ZKIZ Archives


忽然發咗達,跟住點?(上) 人在中環

http://manincentral.blogspot.hk/2013/01/blog-post_29.html

想寫這個題材一段日子了。

我有三個朋友,兩男一女。近幾年因為不同既原因,響極短既時間之內,佢地既經濟環境都有極大幅度既改善。以我心目中既標準黎講,佢地其實算係發咗達,而且仲係忽然發達果隻。不過幾個朋友響發左達之後既生活態度,卻又折然不同。

*****

三個朋友當中,達仔出身最差,細個既時候家庭環境最惡劣。

佢好俾心機讀書,畢業之後考咗個會計師牌,憑住努力,算係脫咗貧,進身中產階級。2007年,我唔知佢買中咗乜嘢股票(總之據佢自己講,財富來源係來自炒股,信不信由你。),賺左一大筆錢。今日既達仔,揸住接近成億元既物業收租。以佢現時既身家,要印印腳「唔駛做」其實係卓卓有餘。

發咗之後既達仔,除咗買咗一大堆物業收租之後,生活同之前幾乎係冇改變過。佢有不只一間豪宅物業收租,但佢自己一家四口就仍然住返響一直住開,七百呎既中產樓;揸既車,亦係多年都未有換過既二手日本小房車。衣食住行既習慣同未發達之前,幾乎毫無分別。而發左達之後,佢仲繼續做緊之前果份工,跟住同一個上司,而佢公司上下,冇一個人知道佢其實「已經」發咗。

我問達仔:「賺左咁多錢,莫非你唔想享受一下咩?」

達仔既答案係咁既:「CK,你環境比我好,你未試過好似我細個果陣咁窮,你未必會feel到我既感受架啦。我呢一刻,其實已經非常享受。我享受緊既果樣嘢,叫做『安全感』。」

達仔話,以前未發達之前,過緊一般香港中產既生活。兩公婆每人搵幾萬,人工其實已經算唔差,好過好多好多人啦。不過中產通常要供樓又要供車,再加供養兩個細路,又要俾錢阿爸阿媽,兩公婆加埋搵十萬有多,七除八扣之後其實所剩無幾。佢話自己都唔知點同人解釋,十幾萬既家庭收入,居然仲會係掹掹緊,食餐飯貴些少都要計實條數唔好用突。

實情係咁既,當一個人搵幾千蚊個月既時候,你自然會過「月入幾千」既生活。當你每個月有十萬八萬收入既時候,你又會過「月人十萬」既生活。結果係,搵得多又駛得多,到最後得到既報應係:「成日都驚自己唔夠錢。」

我望住達仔點了點頭,示意明白佢既說話。

「到今次真係叫做發咗,我就同自己講,唔可以再俾自己放肆…」達仔笑住回應:「如果唔係,我發咗其實又等於冇發到?」

「起碼依家偶然去食餐貴既晚飯,找數果一刻我唔駛拎個計數機出黎,擔心月尾會掹掹緊啦。淨係咁樣已經賺晒啦我!」

嗯,邏輯我基本上是明白的。只不過,當你發咗,賺咗咁多錢之後,你忍受得住你所享受嘅,只能夠係精神上既「安全感」,而非物質上既奢華,我覺得總有多少違反人性吧?

「當你曾經試過好似我以前咁窮…」達仔微笑:「你就會明白架啦。」

「安全感」係精神上既快樂,呢種快樂既層次,比物質上能給予既快樂來得高。每個人既過去都唔同,當面對突如其來既財富時,反應自然亦會有所分別。出身較差既達仔選擇犧牲奢華,讓財富「全力」去換取「安全感」。換轉係你,選擇又會唔會一樣?

(待續)
忽然 發咗 咗達 跟住 住點 人在 中環
PermaLink: https://articles.zkiz.com/?id=43660

忽然發咗達,跟住點?(中) 人在中環

http://manincentral.blogspot.hk/2013/02/blog-post.html
世界上有一種人,叫做「失匙夾萬」。「失匙夾萬」既意思係:表面上你有好鬼多錢,但實際上,呢啲錢一毫子都唔到你控制。這種人我認識一個,而我亦見證左佢,由「失匙」到「搵番條匙」既轉變。

我小學既時候認識Austin。同學仔對佢既理解係一個「有錢仔」。原因係,高佢一屆既「師兄」當中,有一個頗為招搖既「名門後人」,同Austin既中文名只差一點點。而跟據呢個「名門後人」自己講,低佢一屆既Austin,係佢堂細佬。

