開始顯得緊張投入。
傳媒揭發俊男美女參賽就認定造馬，其實是誤中副車，參賽者只是媒介，李克勤也不是主角，觀眾有興趣的，是獎金！
《決戰一分鐘》首播時觀眾曾期望又有《百萬富翁》式派錢遊戲，那知送來送去沒有掀起話題，明顯是錢派得不夠多。
《百萬富翁》的成功勝在易投入，有張嘴巴就可以參與；可是，叠杯、碌波子、叠蘋果，比填寫六合彩難度高太多了，對於想發達的平凡人如我，參與門檻過高，觀眾就會覺得遙遠。
既然獎金才是主角，送出獎金愈多收視應該愈高，挑戰25萬是第一步，之後是50萬、100萬，即使擦身而過，起碼可以製造話題。
朱國亮
逢一、三、五
爽視 視彈 分鐘 派錢 錢唔 唔夠 夠多 朱國 國亮
PermaLink: https://articles.zkiz.com/?id=282444

翠湖業主拒付維修費　官：政府亂使錢唔交稅得唔得？

1 : GS(14)@2016-02-08 03:21:10

【本報訊】沙田翠湖花園因圍標而需以2.6億元天價翻新屋苑，業主因不滿維修費太貴而拒絕支付，遭到業主立案法團入稟法院控告並且申請將單位「釘契」。案件昨日於區院再提訊，法官直言業主勝訴的機會甚微，即使業主認為法團亂花錢，亦不等於可以拒絕支付維修費，又以市民不滿高鐵超支而不交稅為例，「有啲似市民話政府亂使錢，所以唔交稅，你自己諗下咁樣得唔得」。



法團申請將單位釘契

業主立案法團的代表律師透露，被告陳鏡茹現時仍拖欠67.8萬元，申請將被告的一個住宅單位以及兩個車位「釘契」。被告同意有責任支付屋苑的維修費，但是不滿金額過高。法官聞言遂解釋：「收錢同使錢係兩回事……圍標應唔應該使，初步嚟睇，同你應唔應該畀係兩回事，睇唔到點解有圍標你就唔使畀錢。」法官又指出，縱然被告沒有律師代表，但是若然敗訴，需要支付原告一方的律師費，動輒數十萬元，勸被告三思，並且與丈夫商量一下是否仍然繼續案件。被告最終仍然拒絕支付維修費，案件押後至圍標案維修商股東丘瑞田判刑後再處理。案件編號：DCMP3241/14■記者蘇曉欣





來源: http://hk.apple.nextmedia.com/news/art/20160206/19482246
翠湖 業主 拒付 維修費 維修 政府 亂使 使錢 錢唔 交稅 得唔 唔得
PermaLink: https://articles.zkiz.com/?id=295447

張偉文騷錢唔夠手術費

1 : GS(14)@2016-10-18 08:15:31

張偉文的5場演唱會，昨晚在沙田大會堂舉行首場，開騷前他接受傳媒訪問：「今晚演唱會，我會全程坐喺一張凳度唱歌，主辦單位幫我訂咗兩張凳，有得換下，可能冇咁悶。」張偉文因為隱疾激瘦了50磅，去年5月做了腰椎及骨髓手術，可惜不成功，他依然不能走動，需要依靠輪椅代步，他表示：「我希望做完演唱會再做一次手術，之前因為想慳錢，冇用到貴嗰位醫生，結果手術唔成功，今次都係要搵番佢開刀，不過講真我呢5場演唱會，真係唔夠手術費，因費用成50幾萬，如果搞唔掂，我會搵演藝人協會幫手。」採訪：張俊銘攝影：陳慧安




來源: http://hk.apple.nextmedia.com/entertainment/art/20161018/19804050
張偉 文騷 騷錢 錢唔 唔夠 手術費 手術
PermaLink: https://articles.zkiz.com/?id=312584

