ZKIZ Archives


讀書為增值被質疑學歷蒙牛楊總都係受害者? 李華華

2010-04-29  AD






 

貴為半隻國企嘅 蒙牛乳業(2319)噚日公佈業績,盤數不過不失,所以大家嘅焦點,就放咗喺俾股壇長毛David Webb質疑學歷嘅總裁楊文俊身上。估唔到……一向都會喺業績會現身嘅楊總,噚日竟然缺席,冇計啦,惟有由首席行政官盧建軍代答。

牛根生專 注培訓新人

盧生真係夠朋友,竟然幫口為楊總講好說話,仲話其實嚴格嚟講,楊總都係受害者!盧生話,楊總喺行內做咗成20年,喺蒙牛都做咗 10年,佢有份創立蒙牛,喺業界都係老行尊。佢走去讀嗰個MBA課程,目的都係想充實下自己;再講,楊總作為一個普通老百姓,真係冇能力去check個課 程係真係假o架喎。盧生係咁講唧,唔知楊總自己係咪一樣咁諗呢?

對於主席兼創辦人之一嘅牛根生,噚日突然宣佈由執行董事轉做非執行董事,盧 生又攞出因為時間關係準備好嘅標準答案。佢話人事調動係考慮到集團持續培訓新一代管理層嘅計劃,係考慮到集團未來可持續發展嘅需要,超似港府高官平時出嚟 講嘅口脗。

聽番分析員講,楊文俊同牛根生喺俾投資者聽嗰場業績發佈會都一樣冇蒲頭。華華見嗰啲超巨型國企高層都唔係咁o架喎,啱同唔啱都會 三口六面講清楚,唔知咁係咪反映咗蒙牛未來嘅做事手法呢?

美參院公審高盛調查主席狂爆粗

中資企業高層唔知係咪被學歷風波困 擾,所以無出嚟見人。不過喺地球嘅另一邊,外資大行高盛雖然周身麻煩,仍然大大方方出嚟俾人公審。華華好關心呢單世紀大審判,點知一開機就聽到雞腸粗口 「Shitty」,仲以為轉錯台睇緊《衰仔樂園》。正當華華以為自己幻聽,電視再傳出「Shitty」,先知原來係參議院調查委員會主席萊文喺度爆粗,仲 爆足11次咁多!咪以為萊文咁老仲咁好火喎,實質上係高盛啲高層喺電郵曾經將CDO形容為「Shitty」,萊文只係玩即興潤番佢哋啫!

網 友反應仲快,即刻以車喻債,將隻Abacus CDO換成福特嘅Pinto(出產有問題,易爆炸嗰款),幫高盛解圍。「你賣Pinto畀ACA嗰陣,有冇話Pinto會爆炸?」「係人都知呢款車有可能 爆炸啦!」「點解你唔同個客講?」「吓,我係賣車o架喎!」真係妙問妙答!

老闆三仔爺加薪林高演要減人工

華爾街回復番股照炒 舞照跳嘅美好日子,不過高盛大摩等大行唔想再俾人話,派花紅都收斂咗。香港上市公司唔知係咪有樣學樣,繼霍建寧俾人cut咗成千萬人工後,再有華資家族嘅 太傅俾人減人工!身兼四叔頭號護法、恒地(012)大內總管、李家傑同李家誠太傅等職能嘅林高演,09年人工(連花紅)竟然無厘頭俾人減咗505萬銀,得 番3650.2萬蚊咋!

好奇怪,林太傅人工被cut嘅同時,四叔三仔爺就全部有人工加,阿爸收1285萬;似乎永遠享受寡佬生活嘅大仔,就 袋1481.4萬;至於要養3G(老婆同埋兩個女)、到o依家仲未必到一粒半粒「慈姑椗」嘅細仔,都收1271.8萬銀落袋,係咁意都加咗138.5萬人 工啦!點解?當然唔可以話四叔對佢唔好,因為四叔父子嘅人工主要係固定薪酬,但林太傅主要嚟自花紅,花紅少咗,可能係同恒地舊年業績倒退有關啩!

李 華華

電郵:LiWaWa@AppleDaily.com
 



讀書 增值 質疑 學歷 蒙牛 楊總 總都 都係 受害者 受害 華華
PermaLink: https://articles.zkiz.com/?id=15360

走出幽暗 易小玲︰每一日都係賺返嚟!

2011-5-12  NM




去年菲律賓八月二十三日人質慘劇的生還者,下顎重傷的易小玲走過死蔭的幽谷,過去十個月,她經歷過無數次整形手術,又遭受過保險公司無情拒絕賠償,歷盡人情冷暖。揭開口罩示人後,易小玲決定積極重過新生活,上週她就度過一個快樂的母親節。

電了一頭鬈髮,穿起連身裙,除了面上的口罩外,眼前的易小玲似乎已擺脫了昔日在死因庭和追討保險賠償記者會上那份無助和絕望。「其實諗番轉頭我咁都唔死, 真係好好彩。而家我覺得每一日都係賺返嚟,我日日都好開心!」訪問未開始,記者已感受得到易小玲的轉變。約三個月前,易小玲出席菲律賓人質事件死因庭聆 訊,需要孿生姊姊陪同在側,作證提及槍手門多薩殺人經過,易小玲懼怕得發抖激動狂哭。對着記者談感受,她總是雙眼通紅,憤怒、傷痛交集。記者過往相約她訪 問,易小玲必定要求在天橋底、公園暗角等位置受訪,訪問時更要左顧右盼,擔心自己戴口罩會被人當怪物看待。不過,自從兩個月前易小玲勇敢地除下口罩接受訪 問後,也像驅走心魔一樣,記者本週一再約她訪問,相約地點已由天橋底改為屋邨的商場門口,她已不再懼怕旁人目光,大方地坐在路旁的長椅上受訪和拍照,即使 不時引來街坊注視,她亦處之泰然。「以前我成日匿喺屋企,唔敢見人。不過上次我除口罩影相之後,啲朋友鼓勵我出多啲街,而家我都會去隔籬鄰舍屋企傾偈,又 敢去酒樓飲茶,一隻手遮住咁食嘢,雖然好多街坊都認得我,不過就唔會笑我,慢慢我就唔驚喇。」訪問期間都有一位街坊走過來:「你要努力呀!」小玲點頭答 謝。

片皮鴨賀母親節

發生慘劇後,易小玲原本在家鄉湖北安享晚年的六旬母親就一直留港照顧她和孫兒,上週她們就一起慶祝母親節:「鄉下都無母親節,幾十年嚟都係第一次!我哋怕 正日多人,所以上星期三就出去食飯慶祝,叫咗我哋最鍾意食嘅片皮鴨,雖然我自己食唔到,但係包俾媽媽食都好開心!」易母因為持雙程證,每三個月就要回鄉一 次,巴士和火車車程合共要三十多小時:「老人家咁樣好辛苦,佢落到嚟又唔慣,淨係識講鄉下話,我都好擔心佢。」 小玲既是女兒,亦為人母,現時正專心照顧兩歲半的兒子。「出事之後佢唔認得我,叫咗我家姐做媽咪,真係好傷心。而家認番我,但係就唔認得我出事前個樣,以 為係第二個人。小朋友仲細,唔明,唯有大個先解釋俾佢聽。」小玲坦言兒子是她全部希望,提到兒子上週從幼兒園回來,學了一句「母親節快樂」,臉上的口罩也 再遮不住她的喜悅。

保險終獲賠

易小玲能鬆一口氣,其中一個原因就是她買旅遊保險的美亞保險終於願意作出賠償,令追討告一段落。美亞起初堅拒賠償予易小玲及陳國柱,指二人非完全永久傷 殘,即使事件曝光後,美亞的態度在全城怒轟下仍無軟化。不過,消息人士透露,事件被揭發兩個月來,美亞生意已大受影響,令不少高層不滿,遂要求美亞副總裁 王富達才有行動。美亞先找立法會保險界代表陳健波任中間人,商討解決方案,即使雙方已商討兩次,美亞仍沒有派代表出席,只由陳健波代為提出五十萬賠償方 案,但條件極苛刻。表面上,陳國柱最多可得二十萬、易小玲可得三十萬,但條文寫明必須分兩年支取,每項醫療開支必須實報實銷,若基金於兩年無法用完,美亞 會將餘款捐給馬會,同時更要求陳、易二人向保險公司認錯。二人當時感到條款極具侮辱性,故斷然拒絕接受,更由大律師李祖詒和事務律師文浩正義助下,考慮與 美亞對簿公堂,氣氛極僵。美亞後來再派陳健波出馬,主動提出加碼至一百萬基本賠償予二人,易小玲和陳國柱即一口答應,美亞當時見二人如此順攤竟欲還價,得 李華明施壓下方維持一百萬賠償。此方案陳國柱可得四十萬、易得六十萬,但美亞仍要求二人簽保密協議及改口,要對外宣稱美亞是「負責任的公司」,之前的指控 純屬誤會。二人考慮到日後生活問題,無奈答應。上週四的記者會上,美亞代表王富達再度出現,當日即時發支票予二人,並指他們承諾不再追討這份保險。

