ZKIZ Archives


溫拿二代:陳友獨子選港男

1 : GS(14)@2015-09-24 01:49:41

陳友兒子陳良韋


溫拿樂隊成員譚詠麟(阿倫)、鍾鎮濤(阿B)、陳友、彭健新和葉智強,除健仔未有子女,全部均有一子,阿B還有三名女兒嘉晴、鍾懿和鍾幗。



陳友兒子 陳良韋(35歲)

05年曾拍攝劉德華投資的電影《17歲的夏天》,翌年瞞着父親陳友參加《香港先生》選舉,可惜敗給黃長發,及後簽約成為無綫藝員,近年銷聲匿迹。


阿B囝囝鍾嘉浚

阿B囝囝 鍾嘉浚(25歲)

長居美國的嘉浚,心仍繫香港,月初其父鍾鎮濤於電視看到北京抗戰勝利70周年閱兵時哽咽,被網民揶揄「忽然愛國」,嘉浚即於facebook代父反擊。



阿倫囝囝 譚曉風(19歲)

阿倫父親於06年去世時,才於訃聞上確認兒子譚曉風身份,曉風讀書成績優異,於英國GCSE(英國中學會考)考獲12A*好成績,現於牛津大學讀書。





來源: http://hk.apple.nextmedia.com/entertainment/art/20150923/19305565
溫拿 二代 陳友 獨子 選港 港男
PermaLink: https://articles.zkiz.com/?id=292557

紋身男帶住爸爸選港男消防露股露毛任睇

1 : GS(14)@2016-07-06 07:58:59

《2016香港先生選舉》昨日進行首輪面試,其中一位猛男一身橫練嘅肌肉,古銅色嘅肌膚,真係幾吸引。不過,有時「太自信」都會嚇親人㗎……呢位消防員叫Flow,佢喺facebook成日都會post啲騷肌相,有啲又露股罅,又露出濃密嘅體毛,真係睇到人眼都凸埋……唔只咁,原來佢之前參選過「雷霆猛男亞洲區選拔」,今日佢接受訪問時就話未必會轉行,而且參選港男係唔使向上級匯報,話有需要嘅時候交代番就冇問題。





來源: http://hk.apple.nextmedia.com/entertainment/art/20160705/19681722
紋身 男帶 帶住 爸爸 選港 港男 消防 露股 股露 露毛 毛任 任睇
PermaLink: https://articles.zkiz.com/?id=302572

王浩信對細佬選港男潑冷水

1 : GS(14)@2016-07-09 07:02:10

■王浩信和太太陳自瑤昨日公開放閃。


王浩信昨日和陳自瑤夫妻檔在康怡廣場出席活動,他代參選港男的細佬王瑋彤(Tony)交代生腎石的病情,指Tony見過醫生,不用做手術,王浩信說:「由細到大,我都管得佢好嚴,佢而家去參選,我只會叫佢裝備好自己,唔好令觀眾失望。」王浩信被指之前對細佬潑冷水:「因為我認為對男仔要採取打擊嘅攻勢,佢先會有進步。」港男昨日舉行複試,大約15名參賽者現身康城站集合。網上放露股相任睇的消防員Flow、程可為姪仔Christian Yeung和Tony都有入圍,不過Tony遲大到,現身時十分疲倦。採訪:卓寶花攝影:陳俊強


■王浩信細佬Tony昨日參加港男複試。





來源: http://hk.apple.nextmedia.com/entertainment/art/20160709/19687387
王浩 信對 對細 細佬 佬選 選港 港男 潑冷水
PermaLink: https://articles.zkiz.com/?id=303130

小龍為江若琳選港男

1 : GS(14)@2016-07-12 03:19:30

■小龍視江若琳為榜樣,想於音樂事業方面發展。


25歲的「小龍」曾世龍早前以《寵物小精靈》主角小智的打扮參加「香港先生選舉」面試,可惜連首輪面試也未能通過。小龍前晚於將軍澳接受本報專訪,問到參選港男的原因,他說:「因為偶像江若琳以前都係落選咗,但後來不斷努力,而家都成為獨當一面嘅演員同歌手。我好想學佢呢個步伐喺音樂事業方面發展。」小龍自覺落選原因是不夠大隻,又自言未拍過拖,心目中女神是徐子珊和鍾嘉欣。


