ZKIZ Archives


許晉亨家族斷簡氏龍脈

2016-09-22  NM

由許晉亨家族持有的「愛園」,最近入紙向城規會申請,把愛園外圍的地皮興建廿五層高豪宅,能遠眺附近粉嶺高爾夫球會以及「特首度假別墅」,不過附近以簡炳墀為首的松柏塱村居民就大力反對,謂興建豪宅之處正是松柏塱村龍脈所經之處,怕打樁時震到龍脈,影響風水,村民之說未必冇道理,「愛園」入面其實安葬了許晉亨阿爺許愛周,許愛周是上世紀富豪,買入「愛園」時已年屆七十六歲,又點會唔識揀塊風水地嚟俾自己呢?

湯唯去IFC坐月

新地在上海的IFC有商場、寫字樓及公寓,最和味的租客並非什麼國際名牌,而係「月子公寓」,就連影星湯唯生完都去嗰度坐月。上海IFC引入咗來自台灣的月子公寓,咩名費事賣廣告,有齊中、西醫陪坐月,未包住宿要十幾萬人仔一個月,IFC有埋service apartment一條龍服務,呢盤生意新地租務部員工都笑到震,謂小三、小四喺度坐月,唔怕大婆殺到!

中環寸嘴

工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

我周街都忠實fans呀!

銀行佬邀請我去新加坡食餐飯兼欣賞Formula 1賽車,我見係大場面,同場仲有亞太區有級數客仔喺度,即管買張頭等機票去現吓身,吖,咁啱撞到香港嚟private banker,一見我就話:「啊楊生,我買《壹週刊》第一時間就係睇你專欄。」唓,我貢獻咗五十幾期稿,喺街撞到人都「claim」話係我忠實fans,我早排「脫稿」兩期,啲友就寸我話終於都要休息吓,啲友都唔知我不斷「進化」緊,不斷學嘢,否則變化石,以前坡佬學我哋嘢,而家香港形勢比人弱,就驅使到我去新加坡學吓嘢;去到個dinner,Citibank private banking個美國阿頭,另一個亞太區阿頭,兩個「哼哈二將」主動捉住我合照,梗係啦,我誠意搭夠,全場得我一個香港客仔,其他都係亞太區富三代多,咁我都識做,心口掛住把「Citibank」風扇仔,滴住汗欣賞Formula 1,取吓經;我搞慈善ball,Citibank都幫手同我買張枱,呢啲叫做「互撐」,以保持良好關係。聽講今年新加坡第九年搞F1,都唔夠sponsorship,分分鐘俾中東佬搶咗嚟搞,橫掂阿布扎比起咗個賽車場都未搞過乜。嗱,香港下個月學人搞Formula E,我今趟來新加坡都冇蝕底,起碼到時要comment Formula E都有少少把炮。

主席升天堂股價有希望

景福(280)主席楊秉堅(Alan)喺美國過身,股價即彈升,冇計吖,大家都憧憬賣盤,其實Alan十幾年前已患上胰臟癌,醫生本來話佢冇命,所以佢對生死睇得好開,因為每活多一天都是賺返嚟,楊秉堅對家族的景福珠寶生意一向毫無興趣,佢老哥醉心文化藝術,創辦高檔時裝品牌Blanc de Chine,出名做中山裝,不過經常蝕錢最後賣咗盤。自認老豆楊志雲,即美麗華酒店創辦人都冇佢符,只不過今年三月以七十三歲之齡,臨危受命接手景福主席一職,可以睇到最唔願做景福嘅楊秉堅都要拋個身出來,應該真係後繼無人!

許晉 晉亨 家族 簡氏 龍脈
PermaLink: https://articles.zkiz.com/?id=217507

許晉亨2100萬沽凱旋門

1 : GS(14)@2016-02-03 13:45:56

http://property.mpfinance.com/cf ... 0203/paa01/lad1.txt


【明報專訊】市場再有名人止賺沽貨。市場消息表示,中建家族成員許晉亨及相關人士持有的九龍站凱旋門1座低層C室,實用791方呎(建築1087方呎),剛以約2100萬售出,實呎約2.65萬元(建呎約1.93萬元);許氏等人2011年1733萬元購入,持貨4年多後帳面獲利367萬元或21%。

勤達3790萬購蕪湖居舖

此外,勤達集團(1172)公布,斥資3790萬元以公司轉讓方式購入紅磡蕪湖居地下D商舖(連部分商業外牆),總面積約為1588方呎,按成交價計算,平均呎價為2.38萬元。

現月租82,764元

該物業現正出租,月租82,764元,租約將於2018年8月屆滿。資料顯示,原業主2013年2月中以3450萬元購入,持貨近3年沽出帳面獲利340萬元或9.9%。
許晉 晉亨 2100 萬沽 凱旋門 凱旋
PermaLink: https://articles.zkiz.com/?id=295110