三十年前既小學雞對本地富豪既名字並唔熟悉,聽到有關Austin既傳聞之後,紛紛番屋企同阿爸阿媽講:「原來Austin同阿邊個邊個係來自同一個家族架!」阿爸阿媽告訴我們,咁Austin應該好疊水,同我地應該係屬於唔同世界既人。

但係響一個小學雞既眼裡面,Austin同我地查實真係唔覺有乜分別。樸素,平凡,內斂,而且有點其貌不揚。響同學仔面前,佢亦從來唔會提起自己既家族背景。阿媽話佢係有錢人,我一直記在心中,直到有一日,佢請我到佢屋企玩。我以為佢屋企應該係啲大到冇影既山頂豪宅,殊不知原來係坐落山腳,冇電梯兼要撐四層樓梯上樓既五百呎唐樓。

長大之後既Austin同我講,所謂名門望族,總係唔知點解會有幾房人。幾房人當中,總係有人得勢有人失勢。得勢既果房人控制家族資產,有頭有面可以風光無限;沒有得勢既果房人,冇機會分享家族既財富,儘管未至於要餓死訓街,但實際上與你我他無異,都係要努力工作賺錢賺生活。有錢人家族裡面既紛亂,怕且我此等凡夫俗子,一世都無辦法睇通睇透。

我記得Austin同我講過,細個既時候,佢既身份令到佢有點精神分裂。佢有一啲招搖既親戚,呢啲親戚既招搖,令到絕大部份既人都以為,來自同一個家族既Austin係同等地富有。佢唔知點樣向人解釋,真實既情況其實同旁人所理解既有好大出入。香港地係個憎人富貴厭人窮既地方,佢媽媽果邊既親戚出身相對比較差,對Austin呢個「疑似有錢仔」親戚並唔係太友善,甚至經常指指點點,武斷地認定佢必係個「死敗家仔、二世祖」。(對此Austin既comment係:如果我真係咁疊水,俾你插我「敗家仔」都叫做抵丫,但我其實仲窮過你哋,咁樣仲要俾你地插就唔x抵啦!)至於佢爸爸果邊既叔伯,由於知道佢地響家族內並唔得勢,對佢地亦唔多俾面,反正在佢地眼中,Austin一家只個係黐飲黐食,同自己完全唔同級數既「窮親戚」。

幾年之前,佢家族唔知起咗乜野變化。Austin忽然分到巨額遺產。據Austin自己所講,呢筆錢,佢真係從來都冇諗過有機會得到。一夜之間,Austin既身家,由叔伯眼中既窮親戚level,暴漲到同果班一向招搖既富貴親戚幾乎平起平坐。

*****

問題黎啦。Austin忽然發咗達,之後佢點樣過佢既生活?

最大既變動,大概係換咗間樓。面積比從前既大咗一點,其餘既,同達仔一樣,生活習慣跟「未發達」之前,原全冇改變過。

達仔刻意唔改變生活習慣既原因,係因為需要「安全感」。我認為Austin既諗法完全唔同,事關響未發達之前,佢Portfolio裡面一直有唔少風險相當高既投資,追求安全感既人絕對唔會咁樣選擇。而且佢同我一樣,有自己既生意。追求安全感既人,打份工就算啦,點會咁笨拋個身出黎搏?

Austin由細到大既尷尬家族身份,俾左一份無名既怨氣俾佢。佢討厭佢果啲「睇佢唔起」,當佢係窮親戚看待既叔伯。佢亦好嬲佢媽媽果邊,一口咬定佢係「冇鬼用、死敗家仔」既姨媽同舅父。兩面不是人既Austin,心裡面一直好想吐出呢口烏氣。佢想搵好多錢,所以做生意佢好搏命,佢亦都好清楚,單單係「有錢」,並唔能夠幫佢吐左呢回烏氣出黎。佢要贏,而且要求自己贏得漂亮。佢要讓人知道,佢係靠自己而變得富有。

收到遺產之後,我問佢:「Austin,你都已經咁有錢啦,仲咁搏命搵錢,有意義嗎?」

Austin從來冇正面回答過我呢個問題。

Austin既人生係矛盾既。當有巨額遺產跌落你身上,莫非你會拒絕?但係Austin既前半生,一直都係堅持「靠自己」去搵錢,「靠自己」去變得富有。佢擺咗好多心機落自己檔生意上,而且做得唔錯。當佢既「吐烏氣」大計漸見曙光既一刻,巨額遺產忽然跌落自己身上,旁人眼中或者覺得佢行大運;但我眼中既Austin,其實好迷失。