■江若琳戥小龍有夢想而開心。資料圖片


對於被小龍視為榜樣,江若琳昨說:「我記得佢,每次我有活動佢都出嚟支持,佢而家有自己夢想,戥佢開心,有夢想要堅持,想同佢講句加油。」採訪:曹家誠攝影:沈健程





來源: http://hk.apple.nextmedia.com/entertainment/art/20160711/19689482
小龍 為江 若琳 選港 港男
PermaLink: https://articles.zkiz.com/?id=303277

交行擬分拆投行業務上市 百勝中國業務集資 選港機會大

1 : GS(14)@2016-07-15 04:40:20

【明報專訊】港股連升多日,趁市場氣氛好轉,多間公司謀求分拆業務上市。據《Finance Asia》報道,交通銀行(3328)擬分拆旗下投資銀行交銀國際在港上市,最多集資約3億美元(約23億港元)。另外,經營必勝客的百勝集團表示,擬於10月前分拆中國餐飲業務上市,惟未透露地點,但市場人士稱,若根據A股新股排隊情况,很大機會選址香港。明報記者 武君

消息指,交行已經開始選聘銀行安排上市事宜,分拆尚須得到A股和H股股東以及中港監管部門等批准。大華繼顯(香港)策略師李惠嫻認為,分拆有利於提升交行估值,且交銀國際上市後亦更易以低成本融資,開展孖展業務。香港投資者學會會長譚紹興表示,每到年中是內銀派出巨額股息手頭緊絀的時候,分拆可回籠現金,同時近期市旺,分拆業務亦可釋放估值。昨日交行升1.2%,收報5.16元,市盈率為4.9倍,市帳率僅0.6倍。

有助交行資金回籠

近期多家公司進行分拆上市,其中包括「分拆常客」利福國際(1212)和信義玻璃(0868),兩者早前已分別分拆利福地產(2183)和信義光能(0968) ,近日再次以介紹形式分拆利福中國(2136)和信義香港(8328)上市;光大國際(0257)和華潤集團都亦已遞交分拆子公司上市的申請。譚紹興表示,分拆風潮趨盛,其中一個原因是監管部門擬收緊上市條例以及打擊殼股,不排除一些公司趁新規定未出台前,抓緊最後機會搶閘。

昨3新股暗盤齊做好

3隻新股今日掛牌,昨日暗盤齊齊做好,新加坡人力資源公司星亞控股(8293)於創業板以首次公開發售方式上市,在輝立交易場暗盤收報1.49元,較招股價勁升49%,不計手續費,一手5000股賺2500元;海南地產發展商海藍控股(2278)暗盤收報4.65元,較招股價3.96元升17%,一手賺690元,而物流設備供應商中國物流資產(1589)暗盤收報3.33元,較招股價3.25元升2.5%,每手賺80元。


來源: http://www.mpfinance.com/fin/dai ... 8005&issue=20160715
交行 分拆 行業 上市 百勝 中國 業務 集資 選港 機會
PermaLink: https://articles.zkiz.com/?id=303717

讀碩士瞞家人選港姐趙希洛月入僅千元

1 : GS(14)@2016-08-08 00:17:10

趙希洛2007年選港姐,同屆有王君馨、黃智雯、何傲兒,冠軍係張嘉兒,趙希洛本身喺澳洲悉尼長大,家境唔差,喺英國大學主修Law and Business,畢業後再修讀International Business and Banking碩士。趙希洛一心想做演員,碩士第一學期後,佢就瞞住屋企人參加香港小姐,以趙希洛學歷入金融界發展絕對冇問題,但係趙希洛選擇喺大台捱騾仔,當時月入只得5、6千元,佢接受訪問時講過眼見同學有車有樓,佢都曾經諗過放棄,佢仲話有個同學搵緊十幾萬,自己唔好話買樓,連部車都係屋企嘅,佢覺得好對唔住屋企人,不過趙希洛坦言真係好鍾意做戲。





