【馮仁昭四圍超】《貪狼》受制捨韓星首爾取景古仔流落泰國
1 :
GS(14)@2016-08-11 06:08:37內地突然實施限韓令，令到好多娛樂公司措手不及，太陽娛樂原本呢個月喺韓國開拍《殺破狼》前傳《貪狼》，導演係葉偉信，主角係古天樂加張晉，有幾位韓星演出㖭，投資約1.5億人民幣，但受到限韓令影響，電影公司已取消去首爾拍攝，所有韓國演員都唔會用啦！其實近年韓星嚟到中港台三地搵銀，越嚟越大牌，畀咁多錢佢哋，仲要受佢哋氣，而家俾內地咁樣壓一壓，唔係壞事。
■黃柏高因為《殺破狼II》收得，決定再開拍前傳《貪狼》。資料圖片
最遲10月中開拍
聽講《貪》片會改去泰國拍攝，噚日馮仁昭問監製黃柏高（Paco）係咪因為限韓令而取消去韓國取景？佢喺電話度話：「係呀！而家決定轉去泰國拍，原本有幾位韓國非一線嘅演員演出，而家都會換人，因為變動咁大，又要重新搵過啲景，真係需要時間準備，希望最遲下個月底或10月中可以開拍啦！」到底《貪狼》故事究竟講乜嘢？聽講係講古仔演嘅黑幫老大出獄後俾張晉劫走。因為古仔啲血液好獨特，可以高價販賣，所以張晉想將佢賣畀泰國富商做活肝臟移植，但兩人坐船途中出意外，分別流落到泰國，之後兩人就喺泰國展開一段你追我逐嘅公路之旅。撰文：馮仁昭
來源:
http://hk.apple.nextmedia.com/entertainment/art/20160811/19731142
曼谷取景遇泰王駕崩《貪狼》延拍 低調開廠
1 :
GS(14)@2016-10-17 08:09:31泰王蒲眉蓬上周駕崩，泰國宣佈展開為期一年的哀悼，市面娛樂活動暫停30天。太陽娛樂投資約1.5億人民幣、黃柏高（Paco）監製、葉偉信執導、古天樂、張晉和Tony Jaa主演的《殺破狼》前傳《貪狼》，一早已定於本月中在曼谷開鏡，泰王突然離世，劇組也要作出調整，開鏡日期或再延遲至月底或下月初。在舉國哀悼期間，泰國市面娛樂活動暫停30天（特別是晚上飲酒和歌舞表演的地方）。《貪》片在曼谷取景，據悉開鏡後會以廠景為主，而且盡量拍日班戲，收工後亦勸喻劇組人員不要流連夜店，留在酒店休息。身在曼谷的Paco昨日接受訪問說：「《貪狼》而家喺曼谷如火如荼進行緊前期工作，同劇組了解過，曼谷而家一切沒有影響，大家亦工作如常，只係當地一啲娛樂場所需要休息，電影預計會月底開工。」
再搭景多花千萬
這部片其實都是幾經波折，該片原定好8月中在韓國開鏡，並起用韓國演員拍攝，廠景亦已一早搭好，但後來因內地突然實施限韓令，投資一方為免在內地上映受影響，除取消到首爾拍攝，亦放棄請韓國演員演出。由於要改去泰國拍攝，要重新再搭建場景，前期製作費因而又多花了1,000萬人民幣。Paco表示：「冇辦法，內地實施限韓令，我只能壯士斷臂取消去韓國拍，如果我哋唔理，繼續去韓國拍同搵韓國演員演出，將來損失可能仲大。」
■黃柏高（左）已身在曼谷準備《貪狼》前期工作，並會安排與Tony Jaa見面。資料圖片
■韓國天團BIGBANG已宣佈取消本月29及30日在曼谷舉行的見面會。資料圖片
BIGBANG取消見面會
此外，眾韓星亦宣佈取消於泰國舉行活動，包括本月29及30日在曼谷舉行的BIGBANG見面會、下月5及6日的JYP家族騷，樂隊FTIsland的曼谷演唱會就會延遲舉行。採訪：鍾國仁
來源:
http://hk.apple.nextmedia.com/entertainment/art/20161017/19802831