ZKIZ Archives


袁嘉敏睇面色唔變通

1 : GS(14)@2015-06-10 08:41:22

袁嘉敏在電影《鴨王》一脫成名,但卻是非不絕,與演員不和被形容為「獨家村」。日前她到網台錄音訪問時,接受現場一位皮紋分析師測試,結果指她個性非常執着且缺乏變通,所以常與人產生磨擦。不過,分析師又指袁嘉敏十個腦區內,有八個都很優秀,第一位最優秀的區域是她很懂得看別人的「眉頭眼額」,其次是審美眼光及自我反省能力。節目中,袁嘉敏又提到過往工作辛酸史,指她13歲已孤身到澳洲讀書,為考上大學要半工讀,曾在餐廳當兼職洗碗,雙手出現嚴重敏感。撰文:小米





來源: http://hk.apple.nextmedia.com/entertainment/art/20150609/19177114
袁嘉 敏睇 面色 變通
PermaLink: https://articles.zkiz.com/?id=290744

鐵皮屋住上山頂樓 忍辱袁嘉敏登台任抓胸

1 : GS(14)@2015-06-11 12:35:36

2015-06-11 NM




喺娛圈捱咗六年,34D袁嘉敏最終決定動出「胸器」拍三級片《鴨王》,結果脫出錢途,包括四十萬起跳「應酬價」,皮肉錢啃唔落,袁嘉敏寧願靠自己,北上登台。打正脫星旗號,捧場客難免唔留手,賣唱不賣身依然經常遭突襲,忍辱賺登台「肉金」,只為達成住山頂樓的虛榮心願。「班客隻手直接抓落嚟!」準備夏日影寫真的袁嘉敏說。

山腳搬上山頂

憑《鴨王》叫到胡的袁嘉敏,兒時在鐵皮屋長大,選美時住劏房,今日已經上樓,住進中環四百呎唐樓,但她仍未滿足。住緊中環山腳,按部就班的話,袁嘉敏下個目標該是半山!上星期三(六月三日),記者見她現身中環歌賦街,會合一名地產經紀,出發睇樓。但地點不是半山區,而是位於老襯亭旁,月租要四萬多的山頂樓。「山頂個盤有七百呎,係就係好大霧,夜晚搭的士返屋企,仲要摸黑行一段路,但唔緊要,因為我鍾意住山頂。」為追求優越感,袁嘉敏寧願跳級住山頂平單位,都唔想留低在山腳。在《鴨王》露34D「乳出驚人」的袁嘉敏,食住個勢返內地密密登台,平均每月演出四場,騷錢十萬起跳,較偏遠的夜場可加碼至十二萬,對比昔日在大台每月底薪四千七,收入十級跳。

夜場客唔留手

擺明靠副偈做生招牌,一班夜狼自然「唔留手」,登台錢有血有淚,袁嘉敏想住好啲,或多或少是心理補償。「我盡量開解自己,搵呢啲錢唔辛苦,我要食住《鴨王》條水走埠搵錢,內地觀眾對我好熱情,我唔係好介懷……抓我(做出揸胸動作),係直接俾佢哋咁……(再做一次揸胸動作),我擋唔住,但唔怪佢哋,始終唔知佢係邊個,可能佢有背景,所以費事嘈。最多自己努力啲做嘢,請多幾個保安。」袁嘉敏說。登台預咗俾人揸胸,袁嘉敏認為同所謂「應酬」的肉金,有好大分別。「咁又唔係場場俾人揸胸!試過最難受反而係有男人捉住我隻手係咁錫,佢片朱唇、鬍鬚同好濕嘅脷,就真係俾佢嚇親。又試過有個男人用隻手,喺我塊面三百六十度咁摸,我覺得好污糟,但又要撐住上台,我好驚如果對方攞住把刀咁點算,所以我要使錢發洩定驚!(點使錢?)睇樓囉!」