來源: http://hk.apple.nextmedia.com/entertainment/art/20160807/19726513
碩士 家人 選港 港姐 姐趙 希洛 月入 僅千 千元
PermaLink: https://articles.zkiz.com/?id=304830

【《蘋果》專訪】撐仔選港男 話說當年胡越山怨紅唔起:我係寸㗎

1 : GS(14)@2016-09-01 06:24:23

■胡越山承認當年有埋怨自己為何沒有走紅,但現在明白是自己的問題。攝影:沈健程



無綫「銀河十星」胡越山最近被本報發現原來是應屆候選港男胡㻗的爸爸,他早前曾表示支持兒子參選。退出演藝界多年的胡越山,前日在自己經營的按摩店內接受本報訪問,憶述在無綫的歲月,透露當年先讀動作演員進修班,之後做青年大使,公司都給予他不少機會,曾參演《皇家鐵馬》、《原振俠》等劇集,可惜最終發展不理想。



■胡㻗參加今屆港男,指有邀請爸爸胡越山去看總決賽。資料圖片

■胡越山當年抱着囝囝胡㻗,離婚後胡㻗隨母生活。資料圖片

■胡越山當年秘娶老婆,可惜婚姻維持3年便結束。

■當年獲無綫力捧的胡越山(左),曾拍攝劇集《皇家鐵馬》。劇照

拍劇搏命唔識死

胡越山坦言當年有不忿:「以前有咁諗,人哋講乜唔會聽入耳,因為覺得自己得,係有得戚㗎、寸㗎,覺得自己得嘛,而家諗番梗係知唔得,係自己問題。」他又謂:「嗰時個個都好搏,自己當然都想紅想出位啦,唔識死㗎,有次拍劇要喺30幾呎高跳落嚟都唔用替身,上到去先驚,啲紙箱加榻榻米,就咁跳落去,跳完導演仲要唔收貨,再跳一次紙箱都散晒,我成隻腳叉咗落去,好彩冇事。」離開娛樂圈,胡越山曾轉職做地產,他自言向來不擅交際,當年做了9個月都沒有做過一宗交易。他說:「我已經好努力,由cold call口窒窒,到夠膽同客人、業主溝通,但係做咗9個月都開唔到單,人哋唔炒我都打算自己走,點知有晚就畀我撞到個walk in客,佢買咗一間700幾萬嘅樓,佣金都幾好㗎,之後都做得幾順利,但做咗3、4年我又冇做,之後就開舖頭喇。」


低調娶胡㻗媽咪

有指他在娛樂圈多年都是緋聞絕緣體,胡越山笑說:「我嗰時已經有啦嘛(胡㻗媽咪),唔會諗咁多嘢,同埋嗰時拍拖係大忌,所以都好低調,結婚都冇擺酒。」問他會否再婚?他認為婚姻只是一紙婚書,最重要開心。採訪:鄉奈仁




來源: http://hk.apple.nextmedia.com/entertainment/art/20160901/19755689
蘋果 專訪 撐仔 仔選 選港 港男 話說 當年 胡越 山怨 怨紅 紅唔 唔起 我係 係寸
PermaLink: https://articles.zkiz.com/?id=307026

陸詩韻嘆選港姐似做戲

1 : GS(14)@2016-09-17 16:15:51

陸詩韻、應昌佑與何紫綸昨日到銅鑼灣出席「全港學生三人籃球賽」,身為05年港姐亞軍的陸詩韻,有留意港姐選舉,她說:「我覺得而家港姐好似選演員,港姐係代表香港,宣傳香港,而家有種感覺係選一個藝人,好多喺台上問答遊戲好似做緊戲,我覺得同以前唔同咗。」提到出爐冠軍馮盈盈爆粗事件,陸詩韻說:「佢哋有言論自由,但做公眾人物後,呢方面真係要注意吓,可能一句說話會引起好多迴響。」至於梁佩瑚爆選美黑幕,矛頭直指陳法蓉,她說:「所謂黑幕,我覺得每個行業都有,唔係屆屆都有,我嗰屆二十個女仔,當時我比較儍,感覺唔到。」採訪、攝影:黃曉妍




來源: http://hk.apple.nextmedia.com/entertainment/art/20160915/19770819
詩韻 嘆選 選港 港姐 姐似 做戲
PermaLink: https://articles.zkiz.com/?id=309257