或者咁亦解釋到,為何Austin響忽然發咗達之後,一切生活習慣同駛費,都刻意跟未發達之前保持原狀既原因。舊既習慣唔想改變也許係原因之一,但我更傾向相信,要佢動用呢筆「並非透過自己努力」所得來既財富去吃喝玩樂,Austin跟本係過唔到自己。不變,係因為心中有結。

我都唔知,咁樣其實算唔算係有骨氣。

(待續)

忽然 發咗 咗達 跟住 住點 人在 中環
PermaLink: https://articles.zkiz.com/?id=43744

跟住矛盾去旅行

許久沒看電視。想不到,一連四星期,定時定候,擔定櫈仔等看「跟住矛盾去旅行」。 
 
真人騷,要真,但又比真多一點。有價值判斷,有態度,摒棄和稀泥,才能吸引早已厭倦師奶劇的觀眾。 價值對立,各取所需,人只看自己想看的。所以,我也以為,看罷節目,自己會更支持本已支持的,或更反對早已反對的。想不到,結果不然。 
 
例如,論立場,我完全認同葉韻儀的我行我素多於連詩雅的拘謹;喜歡林日曦的惜字如金多於蔣麗雲的無的放矢。海星老師的不食人間煙火,在我心中亦遠勝Amanda的世故務實。 
 
不過,原來欣賞一個人,看立場,也看氣度。否定一個人,建基價值,也不忘同理心。對,連詩雅愛玩旋轉木馬,抱迷你兵團睡覺,又如何?至少她沒有頤指氣使的港女性格,會自己跑九條街去找行李。她沒葉韻儀敢言,但坦言初出道所以輸不起,都算夠真。反而葉韻儀大條道理「我做開阿媽丫嘛,我慣左咁語氣同人講野,唔會因為佢而改架喎」,倒真的有點持老賣老的「掗拃」。
 
林日曦的「拒絕對話社會性實驗」,的確有趣。但你有權提議玩,對方也有權拒絕。有必要三番四次強調「唔得啦,再聽佢講野我好辛苦」,或者認定對方唔玩就是離地或無膽嗎?海星老師對Amanda很關懷,但看得出,關懷當中有判斷,也有不屑。反而Amanda的剖白,尤其喪夫後獨力擔當生活那一段,令大家看到走主流的背後,或許也有難言之隱。  
 
小眾被主流壓抑太久,一個節目,替一直被邊緣化的,出了一口氣,看得過癮之餘,不禁想,如果小眾自命特立獨行,就可以否定主流,那麼,跟主流過往排除異己,有何分別?自命清高,看不見別人難處,其實也是另類自以為是?嗯。自我反思中。
跟住 矛盾 旅行
PermaLink: https://articles.zkiz.com/?id=195722

大陸人碌 visa 買保險閘已落,跟住可以點? 中環客

來源: http://hkcitizensmedia.com/2016/12/18/%e5%a4%a7%e9%99%b8%e4%ba%ba%e7%a2%8c-visa-%e8%b2%b7%e4%bf%9d%e9%9a%aa%e9%96%98%e5%b7%b2%e8%90%bd%ef%bc%8c%e8%b7%9f%e4%bd%8f%e5%8f%af%e4%bb%a5%e9%bb%9e%ef%bc%9f/

市場傳聞已久,大陸會對用 VISA 或者 Mastercard 買保險落閘,依家果然係落咗閘,喺12月17日下午,香港啲保險公司唔再接受每個保險產品超過五千美金嘅碌咭。講真,要用 VISA 嚟走資果啲,五千美金根本唔係錢嚟,換言之,大陸人落嚟香港買保險走資嘅方便門路都無埋。

VISA
VISA

雖然大陸人有 VISA 或 Mastercard 嘅都唔多,只不過,呢次落閘唔係無心理打擊,因為根據現行保險業界嘅規定,為防止洗黑錢,用現金交保費,最多一萬蚊港紙,而依家大陸人嚟香港開銀行戶口越嚟越難,如果要經銀行過數買保險,就要經過客戶本身名下嘅銀行戶口,試問邊個無喇喇喺香港有銀行戶口。就算有戶口,銀行對啲不明來歷現金都會把關,依家銀行見到大額現金存款,唔係當佢係大豪客,係當佢係賊先,因為依家啲反洗黑錢例太惡,試過唔少次,銀行經理收到大額存款而搞到要報警,等聯合財富情報組班友到場帶個客返去驗明正身,你就知係無咁容易。