下週再做手術

一關剛過,另一難關又到。下週二,易小玲將再度入院,由威爾斯親王醫院整容外科部主管博昂志(Andrew Burd)替她 再做游離皮瓣下顎重整手術。由於上次手術移植的腓骨(小腿的一節骨)生歪,今次需再度移植,醫生將開刀取腓骨或盤骨,再移植至下顎,預計手術長達十多小 時。小玲坦言最怕是痛楚:「上次攞骨,痛咗我三日,我又唔打得止痛針,一打就會嘔!唯有忍住!」這次手術後,她康復的路仍很漫長,除了顎骨外,她的下顎脂 肪、肌肉和牙齒都須移植或種入,她最少在手術後一年多,方可接受其他矯形手術。樣貌和功能可回復多少仍是未知之數,擔心和害怕難免,不過每當想到母親的支 持和兒子時,易小玲就變得積極:「我唔會放棄自己!」

 


走出 幽暗 易小 小玲 一日 都係 係賺 賺返 返嚟
PermaLink: https://articles.zkiz.com/?id=25020

假POF呢家嘢?一街都係喇 中環客

來源: http://hkcitizensmedia.com/2016/09/23/%e5%81%87pof%e5%91%a2%e5%ae%b6%e5%98%a2%ef%bc%9f%e4%b8%80%e8%a1%97%e9%83%bd%e4%bf%82%e5%96%87/

最近有個球迷間嘅笑話,都成為中環人嘅話題,就係意甲勁旅AC米蘭嘅中資買家,竟然用假POF,雖然中資買家口硬話自己有能力買球隊。只不過,正常嚟講,呢單deal都係凍過北極啲冰。

其實假POF呢樣嘢,歐洲佬或者見得少,但香港中環融資界就見得多。所以依家買證監會牌又好,做配股又好,買殻又好,甚至買成棟大廈都好,基本要求就係你要有香港銀行POF。一方面,費時因為匯唔到錢嚟香港,搞到單deal炒咗粉,另一方面,大陸啲假POF多不勝數,而且大家都知強國啲造假術水平去到煉金術士嘅地步,單憑肉眼都難分文件真假,為免中伏起見,用香港銀行POF係穩陣啲。

一般嚟講,如果啲土豪堅有錢喺香港,出到份香港銀行POF,就要出埋授權,賣家就攞份POF去自己用開間往來銀行,透過銀行對銀行嘅溝通過程驗份嘢真假,所以唔會搞到好似AC米蘭咁膠,單deal公布埋至發現買家出份流嘢POF。而且香港銀行POF仲有一個好處,就係慳咗驗黑錢嘅功夫,香港啲銀行係見到筆錢乾淨至發POF,如果筆錢有問題,香港啲銀行都唔敢隨便攞自己嘅聲譽嚟賭,所以香港銀行POF係依家做中港交易嘅行規嚟。

如果歐洲佬下次做好似買賣球會呢啲deal,不妨要求全部要出香港銀行POF,搵香港啲律師、會計師做交易,依家英國未脫歐,話曬香港仲有好多持歐盟國籍人士喺個行頭度。香港人睇慣中國啲古惑嘢,唔會學意大利佬中伏。或者咁講,香港人乜伏都中過,無人比香港人經驗豐富。

中環客

POF 呢家 一街 都係 係喇 中環
PermaLink: https://articles.zkiz.com/?id=216420

讀書札記170410不當行為(廿三)大家都係幫阿公做嘢啫!

來源: http://www.tangsbookclub.com/2017/04/10/%e8%ae%80%e6%9b%b8%e6%9c%ad%e8%a8%98170410%e4%b8%8d%e7%95%b6%e8%a1%8c%e7%82%ba%ef%bc%88%e5%bb%bf%e4%b8%89%ef%bc%89%e5%a4%a7%e5%ae%b6%e9%83%bd%e4%bf%82%e5%b9%ab%e9%98%bf%e5%85%ac%e5%81%9a%e5%98%a2/

讀書札記170410
不當行為(廿三)大家都係幫阿公做嘢啫!
朝日執筆

上回講到 山繆臣Paul Samuelson的三頁紙論文《公共支出純理論The Pure Theory of Public Expenditure》(警告:是「純理論」!),為「公共財Public Goods」(其文中稱為「集合財Collective Goods」,後來的經濟學家對「集合財」和「公共財」再作了細分,在此不贅。)作出了定義。 山氏指出「公共財」就是一種具備以下性質,能帶來效用的「財貨Goods」:
Def.「每個人都能夠隨意使用,並且在其使用之時,並不會對他人之使用造成減損。另一方面,想排除任何人對該財貨的使用,也是極其困難的。」***

與之相對的是「私有財Private Goods」,就是具有「互斥性Rivalry」和「排他性Excludability」的「財貨」。只能由個別人擁有和使用,而且使用時會對該財貨造成「消耗」,從而減低以至剝奪其他人對該財貨的使用。舉例說,一粒糖就是「私有財」。你買了一粒糖,就只有你才能吃。你吃了那粒糖,覺得很快樂(獲得效用),其他人就不能再吃那粒糖了。

山氏對「公共財」舉出的例子是「放煙花」。然而,教科書中更經典的例子是「導航燈塔」。一座燈塔建在港灣的岬角之上,往來的船隻都可以利用它發出的光芒作為導航。燈塔的光當然不被「睇蝕」,故此在茫茫大海中,一艘船使用燈塔時,並不會阻礙到其他船隻使用該燈塔。而且,由於燈塔就建在最「當眼」的位置,因此無論要對使用者收費,抑或要阻止任何一艘在該海域中的船隻使用燈塔,也非常困難。
我們都同意燈塔非常重要。建築費雖然也不便宜,但往來船隻那麼多,只要每艘船願意夾一千幾百,就已經夠錢了。不過,少一份人夾錢,對整個「建燈塔基金」的影響其實微乎其微,燈塔還是一樣可以建得成。更重要的是,沒有夾錢的那個船主,在燈塔建好後,依然可以(免費)獲得使用燈塔帶來的效益。這就是所謂的「搭便車問題」。

山氏在結論中指出,儘管很多「公共財」的「預期效益」明顯是遠遠高於成本,但(榜標「效益為王」的)市場經濟對「公共財」的供應卻是嚴重不足。這是因為既然不花錢也能享用,當然就欠缺為之付費的動機了。
經濟學家由此推論出,除非政府主動介入提供「公共財」,再透過稅收讓每個國民分擔成本—搵枝鎗隊住班船主,一人課「兩棟水」出嚟—否則「公共財問題」根本不可能解決。

現在我們回看那個經典的「非合作賽局」—「囚徒困境」。 雖然數學家 納殊在「理性假設」之下,推出了那個「大家都要坐六碌」的悲劇宿命—「納殊平衡」,但令人有點尷尬的事實是,當這個經典的「囚徒賽局」在實驗室中重現時,竟然有40%至50%的「囚徒」,選擇「合作」不爆料。
導致這種「不符理性預期」的結果,當然也有不同的可能性。可能參加者當真是「義薄雲天」,寧可人負我,莫使我負人;也可能實驗中的「誘因」不夠真實或不夠重大;甚至可能是他們根本還沒有搞清楚「遊戲規則」—畢竟也不是太多人有足夠豐富的「被捕經驗」。

不過,在實驗室以外的現實世界,我們也不難發現各種差點把人曬盲的「人性光輝」。至少,本地大多數人,即使在沒有人的時候,也不會隨地亂拋垃圾。各位可能過於習以為常,以致沒有留意,其實「清潔的社區環境」也是一種「公共財」,而「放棄拋垃圾的便利」則是一種「成本」。原則上,你不付出這個「放棄便利」的「成本」,把手上的一小件垃圾丟在地上,並不會對整個「清潔的社區環境」構成多大的影響。就正如你不付出那一千幾百,燈塔一樣建得成,你一樣可以照使用。不過,你還是選擇了「合作」!我們現在的社區也尚算整潔,證明大多數人都選擇了「合作」。這樣,正如「囚徒困境」中選擇了「合作」的兩個囚犯一樣,避免了出現最差的情況(汙穢的環境/齊齊坐「六碌」),代價就是每人付出若幹的「成本」(放棄便利/每人「一碌」)。
更明顯的是,社會(竟然)存在著眾多的「慈善團體」,這就足以證明「公共財」,完全可以在政府不介入的情況下產生。須知「慈善活動」作為一種「公共財」,其產生的「效用」就只是令社會更美好、更和諧,但仍是不斷有人願意為此「付出成本」(捐錢)—雖然他們從不直接受惠於那些團體。