【我無樓，但我很傑出】80後唔儲錢唔買樓　搞慈善窮遊40國家

1 : GS(14)@2016-10-22 22:28:55

Sonya話柬埔寨垃圾山嘅日出、日落同星空係最靚，尤其日出睇到希望。



「我睇過好多地方嘅日出、日落同星空，最NO.1係柬埔寨嘅垃圾山！」遊歷超過40個國家嘅80後少女Sonya，喺柬埔寨垃圾山見到最難忘嘅片段，「日頭啲人好辛苦搵食，當迎接日落，好快入夜，感覺好無希望，但係跟住望到好靚嘅星空，迎來第二朝嘅日出，原來喺一個最臭、最爛、最差嘅地方，會見到最有希望嘅一幕！」



Sonya遊歷咗超過40個國家，佢話唔只係去旅行，係喺世界生活。

佢話呢位阿根廷小朋友真係贏在射精前，22個月大就跟父母環遊世界。

Sonya四圍去，儲唔到錢，更加唔好話買樓，但係佢活得快樂。

Sonya啱啱結束咗5個月嘅Backpack旅程，遊歷咗中亞、伊朗、土耳其等地，佢話好多人羨慕佢旅行唔係以日計，係以月計，「我同羨慕我嘅人講不如交換吖，佢哋唔制o架，因為我係有自由，但係放棄咗穩定。」喺香港，要追求同香港人不一樣的價值並不容易，但喺世界，Sonya遇到好多比佢更瘋狂嘅人。例如喺塔吉克遇上一家三口嘅阿根廷人，父母旅行咗14年半，「當香港人話要贏在射精前，佢哋個仔就真係贏在射精前，唔止喺旅途上出世，得22個月大已經跟父母環遊世界。」



佢覺得可以為別人嘅生命帶嚟少少光明，係最美麗嘅事，所以成立慈善機構i-Action。

喺內地一個麻瘋病康復村涼山，籌咗12萬起小朋友飯堂，就係藍色屋頂嗰間。

以前啲小朋友喺露天嘅地方，踎喺度食飯，

環遊世界都可能係你嘅夢想，好多人諗住儲一大筆錢退休先去，但係Sonya話根本唔知自己幾時死，而且旅行同錢無關，「首先你真係要無家庭負擔，至於自己嗰部份可以好慳。」好似喺塔吉克同阿富汗國界嗰度，可以揀用200美金搭車，但係Sonya就揀行一個禮拜，「我唔只係去旅行，係喺世界生活。」



而家終於有瓦遮頭！

新嘅project係教採蜂蜜嘅村民做包裝，整副產品，等佢哋可以自食其力。

Sonya話自己從來儲唔到錢，用晒嘅時候就做freelance，寫稿、影相、拍廣告等，賺到一萬兩萬蚊又再去旅行。Sonya話有朋友擔心佢老來乞食，「乞食咪乞食囉，同埋我年輕嘅時候擁有呢啲經歷同寶貴嘅回憶，我好有信心係唔會令我將來乞食！」



Sonya話越多去旅行，越令佢知道世界好多出路，「唔好畀既定嘅框框，框死自己，你可以揀你自己行嘅路。」而Sonya就揀咗行慈善之路，喺2013年成立慈善機構i-Action。當有傑青話唔睇戲、唔social，29歲供完層樓就傑出，但係Sonya唔儲錢、去旅行，29歲服務山區村民起咗幢樓，都唔敢話自己傑出！喺香港買樓，Sonya覺得一啲都唔值，「我唔想死嗰刻，原來仲攬住層樓，但係又未供晒！」佢話如果有500萬買樓，不如分一半出嚟畀有需要嘅人，已經做到好多嘢。好似喺過去兩年，Sonya籌咗12萬為內地一個麻瘋病康復村涼山，起咗個飯堂畀小朋友食飯，「佢哋本身喺露天地方踎喺地下食飯，有一日落毛毛雨，啲水滴落個食物盤度化開，嗰一幕我到o依家仲好記得！」為咗令小朋友有瓦遮頭，做過NGO災難管理嘅Sonya利用佢嘅經驗同熱誠，將朋友嘅善款轉化成磚頭。飯堂建成，o依家幫採蜂蜜嘅村民爭取公平貿易，教佢哋包裝、做副產品，希望佢哋可以自食其力。可以為別人生命帶嚟少少光明，Sonya覺得係最美麗嘅事，不過做呢一切，佢都一再強調自己唔傑出，「好多人畀光環我，但係我畀到涼山村民嘅嘢好少，而且啲錢都唔係我嘅，係人哋捐嘅，我只係帶大家嘅愛心上去。」
i-Action【一行動】
https://www.facebook.com/IActionHK/
Sonya travel& photography
https://www.facebook.com/sonya.travel.photography/場地提供：Something Wild野玩山店地址：灣仔英皇集團中心1樓電話：29975233記者：鄒倩婷（阿仙）攝影：Kaman、峰編導：Kaman剪接：Roy