所以保險界由今日起,慢慢食西北風喇。

大陸 人碌 visa 保險 閘已 已落 跟住 可以 中環
PermaLink: https://articles.zkiz.com/?id=227957

大陸人碌 visa 買保險閘已落,跟住可以點? 中環客

來源: http://hkcitizensmedia.com/2016/12/18/%e5%a4%a7%e9%99%b8%e4%ba%ba%e7%a2%8c-visa-%e8%b2%b7%e4%bf%9d%e9%9a%aa%e9%96%98%e5%b7%b2%e8%90%bd%ef%bc%8c%e8%b7%9f%e4%bd%8f%e5%8f%af%e4%bb%a5%e9%bb%9e%ef%bc%9f/

市場傳聞已久,大陸會對用 VISA 或者 Mastercard 買保險落閘,依家果然係落咗閘,喺12月17日下午,香港啲保險公司唔再接受每個保險產品超過五千美金嘅碌咭。講真,要用 VISA 嚟走資果啲,五千美金根本唔係錢嚟,換言之,大陸人落嚟香港買保險走資嘅方便門路都無埋。

VISA
VISA

雖然大陸人有 VISA 或 Mastercard 嘅都唔多,只不過,呢次落閘唔係無心理打擊,因為根據現行保險業界嘅規定,為防止洗黑錢,用現金交保費,最多一萬蚊港紙,而依家大陸人嚟香港開銀行戶口越嚟越難,如果要經銀行過數買保險,就要經過客戶本身名下嘅銀行戶口,試問邊個無喇喇喺香港有銀行戶口。就算有戶口,銀行對啲不明來歷現金都會把關,依家銀行見到大額現金存款,唔係當佢係大豪客,係當佢係賊先,因為依家啲反洗黑錢例太惡,試過唔少次,銀行經理收到大額存款而搞到要報警,等聯合財富情報組班友到場帶個客返去驗明正身,你就知係無咁容易。

所以保險界由今日起,慢慢食西北風喇。

大陸 人碌 visa 保險 閘已 已落 跟住 可以 中環
PermaLink: https://articles.zkiz.com/?id=229003

【母親節】跟住阿媽過一day之原來阿媽忙過我

1 : GS(14)@2016-05-08 14:54:21

母親節到啦,開酒吧的小明平日沒有時間陪媽媽,這天特別「跟住阿媽過一day」,阿媽平日做乜佢就要做乜,體驗一下阿媽平日過的生活係點!



每年的母親節,都是平日無時間陪媽媽的子女的「反省日」,尤其對早出晚歸甚至返夜班的仔女來說,陪阿媽簡直算係奢侈的活動。蕭浩明(小明)同朋友夾份開酒吧,夜晚返工日頭瞓覺,雖然住埋同一間屋,但一個月都同阿媽(心姨)講唔夠十句嘢(相信好多人都係咁?),這次果籽就
母親節 母親 跟住 阿媽 過一 day 原來 忙過 過我
PermaLink: https://articles.zkiz.com/?id=300109

Jessica Simpson身形升級上圍跟住升Cup

1 : GS(14)@2016-05-21 13:13:41

現年35歲嘅美國女星Jessica Simpson日前同老公Eric Johnson喺比華利山一齊外出食晚飯,平日愛同老公晒恩愛嘅Jessica,穿上一條超級性感嘅低胸藍色晚裝,將其豐滿上圍表露無遺,有跌出嚟嘅效果!令人有視覺上嘅衝擊!不過有網民留意到Jessica比去年身形好似龐大咗少少,側面睇仲見到有雙下巴,擁有幸福家庭嘅佢話唔定係心廣體胖。





來源: http://hk.apple.nextmedia.com/entertainment/art/20160518/19616062
Jessica Simpson 身形 升級 上圍 圍跟 跟住 住升 Cup
PermaLink: https://articles.zkiz.com/?id=300561