財來有方

袁嘉敏自言靠自己,由山腳爬上太平山頂,但亦有指曾簽約太陽娛樂兩年的她,與公司其中一個股東(太陽娛樂有三個股東)關係非比尋常,有水喉射住,財來有方。直至接拍《鴨王》時,甩拖失碼頭連約都冇再續,對於是否同過太陽娛樂老闆拍拖,袁嘉敏靦覥回應:「冇呀!係冇再續約,其實應該話係轉個合作形式,好似agent咁。公司嘅嘢我唔係好想提,冇需要交代。」

再脫想恭碩良做對手

一脫成名!但拍戲時不被尊重,跟對手何浩文鬧不快,《鴨王》後未有再下一城的袁嘉敏說:「如果再拍,個對手一定要係成熟同粗獷型,仲要有才華,好似喺《殺破狼II》做我老公嘅恭碩良,我好欣賞佢,喺片場時我一直拖住佢隻手。」

劏房走向山頂

現年三十歲的袁嘉敏有三兄妹,父母是雞販,在鐵皮寮屋長大,十三歲留學澳洲墨爾本,靠捧餐賣鞋甚至在餐館洗埋碗供養自己,搞到患上主婦手,半工讀到大學一年級,再冇能力撐下去,被迫回港,其後於香港大學文學院取得文學士。袁嘉敏曾於陳可辛的電影公司做秘書,經吳君如提名參加《2009年度香港小姐》並奪得「最上鏡小姐」,當時她一個人住九龍城劏房。選港姐後,由劏房搬到將軍澳日出康城,為了慳錢,全屋傢俬都是二手貨,半夜收工,由電視城行返屋企的她,不時擔心會遇色魔。12年離開無綫簽約太陽娛樂,袁嘉敏由將軍澳搬到中環蘇豪區,屋企的牆是一手一腳髹,前後六年,上進心強的袁嘉敏便從劏房搬到中環山腳,逐步進駐夢想的山頂地段。

成個童年都失眠

有自己一套的袁嘉敏,拍三級片登台受盡難堪,甚至遭人歧視杯葛,都無阻她向上爬決心。捱過經歷和出身,對她亦有深遠影響。「細個到十一歲住喺鐵皮屋,日曬雨淋,就算死咗都冇人理我哋,覺得係社會上係隱形嘅一群。嗰時對住四面都係鐵皮,啲貓狗行過,樹上啲果實跌落嚟都會好嘈,夜晚根本好難瞓到覺,成個童年我都係失眠。所以自小我就渴望有白色嘅牆圍住我,打風唔使驚,我立志將來要所有鏡頭對住我,燈光完全打喺我身上,因為細個冇人睇到我,到大個要所有人注意我。人望高處係應該,啲人可以住喺度(山頂),點解我唔可以。」袁嘉敏說。

剝得過

因為時間關係,有人會選擇趁後生有樣有身材放手一搏!九十年代三級片當道,不少女星投身三級行列,撈一筆後結婚或轉型,成功例子不少。

嫁富商葉玉卿

為求突破,91年開始連拍幾部三級片,之後鳴金收兵,搖身一變成為無綫司儀、拍戲出碟,大受歡迎。98年與美籍富商胡兆明結婚,移居美國退出娛圈,現時一家五口,住在佔地廿七畝的長島堡壘。

國際化舒淇

舒淇96年被王晶睇中拍《玉蒲團之玉女心經》,再憑《色情男女》升呢攞獎,然後成為影后,逐步邁向國際。

金馬影后李麗珍

突破玉女形象,李麗珍94年裸露拍攝《李麗珍寫真集》及接拍三級片,96年暫退影壇,99年復出拍《千言萬語》成為金馬影后。
鐵皮 屋住 上山 頂樓 忍辱 袁嘉 敏登 登臺 臺任 任抓 抓胸
PermaLink: https://articles.zkiz.com/?id=290784