關於「公共財生成之謎」,也有一個被經濟學家和心理學家玩了很多次的遊戲。這個遊戲一般被稱為「公共財賽局Public Goods Game」,以下是其中一個比較經典的版本。
情境23a1:十名互不相識的受測者來到實驗室中,每人獲發五張$10紙幣,即共五十元。他們都清楚整個遊戲的機制,但各人之間不能溝通。每個人可以自由決定把其中多少錢,投放進「公共財」。 當所有參加者完成秘密而匿名的捐贈後,「公共財」的錢會被加倍,然後平均分給所有人。
最「理性自利」的做法,應該「鬥零都唔捐」。假如你捐了$10,結算時會加倍變成$20,但平分十份後你只能得回$2。也就是說,你每捐$10,就會白白虧了$8!其他的九隻「鐵公雞」,卻是「坐著賺」了$2,也就袋中總共會有$12。也許他們也會心存感謝,只是不知道那個匿名的「善人/羊牯」到底是誰。儘管這些「理性人」一定知道,如果所有人都把所有錢貢獻出來,他們每個人都會得到雙倍,也就是$100的回報。然而,按照山氏的「純理論」和納殊的「非合作」邏輯,這遊戲中的所有參加者都應該會「一毛不拔」!

實驗結果顯然人們普遍處於「自私」和「無私」的中間點,實驗對象的平均捐款額大約就是手上金額的一半。不過,非常有趣(或合理)的是,若這個實驗的參加者都是經濟系或企管系的研究生,他們的平均捐款率就只有20%。相信「世界是理性」的人,果然就會比較「理性」!

有「理性派」經濟學家認為這種「合作傾向」,可能只是因為實驗對象缺乏學習機會,故不(像經濟學家那樣)了解「理性的好處」。
情境23a2:同一組實驗對象玩完一局後,被要求「原班人馬」再玩一局,然後又再玩……當然,他們並不知道還有沒有下一局。最初一兩局的「捐款率」大約為50%。到了第七八局,「捐款率」開始逐步下降,最後一直降到零!
他們終於知道「天理天道」了!理性萬歲!

不過,1999年實驗經濟學家James Andreoni,在他的經濟學實驗室中又有新發現。
情境23a3:同一組實驗對象一直玩。到了大概第十局,「捐款率」出現明顯跌勢。這時,他們被明確告知,還得與同一組人繼續玩十局。
如果誠如「理性派」所指,他們已「學懂了理性的好處」,「捐款率」應該會繼續下跌,但事實卻是,在新的一局中,捐款率重新回升至最初水平,即50%左右!由此看來,重複的遊戲給大部分實驗者的教訓,是「世上存在自私鬼」,還有「可以選擇做自私鬼」,但卻沒有讓他們變成「徹頭徹尾的自私鬼」。

以研究人類合作和社交演化而知名的「神經經濟學Neuro Economics」專家Ernst Fehr對上述的課題作進一步研究,指出其實大多數人都是「有條件合作者」—只要知道有足夠多的人會「合作」的話,他也會願意「合作」。一開始大多數人都願意「合作」捐錢,但時間一長,「自私鬼」逐漸露出「狐貍尾巴」,於是原來的「有條件合作者」也開始「搭便車」了。惡性循環之下,「合作率」(「捐款率」)自然越來越低。

不過,各位還記得上一集的「最後通牒賽局」和「懲罰者賽局」嗎?只要知道「來日方長」,也就是有機會對「行事不公平」的「自私鬼」進行某種形式的「懲罰」(縱然也只是一種「一拍兩散」)時,那些「有條件合作者」又願意重新「交心」,伸出「合作」之手了—就畀多次機會你班X街啦!

朝日想起讀中小學時,因為要交「宗教科」的「剪報功課」而必須買《公教報》。《公教報》的銷售方式,也許正好可以作為對本文的總結。
情境23b:每周新出的《公教報》,就幾十份地疊放在教堂門外大大的、沈甸甸的實木報紙架上。架前鑲著一個大約一米高的大錢箱,旁邊有標示:「每份五元,請放入箱中,不設找贖。」入銀口很小,手不能伸進入。實木箱連架也很重,想移動也很困難。

《公教報》本身也不是什麼值錢的東西,除非有特殊「癖好」或「需要」,否則也大概不會有人對它有興趣。因此,報紙和錢箱不必有人看守。事實上,大多數人也確實是會乖乖付款的。不過,如果錢箱的設計是「大開大合」,只要所有經過的人之中,有一個「動歪念」—這似乎也是必然的事了,損失的就是全部收入了!現在這個「有入無出」的設計,即使魔鬼「在當中作工」,十個人之中有一個人不投錢—例如某個要交「宗教科」作業的窮學生,損失也不過是總收入的十份之一而己。
作為一個「正常人」,固然也要防備某些用心特別險惡的人,但我們倒不必像經濟學家(或「理性經濟人」)一樣,總是想著周圍每個人都無時無刻地,一心佔你的便宜(或者搭你的便車)。

23集關鍵字:
公共財Public Goods
導航燈塔
公共財賽局Public Goods Game
有條件合作者
理性的好處
「《公教報》的錢箱」

《不當行為》Richard Thaler著/劉怡女 譯

分享文章

讀書 札記 170410 不當 行為 廿三 大家 都係 係幫 阿公
PermaLink: https://articles.zkiz.com/?id=245713

MISSSHEEP 都係細我少少0者...七十後買樓???

1 : GS(14)@2010-08-14 16:55:17

http://hk.myblog.yahoo.com/skyknowbook/article?mid=4500


MISSSHEEP 都係細我少少0者...七十後買樓???
網誌分類:男主人隨想 |
重要
網誌日期:2010-08-07 03:30

http://hk.myblog.yahoo.com/misssheep-sheep/article?mid=4

呢個女子都夠經典, 唔係話佢好/唔好, 就係連TVB 都搵佢訪問, 其實呢篇野初係DISCUSS 個陣我都唔知係邊度見過. 個人感覺: "雖不全中但屬現實, 尤其對不幸的, 低收入的, 必需買樓的人0既一個好故事, 一點好意見"

咸魚青菜各有喜愛, 有人鐘意買樓, 有人鐘意租樓, 有人鐘意其他野, 話唔埋有人儲左5000 部 iphone4 係屋企什至五億個貓鑵頭都得...

睇到TVB 先發現, 佢就黎三十了, 男主人頂多都係大佢兩年, 無奈自己不能以八十後自居, 哈哈~

我D ABCDEF 血淚史....其實無乜, 個人正能量極多, 就當我無乜受過挫折啦. (如某騎劫巴菲特送錢佢駛果位青年, 佢童年咁慘, 真係I AM SO SORRY...)

不如我又學呢位MISSSHEEEP 自我起下低:

同佢一樣, 我當年(2001)都係大學生(重要唔係三大, 雖然我高考成績都唔錯), 奈何我唔鐘意本科, 我無做番應做0既專業, 我本係一位註冊物理治療師.

屋企係我一畢業就全部失業(其實算係半年老退休), 幸好我媽媽都無嘈我快d 搵工, 完全比自由我去揀去諗(可能我媽媽對我有信心, 其他媽媽覺得個仔唔係材料啦~ 嘿~), 而我有糧出都比番一半屋企0既.

當年一畢業科網爆破, 情況都唔好得幾多, 男主人極hea send 左唔知幾多百封信都無回音, 得個見字, 最後都係做一份得8000 蚊0既工, 可惜佢要用我專業黎做sales, 非我所願, 正值家中陪伴十一年貓兒過身, 做左九日就辭工~

之後又做過兩個幾月freight forwarder, 中資中小型公司, 因老細出爾反爾話加人工又唔加(再加上唔夠屋企駛), 又走了.

最霉個陣, 就係做爛代教育個d 播帶人, 簡直同搵個道友去賣老翻無分別, 加上佢呢間pk 野拖足成個幾月糧, 令我曾經有一個星期得番一百蚊係身, 好玩0既係, 比我識到好多一樣落難0既同年大學畢業生HKU, CUHK, UST 讀 PURE SCIENCE 大把. 老實講, 有大部份都係廢柴黎(而家見番面, 佢地都係做緊廢工...), 當然, 亦都係識到一位大我十幾年個陣剛比人某大報館裁員0既拍檔.