【西遊記】跟住洋腸覺醒吧

1 : GS(14)@2016-11-11 08:10:59

【文化籽:西遊記】星期一晚,我去了觀看《洋腸派對》(Sausage Party)。如果是一套稍為嚴肅的電影,我想我會放棄,免得令沉重的心情更沉重。《洋腸派對》卻是Seth Rogen主導的三級動畫,腸仔搞麵包,粗口橫飛,據說是一齣瘋狂喜劇。笑不出,也應該平衡到一下心理吧,我以為。還想看完電影後即寫一篇有關人生首次看三級片的經歷的文章。看到結局,我卻幾乎哭出來,再沒有心情回憶李麗珍、周弘與《妖獸都市》。試幻想這是成人版《反斗奇兵》(Toy Story),超級市場的貨物全部像胡迪與巴斯光年,有眼有嘴有手有腳有思想有性格有意識。跟你和我一樣,他們也沒有偉大理想,只不過希望有機會有空間搞搞嘢,滿足身體需要便足夠。新一代的貨物,一直被長期駐守的老一代瞞騙,以為給上帝般的人類帶走,便到達天堂,人類會打開食物的包裝膠袋,讓腸仔可以自由自在為所欲為地插入麵包內。他們不知道,人類不會把腸仔或薯仔或任何生果當成自己友,人類只會把食物放進消化系統。根本不在乎食物的感受。就算人類真心明白食物也有感受。就像巴斯光年終於了解自己只是玩具,不是保衞地球的救世者。《洋腸派對》的腸仔主角,透過食譜內一張張彩頁而覺醒,看見人類的食相,發現所謂的天堂原來是地獄。他嘗試將真相曝光,喚醒民眾,命運自決。結果怎樣?結果是食物們視若無睹,繼續唱歌跳舞,期望盡快被帶走,仲叫腸仔唔好搞咁多事,怕誤了既定的人生規劃。Seth Rogen曾在2014年執導過喪玩北韓極權統治的《刺殺金正恩》(The Interview)。是我蠢,明明看過Seth Rogen掛瘋狂喜劇的羊頭,賣指桑罵槐的狗肉,怎可能還以為《洋腸派對》只是另一齣《賤熊30》(Ted)?同樣叫Seth,Seth Rogen可不是停留於賣粗口賣意淫賣歧視便心滿意足的Seth MacFarlane。香港人認識Seth Rogen,大概要託周杰倫的福,2011年版本的《青蜂俠》(The Green Hornet),才會受到點點注目。電影獲得的評價甚差,既是男主角又是編劇的Seth Rogen孭晒鑊。周星馳因為不滿劇本而劈炮,顯得極度聰明。同一年,低成本製作《風雨同路兩支公》(50/50),笑中有淚,言之有物,Seth Rogen的演出好得多,焦點卻全落在驚為天人的靚仔Joseph Gordon-Levitt身上。近幾年,Seth Rogen的代表作,只是一系列的《賤鄰50》(Bad Neighbours),給Zac Efron的俊臉和肌肉搶了風頭,也算了,香港譯名有心地借用Seth MacFarlan套《賤熊30》的威名,才看得我有點感觸。2013年,Seth MacFarlan因為《賤熊30》在美國狂收二億美金而聲價百倍,居然得到奧斯卡青睞,獲邀成為頒獎禮司儀。沿用賤熊風格,一出場便拿女星的乳房開了幾分鐘玩笑。因為太cheap,事後被輿論評為史上最爛司儀,但觀眾受落,因為夠cheap。同一時間,Seth Rogen在籌備犯盡禁忌而最後受到恐襲威脅確實無法上畫的《刺殺金正恩》。Seth MacFarlan的低俗,看似失控,其實永遠不會跨過底線。奧斯卡不用擔心踩中不能踩的地雷。Seth Rogen的癲狂,才是冒險。因為,他有訊息想傳達。《洋腸派對》有一幕,男主角腸仔用盡方法提醒昏睡或扮昏睡的民眾,事實已擺在面前,別再天真,卻換來冷待。女主角麵包輕輕地解釋:「你一味話人做錯,無人理你㗎。你要話畀人知,有甚麼方法改變,有甚麼其他出路,有甚麼希望,至會喚醒到沉默的大多數嘛。」巧合得可怕,電影早在八月已於美國上畫,香港居然排在今個星期才面世。我們的確知道自己正被吞食了,又可以在哪裏找到這一條洋腸?



食物們看見人類的食相,驚覺原以為是天堂,原來是地獄。

電影帶出的一個訊息是人類只會把食物放進消化系統,忽略了食物的感受。

執導《洋腸派對》(Sausage Party)的Seth Rogen(左)出席電影宣傳。


Profile:方俊傑

觀塘長大,壹仔打滾,偏愛西片、西劇、中日韓美女。利物浦悲慘球迷,非西人一個。



編輯:梁浩維美術:黃創泰




來源: http://hk.apple.nextmedia.com/su ... t/20161111/19829360
西遊記 西遊 跟住 住洋 洋腸 覺醒
PermaLink: https://articles.zkiz.com/?id=315104