袁嘉敏打走色狼

1 : GS(14)@2015-06-15 01:08:56

袁嘉敏(Candy)昨日去到柴灣接受now TV的《娛樂審死官》訪問,對於她最近登台經常被人摸犧牲大,Candy透露最近1個月登台8次,她笑言會學自己有份演出,即將上映的《殺破狼II》的精神,打退敵人,Candy說:「我做咗藝人6年,之前都捱過,要抓緊機會。」提到早前流出疑似慾照,Candy說:「因為我冇做過,堅持要話係我嘅,就由得佢哋喺腦海中幻想。」 Candy在電影《鴨王》中的出浴戲讓內地觀眾很深印象,現在有很多浴室用品斟代言,豬籠入水的她構想購置細單位出租,但卻嫌貴說:「香港6、700萬都係得3、400呎,喺澳洲買可能實在啲。」採訪、攝影:張俊銘





來源: http://hk.apple.nextmedia.com/entertainment/art/20150612/19181003
袁嘉 敏打 打走 色狼
PermaLink: https://articles.zkiz.com/?id=290925

袁嘉敏肌男陪拋胸

1 : GS(14)@2016-04-13 17:09:03

■袁嘉敏昨日與男模在街頭拋胸拋肌,肉光四射。


袁嘉敏昨日在銅鑼灣街頭拋胸露背推銷「414樂視買英超送電視機」,身邊還有性感女郎和赤膊型男傍實,令街頭肉光四射,袁嘉敏說:「想春夏性感少布啲,身邊有赤膊靚仔model陪我,感覺幾夾,我已經做足安全措施。」問到跟外籍男友Kenneth的感情時,她即封嘴:「唔方便講佢,1月時大家有共識,佢始終圈外人,除非我哋一齊出席活動先講。」不過她否認情變,指一切正常,只是低調處理感情事。袁嘉敏透露正與ViuTV洽談合作,ViuTV以綜藝為首,問袁嘉敏不怕上節目被糟躓,她說:「我可以玩得好放,大挑戰先好,越激越好玩。」採訪:卓寶花攝影:陳順禎





來源: http://hk.apple.nextmedia.com/entertainment/art/20160413/19568404
袁嘉 敏肌 肌男 男陪 陪拋 拋胸
PermaLink: https://articles.zkiz.com/?id=299231

袁嘉敏購物慾停不了

1 : GS(14)@2016-05-21 18:29:49

袁嘉敏(Candy)自從與外籍男友Kenneth拍拖後,已少行性感,不過早前她出席ViuTV的活動時,曾表示有跟ViuTV洽談合作。雖然她事業強勁,但仍不敵購物慾望。上周她單身到中環濕平,雖然已有一段時間沒有現身幕前,但身形仍然弗爆。她先到Joyce買了一小袋戰利品,之後急急腳行到就近的櫃員機,邊望着手提電話邊按櫃員機,辦完錢銀事務後,她再次行回Joyce店門外等穿梭巴士,雖然她已經買了心頭好,但等車期間仍忍不住作window shopping。採訪、攝影:梁繼光、羅德光





來源: http://hk.apple.nextmedia.com/entertainment/art/20160520/19619617
袁嘉 購物 慾停 不了
PermaLink: https://articles.zkiz.com/?id=300864

馮仁昭四圍超:頂唔順老外換畫袁嘉敏密會金融猛人

1 : GS(14)@2016-06-06 03:03:12

■Candy同金融猛人謝昭平食飯好好傾,食完飯仲一齊落咗老蘭。《壹週刊》圖片








行開性感嘅袁嘉敏(Candy)舊年10月同老外男友Kenneth拍拖,噚日就有報道指女方上月頭已飛甩對方,並指二人從來冇性關係。Candy噚日受訪承認此事,佢話舊愛鍾意當街攬住錫錫,因為咁就出事:「咁條街有人認得我,有次途人攞部電話錄低條片擺上微信。」
Candy又嘆佢一有新聞出街就會同舊愛嘈交:「佢覺得自己係生意人,每次見到報紙雜誌有我哋合照,好緊張叫人繙譯,當佢知報道唔係100%描述得佢啱嘅時候就會好嬲,每次同佢解釋都令到我好攰!」Candy自言保守,同舊愛關係只限攬錫:「我呢方面比較傳統,真係覺得穩定嘅,先會有進一步,我下次揀男友一定揀亞洲人,等訂婚嗰陣先會對外公佈。」甩拖冇耐Candy就被影到同金融界猛人謝昭平撐枱腳,佢就話只係朋友否認戀情。問對方有冇家室?Candy表示:「做朋友唔會問人家庭狀況,不過知佢有小朋友。」



