馮仁昭四圍超：揀父母紀念日註冊何潤東娶老婆 晒婚環
1 :
GS(14)@2016-03-11 13:30:53■何潤東同Peggy帶上鑽戒及婚環宣佈結婚，仲好有意思咁揀正同父母同日註冊。
現年40歲嘅「岡本男神」何潤東同女友Peggy拍拖8年，噚日喺台北登記結婚，何潤東晏晝喺微博宣佈喜訊：「婚戒不如自己老婆親手設計的婚環來的有新意。明年的今天是我爸媽結婚50年，也會是我結婚一周年。」噚日原來仲係父母嘅結婚49周年，揀呢日註冊鋪定路下年同父母一齊慶祝，何潤東亦都希望可以好似父母咁白頭到老。
■Peggy專誠設計婚環紀念與何潤東喺28歲相識。互聯網圖片
未定時間擺酒
早喺前年父親節，何潤東已經答應爹哋會喺兩年內結婚生仔，而家就行出第一步。據知，何潤東婚後先陪老婆一星期，月中會去內地開工，稍後會喺台北補辦喜酒，何潤東話：「還沒正確決定在甚麼時候！因為目前手頭上還有一部電影。」Peggy仲為自己設計嘅手環創立咗個名為「28women」嘅品牌，原來呢個名都有特別意思，用嚟紀念自己28歲嗰年遇上何潤東，佢話：「在28歲的那年遇上了他，28歲時最開心的時刻。因為喜歡畫女人的側臉。」Peggy又解釋手環嘅概念嚟自啞鈴，代表運動，做運動就代表健康，真係有心思。撰文：馮仁昭
來源:
http://hk.apple.nextmedia.com/entertainment/art/20160311/19524534
舉無名指晒婚戒「小丑女」瑪歌秘嫁男友
1 :
GS(14)@2016-12-21 23:41:58■澳洲女星瑪歌羅比前日穿上露肩婚紗於澳洲拜倫灣行禮。
現年26歲澳洲女星瑪歌羅比（Margot Robbie）今年事業及愛情兩得意，憑着於電影《自殺特攻：超能暴隊》（Suicide Squad）中扮演「小丑女」而人氣急升，成為荷李活性感女神。澳洲傳媒昨日率先爆料指瑪歌羅比已低調飛返家鄉澳洲過聖誕節，順便與拍拖3年的26歲英籍男友Tom Ackerley舉行秘密婚禮。澳洲傳媒拍到瑪歌前日於澳洲拜倫灣一個私人地方舉行小型婚禮，報道指婚禮於當地時間前日下午4時舉行，瑪歌與Tom只邀請了40人出席，現場可見搭建了小型白色帳篷。當地傳媒影到未有戴頭紗的瑪歌穿上Oscar de la Renta的露肩婚紗，身邊有位小男孩陪伴她進場。
■瑪歌與Tom只邀請了40人出席婚禮，現場搭建了小型白色帳篷。
■瑪歌於Ig上載婚戒照片，確認婚訊。
請賓客食pizza
據悉瑪歌在婚宴上準備了她至愛的pizza及早餐可可粟米片請賓客食，賓客玩到夜晚11點多才盡興而歸。瑪歌與Tom要求賓客到達場地後要交出手提電話及相機，亦請了多名保安阻止他人混入婚禮。經過廣大傳媒報道秘婚消息後，瑪歌昨日親自於Instagram上載了戴上結婚戒指的相片，她與Tom甜蜜咀嘴，亦舉起無名指展示鑽石婚戒，一眼睇落似做粗口手勢，貫徹其「小丑女」角色狂野性格。撰文：泰米
■瑪歌與拍拖3年的男友Tom前日秘密在澳洲拉埋天窗。
■「小丑女」一角令瑪歌人氣急升。
來源:
http://hk.apple.nextmedia.com/entertainment/art/20161221/19871777