來源: http://hk.apple.nextmedia.com/entertainment/art/20161022/19808606
我無 無樓 但我 我很 傑出 80 後唔 唔儲 儲錢 錢唔 唔買 買樓 慈善 窮遊 40 國家
PermaLink: https://articles.zkiz.com/?id=313152

農夫嫌蝕錢唔出碟

1 : GS(14)@2016-11-13 11:32:45

農夫昨日在旺角舉行新碟簽名會，陸永和C君指現今僅有幾位香港歌手出碟不用蝕錢：「出碟預係當畀人收藏，唔係賺錢，遲啲出碟要包裝啲八卦、風水嘢、煲墊之類。」而農夫又預告這張新碟會是最後一張，兩人說：「逐首網上賣，啲人聽我哋嘅歌都唔係追求好音質。」會否送唱片給鄭裕玲？農夫笑說：「佢見到隻碟咪隨手就丟。」




來源: http://hk.apple.nextmedia.com/entertainment/art/20161113/19831754
農夫 嫌蝕 蝕錢 錢唔 唔出 出碟
PermaLink: https://articles.zkiz.com/?id=315361

百億郭太認慳家熊黛林：辛苦錢唔會浪費

1 : GS(14)@2016-11-20 23:52:06

■百億新抱熊黛林想盡快生仔，已在努力中。



熊黛林（Lynn）上月27日低調嫁家族坐擁百億資產的郭可頌，之後二人各有各忙，但她不時在微博放閃晒恩愛，昨日新婚人妻Lynn應邀出席Giorgio Armani Beauty新聞發佈會，同場還有樂基兒、蔡卓妍及衛詩雅等。
Lynn現身即被叫「郭太」，她笑說：「之前唔適應，以為叫我奶奶。」百億新抱好勤力，問為何不做少奶奶？她說：「唔會，一路會做嘢，未有小朋友前會做嘢，搏命搵錢。要珍惜機會，以後有小朋友就可以少啲，而家享受工作。」


「最緊要快生仔」

早前Lynn被拍到日本城等平民家品店買物品被指慳家，她說：「日用品冇需要買名牌，最緊要好用，我哋大家辛苦搵錢，冇需要浪費。」Lynn婚後曾揚言不設防造人，她笑說：「暫時未有好消息，努力中，希望可以快啲。」她直認開始調理身體，身邊好多朋友都提供生B秘方，她說：「自己會注意，例如唔好食咁多海鮮、凍嘢，我都好聽話。」問想生仔或生女？她表示：「呢個唔緊要，最緊要快，仔女冇所謂，老公身體不嬲好，我自己做呢行食冇定時，身體差啲。」Lynn又表示會學廚，她笑說：「因為管男人最緊要管住佢嘅胃，雖然佢而家已經好黐家。」



