ZKIZ Archives


中環在線:金勞詹去「仁大」講迷債 李華華

2008-10-10  AppleDaily

噚日收到封邀請函,當讀出個活動嘅主題時,其他同事牛咁眼望住華華,乜嘢活動咁特別?咪就係「詹培忠到仁大談金融危機」囉!睇清楚,金勞詹去嘅係「仁大」──樹仁大學,唔係「人大」。佢下個禮拜二會去樹仁大學,以「金融危機與香港政治發展前景」為題演講。

曾將次按當二按

記 得今年初,金勞詹喺立法會諗住藉次按問題,挑戰任志剛,點知將次按當二按,搞到有啲失禮,唔知今次佢又想講邊方面嘅金融危機?邀請函所見,佢今次係介紹香 港嘅政治境況、剖析吓金融海嘯對香港嘅影響、分析銀行流動資金嘅去向,仲會講吓「雷曼事件」嘅成因,同雷曼迷你債券苦主嘅情況。啱啱過咗嘅星期二,有好多 散戶粉絲嘅曾淵滄,應邀出席一個政黨搞嘅雷曼苦主大會做嘉賓,佢同樣係講解雷曼迷你債,話呢樣係複雜嘅投資工具,有啲投資者貪高息,唔詳細了解就去買,所 以苦主都有責任。呢句說話一出,群情洶湧,曾淵滄俾人圍兼大叫佢「收聲」。金勞詹以敢言見稱,華華只係希望樹仁學生裏面冇乜邊幾個係雷曼迷你債苦主。
中環 在線 金勞 勞詹 詹去 仁大 講迷 迷債 華華
PermaLink: https://articles.zkiz.com/?id=2570

中環在線: 任總:迷債令我痛心金勞詹:痛在快冇得撈李華華


2009-02-24  AppleDaily





 

雷曼迷債風波拖咗近5個月,調查真相難講幾時水落石出,的確幾打擊香港金融中心嘅形象,立法會財經事務委員會噚日又再開會傾吓。金管局總裁任志剛喺會上慨嘆,銀行業喺各方面都做得好好,銀行體制亦健全,卻因迷債蒙上污點,令佢相當痛心。

有 「潮州怒漢」之稱嘅金融服務界議員詹培忠即時扯火,揶揄任總可能只係因盛傳9月冇得撈而痛心。老詹喺議事堂聲嘶力竭咁話:「金管局喺呢件事絕對絕對犯咗錯 誤,任總到今日為止,只係講過一句對銀行可能出現錯失好痛心,到今日為止佢從來都冇良心對待苦主,佢痛心可能係失去佢個職位!」

老詹認為雷曼迷債問題始於證券業務嘅「一業兩管」制度,但任總卻又視而不見,「你係咪推卸責任,任意妄為?我話過你任一招,你又否認係任七招,o依家又任二波(金融海嘯第二波),喺雷曼點處理?你解釋吓。」

改新花名「任二波」

向 來EQ高嘅任總回應話,多謝老詹一直以嚟嘅「照顧」,話佢改花名有,個人針對亦有。任總強調,迷債早年喺香港受歡迎,主要係息率吸引,類似產品喺其他市場 都搵到。證監會行政總裁韋奕禮就重申,迷債名稱並非苦主嘅重點投訴對象。亡羊補牢未為晚也,任總話,未來會要求銀行提醒客戶投資產品嘅風險變動,到分行存 款同買股票,或者會分開櫃枱處理,點樣落實就要再傾。財經事務及庫務局局長陳家強亦話,既然市場要求設立金融申訴專員,港府砌好份建議書會再諮詢,未來亦 可能會加大證監會嘅權力喎。李華華LiWaWa@AppleDaily.com



中環 在線 任總 迷債 債令 令我 痛心 金勞 勞詹 痛在 在快 快冇 冇得 得撈 撈李 華華
PermaLink: https://articles.zkiz.com/?id=6202

打賭滙控跌到40蚊中環在線:金勞詹贏鄭大班牙骱 李華華


2009-03-11  AppleDaily





 