當時我d 大學同學, 都係為左入HA (醫管局)做, 搵萬七蚊人工已經係當時0既夢想. 平均都係萬三蚊左右. (專業人士喎....都係咁之ma....各位搵幾千0既畢業生, 唔好太灰)

之後我自己搵錢越黎越多, 我有進修, 不過只為興趣 (HKU教育文憑, CUHK教育碩士對我工作無影響), 同MISSSHEEP 唔同, 進修對我黎講真係去學野, 同搵工作升職完全無關.

講錢....

第一個一萬, 係我中六(1997)個陣已經有. 都係幫d 中學生補習(中學補中學, 我好夠膽的, 中七補中六我都試過). 不過係我幾年大學唔知點樣洗哂~

第一個十萬就真係好遲先黎....都成2005 年年頭. 個陣我同時做自己檔野又教書 (教書唔係目的地, 因為我番母校教書係我其中一個心願, 幾好玩架!)

第一個一百萬反而唔算太遲, 07 年年中就有(六年儲一百萬, 唔算難事.), 因為05 年中學玩股票, 咁0岩市升卦....其實我無計過現金流係點, 不過個陣自己收入都已經過哂督察級, 過哂一般老師頂薪, 過哂個班成日想開診所又唔敢開可能做死一世無得升0既二級物理治療師, 仲要有排都未頂薪...

噢! 無提到買樓! 其實人買樓我買樓, 我都係想同女主人學習下一齊生活而買, 並非為投資亦非為需要. 都係07 年買, 我無做九成(其實做唔到), 我做七成按, 利用smart mortgage 同埋short option, 變相免費供樓! 當然後尾海嘯會有點麻煩, 但係一路有強勁現金流+累積期權金, 已足夠渡過.

第一個一千萬, 應該係可見三年左右遇見, 或許更早(次次我都估遲左....)

我想講, 我都只係一個住係d 好舊好舊0既公屋, 每月都唔過一千蚊租0既公屋仔黎. 都係玩四驅車, 高達, 超級任天堂, newway, 小一入機鋪, 小三入機鋪比飛仔"豆", 無得補習無學興趣班長大的. 但係我小三個陣會為左想打機改金手指而學識點計16 進制, 其實, 即使玩, 只要你有真係用腦process 過每一件野, 你都會學到好多.

至於消費, 自小媽媽都慳家, 自己都唔太花費(雖則會花成個星期零用訂高達買漫畫), 反而大個左無乜物質欲. 都係行街睇戲食飯等正常開支.

有咩同年青人講? 我想講, 我心境可能年青(幼稚)過哂佢地, 長期樂觀放出正能量, 每一件事都用下個腦, d 錢就會自然黎搵你. 打工? 打得工你都預左係吊命, 你唔係諗住升你做亞太區總行政總裁, 比個靚title 你, 人工會多得過自力更生下話??? 如果政府出手幫你地, 你地0既在上者一定會用更聰明諗方法從中奪走部份利益. 因為, 我地無太多金錢束縛, 平時食開腦, 真係睇住你地黎食架喎....

買唔到樓, 不如反省下點解人工咁低, 爸爸媽媽捱得咁辛苦養大你, 你比番呢d 咁垃圾不如0既成績比佢, 點面對祖宗十八代呀!?

話時話, 層樓我賣左...係咪無樓係手唔講得呢d 野? um....我諗我按股剩番個d 錢都夠一砲過(no mortgage)買層百幾萬樓仔0既....

若然我講左d 咩唔同意0既野, 我都係個句, 咸魚青菜, 各有所好啦~

(半夜打日記, 正因我等緊同我一樣, 為興趣讀書0既女主人做埋份PAPER先訓)
2 : 自動波人(1313)@2010-08-15 17:19:49

其實果位女教師既事我無乜點睇佢

不過社會上總有極端例子,例如fresh grad可以搵七萬,又可以搵七千,但這代表甚麼?
今天的自己,是代表將來的我嗎?正如blogger所講...

"我想講, 我都只係一個住係d 好舊好舊0既公屋, 每月都唔過一千蚊租0既公屋仔黎. 都係玩四驅車, 高達, 超級任天堂, newway, 小一入機鋪, 小三入機鋪比飛仔"豆", 無得補習無學興趣班長大的. 但係我小三個陣會為左想打機改金手指而學識點計16 進制, 其實, 即使玩, 只要你有真係用腦process 過每一件野, 你都會學到好多."

現在我擁有的東西,可保証將來還會擁有嗎?我相信除了知識,腦筋外,包括手手腳腳,都不保證明天還可擁有
很同意blogger所講,知識並不一定來自課本,老師,不同途徑也可令自己的增加知識

3 : passport(1491)@2010-08-15 20:30:22

2樓提及
其實果位女教師既事我無乜點睇佢

不過社會上總有極端例子,例如fresh grad可以搵七萬,又可以搵七千,但這代表甚麼?
今天的自己,是代表將來的我嗎?正如blogger所講...

"我想講, 我都只係一個住係d 好舊好舊0既公屋, 每月都唔過一千蚊租0既公屋仔黎. 都係玩四驅車, 高達, 超級任天堂, newway, 小一入機鋪, 小三入機鋪比飛仔"豆", 無得補習無學興趣班長大的. 但係我小三個陣會為左想打機改金手指而學識點計16 進制, 其實, 即使玩, 只要你有真係用腦process 過每一件野, 你都會學到好多."

現在我擁有的東西,可保証將來還會擁有嗎?我相信除了知識,腦筋外,包括手手腳腳,都不保證明天還可擁有
很同意blogger所講,知識並不一定來自課本,老師,不同途徑也可令自己的增加知識


同意~每個人追求既野唔同
有d人買樓會滿足
有d人覺得人生目標係環遊世界
我個人認為
只要你搵清楚自己想點
無論係買樓,環遊世界都唔係咩問題
因為你已經搵到你自己人生既路
4 : 學習者(1436)@2010-08-16 14:42:59

1997-->1萬(容易做到)
2005->10萬(不難)
2007-->100萬 (05到07年邊有六年呀!)(帶有運氣)
201x -->1000萬 如果唔靠炒股,炒樓,一般蟻民可以嗎?水能載舟也能覆舟!
5 : GS(14)@2010-10-30 08:57:55

5樓提及
其實六年係指畢業後六年。


其實我做九五按一定買到百零萬的平樓...味皇大人這樣計只是用了三四年
6 : qbbsclassic(33468)@2013-12-31 01:23:29

故仔睇完就算啦

我淨係講呢句
都係07 年買, 我無做九成(其實做唔到), 我做七成按, 利用smart mortgage 同埋short option, 變相免費供樓
07、08果2年波幅咁大
你走去short option好易hii野
如果你咁都唔hi
應該都係股神級
7 : qbbsclassic(33468)@2013-12-31 01:37:30

呢d股仔股票類我都寫得出啦

我96年得1萬蚊
趁紅籌熱狂抽新股如上實、北控之流
點知真係好好彩
隻隻都抽到
之後變左做5、6萬蚊

等到2000年科網熱
我6蚊買1萬股盈動
升到24蚊我放晒變24萬

再用呢24萬買15萬股中石油
到07年升到15蚊放晒
變成2百幾萬

然後再用呢2百幾萬買晒騰訊
你估依家值幾錢


如果你再誇d咪話你碌卡玩埋孖展囉
再話知道見頂時沽期指smiley
MISSSHEEP 都係 係細 細我 少少 七十 十後 後買 買樓
PermaLink: https://articles.zkiz.com/?id=270305

金融才俊都係住粉嶺居屋?

1 : GS(14)@2011-04-21 19:40:30

http://www.inv168.com/phpBB3/viewtopic.php?f=5&t=62600

金融才俊妻激到企跳

曾在多間金融機構任高職的「金融才俊」鄺宏博,早前疑被妻子沒收回鄉卡禁足內地,惟昨晨妻子發現他竟持另一張新卡,遂大興師問罪,雙方爆發爭執,鄺妻突情緒激動企圖攀窗跳樓自殺,幸被鄺及時拉住,送院檢驗。

鄺宏博現年四十五歲,與四十歲姓劉妻子,及一名就讀小學兒子,同住粉嶺欣盛苑欣耀閣一單位,現任一間融資有限公司董事。消息稱,鄺早前因故被妻子沒收了回鄉卡,令他一段時間內無法再踏足內地。不過,有人疑暗地向中旅社報失舊卡,再換領新的回鄉卡。

昨晨零時許,鄺妻發現丈夫竟然持有另一張回鄉卡後,疑感到受騙,立刻向其質問,兩夫妻即時爆發激烈口角。鄺妻一時激動,衝入廚房打開窗門,企圖跨窗跳樓自殺。

炒股必殺技 一個「貪」字

鄺見妻子走入廚房已心知不妙,尾隨查看,見妻子有「危險動作」,即急步衝前將其拉住及報警,鄺妻在丈夫苦勸下終打消死念,由接報到場救護車送院檢驗,警方列企圖自殺案處理。鄺接受查詢時以「唔清楚」作回應。

