賣藝不如賣腦 陳友 2014年05月22日
1 :
GS(14)@2014-05-28 15:30:03http://www.am730.com.hk/article-208244
或者你對陳友嘅印象，
只限於溫拿樂隊(溫拿)鼓手，
又或者《殭屍》系列中嘅道士，
但眨眼20年後，
演員同歌手已經不足以形容佢嘅身份。
所謂精人出口，自言天生口多多、
有啲小聰明嘅陳友，
目前身兼上市公司執行董事、
幕後電影人、演員同歌手4個身份，
雖然工作形式唔同，但同樣係個賣腦維生、
負責度橋嘅幕後軍師角色。
文：wing 圖：莊振邦
樂隊表演中，鼓手好多時都係台上最唔顯眼嘅人，但事實上係帶領表演節奏嘅靈魂人物。溫拿出身嘅陳友係隊中鼓手，兼且包辦設計演唱會rundown同度笑位等工作，自言鍾意賣腦多過賣藝嘅佢，喺八十年代做咗人生第一次老闆，同導演張堅庭合作開二友電影公司。
am：你係咪溫拿嘅軍師？
陳友：唔敢講係軍師嘅！只係每個表演團隊都需要一個人出謀獻策。當年我喺溫拿負責設計演唱會rundown同度嚇過場講啲咩，其實我係五虎中最鍾意講嘢、諗嘢同出主意嗰個，不過最後都會開會討論做最後決定，再由我統籌同執行。對我嚟講，呢個階段係一種訓練，因為好快可以睇到觀眾反應同現場氣氛，反應好咪會有滿足感囉，若果反應唔好咪再改善嚇，慢慢就會知道觀眾口味。
am：點解當年會開始做生意？
陳友：係受喺《歡樂今宵》(EYT)嘅演出經驗影響。當時EYT係每晚現場直播嘅節目，製作時間有限，有時難免會馬虎啲，但我又偏偏係個完美主義者，於是決定要開電影公司，一切由自己主導，希望各方面都可以完美啲。
am：你鍾意做幕前定幕後？
陳友：同幕前表演比較，我鍾意度橋同統籌多啲，因為我屬於思考型嘅人，好享受經過思考之後，得出想法再執行嘅過程。雖然我半世人經歷過唔同工作崗位，但我一直都係賣緊無形嘅產品，例如幕後電影工作係賣緊娛樂，過去廿年就為廣告同影視業務賣橋，一直都係將一種思維或者訊息賣俾消費者或者公司。
am：做演員、歌手定做生意辛苦啲？
陳友：依家從商係體力勞動上嘅辛苦啫，但藝人嘅辛苦係來自憂慮，因為一直喺掌聲下成長，以為自己乜都叻過人，慢慢會擔心觀眾厭倦，甚至要我退落嚟。但對依家嘅我嚟講，兩件事已經可以共存，有時娛樂公司都要等演員有期先可以開戲，如果自己本身係演員，又或者由自己公司培育演員，咁就可以兼顧兩個角色。喺商業市場上，只要將資源用得聰明，任何人合作都可以產生協同效應，互惠互利。
小聰明變大智慧
要喺身邊搵個聰明人好容易，但要搵個有大智慧嘅人就好難。陳友喺內地累積咗20年營商經驗，唔止學
識做生意之道，仲瞭解到「謙卑先係大智慧」嘅道理，令佢由靠小聰明起家嘅生意初哥，變成擁有大智慧嘅生意佬。
am：你係咪自細就好聰明？
陳友：唔係㗎！如果我係聰明人，一定唔止今日咁嘅成就，我係有啲小聰明啫，但要有大智慧，就要經過失敗、領悟同學習。人隨著年紀增長就會愈來愈聰明，因為失敗過先會學識謙虛啲向人請教，識得喺人哋嘅成功經驗上學習，呢啲先係大智慧呀！
am：咁你嘅小聰明用過喺邊方面？
陳友：哈！咪用喺小事上囉，溫拿時期就用嚟度嚇橋同諗嚇gag位引人笑，拍電影嗰陣就用嚟度個好玩又好笑嘅劇本囉，但我覺得小聰明只可以用喺呢啲小事上，相反大智慧就可以用嚟做大事。
am：依家身兼多職，邊個崗位最傷腦筋？
陳友：一定係返內地做生意！起初以為大家都係中國人，諗住容易溝通，咩都好快學識，點知原來兩地嘅教育同社會結構完全唔同，令我對內地客戶好唔熟悉，任何行業都好，對目標客戶唔瞭解係好難成功㗎！特別係廣告範疇嘅業務，唯一辦法係承認自己唔識同搵人幫手，全世界最蠢嘅人就係，自己唔識又唔肯向人請教嘅人。
am：連廣告都做埋？
