ZKIZ Archives


羅鈞滿炒窩輪欠巨債 他會唔會求助RF巴打呢?

1 : GS(14)@2013-07-23 00:10:56

http://hk.apple.nextmedia.com/entertainment/art/20130721/18342285

羅鈞滿近日接受周刊訪問,他透露想4年內迎娶新聞小花張文采,組織幸福小家庭。羅鈞滿又表示在05年時,曾在歌唱比賽中奪冠,可惜沒有唱片公司對他垂青,於是他決定大學畢業後投身金融界,結果他因炒窩輪、期指等而欠債幾十萬,他表示當時不敢告知家人,而險些借大耳窿,最後到了絕境時,惟有向家人求助,而家人亦伸出援手為他還債。
2 : GS(14)@2013-07-23 00:11:40

http://hk.apple.nextmedia.com/entertainment/art/20130722/18343222
羅鈞滿於2009年參加無綫第23期藝員訓練班,畢業後簽約成為旗下藝人,翌年即在台慶抽中一百萬獎金獎品,成為首位加入無綫後最短時間抽中大獎的藝人。作為三、四線藝人的羅鈞滿,曾參與不少劇集演出,最先令人留下印象的是在《點解阿Sir係阿Sir》的「囂屎」一角,之後他在劇集《天與地》飾演年輕版鼓佬,可算是暫時的代表作。不過,他最為人津津樂道的,相信是與新聞小花張文采(圖右)拍拖,在張文采與另一小花黃紫盈爭上位時,他更在微博留言力撐女友。
3 : GS(14)@2013-07-23 00:12:25

http://hk.apple.nextmedia.com/en ... t/20130722/18343218


無綫人氣節目《星夢傳奇》造就了高分王鄭俊弘人氣急升,帶挈他上位兼有不少搵真銀機會,陣中的羅鈞滿在前晚錄影一集比賽中,僅以一分之差輸給鄭俊弘,僅僅輸馬鼻!曾自爆欠債數十萬的羅鈞滿,揚言四年內迎娶新聞之花女友張文采,現正發憤爭取成另一高分王儲老婆本。至於處女參賽的王君馨則借來六萬元靚衫,輕鬆將騎呢古裝look的何傲兒踢出局。

無綫《星夢傳奇》前晚錄影第四集,賽事搞搞新意思,參賽藝員邀請一位朋友做拍檔,以合唱形式進行比賽,今集有王君馨、「鬼妹」陳明恩加入組成一隊合唱《Amazing Grace》,而連續三集最高分的鄭俊弘,搵來「豹哥」單立文合唱披頭四的《If I Fell》,在比賽中一直表現平穩的羅鈞滿,則與《天與地》兄弟楊潮凱合唱草蜢的《我們都是這樣失戀的》,何傲兒則請來敖嘉年合唱林子祥、葉蒨文的《選擇》。
本已是高分王的鄭俊弘,再請來前輩歌手豹哥單立文助陣,贏面即時大增,惟最後只以一分之微僅贏羅鈞滿,而且羅鈞滿在評判的評分中,比鄭俊弘還高,二人可謂叮噹馬頭!前晚鄭俊弘拍住豹哥唱慢板英文歌,有別前幾集激情表演,但效果未算理想,分別獲評判的83分及觀眾88分,合共171分,而羅鈞滿與楊潮凱合唱草蜢的《我們都是這樣失戀的》則獲評判86分、觀眾84分,合共170分,鄭俊弘僅以一分之差贏羅鈞滿,繼續成為最高分參賽者。不過回顧第一集,羅鈞滿只獲評判81分,鄭俊弘則有88分,在羅鈞滿發憤急起直追下,二人距離已收窄。

羅以鄭為目標

羅鈞滿昨日接受訪問時坦言,為女友張文采努力向上,他說:「一定以鄭俊弘為目標啦!我總分仲係低過佢!」二人之間雖有競爭性,但羅鈞滿強調不會影響兄弟情,且看到鄭俊弘有今日成績,也戥對方開心,是否也想如鄭俊弘般有更多工作、搵錢機會?羅鈞滿說:「其實我已經好好彩,入無綫後拍咗好幾部劇。」至於他年前炒窩輪、期指欠下數十萬元債,羅鈞滿未有正面回答是否已還清:「而家OK嘅,多得屋企人幫手,又中過啲台慶獎幫補吓,總之而家有畀家用啦!」
提到曾揚言四年後迎娶女友張文采,已跟女友有共識的羅鈞滿即嚴肅地說:「我今年29歲,所以希望四、五年內可以結婚,我仲係七線咋!」曾經投資損手的羅鈞滿承認正努力儲老婆本,且不會再作高風險投資及賭博,只作穩陣長線投資。