鄺宏博八七年中學畢業即投身股票市場工作,九一年畢業於樹仁學院夜校部,從而成為分析員,他工作之餘努力進修,二○○○年獲英國大學工商管理碩士學位。鄺曾任職多間金融公司做證券交易代表、或就機構融資提供意見的負責人員,他炒股必殺技全憑一個「貪」字,並「見好即收」。鄺近年轉趨低調,較少出鏡接受訪問評股。

不當報失證件 可被起訴

對於有人同時持有兩張回鄉卡,執業大律師陸偉雄表示,如當事人曾到警署報案表示遺失證件,事後卻被發現刻意隱瞞事實,可能會被起訴,控以「報假案」或「浪費警力」等罪名。如報失的是身份證或護照,更有機會干犯「對入境事務職員作虛假陳述」罪,以上三罪皆為刑事罪行,有可能留案底,甚至入獄。他提醒市民應謹慎處理私人證件,切勿以身試法。
2 : GS(14)@2011-04-21 19:40:47

統一證券(香港)有限公司
董事總經理 負責人員
企業融資部
鄺宏博
3 : GS(14)@2011-04-21 19:43:56

http://orientaldaily.on.cc/cnt/news/20110420/00176_004.html
金融才俊妻激到企跳
4 : 龍生(798)@2011-04-23 01:00:11

這也是我心中問題...

我查看年報...其實好多財技中人都非我們想像中富有

住半山的寥寥無幾, 叻的都只係住藍籌屋苑己算係咁

公屋我都見過...

係咪這套東西有先天性缺憾, 令他們不能致富?
金融 才俊 都係 係住 住粉 粉嶺 居屋
PermaLink: https://articles.zkiz.com/?id=274073

豪言大志:李嘉誠都係雙非人

1 : GS(14)@2012-02-07 22:09:38

http://www.sharpdaily.hk/article/index/38065/20120207/50294
網上有反蝗軍團以「理性反蝗」自居:高質素有教養的人我們歡迎,低學歷低技術免問。城市如衙門,有理無錢莫進來,法庭判你有居港權又如何?我就是討厭你。可是,甚麼是「低學歷低技術」?一個雙非小朋友,初中程度,不懂英語,廣東話不純熟,這算是人才嗎?
很明顯這是低學歷雙非蝗蟲,只會霸佔香港人的教育資源、搶奪公屋配額,一定要阻止這位雙非少年來港。很好,如此我們便阻止了李嘉誠的誕生。對啊,「李氏力牆」也是一個「雙非」。走難到香港時一窮二白,完全符合反蝗軍團所仇視的「低質素」背景,就不知誠哥當年有無隨地吐痰及打尖。
還有金句王黎明,歌仔有得唱,「I was born in Beijing」,北京出世,又一典型雙非仔。劉嘉玲,雙非出身,蘇州姑娘,來香港時經常被傳媒嘲笑「有鄉音」、「大陸妹」、「衣着老土」,今天她的身份已是「香港知名演員」,我強調是「香港」。
為甚麼當年香港社會能容納這些「雙非人」,但今天香港卻要趕走「雙非人」?如果昔日的「雙非人」可以在港打拼,為甚麼今天我們卻認定「雙非人」是蝗蟲好食懶飛?是我們自大了?還是我們自卑了?
不知這些當年的雙非名人,會否為今天的雙非人講句好說話?

電郵:mcwriter@sharpdaily.com.hk

曾志豪
2 : Louis(1212)@2012-02-07 22:34:58

意味著有一個雙非人將成為李嘉誠!!!
豪言 大誌 李嘉誠 李嘉 都係 係雙 非人
PermaLink: https://articles.zkiz.com/?id=277604

俾我都係咁

1 : GS(14)@2012-02-16 00:14:34

http://hk.apple.nextmedia.com/te ... 376&art_id=16070309
四十出頭的人看《 Descendants(繼承大丈夫)》,不禁感觸處處,我就算沒片中男主角 Matt的遭遇,但他遇到的每一個問題,我都會自然同步跟他一起想「俾我會點處理?」
「 Matt只顧工作搵錢養家,卻忽略與太太與孩子的相處。」俾我都會係咁,其實大部份男人婚後,都會以搵錢養家為原因,去逃避與家人相處!
「 Matt以忍氣吞聲的態度,來面對一雙女兒及昏迷了妻子的爸媽。」俾我都會係咁,當有大堆問題無法解決時,少說一句就少一個問題發生。
「 Matt知道妻子有外遇,好想但又怕知道他是誰,終於他要扮買家去約那『情夫』見面。」俾我都會咁做,因為當你要暗地裏追查某些東西時,你的創意會很澎湃,但千算萬計又如何?結果都會像 Matt一樣,在毫無準備下,想知但又怕知的,會突然出現你面前。
「 Matt終於見到『情夫』,得知他曾在自己的床上與其妻鬼混,沒有揮拳相向,但離開時卻超越禮儀地給了情夫的太太一吻。」俾我都會係咁,以其人之道,還治其人之身,比靠暴力渲洩來得更徹底,更邪惡。
「 Matt與女兒把妻的骨灰灑進大海後,一切塵埃落定, Matt回到家與女兒三個坐在梳化上,共披着一張氈,吃着乳酪,沉默地一起看電視。」俾我都會係咁,所謂「一家人」,就是可以圍着一起,無言共對,但依然樂透。
「 Matt做以上的每一件事,我身旁的年輕情侶毫不關心,全程就在談心調情大聲吃爆穀,女方還不只一次說『都唔知有乜好睇?』」俾我都會係咁,如果像他們年輕,我一定會咁問,而我也希望自己還可以咁問「都唔知有乜好睇,都唔知有乜咁感動?」
2 : 草帽(1253)@2012-02-16 07:10:43

俾我都會係咁
3 : GS(14)@2012-02-16 21:01:10

2樓提及
俾我都會係咁


我都可能會
俾我 我都 都係 係咁
PermaLink: https://articles.zkiz.com/?id=277777

兩萬分一機會 三代都係孖女

1 : GS(14)@2014-09-03 13:30:22

英國一個家庭打破兩萬分之一機率,連續三代出現雙胞胎,而且每對都是孖女,延續好事成「雙」的意頭。來自薩福克的33歲女子斯蒂芬妮(Stephanie Procter),近月榮升媽媽心情特別興奮,本身是雙胞胎的斯蒂芬妮,加上母親和姨姨都是孖女,因此婚後渴望誕下雙生兒,可惜早前懷上雙胞胎時流產,幸好她再度懷上孖女,她們今年6月出世、約重3磅至4磅,出生時間只是相隔3分鐘。不過,霍尼(Honey)出生後因胃部發育不健全,須入住另一所醫院,與孖生姐妹阿瑪莉(Amalie)分隔12日,幸霍尼接受治療後已好轉不用接受手術,兩姐妹終可重聚。斯蒂芬妮坦言,「家中所有雙胞胎都是自然授孕」,認為情況十分罕見,並笑言她們聚首一堂就會喋喋不休,「可憐的丈夫站在旁邊一隻字都聽不見」。英國《每日郵報》




來源: http://hk.apple.nextmedia.com/international/art/20140903/18854388
兩萬 分一 機會 三代 都係 係孖 孖女
PermaLink: https://articles.zkiz.com/?id=285340

【健康online】How old.net測極都係老餅 越玩越不安?

1 : GS(14)@2015-05-07 23:55:03

實際年齡不能改變,但外貌卻可騙人。微軟「How Old Do I Look」網站,透過網站軟件偵測相中人歲數,吸引網民瘋狂上傳照片測試,不少女士更只為測出較實際年齡小、年年25歲的結果,但若屢試屢敗,小心引發焦慮情緒。精神科專科醫生周樂怡接受《蘋果》訪問時表示,測試結果若較實際年輕,確可令部份人提升自信,但若本身已有負面情緒,結果不合意反會增加不安與焦慮。以相片的外貌偵測年齡,結果若較實際年紀小,當然令人開心,但屢次「轉相」、多翻測試,結果都較實際年紀大,就難免沮喪又不甘心。曾有女士便用無數相片反覆測試,直至得出結果較實際歲數年輕才滿意「收手」,也有女士找來年齡相若者一同測試,要對方測出較自己「大齡」才甘心。精神科專科醫生周樂怡表示,一般人固然希望自己看起來較實際歲數年輕,只因年輕顯得較有活力及有生命力,特別年紀到達某一階段,對衰老更存有負面心態,因衰老也代表壓力指數,壓力越大老得越快。他指,心理健康正常者會對測試結果一笑置之,部份人若測出結果較心目中年輕,更會增加自信及自我形象。不過,若測試者本身已積存負面情緒,又特別「怕老」,得出結果較實際年齡「老咗」,便會產生負面影響,出現緊張及焦慮的情緒,並會否定測試,「唔接受測試出嚟結果,咪重覆咁試」,若本身較為自卑者,自我形象低落,即使測試結果顯示自己看起來較年輕,相信也難以提升自信及產生愉悅感,故毋須太在意測試結果。