【星級姊妹】李玟兩姊同屆選港姐

1 : GS(14)@2016-09-17 17:32:48

黃翠如家中共五姊妹,雖然五妹Ellen未有入行,但為朱凱廸助選拍片時爆發出強大的仙氣,其實娛圈中都有不少靚女姊妹花。


李玟、李思林、李秋林

歌星李玟兩位胞姊是港姐史上唯一同屆入選姊妹花,大家姐李秋林(Carol)與二家姐李思林(Nancy)入選92年港姐,李秋林獲最受佳麗歡迎獎,但最終未能入五強。



黃心穎、黃心美

港姐出身的心穎BB,有三個家姐,大家姐是ViuTV主持黃心美,樣子與心穎一樣好甜美。二家姐黃心妙已是幸福索人妻,三家姐黃心慧則任職空姐,樣貌當然都有番咁上下!



周麗淇(左)、周汶錡

周汶錡、周麗淇

周汶錡是成名已久的model,做模特兒外貌當然「冇得輸」,即使現在已成人母仍保養得宜。妹妹周麗淇亦是model出身,後轉做演員及歌手,樣子夠sweet一度成為女神。



何傲芝(左)、何傲兒

何傲兒、何傲芝

剛與林建名上契的何傲兒,07年參選港姐時是大熱之一,惟最終落選,但憑靚樣和高䠷身材成為女神,胞姊何傲芝擔任賽馬節目主持入行,憑口才和靚樣加入無綫。



楊卓娜(左)、楊怡

楊怡、楊卓娜

楊卓娜和楊怡兩姊妹同是無綫出身,楊怡在藝訓班畢業,因貌似張可頤而上位。胞姊楊卓娜參加01年港姐,在無綫主要做閒角,直至在劇集《愛.回家》演霞姐一角彈起。




來源: http://hk.apple.nextmedia.com/entertainment/art/20160916/19771872
星級 姊妹 李玟 兩姊 姊同 同屆 屆選 選港 港姐
PermaLink: https://articles.zkiz.com/?id=309376

大閘蟹小姐肉鬥退選港姐再退選

1 : GS(14)@2016-09-23 08:09:56

蘇慧恩(Ophelia)年齡:30歲三圍:33C、24.5、33簡介:現為創作歌手,09年參加過《超級巨聲》,11年選過香港小姐,翌年贏得工展小姐冠軍



為食大閘蟹迷只會揀蟹公或蟹乸,但蟹迷今年多了額外選擇,有飲食集團破格搞「2016大閘蟹小姐競選」,發起網民一人一票,候選的6位佳麗質素更勝港姐,甚至吸引應屆退選港姐唐碧霞(Yoki)參加,但她昨卻謂因拍戲再決定退選,創作歌手蘇慧恩(Ophelia)則暗示攞硬冠軍。



選美活動向來無奇不有,過往最正常不過的《香港小姐》及《亞洲小姐》,還有工展小姐等,不過自亞視執笠後,取而代之的ViuTV今年搞《美選D.n.A》,但網上近日出現一個創意選美,由上海新大眾大閘蟹專門店舉辦了「2016大閘蟹小姐競選」,還在facebook上大肆宣傳,呼籲大家踴躍投票,大會公佈了6位參賽佳麗,分別是剛在書展推出音樂相集的蘇慧恩、Super Gear前成員鄧以婷、應屆退選港姐唐碧霞、鄭伊琪(Wayii)、王姝迪(Sudi)和張珺(Alia),網友齋睇佳麗相大讚素爆。