陳友：係吖！內地廿年前未有戲院，連電視台都唔夠節目播出街，所以我哋當年做咗好多節目俾電視台，對方用廣告時間交換，我再將廣告時間賣俾公司client，變相我哋做一個節目，就可以賺到好多間電視台嘅廣告時間。
am：有冇打算再拍電影？
陳友：目前計劃喺香港拍電影，再帶返內地上映。其實我呢廿年一直從事娛樂同電影事業，但其實要喺內地拍適合當地人睇嘅電影，自問唔係我嘅強項，我又唔係內地人，無辦法完全瞭解佢哋嘅心態；相反，要我喺香港拍部可以喺內地上映嘅電影就易得多，我唔瞭解內地人根深蒂固嘅文化啫，但對市場心態都尚算熟悉，只要靈活變通經營模式，就可以用自己所長去賺錢喇。
【專題籽】澳洲賣藝賺旅費 背包客玩搖搖三粒鐘得六蚊
1 :
GS(14)@2017-06-25 09:32:27Yoyo wing靠一手驚人的花式搖搖，在澳洲工作假期頭半年都不用打工。
【專題籽：胚芽故事】外國背包客在街頭籌旅費引起爭議，不少網民嗤之以鼻，「要去旅行就靠自己勞力！」等聲音此起彼落。其實窮遊也有很多方式，除了最常見的工作假期或打工換宿，也漸漸有人用自己的一技之長，在旅途上以賣藝表演的方式來賺取路費。
花式搖搖賣藝 澳洲玩半年
34歲的Yoyo wing人如其名，十幾歲開始研習花式搖搖，五年前去澳洲工作假期，頭半年都沒有「工作」，只在街頭表演花式搖搖，用這個方式巡迴了差不多整個澳洲。「最初決定用搖搖來賣藝純粹為了自high，同埋想試吓將自己的興趣變成職業。」雖然賣藝旅程持續了接近半年，但他說收入並沒有想像中的理想，大部份時間連最低工資也不夠，只夠他省吃儉用。「最差的一次，在街上企了足足三小時只得一蚊澳幣（即六蚊港元），轉個頭看見有流浪漢在巴士站問人乞錢，不用三分鐘已有人給他20蚊澳幣，那一刻覺得自己連乞兒都不如。」話雖如此，他還是繼續堅持，因為他覺得賣藝是另一種方式去認識一個地方。「其實澳洲人對賣藝的看法也不是那麼開放，特別是在大城市，很多人都覺得賣藝和行乞無異，正眼也不看你。」試過被人偷錢，甚至吐痰，他說在鄉郊地方如阿德萊德，人們的衣着雖然簡樸，但比起悉尼和墨爾本卻熱情得多，有位老伯常請他喝咖啡，熟落了後還招呼他到家中看電影吃飯。但不是每一個地方都適合賣藝，前兩年他到泰國旅行，在拜縣的夜市心血來潮決定賣藝，結果不消三個小時便決定放棄，「當時完全沒有人理會我，後來才發現街頭有小朋友在籌錢上學，街尾有少數民族籌錢建構他們的村莊，他們的需要比起我更大，我覺得發展中國家不太適合旅行賣藝」。
中國邊走邊唱 同城管捉迷藏
大多去旅行賣藝的人，都是前往賣藝風氣盛行的歐洲國家，27歲的陳銘卻是異數，四年前開始到中國賣藝，而且一去就去了14次。他買了一支昂貴的結他，逼自己在半年內速成這種樂器，然後以自彈自唱的方式在旅途上賣藝。在中國賣藝並不容易，尤其是在大城市，城管和賣藝者就像貓和老鼠一樣，一天到晚都要捉迷藏邊走邊唱，「最深刻有次在西藏賣藝，第一次被城管趕走，第二次再趕，換了地方後還是遇上第三次，他用電單車把我的東西統統掃走。」惟獨是古城例外，「可能因為文化氣息較濃厚，在雲南和鳳凰等古城都可以隨意賣藝，而且反應和氣氛都很好。」他說最好避開景點區賣藝，因為遊客只會把你當成景點之一，拍個照便離去，「最差一次是在廈門鼓浪嶼，站了一整天才得一蚊，是一個聽我唱了很久的青年人放下的，至今我仍保留着這個硬幣。」
陳銘四年前到中國旅行賣藝，自此就成了癮，一去再去，至今已有14次，走遍中國大陸。
為了賣藝，陳銘買了一支結他逼自己學，方便賣唱。 圖片由受訪者提供
陳銘認為賣藝不純為賺取路費，而是和當地人交流。 圖片由受訪者提供
記者：陶思敏攝影：潘志恆編輯：馮秀珍美術：孔文彬
來源:
http://hk.apple.nextmedia.com/su ... t/20170624/20066398