【洛杉磯直擊】跟住華警去捉賊!帶你走入爆格現場

1 : GS(14)@2016-12-24 10:55:38

警車以60英里(約100公里)的時速在道路上狂飆,刺耳警笛聲響徹寧靜的社區,直升機在低空來回盤旋,外加警員荷槍實彈封鎖區域;這不是警匪片拍攝片場,而是《蘋果》記者在洛杉磯近郊、蒙特利公園市犯罪現場的「親眼直擊」!駐洛杉磯記者:陳志豪近來華人社區屢成洛杉磯黑幫入屋行劫目標,許多華人居民都感到人心惶惶。由於蒙市過半居民都是華裔,《蘋果》記者周四也特地跟着蒙市資深華裔警官洪瑜伯(Bob Hung)出勤,看看警方如何保護社區安全。記者本以為,這會是一趟更像「公共安全」介紹的旅程,沒想到才開出警局沒多久,無線電那頭就立刻傳出有民宅遭到爆竊的消息。洪瑜伯提醒記者坐好後,立刻鳴笛猛催油門,以百公里時速飛車趕往案發現場。這宗入室行劫發生在一個平靜的社區,一名當地住戶發現陌生車輛,車內還坐了兩名非裔男子,隨後就聽到鄰居後院落地窗被打破的聲音,趕緊報警。接應的歹徒看見警車時心虛,企圖逃逸時不慎撞車,隨後棄車逃進一旁民居後院。而社區居民都憂心忡忡,希望警察趕快封鎖道路,抓住疑犯。就在一路狂飆之後,洪瑜伯僅花三分鐘就到達涉案地址,身為現場指揮官的他,從車後方拉出警用平台,警車立刻變身臨時指揮站。「你往那邊過去,我走這頭!」,洪瑜伯一邊將長槍上膛的同時,也部署各警員包抄在逃的疑犯。無線電那頭不斷傳來直升機從上空觀察的情形,希望掌握歹徒行蹤。此時在附近工作的受害屋主張先生(Frank Chang)接到鄰居的電話,匆匆的趕回家中。警員立刻上前對他說明情況:「張先生,現在有一個(疑犯)往東邊逃了,但有兩個還在這附近,而我們正盡全力在緝捕這兩個疑犯,所以調查還會持續一下子,我們也還在調查他們逃逸時撞毀的車輛」。張先生則是緊張的詢問:「那我可以進家裏去嗎?我能夠碰家裏的東西嗎?我想看看損失」。就在獲得警方及屋主允許後,記者也跟着張先生進入家中。後院的玻璃被砸得粉碎,而屋內各處也都被翻得一片狼藉。張先生苦笑地對記者表示:「這已經不是我家第一次被入侵了,兩年前其實也發生一次......說真的,這幾年這個區域的治安的確變比較差」,「幸好我家裏沒有甚麼值錢的東西,最值錢的也就是手提電腦跟相機,我也沒有現金」。雖然在聖誕節前發生這樣的事情,樂觀的張先生還是表示:「人沒事就好,至少我的小朋友跟太太都不在家」。就在短短兩個小時內,蒙市警方就逮捕了四個疑犯中的三人。就在最後一個疑犯遲遲還沒有消息的同時,洪瑜伯向記者表示,他們已經派了便衣警察在附近巡邏,「通常在逃的疑犯會打電話叫同夥來接,而這就是逮到他們最好的時機」。果然過了沒多久,洪瑜伯就接到通知,說有一台可疑車輛就停在附近,車上司機不但前科累累,車上還藏了毒品。到了現場,警員立刻對他們進行搜身:「聽好,我沒空跟你玩遊戲,你明明知道怎麼拼你的名字,所以不要跟我胡扯,說你不知道怎麼拼,不然我送你去坐牢!」,面對不配合的嫌疑人,警員直接放出狠話,要他就範。洪瑜伯表示,這個司機的身上有個紋身,正是一個專門入屋行劫的黑幫識別標誌,又在這個時間點出現在這種華人社區,他們當然直覺地把他跟稍早的竊匪做連繫,懷疑他是前來接應最後一個在逃疑犯。洪瑜伯表示,由於該嫌疑人持毒,所以警方有權將他帶走好好調查,他相信絕對可以找出一些蛛絲馬跡。短短半天時間,蒙市警方展現了極高的效率;不但反應迅速,在人力部署以及訓練上也十分精良。正如張先生向記者表示:「雖然發生這種事情,我還是很相信蒙市警察,他們的效率很好、很高,兩年前那一次入室行劫,他們半小時就抓到人了」。洪瑜伯也說:「保護市民本來就是我們的責任,我們警方的直覺是很準的,反應也很快,大家千萬不要以身試法。」




來源: http://hk.apple.nextmedia.com/international/art/20161224/19875851
洛杉磯 直擊 跟住 住華 華警 警去 去捉 捉賊 帶你 走入 爆格 現場
PermaLink: https://articles.zkiz.com/?id=320000