來源: http://hk.apple.nextmedia.com/news/art/20150507/19139123
健康 online How old net 測極 極都 都係 係老 老餅 越玩 玩越 不安
PermaLink: https://articles.zkiz.com/?id=290214

龍小菌涉偷菜被捕「疏忽都係唔啱」

1 : GS(14)@2015-06-15 01:08:20

■龍小菌前日傍晚6時許,在超市涉盜竊被捕,被帶返柴灣警署調查,昨凌晨1時許保釋離去,下月再返警署報到。攝影:李家傑



現年26歲的蒙面歌手龍小菌涉盜竊被捕,前日她獨自到鰂魚涌超市購物後,疑未有支付總值約120港元的蔬菜及生果錢便離去,即時被保安截停報警處理,聲稱因感冒病到「吽吓吽吓」的小菌,昨解釋在事件上純粹疏忽,但認錯說:「但疏忽都係唔啱!」她不擔心此事影響前途,因為自己還在讀書,她會完成學位,繼續唱歌作詞。


前日傍晚6時許,龍小菌在鰂魚涌AEON百貨公司超市購物時,將價值約120港元的蔬菜及生果放入環保袋內,懷疑未有付款離開,被保安截停報警處理,將小菌帶往柴灣警署調查。至昨凌晨1時許,獲准保釋的小菌終於離開警署,現保釋候查,下月要返警署報到。素顏戴帽的小菌在警署門外接受訪問,她表示近日因感冒「吽吓吽吓」,前日下午打完泰拳後,再去幫母親修理電話,之後往超市買餸,先買了鹵水付款後,因鹵水要加熱,她又往買蔬菜及番茄等,之後將所有食物放入手推車,直接推去出口,她說:「將啲嘢擺入環保袋出咗門口,俾便衣保安截住話有啲嘢未畀錢,佢冇聽我解釋直接帶我去保安室,喺超級市場唔記得畀錢真係第一次。」離開警署後,小菌由一輛四驅車接載,兜勻港九新界欲撇傳媒追訪,約兩個多小時,駛至牛頭角道由一名男親友陪同,轉乘「寶馬」離開成功撇甩記者。



昨晨1:00am【步出警署】■素顏戴牛仔帽的龍小菌,昨凌晨由經理人邵子風陪同離開警署。

3:30am【喪遊花園】■龍小菌為避記者追訪返家,在港九新界大兜圈後,最後在牛頭角由男親友接載撇甩記者。


昨午【急睇中醫】■龍小菌昨戴口罩往睇中醫,解釋自己在事件上純粹疏忽:「但疏忽都係唔啱!」互聯網圖片

「以後會小心啲」

昨午小菌戴口罩往睇中醫,她透過WhatsApp錄音說:「今日收到好多朋友關心,問我需唔需要幫手。因為噚日喺警察局搞咗好耐,大概六七個鐘,好攰,同埋差館比較凍,今日去咗睇醫生,醫生話我患咗流行性感冒。多謝好多朋友都好相信我,喺呢件事上係純粹疏忽,但疏忽都係唔啱,自己以後會小心啲。」問家人擔心她嗎?小菌說:「家人當然好擔心,始終屋企都冇發生過咁嘅事,所以我都唔係好識處理,我哋都係要搵適合嘅人去幫手。」問事件對工作有否影響?她說:「我心態上就冇好大嘅影響,始終我仲讀緊書,我想繼續讀書,完成埋個碩士學位,繼續唱歌寫詞。」


■2011年,龍小菌以網絡歌手身份出道,並蒙面在街頭獻唱,後被揭是位中學老師。資料圖片

邵子風:人之常情

小菌因涉盜竊被捕,昨凌晨獲釋返家後,問有否失眠?她說:「返到屋企之後都好攰好夜,所以都瞓得着,但就唔係好安穩。經歷咗成晚,搞咗好耐,瞓瞓吓又咳醒。希望事件可以盡快雨過天青。」今晚小菌會現身文化中心捧經理人邵子風有份演出的舞台劇《現代馴悍記》。至於事件警方怎處理?邵子風說:「等下次返警署報到,先知往後係點樣。」前晚他在警署外受訪時,曾說「買嘢唔記得畀錢人之常情」,被網民狠批教壞小孩,他說:「其實但凡唔記得都係一種錯誤,錯咗就要知錯,唔好再冇記性。」昨記者向梁永鏗律師查詢盜竊罪成的判刑,他在電話說:「最高刑罰十年監禁,但通常唔會,喺舖頭偷嘢可能罰錢,如果佢話唔記得畀錢,睇吓乜嘢原因,控方信佢可能撤銷控罪。如果唔認罪可能短期監禁一兩星期,認罪求情就罰錢幾千元。」採訪:皓騫





來源: http://hk.apple.nextmedia.com/entertainment/art/20150612/19180986
龍小 小菌 菌涉 涉偷 偷菜 被捕 疏忽 都係 係唔 唔啱
PermaLink: https://articles.zkiz.com/?id=290920

職場新人要忍周圍都係「老Seafood」

1 : GS(14)@2015-06-25 08:19:06

人在職場身不由己,不yes yes yes順從老闆、不埋堆、不慎言者實在難以生存。打工仔跟同事、上司日見夜見,若不幸遇上愛在老闆面前顯示實力,經常做騷教導別人的「老Seafood」,職場新手不但難受,工作能力還會受到質疑。他要扮能幹,為何要犧牲我?要是遇上不停Repeat、附和甚至誇大老闆說話、愛把簡單事情複雜延長化的Big Echo,離地的任務、不設實際的想法、罔顧同事的工作量,職場新手又怎麼辦?「我都有阿媽生!」《辦公囚室》第一集,請來前新聞主播、企業培訓高人李燦榮,逐一拆解上述難題,分析最有效率的會議長度和個人發言時間,助我們見招拆招,並揭示辦公室最常見三大罪行—「扮篤擦」(扮嘢、篤背脊和擦鞋)。





來源: http://hk.apple.nextmedia.com/entertainment/art/20150624/19196348
職場 新人 要忍 周圍 都係 Seafood
PermaLink: https://articles.zkiz.com/?id=291154

撐《蒙面歌王》巫啟賢搞氣氛克勤:都係一個騷啫

1 : GS(14)@2015-09-23 02:18:59

■李克勤前晚否認上內地節目《蒙面歌王》收750萬酬勞,強調價錢合理。


出道快滿30年的李克勤,早前代表香港參加內地的江蘇衞視《蒙面歌王》歌唱比賽節目,戴面罩扮「白棱鏡」出戰贏得首集冠軍,不過,身為評判之一兼曾為克勤作歌的巫啟賢,竟然在節目中認不到克勤的歌聲,被網民狠批扮嘢,前晚克勤出席母校華仁書院校慶,笑說:「《蒙面歌王》呢啲嘢唔使咁認真,唔使去挑剔啲環節,其實好多嘢仲要改善。」



■克勤撐巫啟賢(小圖)已成功為節目製造話題。資料圖片

■王敏德兒子躍穎(左)是華仁學生,兩父子更上台合唱籌款。



「冇攞過750萬」

對於能夠製造話題,克勤認為節目已成功,他說:「唔知佢真唔認得或假唔認得,其實都係一個騷啫,或多或少都營造觀眾有得估嘅氣氛,坦白講如果我同佢調轉崗位,我都冇可能第一眼見到佢就話:『嘩,嗰個咪邊個邊個!』咁咪好冇癮。」克勤坦言沒有後悔,將會繼續參加節目。克勤並主動否認收750萬酬勞的傳聞,他說:「我要澄清冇攞過750萬,不是傳聞中嘅價錢,揼石都有人工,地盤都有人工,總之合理,幾多錢唔係主要,之前都有節目搵過我,都係講緣份。」對於有網民指他去內地搵銀,少了專注在香港,他說:「其實我基本都係喺香港,如果要晉身決賽,都會撞咗9月演唱會,不過到時先算,見步行步。」此外,專程由日本返港擔任嘉賓的陳美齡表示,兩個姐夫和姨甥都是在華仁讀書,當年自己未做歌手前,華仁都邀她去唱歌,問到那些年是否很受男學生歡迎?她說:「當時好多人話鍾意我,試過有男仔跟我返屋企,自己都好驚。」採訪:張俊銘攝影:陳慧安