鄧以婷(Irina)年齡:26歲三圍:34C、25、35.5簡介:Super Gear前成員,正接拍電影《失戀日》,曾參演電影《施壓者》和《踏血尋梅》等

唐碧霞(Yoki)年齡:22歲三圍:32C、23、33簡介:應屆退選港姐,曾擔任nowTV主持


曾捲富豪飯局

到底「大閘蟹小姐」的評選準則是甚麼?填詞人梁栢堅日前在facebook分享時忍不住提問:「鬥多毛定鬥多膏?」男神王宗堯日前也轉貼揶揄:「果然係選舉年,做蟹好過做689?」眾佳麗多是模特兒出身,有拍攝經驗,當中鄧以婷、蘇慧恩和張珺都大熱,論熟口熟面,一定是應屆退選港姐唐碧霞,她未選前曾捲入「20萬富豪飯局」事件,當時她回應:「我受過教育,又是大學生,沒有理由做這些事!」不過就有人爆料指唐碧霞住公屋,性格非常「港女」,中學時發明星夢,做過私影模特兒,夢想嫁個有錢人。估不到唐碧霞退選港姐,轉頭卻選「大閘蟹小姐」,但她昨在電話中又自爆會退選:「最初參加諗住幫朋友手,詳情唔係幾清楚,諗住可以振興香港經濟。」但入圍後同時接了兩部電影,她立即變陣:「我噚日已經同主辦講咗,我嚟緊要出埠拍戲,冇時間出席活動,並通知主辦唔選啦,而家忙鑽研劇本。」



張珺(Alia)年齡:26歲三圍:32、24、33簡介:保險發展顧問兼職硬照模特兒,曾參加高達最受歡迎美少女冠軍,並先後拍過銀行和化妝品等廣告

鄭伊琪(Wayii)年齡:23歲三圍:33、25、36簡介:15年工展小姐季軍

王姝迪(Sudi)年齡:26歲三圍:33、26、36簡介:模特兒,曾拍過Xbox、Panasonic及大金冷氣等硬照廣告

■有飲食集團搞「2016大閘蟹小姐競選」,呼籲網友投票。

另一大熱門張珺昨在電話中說:「玩吓囉。」問到為何不參選港姐?她說:「冇諗過選港姐。」而張珺充滿自信說:「要投票一定投自己。」主辦單位公佈,該選美活動將於11月13日截止投票,同月19日便在網上公佈結果,並於26日頒獎。採訪:陳杰、羅慧敏




來源: http://hk.apple.nextmedia.com/entertainment/art/20160923/19778915
大閘蟹 大閘 小姐 肉鬥 鬥退 退選 選港 港姐 姐再 再退
PermaLink: https://articles.zkiz.com/?id=309711

【馮仁昭四圍超】張嘉兒拒薦囡囡選港姐

1 : GS(14)@2016-12-07 07:41:21

港姐冠軍張嘉兒今年生咗萌爆B女劉在芯(Leora),囡囡轉眼已差唔多3個月大,張嘉兒得閒就同囡囡影寫真,幫佢留下美好回憶,好似近日佢就抱住囡囡影咗一齊擘大口嘅相,兩母女甫士充滿默契。問張嘉兒將來會唔會畀Leora選港姐?佢話:「我唔會推薦佢,但如果囡囡想,會支持佢。」仲強調會畀囡囡好大自由度,唔想佢有壓力,但會畀意見。撰文:馮仁昭




來源: http://hk.apple.nextmedia.com/entertainment/art/20161206/19856042
馮仁 仁昭 四圍 張嘉 嘉兒 兒拒 拒薦 囡囡 選港 港姐
PermaLink: https://articles.zkiz.com/?id=318530

王舒銳投金融界不敢提曾選港姐

1 : GS(14)@2017-06-10 12:53:31

■王舒銳指港姐的「光環跟你一世」,但影響「有好有唔好」。 黃耀興攝



【專訪】曾參選2012年港姐,做過長壽劇《愛.回家》靚女秘書Emma的王舒銳(Ivana),近年轉身走入金融界,加入中資券商工作。背負着港姐光環做金融到底有無着數?王舒銳就話「光環跟你一世」,但影響「有好有唔好」,雖然港姐名銜吸引力大,但老闆都會「質疑你唔捱得」,所以搵工時往往不敢提。王舒銳在大學讀書時已有綽號叫「理大女神」,二年級暑假時參選港姐完夢,落選後就返回大學完成會計學士學位課程。之後她加入TVB訓練班,曾參演《愛.回家》、《安樂蝸》等節目,正當漸漸廣為人識時,王舒銳卻決定改投金融業。讀會計出身的她,想挑戰較靈活的金融工作兼學識「睇公司」,做藝人時曾跟高手同事炒股,但她大呻:「當時不太識睇,搞到損手離場。」交了不少學費。為了結束撞板生涯,她2015年決心轉做金融,並進入一間中資券商做買方(Buy side)工作,學習分析行業走勢,做產業投資。其後近月轉工改做賣方(Sell side),嘗試上市公司範疇,學習了解公司實際財務狀況等。