【老外遊港】實試跟住App遊香港仔 最愛Insider Secret

1 : GS(14)@2017-01-08 19:03:16

來自哥倫比亞的Diana Lopera和媽媽一起跟着手機應用程式「iDiscover City Walks」,到小神廟參觀,認識香港民間信仰文化。



一般遊客去香港仔都是吃海鮮,而來自哥倫比亞的Diana Lopera和媽媽便跟着新推出的本地遊路手機應用程式iDiscover City Walks,參觀香港仔天后廟、小神廟、海濱公園,還搭舢舨去鴨脷洲吃燒味飯,地道到連香港人都未必個個去過啊!以保留地區文化特色為目標的城市探索平台iDiscover City Walks推出香港旅遊手機App,覆蓋西貢、深水埗、香港仔、灣仔、九龍城和上環,為每個社區推出本地旅遊路線。手機App以地圖、文字和影像將各區的文化及鮮為人知的故事和歷史背景介紹給用家,每條路線均包含20至35個景點,Diana和媽媽選擇遊覽曾是漁村的香港仔。



喜歡歷史文化的Diana在博物館參觀時看過天后的故事,來到香港仔時特地到廟內參拜。

Diana說無論是觀光,還是吃飯,手機App都會告訴你如何走,那就不用到處找。

Diana分享,平時她和媽媽都會在網上搜尋不同景點,而App則令我們更容易找到周邊地方,而且十分地道。


一次過睇晒多神

Diana和媽媽都是第一次來香港,程式內的離線衛星定位(GPS)都幾準,不過Diana覺得街道名稱的字體太小,要找路牌時比較困難。她們很快便來到香港仔天后廟,「我們喜歡到博物館參觀,早前去歷史博物館知道在近海的地方,人們便會拜天后。」所以特地入廟見一見天后本尊,裝注香先走人。昔日漁民出海前後都來拜一拜位處舊大街和香港仔大道交界的小神廟,「有很多資料都是在網上查不到的,我喜歡程式內的Insider Secret(內裏乾坤),可以看到那個地方的小秘密和小貼士,非常好用。」例如APP中就提到漁民喜歡一次過拜幾個神,所以關公、土地、北帝、觀音和財神等全部都在這裏找到,連神都要逼到住劏房般,真是香港獨有,一定要看啦!



手機App每條本地旅遊路線均包含20至35個景點,並以不同顏色為景點分為觀賞(iSee)、飲品(iDrink)、食物(iEat)、購物(iShop)及驚喜(iSurprise)五大類別。

App內又以文字和影像介紹鮮為人知的故事和歷史背景,像一本電子旅遊書。

App內會介紹景點內的小秘密和知識,例如在小神廟,眾神聚落在一個這麼小的地方是香港獨有的。

iDiscover又邀請本地設計師和插畫師為每條路線設計地圖,香港仔地圖則由插畫師師麥震東繪畫。

更易找到周邊景點唔使煩

雖然住在沿海城市,但Diana和媽媽依然被海旁景色吸引住,喜歡歷史的她們又好認真地看香港仔漁業的歷史,「海旁指示牌上的資料比較正經,而App的內容則輕鬆有趣,有兩方面的資訊比較是很好的,可以更認識香港仔的發展。」行到肚餓,她們更跟隨Insider Secret搭舢舨來到對岸的鴨脷洲達記吃燒味飯,「如果你想購物、吃東西,程式都會告訴你如何走。」他們平時都是先去一個目的地,再上網搜尋附近有甚麼地方順便去,「而App則令我們更容易,找到周邊地方,而且路線中的景點已按次序排好。」媽媽亦補充:「程式會介紹一些我們一般不會去的地方,就像有本地人推薦,我很喜歡。」除手機程式外,iDiscover每條路線都與本地設計師和插畫師合作,用他們的個人風格將6個社區的獨特風貌以地圖形式呈現出來,於各區酒店、餐廳和咖啡店等地點免費派發。



「iDiscover City Walks」手機應用程式深水埗、西貢(免費)香港仔、上環、灣仔及九龍城($15/條)
Android、iOS適用記者:列淑華攝影:鄧鴻欣




來源: http://hk.apple.nextmedia.com/su ... t/20170108/19889907
老外 遊港 實試 試跟 跟住 App 香港仔 香港 最愛 Insider Secret
PermaLink: https://articles.zkiz.com/?id=321913

【總統之選】跟住奧巴馬去旅行 $3,900住處女島Ritz Carlton

1 : GS(14)@2017-01-26 18:23:01

全球傳媒都追蹤住奧巴馬卸任後去向,據報這位黑人總統一放假就飛了去加州,如今身處維珍航空創辦人Richard Branson開發、位於英屬處女群島的私家島Necker Island上度假,包島一晚估計要60萬港紙,相信喺香港嚟講,真係地產商先住得起。