許晉亨單拖入場 又唔見李嘉欣

1 : GS(14)@2016-02-11 10:21:06

許晉亨、王宗堯與女友黎紀君(Christy)、張衞健、梁漢文、方力申、吳國敬與蘇永康夫婦昨入馬場湊熱鬧。前晚許晉亨與父母及兒子食開年飯,不見李嘉欣,昨日許晉亨亦是獨自進馬場,難免令人擔心夫妻兩人是否出了感情問題,不過一貫沉默的許晉亨笑而不答。提到年初一晚旺角黑夜事件,王宗堯亦表示震驚:「香港人都係想搵兩餐,唔使打壓得咁犀利,大家要寬容同忍耐吓。」方力申表示晚上約了女友鄧麗欣(Stephy)到澳門做花車巡遊活動,他表示:「我初一同屋企人拜咗年,不過因為啱啱先返香港,未有時間同Stephy屋企人拜年。」採訪:張俊銘攝影:仇志德



■王宗堯表示父母對女友Christy好滿意,並已融入家中。

■(左起)蘇永康、張衞健、吳國敬和梁漢文入馬場湊熱鬧。



來源: http://hk.apple.nextmedia.com/entertainment/art/20160211/19486097
許晉 晉亨 亨單 拖入 又唔 唔見 李嘉欣 李嘉
PermaLink: https://articles.zkiz.com/?id=295823

許晉亨搭升降機玩神秘

1 : GS(14)@2016-09-25 10:28:24

李嘉欣老公許晉亨前日下午獨個兒現身中環置地廣場,穿上西裝的他手持枴杖慢行,在商場閒逛一會後,就慢步到中建大廈,大廈頂樓是其家族中建企業的總部,大廈內亦開設有多間診所。亨亨和其他人一同乘升降機,但他並無按要到的樓層,最後所有人步出剩下他一人,行為有點奇怪。約5分鐘後,他與一名女子落樓,再登上早已在等候的七人車。




來源: http://hk.apple.nextmedia.com/entertainment/art/20160925/19780880
許晉 晉亨 亨搭 升降機 升降 神秘
PermaLink: https://articles.zkiz.com/?id=310005

劉嘉玲讚初戀許晉亨紳士

1 : GS(14)@2016-09-30 08:09:01

■劉嘉玲否認遭豪門嫌棄,指現在跟許晉亨(小圖)仍是好友。互聯網圖片



劉嘉玲日前接受內地節目《金星秀》訪問,大方提到跟許晉亨的初戀,當年分手被指豪門夢碎,她坦言兩人拍拖3年,最後和平分手:「許先生到現在,我跟他還是很好的朋友,非常的紳士,非常的儒雅,我現在跟他父母都非常好,為甚麼這種傳聞,還在傳一些有的沒的,完全偏離事實的這種傳聞。」至於跟老公梁朝偉的婚姻,嘉玲坦言兩人感情相當穩定,對於偉仔和張曼玉的陳年緋聞,嘉玲表示:「自己了解的不多,就是一個美麗的故事,張曼玉是非常優秀的演員,偉仔若真的喜歡她,我會非常開心,如果他決定了就去吧,可是他現在還是在我身邊。」撰文:皓騫




來源: http://hk.apple.nextmedia.com/entertainment/art/20160930/19785958
劉嘉玲 劉嘉 初戀 許晉 晉亨 紳士
PermaLink: https://articles.zkiz.com/?id=310722

劉嘉玲:同許晉亨係好友

1 : GS(14)@2016-10-22 22:28:52

古天樂、劉嘉玲、周汶錡和香港游泳健將歐鎧淳等,昨晚出席Fendi於尖沙嘴舉行的旗艦店開幕禮,而韓國組合BIGBAND成員太陽就因為航班取消而未能出席。劉嘉玲一身紅色花裙現身,她說:「平時好鍾意行山,呢幾日唔係黑雨就雷雨,冇得運動,感覺唔係好舒服。」嘉玲近日做內地真人騷無所不談,不少內容更是從未提及,她說:「係呀,睇對手點問我,我先畀到反應佢哋。」是否不介意重提與許晉亨的舊情?她說:「梗係唔介意啦,我講得出就係事實,大家仍然係好朋友。我哋都好成熟同理智,都過咗咁耐,講出嚟係想糾正人哋以前對我錯誤嘅睇法。」此外,歐鎧淳早前與師兄方力申到尼泊爾探訪,對於何超蓮傳與小方拍拖,她說:「我走咗之後超蓮先至嚟,所以冇見到佢哋。」採訪:卓寶花攝影:仇志德


■劉嘉玲(右二)直言與舊愛許晉亨私下是好友。

■歐鎧淳不知道師兄方力申與超蓮拍拖一事。

■靚媽周汶錡騷香肩示人。



來源: http://hk.apple.nextmedia.com/entertainment/art/20161022/19808511
劉嘉玲 劉嘉 同許 許晉 晉亨 亨係 好友
PermaLink: https://articles.zkiz.com/?id=313146

