《五個小孩》小雪生日收古仔驚喜禮物
1 :
GS(14)@2015-06-16 08:24:13由陳木勝監製、關信輝執導、楊千嬅及古天樂與五位可愛小孩主演的《五個小孩的校長》上映截至前日，票房高達4,646萬，影片雖然已放映了87天，但仍然有捧場客。而戲中五位小女孩更因今次合作建立起友誼，經常有聯絡，昨日是演小雪的何涴瀠7歲生日，家人特別為她在將軍澳搞生日會，除了演Kitty的李詠珊因事來不了外，其餘演嘉嘉的傅舜盈、演珠女的王詩雅及演Jennie的陳麗兒全部都有到賀。千嬅因為在養病，所以沒有出席，而古仔作為該片的老闆之一，知道小雪生日，身在內地拍戲的他，自拍一條祝賀片送給小雪，另外又送了一部《魔雪奇緣》卡通即影即有相機給她。原來小雪很早前已向古仔透露很想要即影即有相機，古仔一直記在心裏，待小雪生日時就決定送給她，昨日小雪收到禮物時，興奮不已。採訪：鍾國仁
■小雪獲古仔（右圖）送即影即有相機作生日禮物。
資料圖片
來源:
http://hk.apple.nextmedia.com/entertainment/art/20150615/19184259
馮仁昭四圍超：同老公返港見舊老闆 小雪斟復出
1 :
GS(14)@2016-01-22 01:48:54■小雪噚日同老公十指緊扣喺尖沙嘴購物。
經歷過兩段婚姻失敗嘅前歌手小雪（蔡雪敏），舊年同細佢4年嘅韓國男友Robin Cheung喺澳洲註冊結婚，婚後繼續喺澳洲生活，最近小雪同老公帶埋仔女返咗嚟香港，噚日馮仁昭喺尖沙嘴新港中心見到呢對新婚夫婦。做咗人哋阿媽嘅小雪，真係得天獨厚，雖然佢下個月已經37歲，但係個樣同身形都keep得好好，見到佢兩公婆十指緊扣睇完衫又去睇女性用品，難得佢老公一啲都冇尷尬。事後小雪同馮仁昭講，今次佢哋返嚟香港嘅時間唔多，不過都有搵舊老闆羅傑承同埋啲舊同事敍吓舊，佢話：「羅生佢真係好好，我哋一直都有喺fb有聯絡，佢都有問候吓而家嘅生活，所以今次返嚟專登約佢同啲同事見面。」
■小雪去咗一間賣女性內衣店睇嘢，難得佢老公一啲都冇尷尬。
或返港唱歌
至於有冇機會再合作，小雪話：「睇吓大家啲時間，坦白講，而家生活冇以前咁忙，我啲仔女都大個咗，如果真係有個機會去唱歌，可能我會再安排啲時間返香港工作。」撰文：馮仁昭攝影：徐錦池、潘冠恩
來源:
http://hk.apple.nextmedia.com/entertainment/art/20160121/19459875
小雪拍MV淚汪汪
1 :
GS(14)@2016-02-08 03:25:25小雪經過兩段婚姻失敗，終於找到Mr. Right，去年嫁給比她年輕四歲的韓國老公，跟一對子女定居澳洲。不過，早前小雪專程返港為HiFi碟錄歌兼拍MV，更因為太感動淚灑現場，要冷靜30分鐘才能繼續拍攝。已返回澳洲的小雪接受《蘋果》電話訪問時說：「唔知點解聽到音樂啲眼淚就湧出嚟，㩒都㩒唔住，好彩都估到自己眼淺忍唔住會喊，所以嗰日用咗防水化妝品，唔係成個妝真係要由頭化過一次。」她又說：「今次錄嘅歌係當年樂隊ZEN唱嘅《I Remember You》，正如歌名一樣，希望樂迷記得我。」採訪：小米
來源:
http://hk.apple.nextmedia.com/entertainment/art/20160206/19481651
小雪哭訴遭前夫騷擾
1 :
GS(14)@2016-09-02 05:49:39■小雪揚言擔心第二任丈夫會傷害自己及家人。資料圖片
小雪經歷兩次婚姻失敗，去年帶着一對子女改嫁韓籍男友Robin Cheung於澳洲過新生活，不過，昨日她在facebook貼長文呻被第二任陳姓丈夫騷擾。小雪昨在電話中說：「話我唔畀佢見小朋友，小朋友唔識做戲，小朋友點解唔鍾意佢，佢以前做過乜，要佢自己先知，總之個仔聽到佢個名都……唉！」小雪越說越激動，一度泣不成聲：「由結婚直至離婚到今日，都係佢媽咪幫我哋，我結婚唔係同佢媽咪，係同佢，一個好唔成熟好唔負責任嘅人，一直都冇履行佢應該要做嘅嘢。如果唔係佢媽咪係個咁好嘅人，可能我同我啲小朋友已經死咗。而家唔諗生小朋友住，唔想加重老公負擔。」採訪：小米
來源:
http://hk.apple.nextmedia.com/entertainment/art/20160902/19757067
Next Page