來源: http://hk.apple.nextmedia.com/entertainment/art/20150803/19241060
蒙面 歌王 巫啟賢 氣氛 克勤 都係 一個
PermaLink: https://articles.zkiz.com/?id=292513

【老細玩嘢】準時放工都係罪 隨時on call爆頹

1 : GS(14)@2015-10-07 07:33:14

喺chur爆、喪勤力嘅上司眼中,你點樣努力,都未有耐夠努力!動新聞打工族實況悲情處境知性短劇《辦公囚室》Season2「波士篇」,隆重請嚟資深演員—高俊文、李鴻杰、梁健平及盧希萊,分別飾演4大類犯眾憎老闆,要追魂call有追魂call、要幾離地有幾離地,共鳴肯肯定爆燈。今集,高俊文飾演工作無分日夜、同時要求你都無分日夜嘅上司,喺佢領導之下,唔該大家24小時on call、WhatsApp唔好死、體力要超乎常人。總之,佢一order,你就要做啦傻仔!今季繼續有請企業培訓高人李燦榮,逐一拆解辦公室波士VS下屬難題,剖析辦公室求生技倆,等各位參考參考。搵食啫,咁chur做乜?化妝:Karin,Windy@BOM Mouton服裝@fait a main PARIS飾物@A Handmade《辦公囚室》Season2:老細So晒自己友威就佢攞氣我受
http://bit.ly/1ir6fKp老細有鑊我要孭 做細硬食無得卸
http://bit.ly/1V7saTi女上司難服侍樣靚命好着數啲?
http://bit.ly/1L0FnZB《辦公囚室》Season1:職場新人要忍周圍都係「老Seafood」
http://bit.ly/1ImTAlY是非當人情 兩頭蛇同事點頂
http://bit.ly/1K1rhsr同酬不同工索女同卸膊精最着數
http://bit.ly/1V9DEsz





來源: http://hk.apple.nextmedia.com/entertainment/art/20151006/19322523
老細 細玩 準時 放工 都係 係罪 隨時 on call 爆頹
PermaLink: https://articles.zkiz.com/?id=292823

屎尿廁紙都係武器北韓垃圾彈襲南韓

1 : GS(14)@2016-02-04 17:23:58

為報復南韓恢復巨型揚聲器心戰廣播喊話,北韓由上月起,向南韓投放「垃圾氦氣球」,入面放有大量煙頭和用過的廁紙,相當噁心。南韓自上月初起在邊境恢復心戰廣播,包括播放K-Pop歌曲擾亂北韓軍心,以懲罰北韓進行核試。北韓於是決定進行反報復,向南韓投放氦氣球,氣球放有呼籲停止心戰廣播,甚至誹謗南韓總統朴槿惠的宣傳單張。南韓有軍方消息人士周一透露,北韓的報復行動由上月12日開始,氦氣球進入南韓邊境後便會引爆,宣傳單張散落一地。但近日不少氦氣球都沒有引爆,直接降落地面,壓壞民居水箱和汽車,警方到場檢查,竟發現部份氦氣球放入煙頭和廁紙,一度引起生化武器疑雲,幸好經檢驗後證實虛驚一場。南韓國防部估計,北韓利用氦氣球,已向南韓派發近100萬張宣傳單張。英國《每日郵報》





來源: http://hk.apple.nextmedia.com/international/art/20160204/19478903
屎尿 廁紙 都係 武器 北韓 垃圾 彈襲 南韓
PermaLink: https://articles.zkiz.com/?id=295265

【科技籽】平民iPhone今開賣 林日曦試完SE 都係用番6!

1 : GS(14)@2016-03-31 14:49:32

【科技籽:出閘搜新】月初的春季發佈會上,蘋果展示了多款新品,其中兩大話題作:4吋iPhone SE及9.7吋iPad Pro今日正式開賣。此前,坊間詬病兩機創意不足,似走回頭路,而且以「細」作招徠,簡直是另類「驚喜」。到底細芒是否仍有市場?Gadget Guy邀請「腦細」林日曦及短片製作團隊「開片」分別「細」評,用開iPhone6的林日曦會否換機?即睇!


創辦《毛記電視》及《100毛》的「腦細」林日曦一向實話實說,從來不怕得罪人,以為他對SE的評價都是一針見血,有一定的參考價值,怎料現正使用iPhone6的他,竟表示對手機沒特別要求,甚至差點忘記手中的iPhone是6還是6s,只記得對上兩部手機均是iPhone4,換機只因跌爆芒,「對上同對上一部手機都係iPhone4,因為鍾意佢個樣,所以人哋用緊6嗰陣,我都去買4。」那4吋的平民版iPhone SE細部又好揸手,理應適合他吧,他卻說:「原先我都覺得6同6 Plus係非常大,所以我淨係鍾意用iPhone4,點知我用咗iPhone6之後呢……真係好似廣告咁,返唔到轉頭!」試用了SE一會後,他說不懂得分辨功能上的upgrade,即使電量增強、拍攝質素提升,以及支援NFC、Live Photos等新功能都不是他考慮換機的原因之一。惟有現實一點,告訴他SE是現時最平的iPhone,他則表示錢不是問題,自己有錢過李嘉誠,且一再強調:「真係返唔到轉頭。」



試用SE後,林日曦說:「用過大機,真係返唔到轉頭。」

林日曦的iPhone6已跌至遍體鱗傷,但他依然沒有考慮換機。



3大iPhone效能比拼

單憑林日曦的個人意見,當然絕不客觀,所以同時找來iPhone6及6s,與SE作一次大比拼!



【電量測試】細芒SE最慳電

很多用家關心SE的續航力,我們把6、6s及SE的電量充至100%後,再連續播放12條「動新聞」短片。30分鐘後發現,6剩下91%;6s用電最多,只剩下88%;而屏幕最細的SE就剩下95%,成績最好。以SE屏幕最細所以較省電作推論,結果合乎預期,但要注意測試用的6及6s並非新機,電池會有一定折舊,結果只作參考。





iPhone SE勝(右)




iPhone SE勝(右)

【跑分測試】SE、6s並駕齊驅

以跑分軟件安兔兔測試,結果iPhone SE及6s的分數均高於13萬,6則只有7萬。其實iPhone6僅配A8處理器,低分是常識吧。至於6s及SE得分相若,相信是因為兩機均用上A9處理器及2GB RAM,令手機效能相差不遠。另外,新推出的三星Galaxy S7得分約12.5萬,但以SE平逾千多元的定價來看,似乎更具競爭力。



【拍攝能力】SE對焦快有偏色

三部手機的鏡頭取景闊度均差不多,實試對焦反應,發現6s及SE在點擊屏幕那刻已能成功對焦,而iPhone6的反應則明顯較慢,約需半秒時間才能準確對焦。然後以三機拍攝同一主體,放大後發現6s及SE的成像細緻度極高,相比之下,6較為粗糙。值得留意的是,SE屏幕有點偏黃,未知是否測試機的個別問題。



iPhone6s勝(中)





【3D Touch及Live Photos】6s多玩法

三部手機當中,6s同時具有3D Touch及Live Photos兩大功能;SE則只支援Live Photos;而最早推出的iPhone6……當然甚麼也沒有。



iPhone6s勝(右)

啟動Live Photos拍攝後,長按照片即可觀看動態照片。




總評:SE性價比最高

雖然iPhone SE的屏幕只得4吋,或者無法吸引愛用大芒手機的用家,但實測其性能表現後,發現SE真的可以媲美6s,定價更是最平的一部,性價比極高。至於最舊的iPhone6,唯一優勝之處就屏幕較大、解析度高一點吧。



記者:陳詠兒攝影:楊錦文編輯:陳國棟美術:吳子豪





來源: http://hk.apple.nextmedia.com/su ... t/20160331/19550793
科技 平民 iPhone 今開 開賣 林日 日曦 曦試 試完 SE 都係 係用 用番
PermaLink: https://articles.zkiz.com/?id=298903