■早前熊黛林被影到慳家到日本城買日用品。資料圖片

■阿Sa想買樓，可惜政府辣招令她卻步。

■樂基兒在網上學煮中餐，並已買定新年禮物冧男友。

■蔡穎恩（中）等女模出席Giorgio Armani Beauty的發佈會。

學中餐氹男友

樂基兒下月21日返美國過新年，並已準備禮物，她說：「買化妝品畀妹妹，媽媽就買首飾，而男友就買件衫，佢鍾意運動。」最近她在網上學煮中餐，獲男友大讚。另外，蔡卓妍（阿Sa）下星期到澳門做巡迴演唱會，之後到美加，被指賺了不少，問有否買樓投資？阿Sa說：「呢排冇，有辣招嘛，我唔係炒，攞啲唔等使嘅錢投資買吓嘢，好難賺到錢，睇吓畫，自己鍾意嗰幅成幢樓咁貴，而家咁樣打擊樓市，希望可以畀啲優惠本地人。」採訪：羅慧敏攝影：仇志德




來源: http://hk.apple.nextmedia.com/entertainment/art/20161119/19838451
百億 億郭 郭太 太認 認慳 慳家 家熊 熊黛 黛林 辛苦 錢唔 唔會 浪費
PermaLink: https://articles.zkiz.com/?id=316273

【財圈花生－青龍之戰】陳承龍炮轟青姐：我不嬲臭朵　有冇錢唔關佢事

1 : GS(14)@2017-10-09 02:59:38

股票市場波譎雲詭，財演界嘅戰事亦冇一刻停過。最新一場戰事，係港股策略王社長陳承龍，決戰「青姐」胡孟青，史稱「青龍之戰」。戰事嘅始末，要數到公元2017年9月18日，「青姐」喺嘅一篇專欄《股玩你人亦會玩你》。內容主要係講「有人」自稱上個月賺千萬，令到「青姐」喺文章連環放箭！第一箭，先係質疑錢咁易賺，點解仲要出力宣傳。呢一箭唔到肉？再來一箭，話有老行尊直言，「此人正欠他寶號的股票孖展融資。」暗示呢個人吹水，仲話佢「搵傻仔墊屍底」。至於「青姐」講嘅人係邊個，根據形容，係「自誇食得招積、住得舒適、超跑遊艇代步、O靚模成群。」根據種種明示暗示，就觸動咗陳承龍嘅神經線。佢主動向「青姐」WhatsApp，問「你係咪講緊我？」青姐就回覆，叫陳承龍唔好對號入座。去到呢個Moment，戰事真係一觸即發！勢估唔到，導火線竟然係來自一個WhatsApp！原來兜兜轉轉，陳承龍收朋友Forward，青姐原來將佢哋兩人之間嘅對話Cap圖Send出去！結果遍地花生！去到呢個Moment，陳承龍爆了，最新喺Facebook出Post，指名道姓話要《給青姐的信》，直斥文章影射佢之餘，仲「周圍傳我口訊給別人看」，「反正我一向在行內聲名狼籍，不過我最失望是你莫視我對你的尊重和信任。」陳承龍接受《蘋果》訪問時表示，就覺得文章影射佢，「佢話我輸多贏少咪失實囉…最大問題係，其實你每朝都會見到我，如果想寫我，點解唔兜口兜面問我，你就成日鬧記者做得差，點解你自己都唔問？」佢話最失望係，青姐周圍Send佢嘅WhatsApp出去，「我係好客氣問佢，漠視我對佢的尊重和信任，你咁小家周圍Send咁辛苦，不如我公開左佢啦……我臭朵就不嬲，但真係，我光明磊落，寧做真小人，莫做偽君子，呢個通行都知。去到呢個Moment，我不如將佢公開，等大家知邊個錯……你咪問我係咪欠人街數囉，我有冇錢其實都唔關佢事。」佢仲話，「我結婚都搵佢，我唔知佢嬲我乜嘢。」本報曾嘗試聯絡青姐，但冇人聽電話。




來源: http://hk.apple.nextmedia.com/financeestate/art/20170920/20158675
財圈 花生 青龍 之戰 陳承 承龍 炮轟 青姐 我不 不嬲 嬲臭 臭朵 有冇 冇錢 錢唔 唔關 關佢 佢事
PermaLink: https://articles.zkiz.com/?id=341943
ZKIZ Archives @ 2019