至於獲豹哥相助的鄭俊弘坦言,很感激對方百忙中抽空幫手,還一起捱眼瞓練歌,問到連續三集得最高分可感壓力?鄭俊弘說:「我唔諗分數,只想用歌聲打動觀眾。」力撐鄭俊弘的豹哥被取笑高手出場時說:「音樂冇分高低,係交流,鄭俊弘唱得偏向真誠,如太假發揮唔到,真誠唱觀眾會感受到。」豹哥表示曾找過鄭俊弘唱demo歌,讚他唱腔似鄭中基,除豹哥外,被out的梁烈唯也專程到場為鄭俊弘打氣。
採訪:何慧斯
攝影:陳俊強
羅鈞 鈞滿 滿炒 窩輪 欠巨 巨債 他會 會唔 唔會 求助 RF 巴打 打呢
PermaLink: https://articles.zkiz.com/?id=283550

失《星夢》金咪得唱片約 羅鈞滿出局 女友張文采呵番

1 : GS(14)@2013-10-14 16:39:27

http://hk.apple.nextmedia.com/entertainment/art/20131014/18462463

                              無綫的《星夢傳奇》昨晚誕生終極冠軍,前晚直播五強淘汰賽同樣扣人心弦,一直表現不俗的羅鈞滿失準被淘汰,幸獲新聞小花女友張文采呵番,在微博安慰男友說:「你不會寂寞!」而他又將獲無綫歌星合約,未能入決賽也可以是贏家!

                為爭入昨晚的《星夢傳奇》決賽,前晚羅鈞滿、鄭俊弘、陳明恩、姚兵和鄭世豪在家人、好友及粉絲支持下,施展渾身解數參賽,可惜近日既要拍劇《廉政行動2014》及《男大當婚》,同時又要演出音樂劇《聰鳴蜜語》的羅鈞滿,臨場表現失準,成為被淘汰的一個,無緣晉身決賽,而宣佈一刻,羅鈞滿未見特別激動,還反過來安慰身旁成最後入圍者而痛哭的鄭世豪。

文采:你不會寂寞

                                    羅鈞滿前晚以何韻詩的《木紋》應戰,被評判巫啟賢直指揀錯歌,羅賽後接受訪問時說:「冇法,又劇又舞台劇,係天意,唔可以話關工作同休息事,但係影響咗,我知可以做好啲,聲係有啲沙沙哋,可能朝早做舞台劇喊完。」遭淘汰後獲安排唱張學友的《寂寞的男人》,反而表現更好,是否真的揀錯歌?他說:「可能我準備不足,一路冇時間同band夾,嚟到只夾兩次。」落敗雖是事實,但羅鈞滿不一定就是輸家,昨日更獲向來低調的新聞之花女友張文采在微博力撐,張文采引用《寂寞的男人》歌詞留言:「仍然能擁有夢想跟前途,仍然能擁有自尊跟自豪!你唱出寂寞,但你不會寂寞!」女友表態願繼續陪他走下去,有粉絲、好友更留言叫二人結婚呢!

對於女友在微博力撐,羅鈞滿昨在電話中說:「吓,唔知喎!太忙冇睇,但係好大嘅支持。」不過問到賽後有否跟女友聯絡,羅鈞滿支吾以對。除得女友撐外,評判之一的郭偉亮前晚亦叫他需要幫手時出聲,問到無綫新開的唱片部是否會跟他簽約?羅鈞滿坦言:「當然希望啦!如果覺得我有能力嘅,邊間都冇所謂,但我希望公司幫大家出張《星夢》唱片,我有一首已經好開心。」據知,無綫將會跟五強人馬簽歌星合約。