許晉亨賣殼沽豪宅

1 : GS(14)@2016-11-26 13:47:08

【本報訊】樓市新辣招的陰霾下,城中名人紛紛出貨,代理指,許晉亨家族持有尖沙嘴凱旋門高層三房戶,以公司股權轉讓形式(賣殼)易手,成交價3,100萬元,實用呎價近3.2萬元。利嘉閣王馗維表示,市場新近錄得凱旋門朝日閣高層D室成交,單位實用面積約970方呎,外望園景,單位由許晉亨家族持有,現以公司股權轉讓形式以3,100萬元易手,實用呎價約31,959元。原業主在2011年2月,以約2,320萬元買入上述單位,現轉手獲利780萬元,升幅近34%。據悉,單位在月前起交吉放售,叫價3,100萬元,最終以原價售出。另外,中半山堅麗閣高層A室,早前以1.15億元售出,實用2,929方呎,實用呎價3.9萬元。土地註冊處資料顯示,買家為建築商葉謀遵家族成員。




來源: http://hk.apple.nextmedia.com/financeestate/art/20161126/19845910
許晉 晉亨 亨賣 賣殼 殼沽 豪宅
PermaLink: https://articles.zkiz.com/?id=317035

賭王77歲生超欣許晉亨48歲做老竇

1 : GS(14)@2016-12-01 08:06:45

成日講高齡孕婦,其實娛圈都有唔少高齡爸爸,其實蘇永康is not alone。何鴻燊(相差77年):澳門賭王何鴻燊老而彌堅,於77歲之年,四太梁安琪為其誕下孻女超欣。滾石樂隊主音米積加(Mick Jagger)(相差72年):72歲嘅米積加,今年7月宣佈其29歲美國芭蕾舞蹈員女友Melanie Hamrick有喜,做高齡爸爸。郭台銘(相差64年):08年,當時已經58歲嘅郭台銘,同細佢24年嘅曾馨瑩結婚。兩人婚後火速造人,連生三個。04年三女曉嬡出世,父女年齡相距係64歲。鍾鎮濤父女(相差63年):愛國鐘鍾鎮濤57歲那年,妻子范姜誕下幼女鍾幗。今年佢63歲。劉鑾雄(相差61年):2012年,甘比為大劉誕下兒子仲學,當年大劉61歲。梁錦松(相差56年):梁錦松與妻子伏明霞育有3名子女,幼子家瑋出生時,梁錦松已56歲。劉德華(相差51年):55嘅劉德華,愛妻於2012年為其誕下女兒劉向蕙(Hanna),近年頻傳劉氏夫婦想再追仔。任達華(相差49年):「卡士蘭」任達華都係年近半百得女,現年61歲嘅任達華,於49歲那年初為人父。許晉亨(相差48年):同方中信一樣個樣唔識老嘅許晉亨,48歲之齡造人成功,太太李嘉欣為李家陀男丁,轉眼Jayden都5歲喇。




來源: http://hk.apple.nextmedia.com/entertainment/art/20161201/19850787
賭王 77 歲生 生超 超欣 欣許 許晉 晉亨 48 歲做 做老 老竇
PermaLink: https://articles.zkiz.com/?id=317836

許晉亨家族坐擁百億資產霍啟剛長子嫡孫多公職

1 : GS(14)@2017-08-19 19:08:00

香港城中有唔少富豪家族,而佢哋嘅子女雖然被視為豪門少爺同千金,不過其實好多都好能幹,唔止繼承家業,有唔少仲有公職在身。霍啟剛38歲嘅霍啟剛係霍英東嘅長子嫡孫,佢除咗係霍英東集團副總裁之外,佢喺社會有唔少公職,當中就包括香港青年聯會主席、天津市政協委員等,而佢更喺去年嘅巴西奧運做擔任香港奧運代表團團長。許晉亨今年55歲嘅許晉亨係已故船王許愛周幼子許世勳嘅細仔,08年同李嘉欣結婚之後育有囝囝Jayden。而許晉亨現時喺家族嘅中建企業入面擔任董事之一,而家許氏家族資產喺2006年估值達200億港元。莊家彬莊士集團主席莊紹綏嘅長子莊家彬05年加入莊士集團,現於莊士集團擔任聯席董事總經理,而其家族資產估計逾80億元。邱詠筠已故遠東集團創辦人邱德根的孫女邱詠筠,12歲去英國留學,02年喺倫敦大學國王學院畢業後回港,現時擔任遠東發展及帝盛酒店主席,去年仲獲得首屆世界傑出華人青年大獎。




來源: http://hk.apple.nextmedia.com/entertainment/art/20170819/20125848
許晉 晉亨 家族 坐擁 擁百 百億 資產 霍啟 啟剛 長子 嫡孫 公職
PermaLink: https://articles.zkiz.com/?id=340275

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019