📖 ZKIZ Archives

名嘴三招走江湖

1 : GS(14)@2011-02-16 22:57:23

http://www.eastweek.com.hk/index.php?aid=10810
過年期間一言跟股票界朋友拜年，席間大家講起財經名嘴，話依家好多電視電台都大搞財經節目，於是好多年紀廿零歲，股票都冇乜炒過嘅o靚仔，都出嚟學人講股；至於有啲稍為出吓鏡嘅，更加當正自己係明星，不可一世。
有上幾代嘅名嘴，依家已經好少出嚟講嘢，佢話要做名嘴，最緊要識三招，學到呢三招，行走江湖可以橫行無忌，大家識咗呢幾招，要喺名嘴界打滾一啲唔難。
佢話，首先幫報紙或雜誌寫文章時，標題或者內文要多問號，點解？因為你講錯咗，冇人會質疑你，事關你根本冇實實在在畀過意見；但若然你講啱咗，咁你可以話，我一早就提出疑問喇，乜你冇睇咩。咁樣，咪可以畀人覺得你好有遠見。
學懂三招，要成為財經名嘴唔係好難。

名嘴第二招係睇大市要有技巧，辦法係全年入面，約莫有一半時間你睇好，然後另一半時間睇差，咁到最後時，不論個市好定唔好，你都有位走。恒指掂時，你就將你講市好嘅預測拎出嚟炫耀，恒指衰時，你又可以將你講市差時嘅言論攞嚟演嘢。
至於第三招，亦係最絕一招，但講之前，一言喺度先扯開少少。話說有次朋友睇某財經大報，見有專欄股評人將某段日子佢推介嗰十幾廿隻股票列出，驟眼一睇，隻隻股都有升，朋友即時反應：「嘩！真神人也？」
點知再睇真啲，發覺時序上係點出十月某幾日嘅推介，然後十一月又寫出某兩、三日嘅推介，即係話唔係連續日子，何解？好簡單，佢只係將貼中嘅股票列出，錯咗嗰啲就梗係唔講，咁讀者冇咁心水清，以為佢逢估必中。
查實，呢招好簡單，就係一年三百六十五日，你不斷咁推介股票，可能你錯咗三百日，但有六十五日中咗，咁你咪將中咗嗰幾十日列出，普通人一睇，嘩，中成六十幾隻股，確係股神喎！
聽完名嘴前輩咁講，讀者將來見一言寫稿時多咗好多問號，就要多多包涵喇。
2 : abbychau(1)@2011-02-16 23:08:02

笑了, 的確很絕呢, 像馬評
3 : 龍生(798)@2011-02-16 23:50:03

睇相佬的絕學
其實所有江湖千術都係咁
4 : GS(14)@2011-02-17 07:49:17

咁我都認識了
5 : 亞力士(1473)@2011-02-17 22:19:34

英耀賦

http://zh.wikisource.org/zh/%E8%8B%B1%E8%80%80%E8%B3%A6

入門先觀來意，出言要順人心，先千後隆(千者恐嚇、隆 者籠絡)，乃兵家之常法，輕敲響賣，是江湖之秘宗。有問不可遲答 ，無言切勿先聲。談男命，先千後隆，講女命，先隆後千。人人後運 好，個個子孫賢。三五成群，須防有假，嘻呵成片，必定無心。來意 慇勤，前運必非好景。言詞高傲，近來必定佳途。言不可多，多言必 敗。千不必極，千極必隆。父年高而母細，定必偏生庶出，己年細妻 年高，當然苟合私逃，子年與妻彷彿，非填房定偏室坐正，父年與己 年相等，不是過繼室螟蛉。老人問子，雖多亦寡，愛愁悲可斷。少年 問子，雖有亦女，立即分清。早娶妻之人，父業可卜、遲立室者，祖 業凋零。當家早，父必先喪；當家遲，父命綿長。

少女問親娘，有病在牙床，老父問嬌兒，定必子孫稀。來意 神清，定必無心談事，出言心亂，定當有意問災。年少過於奢華，其 人必然浪子，老人過於樸實，此輩定是愚人。年嫩老成，千金可託之 肖子；老來白霍，萬事無成之鄙夫。男兒問娼女，此輩終日談必煙花 之俗子，婦人問翁姑，其人固念病體憂愁之賢女。男人身配獨鎖匙， 未斷有室。婦人襟頭常帶乳，不是無兒。氣滯神枯，斯人現居困境， 謀事十有九凶。色潤聲高，此子近處吉祥，十成九就。入門兩目流連 ，必多心而無專一，身搖頭歪，定小相而帶輕浮。衣服樸而潔，銅匙 墜帶，生意場中之能人，可卜權衡早創。履華而整，銀圓滿袋，遊樂 場上之浪子，當斷家業將傾。田園近有，主卜先貧而後富，家業變盡 ，必然先富而後貧。

少年隆他壽長，老人將加福澤。惡人勿言惡，只許旁借而比 隆千齊下。善人當全，反正而說福壽同施。

中年發業興家，此人善營善作；老來一籌莫展，是老失運失 時。遠客異岝，宗祖每多富貴。近營內地，可斷兄弟貧窮。

小人宜以正直義氣隆他，當萬無一失，君子當以誠謹儉讓， 臨之百次皆同。得英切勿盡吐，該防真裡有假。失英最忌即見，留心 實內藏虛。
PermaLink: https://articles.zkiz.com/?id=273010
Next Page
ZKIZ Archives @ 2019