評判疑偏幫鄭俊弘

                  鄭俊弘前晚自彈自唱英國樂隊Queen的《Crazy little thing called love》時,師傅巫啟賢率先起身與肥媽跳舞,隨即令全場氣氛高漲,幾乎全場人都起身拍和,有網民認為此情況有為鄭俊弘造勢之嫌,且評判起身跳舞,即使鄭俊弘唱得不好亦未必聽得出,當時只有郭偉亮還認真用耳筒聽歌,但隨後亦被巫啟賢拉起跳舞。鄭俊弘昨返電視城綵排,被問到緋聞女友姜麗文在微博為他拉票時笑言,自己亦發動拉票行動,但以平常心作賽。
採訪:楊潔雯、林妃
攝影:陳志嵐
2 : GS(14)@2013-10-14 16:39:43

http://hk.apple.nextmedia.com/entertainment/art/20131014/18462465


羅鈞滿本是《星夢傳奇》熱門之一,可惜前晚慘被淘汰,原來他前日做完音樂劇之後,即趕返電視城參賽,認真頻撲及體力消耗不少。
羅鈞滿與廖啟智前日在元朗劇院,為香港聾人福利促進會與聽障人士合演兩場音樂劇《聰鳴蜜語》,羅鈞滿在劇中擔任男主角,之前更要花時間學手語,前晚他獻唱多首歌,更與智叔合演手語歌交代劇情,盡顯表演天份之餘,但亦可能令他疏於為《星夢》決賽作準備而出局。
撰文:唐如
3 : GS(14)@2013-10-14 16:39:56

http://hk.apple.nextmedia.com/entertainment/art/20131014/18462467
一直表現拘謹的姚兵前晚在《星夢傳奇》大解放受評判讚賞,成功晉身四強,他昨返將軍澳電視廣播城為決賽綵排時也見輕鬆,談到已放棄寧波戶籍做了香港人,姚兵解釋:「寧波同香港都係城市,一定要放棄一邊,我喺寧波嘅所有醫療福利都冇晒,返唔到轉頭喇!」
姚兵透露上月正式拿得「三粒星」,正式成為香港人,望為港作出貢獻,他坦言上周要放棄寧波戶籍時有點猶豫,他說:「有諗過如喺香港做得唔好想返寧波,我供嘅養老保險,供15年到60歲每月有約2,000蚊可以用到老,已經供咗10年,放棄戶籍就所有嘢冇晒,不過《星夢》令我信心多咗。」問到住在深圳的他會否搬來港生活?他說:「逐步來啦,囝囝學費、屋租等都要成2萬,支出大怕應付唔嚟,見步行步。」
採訪:何慧斯
4 : GS(14)@2013-10-14 16:40:06

http://hk.apple.nextmedia.com/entertainment/art/20131014/18462469


無綫《星夢傳奇》圓滿落幕,此比賽令無綫在內部發掘不少有歌唱潛質的藝員,其實無綫早有計劃開拍第二輯,正進行拍攝的節目巡禮亦將有介紹。
據知,初步第二輯《星夢傳奇》預計在明年暑假舉行,而且形式會有改變,監製麥鎮東昨日被問到此事時,在電話中說:「係會做第二輯,但未必再係唱歌,可以係考驗主持或者戲劇都得㗎,外國節目都有啦,我哋可能係選個全能藝人,不過好多嘢都仲未定。」相信無綫眾藝員將為新形式的《星夢傳奇》整裝待發,靜候另一個起飛好時機。
採訪:丁寧
星夢 金咪 咪得 得唱 片約 羅鈞 鈞滿 出局 女友 文采 呵番
PermaLink: https://articles.zkiz.com/?id=283925

羅鈞滿又醉駕 樂小姐失望

1 : GS(14)@2016-03-28 14:16:10

■羅鈞滿昨日貼文承認又涉醉駕事件。資料圖片


無綫藝人羅鈞滿昨日凌晨2時許,在微博貼圖並發聲明承認醉酒駕駛,他表示:「我做了一件非常錯誤的事情,就是酒後駕駛。縱使今次沒有釀成意外,但作為藝人理應以身作則。可惜我做了非常錯誤的示範,難辭其咎……對不起。」其實之前已經有消息指羅鈞滿日前駕車途經太子道東油站,涉嫌醉駕,被帶返警署助查,傳媒向他求證時,最初羅鈞滿否認,及後改口稱「唔方便回應」。翻查資料,羅鈞滿早在12年至13年間,試過因不小心駕駛導致交通意外,最後獲判罪名不成立。他又因多次違反交通條例被裁判法院罰停牌3個月,當時他對外表示自己要「重新做人」,可是如今又故態復萌,就連無綫高層樂易玲亦坦言對他感到失望。撰文:王梓嫚