有圖有真相,度假天堂的五星級Ritz Carlton都只是$3,900一晚,香港的酒店會唔會貴咗少少? 互聯網圖片

其實處女島又唔係咁離地的,當地不少五星度假酒店,$3,800左右已有交易,豪少少住五星名牌Ritz Carlton,也只是四千有找,肯定平過香港嗰間。不過,最難個關在於交通,處女島位於中美洲的加勒比海,從香港出發起碼要轉兩次機先到,最少三十小時,來回機票約二萬港紙;而在美國東岸出發,約四至六小時機程直達,難怪一向是美帝子民的度假天堂。香港-處女島的飛行方法香港-巴黎/荷蘭-荷屬聖馬丁-英屬處女島全程:30小時+
St. Thomas Hotels Ritz Carlton房價:每晚$3,949+記者:陶思敏2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170126/19908811
總統 之選 跟住 奧巴馬 奧巴 旅行 900 處女 Ritz Carlton
PermaLink: https://articles.zkiz.com/?id=324325

趣blogblog:跟住甘比搵食有冇伏?

1 : GS(14)@2017-10-09 03:49:47

■陳凱韻





今年表現最好的板塊,非內房股莫屬。88隻港股年內累計升了一倍或以上,其中內房股佔18倍,比率達到兩成。而全年升幅最勁的,不是創板股、不是細價股,而是曾為內房股中的負債王恒大地產(3333),不足三季內飆升五倍,市值接近4,000億元。


10隻表現最好港股中,華置(127)創辦人劉鑾雄(大劉)及其配偶陳凱韻(甘比),今年中了3隻,分別是恒大、融創(1918)以及佳兆業(1638)。上周三晚甘比牽頭的財團,聲稱持有94億佳兆業債券,每年穩收息近9億元,刺激佳兆業兩日爆升27%。回帶今年3月下旬,甘比牽頭家族及幾位投資友好,認購約78億元恒大債券,結果自當日至今,恒大股價累升3.5倍。甘比效應下,市場開始找尋下一隻甘比愛股。當日發言人亦透露了,除恒大及佳兆業外,亦持有其他6至7間內房股債產品,其中一間內房市值短期內由約500億元飆升至超過1,500億元。市值極速飆升至1,500億元,恐怕就是今年表現第三佳的融創,年內累升逾4倍,至於其他6至7間內房股有何線索,或者可以由8年前、大劉「鋤Dee會」朋友圈認購新股,可以捉到蛛絲馬迹。



延伸「鋤Dee會」投資

病逝近一年的鄭裕彤(彤叔),生前鍾情與中港富豪後輩「鋤Dee」,鐵腳有大劉、楊受成等。恒大主席許家印在自傳中自爆,曾每星期要與彤叔「鋤Dee」及與「純官」鄭家純鬥地主,據聞鋤Dee每隻一萬,一晚上落曾過千萬。及後恒大於2009年上市,彤叔大劉齊齊入股兼撐場。其後他們多次聯手抽新股及投資,坊間將他們歸類為「鋤Dee會」。統計2009年11月至12月,大劉曾入股了恒大、佳兆業、龍湖(960)、花樣年(1777)以及金沙(1928)IPO。正所謂唔熟唔買,甘比今年認購恒大股債、佳兆業高息債,某程度只是大劉8年前「鋤Dee會」圍威喂認購內房新股的伸延。當年一眾富豪甘願做IPO宣傳佈景板,隻隻內房招股反應相當不俗,還記得老父少有地抽佳兆業及花樣年的股票,就是大孖沙效應。結果是一上市就見頂,然後沉淪,佳兆業停牌兩年,今年始食正升浪報復式反彈。或者,大劉甘比大手投資恒大,已非單純投資角度,而是兩者已綁在同一條船上。如2015年華置天價125億賣總部萬通大廈予恒大,後者居然可以分6年付款。及至今年4月開始、恒大回購額度快用盡、基金大肆沽空之際,華置斥81億元在市場狂掃恒大股份,擊退淡友,恐怕是洗濕個頭焗住救,多於「鋤Dee會」成員間的情義。回應標題跟住甘比搵食有冇伏?或者很簡單問問自己,如果有必勝股、必賺之法,願慷慨地與陌路人開心share嗎,抑或背後另有目的,留待各位判斷。



股榮
http://www.fb.com/stockwing1




來源: http://hk.apple.nextmedia.com/financeestate/art/20170924/20162558
blogblog 跟住 甘比 搵食 食有 有冇 冇伏
PermaLink: https://articles.zkiz.com/?id=342300


ZKIZ Archives @ 2019