ZKIZ Archives


踩鋼線梁心欣

2014-12-10  NM

 

人稱小炒王,最鍾意短炒,日日唔炒股唔安樂。樹仁新聞系畢業,曾任電視台、電台財經節目主持,最近與拍檔踩入紙媒出財經雜誌《策略王》。上週二初流出市面,港股即跌逾五百點。她最怕江湖魔咒──每逢財經雜誌創刊,就係股市見頂之日。

我哋唔想做《iMoney》呀!(編按:○七年十月《iMoney》面世,三日後股市見頂,金融海嘯來臨。)不過我哋都無咁大影響力啦!呢個時候出書,其實係之前諗住滬港通後個市會旺,坊間又比較少財經雜誌,想食住個勢啫。全公司得四個人。我係主編,但其實身兼記者、校對同sales,廣告一腳踢!好彩之前做嘢識落唔少朋友,第一期都到新地、福臨門呢啲廣告。但我哋連定價都未諗好,見其他財經雜誌通常賣廿蚊,我哋平兩蚊啦!點知「薄切切」賣十八蚊,連我朋友買完都問,係咪漏咗本呀?我哋知錯o架啦,下期開始會減價到八蚊!好意頭吖嘛!

我哋想走小眾路線,介紹一啲唔係太多人留意嘅股票。係人都知做雜誌燒錢,我同拍檔總共投資咗五十萬,一本書成本都唔使五蚊,每期印萬幾本都係幾萬蚊,目標係賣到七成,希望有錢賺。我佔好小部分,玩完五十萬再睇拍檔頭啦!

由電子傳媒跳到紙媒,咩叫藍紙都唔知,其實都幾踩鋼線。不過,由之前做主持,到而家身兼股評人,我都係一個踩鋼線嘅人,炒股風格更加係,係好易跌死o架,小心啲囉。我讀大學已經買股票,因為抽開新股嘅阿媽要我自己學費自己負責,我邊有咁多錢?佢叫我抽新股,第一隻抽中銀香港(2388),由八蚊升到十六蚊。但賺得最多,係玩細價股,幾危o架。一二年去美國旅行,見到玩具反斗城擺滿好多忍者龜,原來香港唔興,美國仍然大熱,於是開始留意生產商彩星玩具(869)。一三年九毫買入,今年初最高升到四蚊,我就賺咗超過五十萬!同年我行759,見到好多飲品由入口變成自家品牌,嘩,自己生產毛利高好多o架,嗰時股價由五毫升到最多五蚊,但我兩蚊就走咗,賺咗幾十萬。我都試過輸鑊甘,○七年用十四蚊買入中鋁(2600),點知撞正金融海嘯,跌到得一個四,蝕咗幾十萬。投資股票又好,今次出雜誌又好,我已經學識止蝕。

炒股咁多年,都賺到過百萬……又未到五百萬嘅!最近我就睇好高誠資本(8088),因為最近佢哋想收購一間內地非上市電影音樂娛樂公司,想發展內地市場,我睇好內地娛樂公司發展潛力。

踩鋼 鋼線 線梁 梁心 心欣
PermaLink: https://articles.zkiz.com/?id=124203

拉直頭髮變甩髮美少女頭髮變鋼線

1 : GS(14)@2017-05-13 05:33:56

到髮型屋拉直頭髮本應能令秀髮順滑如絲,但泰國一名女子卻遭遇慘痛經歷,一把頭髮慘變「髮菜」,不但像鐵線般粗硬鬈曲,甚至一把一把地掉落,不禁痛哭。泰國25歲男子查挽威在facebook透露女友款雅楠的經歷,指她本月8日在暖武里府一間髮型屋內,花費1,500泰銖(336港元)拉直頭髮。髮型屋不願透露藥水品牌,只說:「我們的藥水比別的都好,不好不收錢。」結果款雅楠在接受拉直頭髮過程中,發現自己不斷掉頭髮,連髮質也嚴重受損,跟男友通電時哭得泣不成聲。髮型屋卻推卸責任,反說款雅楠的髮質本身就已經如此糟糕,因髮質太差而不能繼續拉直頭髮。款雅楠反駁指,自己的髮質雖然曾受到損傷,但經過1年精心護理後,幾乎已經恢復正常髮質,更將自己去直髮前4天的照片,與拉直頭髮後的效果對比,提醒其他網民小心。她周四與男友集齊相關證據,前往消費者權益協會投訴。泰國《世界日報》




來源: http://hk.apple.nextmedia.com/international/art/20170513/20020177
拉直 頭髮 變甩 甩髮 髮美 少女 變鋼 鋼線
PermaLink: https://articles.zkiz.com/?id=332832

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019