來源: http://hk.apple.nextmedia.com/entertainment/art/20160328/19546962
羅鈞 鈞滿 滿又 又醉 醉駕 小姐 失望
PermaLink: https://articles.zkiz.com/?id=298644

無綫台慶先嚟「送大禮」羅鈞滿宣佈離開大台

1 : GS(14)@2016-11-22 00:24:47

前晚就係無綫嘅49歲生日,個個大台藝人都去到參加呢個盛會,但係就唔見一個人。講緊嘅,就係早前衰醉駕被停牌同判一百小時社會服務令、俾大台掟入雪櫃嘅負皮王羅鈞滿。羅鈞滿效力無綫8年、09年參加無綫電視第23期藝員訓練班,畢業後成為無綫電視藝員;2013年於《星夢傳奇》進身終極決戰最後五強,於第一回合被淘汰,但亦因為咁,令佢聲名大噪。作為一個念舊嘅人,羅鈞滿雖然人在雪櫃,但亦不忘向一力提攜嘅無綫報恩,噚晚喺facebook送一份「大禮」畀無綫,就係宣佈自己離開無綫喇,嘩,揀人哋台慶嚟宣佈啲咁嘅嘢,真係好「得體」。其實羅鈞滿都有用啲好感性嘅字眼去包裝,佢喺facebook話:「八年來,每年都參與台慶。由第一年以訓練班身份在台慶跳舞,第二年有幸抽中一百萬大獎,到近年有份參與趣劇、在開幕式唱歌、苦練飛躍道等等,每一年都有幸在電視城度過。八年光陰飛快,羅鈞滿也是時候離開母校,出去看看世界!他日學成,定回饋每一位賞識過我的前輩們。」其實如果羅鈞滿唔係揀噚日台慶打啲咁嘅嘢,唔知有冇人留意得佢冇去台慶呢?咁喺台慶宣佈離開嘅羅鈞滿會去邊呢?咁就要講一講亞視喇,亞視因財政混亂、資金不足,今年4月1日不獲續牌,最近有傳協盛協豐入股亞視,而協盛協豐又入股星淘娛樂,唔知之後仲可唔可以做超級負皮王呢?




來源: http://hk.apple.nextmedia.com/entertainment/art/20161121/19840893
臺慶 慶先 先嚟 大禮 羅鈞 鈞滿 宣佈 離開 大臺
PermaLink: https://articles.zkiz.com/?id=316539

羅鈞滿屢違反交通條例終停牌兩年

1 : GS(14)@2016-11-22 00:24:51

羅鈞滿前日喺無綫台慶嘅大好日子,宣佈自己離開巢,其實羅鈞滿除咗喺工作上唔順利,佢嘅駕車生涯都唔係好順利,今年年頭駕車途經太子道東油站,涉嫌醉駕,被帶返警署助查,當時傳媒向羅鈞滿求証嘅時候,佢先否認,之後就話唔回應,最後樂易玲就承認羅鈞滿酒駕,仲話佢返咗公司認錯,當時樂小姐仲話對呢個人相當失望,又叫咗羅鈞滿返公司傾下點處理。之後羅鈞滿就發咗聲明認錯,但早於2013年6月,羅鈞滿曾涉不小心駕駛致三車連環相撞,最後獲判罪名不成立。而在2012年3月至2013年11月期間,羅鈞滿亦多次違反交通條例,被扣滿15分,2014年2月被裁判法院罰停牌3個月,並需即時交出駕駛執照。事後羅鈞滿接受訪問時,笑笑口話會「重新做人」,辯稱因為以前啱啱開始揸車,唔熟路同燈位,同埋唔小心超速,「都係自己唔小心」,又表示「以後都會小心」,到今時今日,佢所講嘅「以後都會小心」,就好似狼來了嘅故事咁。




來源: http://hk.apple.nextmedia.com/entertainment/art/20161121/19840895
羅鈞 鈞滿 滿屢 違反 交通 條例 停牌 兩年
PermaLink: https://articles.zkiz.com/?id=316543