滙 豐控股(005)前日跌到33蚊近14年低位,連「股壇辣妹」胡孟青做緊節目都忍唔住流淚,但有「金牌莊家」之稱嘅立法會議員詹培忠噚日就斷言,5個多月 前已經預計咗。事關舊年底佢同滙豐亞太區主席鄭海泉兩個人撐枱腳時,大班好關心大笨象股價走勢,但不嬲「贏谷、輸縮、心清、數熟」嘅金勞詹就答話,當時港 股已低見10676點,距離07年尾直通車擱置跌咗60%,而外圍金融機構幾乎全部狂瀉,冇理由滙控跌得40%咁少,最多只值40至50蚊咁話。睇返轉 頭,金勞詹其實估得保守咗。現時獅子山下皆為供股哀鳴,但金勞詹就倖免於難,佢話:「香港人邊個冇滙控,除非儍儍哋啦,而我就係儍儍哋嗰個!」

自認儍 冇落叠

今 個月初先豪言喺40蚊掃60萬股之後再供股嘅佢,噚日轉軚唔玩,話本嚟估滙控喺40蚊個價四供一,結果大失所望,何況場外衍生產品太墟 冚,accumulator(累計認股期權)開價低至24蚊,短期蝕錢風險咁高,梗唔會咁儍去供,有錢不如過大海玩百家樂喎。講起同樣牽動人心嘅華懋世紀 爭產官司,金勞詹笑言,風水師陳振聰近期高調蒲頭,皆因佢炒蒙古能源(276)蝕得太甘。佢又話華懋慈善基金忽然有錢打官司,可能係入股香港資源 (2882)賺咗一筆。華華問過代表隻基金嘅律師何文基,佢話冇聽過呢個講法喎。李華華LiWaWa@AppleDaily.com



打賭 控跌 跌到 40 中環 在線 金勞 勞詹 詹贏 贏鄭 大班 牙骱 華華
PermaLink: https://articles.zkiz.com/?id=6549

中環在線:李福兆、金勞詹拍檔棟篤笑 李華華

2010-03-12  AD





 

做大事,一定要氣勢奪人,好似有遷拆王之稱嘅王征,入主長期積弱不振嘅亞洲電視,五大國企(國壽、招行、中海、粵海和北京銀行)馬上用真金白銀(買廣告)撐場。

證券商協會大搞就職禮

證 券商協會新一屆理事會就職典禮,啱啱今年係30周年,協會決定大搞,呢個party聲勢比王征更「升呢」,點解?據華華所知,當日單係有「校長」之稱嘅聯 交所前主席李福兆「久休復出」,同金牌莊家「金勞詹」詹培忠大玩類似「棟篤笑」節目(暫定),加埋李業廣同周文耀一齊表演,你話個陣容係咪勁先?

請得呢四位超班嘉賓,自然係靠同「校長」深交嘅蔡陳葆心啦!蔡太係副主席及永遠名譽會長,仲有佢愛兒蔡思聰係今屆主席。蔡太同籌委會負責人楊黛思(楊受成個女)、金利豐朱太等,一於為協會做個「醒神」生日會。

李華華



中環 在線 李福 福兆 兆、 、金 金勞 勞詹 拍檔 棟篤 篤笑 華華
PermaLink: https://articles.zkiz.com/?id=14639

中環在線--張華峰:金勞詹得把口 李華華

2011-6-10  AD




 

代表金融服務界嘅立法會議員詹培忠(圖)一早講明,做咗十幾年議員,明年立法會選舉唔再玩。

但係,證券學會永遠榮譽會長張華峰就睇死金勞詹得把口,最終都係唔玩又玩。

咁又係,試問金融界有邊位可以好似詹議員有咁大影響力。

自從金勞詹話唔玩,市場就估,金利豐老闆娘朱李月華同張華峰最有機會出選。朱太已表明心迹,雖然鍾意幫業界做嘢,但唔鍾意做議員咁困身。至於張華峰就講笑話,自己屋企有僭建,費事俾人捉,唔會選咁話。

驚僭建被捉唔參選

雖然係咁講,張華峰好關心業界發展,佢曾經建議將o依家幾個業界組織合併成一個大組織,增加同政府或監管機構講數嘅牙力,又提議仿效貿發局,成立一個金融發展局,可惜全部未得到認同。

 


中環 在線 華峰 金勞 勞詹 詹得 得把 把口 華華
PermaLink: https://articles.zkiz.com/?id=25619

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019