【吾通吾識】過期化妝品咪亂棄 原來全部都係寶

1 : GS(14)@2016-04-23 18:37:31

女士們為保持最佳狀況,會不惜公本買無數化妝品回家,惟未幾會發現家中出現過期化妝品,如果直接棄丟,確實浪費。其實過期化妝品,有其另類用處:1)洗面奶過期可以當清潔劑使用,可以洗衣領、擦運動等。2)過期的香水可以噴在房內、車內、洗手間或洗好的衣服上;還可以清理撕走膠紙後留下的殘跡,或者擦拭燈具。3)過期的洗髮水可以清洗衣領,枕巾、枕套,甚至清洗羊毛衫,效果也非常好,因為洗髮水中含有毛髮柔順劑,可使羊毛清香柔軟。4)沐浴露過期可以清洗浴缸。5)過期的沐浴露可以護甲,用化裝棉蘸滿沐浴露包裹指甲,十五分鐘左右取下,就能令指甲變得十分亮澤;沐浴露也可作護腳按摩油,護理足部皮膚。6)乾粉底或爽身粉過期,用布袋裝起來,裝在衣櫃或鞋子內,就可以去潮去味;頸鏈打結纏繞在一起,撒點爽身粉,揉搓幾下就可以輕鬆地解開。7)過期的面霜可以保養皮具。8)過期的口唇膏可以擦拭銀飾,將口紅抹在餐巾紙上,在銀器發黑的地方反複擦拭,很快就變得光亮如初。9)洗甲水的主要成分是丙酮,是一種有機溶劑。過期的話,可以用作清潔膠紙留下的殘漬,也可以擦拭電燈開關或者插座,甚至清潔油膩的餐枱、瓷磚、抽油煙機等。10)化妝水含有酒精,可以用來擦油膩的餐桌、瓷磚和抽油煙機;還可以用來抹皮具、擦鏡子等,效果很好。360常識網





來源: http://hk.apple.nextmedia.com/international/art/20160423/19583222
吾通 通吾 吾識 過期 化妝品 化妝 咪亂 亂棄 原來 全部 都係 係寶
PermaLink: https://articles.zkiz.com/?id=299546

一日三餐都係粥大肚婆生14.5磅巨B

1 : GS(14)@2016-05-21 17:49:29

孕婦食粥,易產巨嬰?河南鄭州市一名產婦,日前在當地一間醫院分娩,誕下一名重達6.6公斤(14.5磅)的嬰兒。該醫產科副主任劉偉靚表示,產婦懷孕期間愛食粥引致血糖過高,是生下超重嬰的主要原因之一。產下巨嬰的王女士,平時特別愛食大米粥,懷孕後更是一天三頓都離不開粥。分娩前,她的體重比孕前增加了20公斤。由於王女士沒有定期進行產前檢查,並未得到醫生的合理指導,大量食粥導致她血糖一直偏高。等到足月的時候,她不但患上了妊娠期糖尿病,而且嬰兒過大,所以導致醫生只能為她選擇剖腹生產。劉偉靚解釋,飯和粥原料同為大米,但由於大米烹飪成粥後,澱粉結構發生變化,許多大份子澱粉水解成糊精或麥芽糖,二者在消化中很容易被酶水分解成葡萄糖而被迅速吸收,導致食用者血糖在短時間內升高。劉偉靚指,像王女士這樣,在懷孕期間吃太多,導致嬰兒超重,或者自己體重增長過快的準媽媽,每個月都能碰到很多。導致生巨嬰的原因有很多,目前比較常見的原因有營養過剩、妊娠糖尿病和遺傳等因素。劉偉靚表示,懷巨嬰會導致生產時間過長,有可能使孩子出現神經癱瘓、缺血缺氧性腦病、宮內窒息、新生兒呼吸窘迫綜合症等疾病;嬰兒長大後患肥胖症的幾率也較大,有可能成為糖尿病、高血壓等多種疾病的潛在人群。想要避免孕育出巨嬰,除了定時接受產檢外,還要合理膳食和適當運動。香港婦產科專科醫生靳嘉仁接受《蘋果》訪問時表示,香港界定「巨嬰」為超過4.5公斤(9.9磅),很多人有誤解,以為吃粥好像吃少點飯,其實粥含有的澱粉質混入大量水份,如果吃大量的粥一樣是吸收大量的澱粉質,會令身體血糖偏高,容易患上妊娠糖尿病。靳醫生解釋,孕婦最重要是均衡飲食,最重要不要過胖或過瘦,進食均衡營養的食物,再加上吸取適量的蛋白質、鈣質,以及維他命。他指,孕婦進行妊娠糖尿檢查有兩個階段,在懷孕初期會檢查家族有糖尿病的高危孕婦,另一階段則在28至32周的例行普查,如果發現妊娠糖尿病,則要安排見營養師調節飲食。《蘋果》記者/大河網





來源: http://hk.apple.nextmedia.com/international/art/20160519/19618612
一日 三餐 餐都 都係 係粥 大肚 婆生 14.5 磅巨
PermaLink: https://articles.zkiz.com/?id=300696

「廉署剋星」入主銘源任主席林炳昌:興趣都係做律師

1 : GS(14)@2016-06-06 03:00:26

■林炳昌稱入股銘源因為「技癢」。 李潤芳攝



【人物專訪】「廉署剋星」林炳昌用一年時間、花費千萬,成功踢走銘源(233)原主,再次當上上市公司主席,但這名新晉老闆自言「興趣都係做律師」。他自言無心玩財技,或許這場「大龍鳳」正好省靚招牌,迎接打股東爭拗案的源源財路。記者:黃翹恩 石永樂


林炳昌多次轉換角色,由廉署調查員,轉為與廉署打對台,被封「廉署剋星」。後來因先科案,被控妨礙司法公正入獄,最終上訴得直獲釋,並恢復律師牌照。正值對法律工作意興闌珊時,他受邀擔任無縫綠色(8150)主席,「遇人不淑……入咗去發現係利用」,私人出錢提全購,失敗之餘更被股東罷免董事職位,林曾說不再沾手上市公司。5年後卻以股東、主席身份,坐鎮文件散佚、資產被轉移的銘源。林稱入股銘源為「機緣巧合」,持有18.59%抵押股份的銀主為銘源的法律問題不勝煩擾而接觸他,「我覺得幾得意喎,技癢」,加上主板殼價約5億元,當時只需1.8億元已購得公司控制權,「價錢啱」,遂接手該筆押股。




獲不少股東爭拗案求助

之後一年多,他出錢出力調查,甚至遠渡重洋至百慕達取得法院命令,花費已逾千萬。林不諱言有部份是公司輸給他的堂費、亦包括付給其律師樓的專業費用。此案更帶來意外好處:已有不少股東爭拗案件與他接觸。「刑事、民事,都離不開證據搜集。」即使離開法庭,走入金魚缸,他仍可大展身手,銘源對他「好似一個case」,說到底「我興趣都係做律師」。呼朋喚友撐起的新董事局內,竟有華懋集團前行政總裁許業榮。雙方多年前透過華懋官司認識,林信任許的誠信和魄力,是次許肯出山,「佢可能覺得欠咗我(你有收錢㗎喎。)友誼價……你哋唔明㗎啦。」敢買押股,又與股壇猛人莊友堅多年好友(見另文),林炳昌卻自爆股票「買親都輸」。在150元價位買入新鴻基(016),「你諗吓返唔返到家鄉?」買入華置(127)時正值劉鑾雄入主,原因無非是華置「幾Hot、幾轟動」,但若非收到股東通函,已忘記仍持股。林炳昌半生矚目,私生活方面,紅顏知己不乏港姐,愛兒林威辰亦曾簽約環球唱片、拍攝偶像劇《四葉草》。公事上,前立法會議員程介南、歌手陳奕迅父親陳裘大涉案都找他處理。先科案平息後,他對廉署案件熱情轉淡,轉打民事案一樣大出風頭。導遊阿珍的旅行社永盛、于文鳳向周星馳追討賣樓佣金等案,甚至為疑被內地限制出境的賈慶林女婿李伯潭安排來港接觸傳媒,都由他一手包辦。





來源: http://hk.apple.nextmedia.com/financeestate/art/20160602/19637261
廉署 剋星 入主 銘源 源任 主席 林炳 炳昌 興趣 都係 係做 律師
PermaLink: https://articles.zkiz.com/?id=301894

大台衫無限loop翠如:都係唔知着邊個件衫

1 : GS(14)@2016-06-21 07:39:08

無綫慳家就係人都知,除咗蔡思貝、陳凱琳面孔喺啲劇無限loop,道具、戲服等等,亦時不時俾眼利網民,發現循環又循環咁,用完再用。咁今次主角係邊個呢?咪係同樣喺有線過檔大台嘅好姊妹梁嘉琪同黃翠如囉!有網民昨日貼咗翠如BB同梁嘉琪做節目嘅相,就問翠如BB究竟係邊個着咗邊個件衫。相入面,梁嘉琪同翠如BB,同樣着咗件超sharp醒嘅彩色間條衫,直頭離一條街都見到嗰隻。通常呢個情況,俾人篤爆咗,大部份藝人都保持緘默或者hea住答,偏偏翠如BB就好鬼認真咁回覆呢位網民:「我都係唔知着邊個件衫!」仲引用番梁嘉琪個句:「只能說公司D衫好耐穿。」





來源: http://hk.apple.nextmedia.com/entertainment/art/20160621/19662829
大臺 臺衫 無限 loop 翠如 都係 係唔 唔知 著邊 個件 件衫
PermaLink: https://articles.zkiz.com/?id=302385

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019