羅鈞滿提早七年撇無綫

1 : GS(14)@2016-12-03 04:42:51

羅鈞滿在台慶夜宣佈離開工作八年的無綫,昨日到商台接受訪問時透露10月31日正式約滿,有傳他會簽不死亞視,加入星淘娛樂,他說:「暫未有去向,同幾間公司傾過,包括電視台、澳門同內地公司,自己心態十五、十六,諗緊點選擇。」羅鈞滿離巢前還有七年合約,今次提前解約,他形容為和平分手。羅鈞滿在無綫發展受負面新聞阻礙,他說:「新聞係影響咗自己嘅機會,但將心比己冇辦法,而家好似讀書咁,八年後出去感受社會。」並承認離巢前曾被雪藏,羅鈞滿說:「一直有繼續合約,中間有段時間冇節目做,都合理,我冇埋怨,公司都有自己計劃同顧忌。」現時單身的他慨嘆好難有女仔埋身,並承諾日後工作、操行都會乖乖。採訪、攝影:卓寶花




來源: http://hk.apple.nextmedia.com/entertainment/art/20161203/19853350
羅鈞 鈞滿 提早 七年 年撇 撇無
PermaLink: https://articles.zkiz.com/?id=317965

接王晶羅鈞滿班 蘇永康搶做新一代負皮王

1 : GS(14)@2016-12-24 10:55:36

負皮是如何煉成的?其實唔難嘅,只要口沒遮攔兼惹火,或者係不斷有是非,都好易引起網民圍剿,再講多幾句,久而久之就好易變成「負皮王」喇。王晶:王晶不嬲都好有「自信」,一向都有同網民開火嘅習慣,試過為《大唐雙龍傳之長生訣》選角問題同fans嗌交;又試過就雨傘運動同前學民思潮召集人黃之鋒喺facebook駁火。俾人負評唔係一日嘅事,今年初仲有人話杯葛王晶套賀歲電影《賭城風雲3》,而王晶又好寸咁話香港,票房只係得內地嘅25分之1……王晶啲言論咁唔重視佢出身嘅香港,就知點解點啲人要負皮佢啦。羅鈞滿:講起羅鈞滿,會諗起啲乜?滿身是非囉!幫佢數一數,2012年違反交通條例停牌3個月;13年被指曾經炒燶窩輪,幾十萬債要家人幫手填數;之後又博出位,指王維基嘅香港電視不獲發牌係商業失敗;2015年又背住女友張文采搭上空姐,結果被對方狠批浪費花陰;再到今年3月,再次因為醉駕,被判社會服務令同停牌兩年。咁多是非,有人就寫咗篇網文《做人別太羅鈞滿》,一邊暗寸佢唔生性,一邊叫人唔好學佢。負評太多機會又冇珍惜,結果係連大台都唔同佢續約,喺上個月台慶日,羅鈞滿要宣佈離巢。蘇永康:蘇永康一向都好有火,睇佢年中同「天下第一關」鄭紹康隔空開火,就知佢像講嘢唔顧後果。上月底蘇永康宣佈老來得子,咁高興當然要分享啦,不過佢講到對個隻嘅期望,就好狠咁話:「我唔想生個梁天恆,我唔想生個游蕙禎,我要佢識分莊閒。」一次過拉咗梁頌恆、梁天琦同游蕙禎落水,搞到網民反感。蘇永康仲被人拎番以往吸毒件事嚟講,又俾人喺facebook洗版,不過統統都俾蘇永康刪除晒啲留言,成為新一代負皮王。




來源: http://hk.apple.nextmedia.com/entertainment/art/20161224/19875760
王晶 羅鈞 鈞滿 滿班 蘇永康 搶做 新一代 負皮 皮王
PermaLink: https://articles.zkiz.com/?id=319994

羅鈞滿咬崩牙索償反被調職

1 : GS(14)@2017-01-14 07:54:30

■羅鈞滿(左二)前年與鄧佩儀(右一)等拍飲食節目,因咬到雞骨致小臼齒爛了半隻。微博圖片



《愛.回家之八時入席》日前於結局篇講述電視台有「卸膊文化」,其中一場戲因藝員面部皮膚敏感,梳化服部門互相卸責。現實中,被離職的羅鈞滿發生如有雷同的事件,有幕後人員爆料指前年他與鄧佩儀拍《搵食飯團》,到砵蘭街一間四川雞煲店搵食,羅鈞滿咬到雞骨致小臼齒爛了半隻,拍完後他去睇牙醫,之後卻未能索償到任何工傷賠償。羅鈞滿除要自費8千多元牙醫費用外,還被調離《搵食飯團》。羅鈞滿接受本報訪問時直認有其事,他大前日以短訊回覆:「件事都係意外,發生咗,唔關錢事,反而覺得件事搞咗好耐,都冇人肯承認工傷問題。」採訪:卓寶花