TVB打工辛苦過投行

講起工作有板有眼,但到底港姐出身有無着數?王舒銳坦承,即使無特別介紹,僱主、客人都對她「港姐」身份感好奇,「即使港姐已經完咗,但個光環真係跟你一世。」王舒銳認為參選港姐「有好有唔好」,肯定比其他人「吸引力多咗,每個人都認得你」,但同時「僱主會覺得你捱唔捱得㗎?因為投行真係好辛苦。」惟她強調,「TVB嗰陣仲辛苦呀,時間仲長,變數更快。」王舒銳指自己雖不急於證明實力,「但我現時都要好快交到嘢,僱主會知我反應好快,對我改觀。」近年與王舒銳同屆的港姐陸續彈起,如朱千雪、黃心穎都正在上位,有無後悔離開娛樂圈?王銳舒指自己很投入投行工作,一直無後悔。現時工作忙時都要工作至凌晨,「真係比較技術性,無3、5年工作經驗去浸淫下,好難做到專家」,故無意重投娛樂圈。記者:方楚茵



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170607/20047167
王舒 舒銳 銳投 金融界 金融 不敢 提曾 曾選 選港 港姐
PermaLink: https://articles.zkiz.com/?id=334795

十優狀元選港姐 劉項原來不讀書 周顯

1 : GS(14)@2017-10-28 00:46:38

http://eastweek.my-magazine.me/main/
麥明詩參選港姐,得到了冠軍,對,我知這是舊聞了,不過現在才有空去討論……這宗舊聞,對於社會現象,又有甚麼啟示呢?根據長輩所言,在以前的社會,唱歌、拍戲這些演藝事業,本質上是「戲子」,社會地位很低。如果按照封建時代的戶籍制度,演藝界和妓女都是屬於同一的「樂戶」,並不能算是「良家」,根據命理之術,演藝和妓人也屬於同一個category,這好比金錢和女色,在命理上是同一事物,是為「財色同宮」。

到了我小時候,中國人受到了西方思想的影響,藝人的地位大幅提升,但仍然上不了枱面。那時,根本完全沒有大學生會去參加香港小姐選舉。記得我唸大學時,有幾個女同學很着迷張國榮,是粉絲,我還覺得她們很cheap添。

在今天,毫無疑問,港姐這塊招牌,比起七、八十年代,已經大幅貶值,入選港姐,只好比當年的藝員訓練班收生,完全沒有甚麼大不了。但是,看大學生報選港姐,卻已經變成了家常便飯,現在連十優狀元也來搶這飯碗。

港姐的價值貶值雖快,但大學生貶得更快,因此才有這情況出現。真實的情況是,連十優狀元的價值,也在急速貶值,甚至是外國著名大學的畢業生的價值,也在急速貶值,因此,十優狀元兼劍橋大學畢業的麥明詩,才會揀選了港姐之路。

我清楚記得,在我小時候,入讀香港大學、中文大學,已經是了不得的事情,牛津、劍橋、哈佛畢業,更加是想也不敢夢想。我並不知道外國著名大學在近年來的收生情況,但是,我親眼目睹的是,今天的富二代,十居其七八,不是長春藤,就是牛津劍橋。換言之,非但是在香港的大學學位量化寬鬆,甚至是世界第一流大學的學位,也量化寬鬆了,完全不值錢了。不止如此,現在去讀博士,更加是失敗之路,讀博是一生災難的開始,也是長期失業的第一步,在高等教育界,已經是人所共知的事實了。

問題在於,香港還有很多老人家,處於五十年前的思想,哎呀,我個仔入到band one學校,考進了長春藤大學,讀埋博士添,他的智商有一百三十,入埋Mensa Club做天才會會員,好勁呀!坦白說,這種背景,在今日的香港,一錢不值,其實,單單是「有錢佬」這個銜頭,已經比博士值錢太多。所以還是麥明詩識行情,知市價,皆因做藝人這種完全不需要學識的工作,無論前途和收入,都比打其他需要知識的工,更光明得多。