來源: http://hk.apple.nextmedia.com/entertainment/art/20170113/19894827
羅鈞 鈞滿 滿咬 咬崩 崩牙 索償 反被 調職
PermaLink: https://articles.zkiz.com/?id=322510

曾醉駕被判社服令羅鈞滿2013年起冇運行

1 : GS(14)@2017-01-14 07:54:31

無綫前七線藝人羅鈞滿近日被爆有個有米女友,無懼失業。對於「羅鈞滿」呢個名呢……好事……頂多就係記得佢入行第2年,即係2010年喺台慶抽中100萬獎金獎品;衰嘢就……你懂的。2011年,羅鈞滿憑住喺《天與地》飾演年輕版林保怡,開始令觀眾有印象。不過,最多人「識」得羅鈞滿嘅係喺2013年6月,無綫主播之一黃紫盈於互動新聞台報道新聞時眼紅流淚,後來傳出因與張文采爭權受委屈而流淚。當時身為張文采男友嘅羅鈞滿,發微博力撐女友,後來黃紫盈離巢,亦因為咁,羅鈞滿同網民扛上咗,以後有咩事,都有網民「贈慶」。到2013年7月,佢參加《星夢傳奇》歌唱比賽,雖然有網民質疑佢嘅唱功冇感情、冇實力,但佢入到五強,引起網民爭議。同年10月,港府宣布免費電視發牌決定,港視遭「一男子」力阻,不獲發免費電視牌照時,羅鈞滿獨排眾議,直指王維基綑綁式「將自己商業失敗跟社會公義拉上關係」,直言「王維基先生絕對不負責任和應負全責」,又試過在網民發起「熄電視機日」向無綫霸權說不之際,在網上出po呼籲道:「希望大家可以日日熄電視,而無必要在特定日子去話比其他人知自己會/想/將會/已經熄電視。可恥。」得罪網民都唔夠,羅鈞滿喺同年4月涉違例泊車被控多條罪名,佢否認控罪,於11月成功舉證甩身。不過,2014年3月,羅鈞滿又被控揸私家車經紅磡漆咸道北落斜時,撞到前面一架的士,再將的士推前撞到另一部私家車,造成三車相撞,的士車頭嚴重損毀,其後法院裁定羅鈞滿不小心駕駛罪表證成立。事隔兩年,喺舊年3月,羅鈞滿於太子道東駕駛私家車時,遇到警方路障,被揭體內酒精含量超標逾3倍,其後羅鈞滿被判100小時社會服務令、停牌兩年及上駕駛改進課程。雖然佢喺事後於微博貼圖認錯,但無綫高層樂易玲已坦言感失望。另外,佢喺前年2月,瞞住當時女友張文采到韓國密會空姐Sylvia時,因醉酒鬧事,公然調戲江湖大佬女友,遭索償兼要道歉,羅鈞滿致電回港求救,但因籌不足款項,結果事件鬧上警局,佢仲被扣留,禁止出境兩個月,最後要由無綫高層余詠珊派律師營救。




來源: http://hk.apple.nextmedia.com/entertainment/art/20170113/19895744
曾醉 醉駕 駕被 被判 判社 社服 服令 令羅 羅鈞 鈞滿 2013 年起 起冇 運行
PermaLink: https://articles.zkiz.com/?id=322511

【馮仁昭四圍超】羅鈞滿最後悔醉駕

1 : GS(14)@2017-01-31 03:13:40

羅鈞滿(左)去年因醉駕被判社會服務令、同新聞主播女友分手,仲離開無綫,真係好多事發生,日前佢為有線錄影節目到車公廟求轉運:「其實話所有事都係自己一手造成,當中最後悔梗係醉駕啦。不過我要澄清一件事,因為好多網民都以為我醉駕過好多次,其實只係一次,亦係最後嘅一次。」對於「做人別太羅鈞滿」嘅負評,佢話:「咁我係真心膠嘅!」撰文:馮仁昭




來源: http://hk.apple.nextmedia.com/entertainment/art/20170130/19912584
馮仁 仁昭 四圍 羅鈞 鈞滿 滿最 後悔 醉駕
PermaLink: https://articles.zkiz.com/?id=324733

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019