我認識的彈起最快的一個年輕人,他在外國唸書不成,常打德州撲克,練就了一身絕技,回港之後,打了幾年牌,贏了幾十億元,你沒看錯,的確是這個數字,這已經是行內無人不知的故事了。別說這些特殊人才,打機高手,可以年賺幾百萬元,大學考不上,拍佔中記錄片,可以賺到千多萬元,在外國,做名廚、寫食譜、做節目,一年賺幾千萬元;做術數算命,一單收幾千,一日看三個,月賺就是幾十萬元了。

這正是:「劉項原來不讀書」,所以,每逢我見到那些家長說自己的子女讀書幾叻幾叻,我心裏不禁冷笑。
十優 狀元 選港 港姐 劉項 原來 讀書 周顯
PermaLink: https://articles.zkiz.com/?id=343197

港擬棄創新板 初創料影響微 倘主板納同股不同權 仍選港上市

1 : GS(14)@2017-11-04 13:48:30

【明報專訊】港交所(0388)盛傳將於短期內公布有關創新板諮詢結果,上星期財經事務及庫務局長劉怡翔表示,傾向在主板引入同股不同權,待有共識後便會公布修訂諮詢文件,意味創新板概念可能胎死腹中。有創投基金認為,主板加入同股不同權的做法同樣可取,有初創企業認為,即使港交所不推出新板,但開放同股不同權在主板掛牌,仍會到港上市。

啟明創投:創新板非最理想退出方法

啟明創投負責醫療健康行業投資的主管合伙人梁頴宇表示,質素好的公司並不會希望在創新板上市,但取消創新板令創投少了一個途徑放售手上股份,未能反映潛質的初創公司少了籌錢方法;另外,創新板原意亦是只供專業投資者參與,並非創投基金最理想的退出方法。梁表示,市值10億元的獨角獸公司在上市前已經過多輪融資,創辦人所佔的股份成少數,對這些公司而言,同股不同權或成上市關鍵。不過她認為是否開設創新板影響不大,主板有足夠的披露細則,對創投基金而言同樣可取。

TNG:在港知名度高 利公司估值

電子錢包TNG行政總裁江慶恩表示,在主板實施同股不同權是好事,「起碼投資者不會混淆(上市主板、創新主板、創新創新板)」。早前江曾經表示,倘若港交所新板成事,計劃明年會在創新主板上市,他指即使港交所不推出新板,只開放同股不同權股份在主板掛牌,若TNG符合主板上市的要求,肯定會到香港上市。他解釋,集團在香港以至亞洲地區的知名度高,有利公司估值,並稱「公司始終在香港開始」,故香港仍是上市首選。

GoGoVan:上市只是集資渠道之一

對於港交所在主板引入同股不同權,料主板的財務及業務紀錄期要求較創新板高,變相提高初創公司上市門檻,同城物流平台GoGoVan發言人表示,不認同只在主板實施同股不同權會影響初創企業的上市計劃,他解釋,所有申請主板上市的企業都面對同樣的規則,「有基本要求是十分合理」。集團發言人又稱,政府尚未公布確實細節,難以再作評論,但強調「上市只是集資渠道之一」,直言公司最終目的並不是上市,而是希望改變行業生態。

旅遊平台KLOOK創辦人兼總裁王志豪認為,集團無傾向要到香港或美國上市,但首要考慮一定是為股東爭取最大利益,例如監管規則是否可能保障公司現有股東權益,交易市場的估值高低等。他認為,世界各地的投資生態各有不同,政府若將引入同股不同權到主板,肯定有他們自己的考慮,會尊重香港投資業界對同股不同權的意見及做法。

明報記者 李哲毅、余慕恩


來源: http://www.mpfinance.com/fin/dai ... 6635&issue=20171030
港擬 擬棄 創新 初創 影響 主板 納同 同股 不同 仍選 選港 上市
PermaLink: https://articles.zkiz.com/?id=343583

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019