■Candy唔慣Kenneth太熱情,逼於無奈分手。資料圖片

■Candy噚晚又盛裝出動,去咗太古廣場食飯。



再盛裝食飯

噚晚7點45分左右,Candy着得靚靚喺舊山頂道住所離開步出,佢似乎佳人有約,一早已call定的士,所以一落樓就即上車,直駛太古廣場嘅Upper House,佢一入去就問bellboy餐廳位置,之後就上電梯直入餐廳,唔知着得咁靚約咗邊個呢?撰文:馮仁昭





來源: http://hk.apple.nextmedia.com/entertainment/art/20160602/19637096
馮仁 仁昭 四圍 頂唔 唔順 老外 換畫 袁嘉 敏密 密會 金融 猛人
PermaLink: https://articles.zkiz.com/?id=301950

袁嘉敏認鹹濕睇AV

1 : GS(14)@2016-09-18 10:51:55

袁嘉敏(Candy)早前為ViuTV的性趣清談節目《晚吹——啪啪聲,太好聽》做嘉賓,該集今晚11時半播出,並以AV做主題。主持梁梓禧(Roland)問Candy會否考慮拍AV,Candy反問對象是誰,當Roland笑言是自己時,即遭Candy一口拒絕。
Candy承認自己是天蠍座比較鹹濕,求學時曾與男友一起看AV,問到會否接受模仿AV動作?她說:「男友應該先自修,希望男友有天份,如果技術差就要say goodbye。」撰文﹕嵐山




來源: http://hk.apple.nextmedia.com/entertainment/art/20160918/19773739
袁嘉 敏認 認鹹 鹹濕 濕睇 AV
PermaLink: https://articles.zkiz.com/?id=309595

甩拖又冇工開袁嘉敏跪禱半粒鐘

1 : GS(14)@2016-09-25 10:28:19

【心事重重】■袁嘉敏心事重重,直至教堂關門才離開。DV圖片





【中環】現年31歲嘅袁嘉敏,09年獲吳君如提名參選港姐入行,在無綫發展不順的她,豁出去接拍三級片《鴨王》博到盡露點演出。不過為她帶來人氣的卻是她的是非,除與何佩瑜(Jeana)、唐紫睿(Hazel)兩女先後傳不和,何浩文亦點名寸她,就連杜汶澤亦曾在網上加入戰團,留言說:「我懷疑你講緊一條八婆。」



【誠心禱告】■袁嘉敏走到教堂最前排位置跪低祈禱。

【念念有詞】■禱告期間,袁嘉敏一直念念有詞。

【開心吹水】■和朋友傾電話,袁嘉敏才心情轉好。


神情落寞

然而,袁嘉敏全裸演出後,人氣亦返回起點,早前與外籍男友Kenneth分手後,未有工開的她頓變「雙失」,大前日下午約5時,穿貼身粉色衫加透視外套的她,獨個兒由灣仔行去中環聖若翰座堂,神情落寞,途中更先去了一間書局打書釘,大約半小時後再行去旁邊的教堂。



■袁嘉敏和老外男友Kenneth已經分手。資料圖片

關門先走

走入教堂後,袁嘉敏隨即走到最前排位置跪低,然後一直念念有詞祈禱約半小時,直至教堂6時關門才離開。她之後坐在教堂外的長凳發呆,若有所思,其後更拿出電話,從不同角度影教堂的外觀。不過影相期間有電話打入,她突然心情變好,七情上面跟電話中人傾足20分鐘,惟雀躍心情只維持了短時間,掛線後她又再回復木無表情,然後慢慢由中環向灣仔行去。採訪、攝影:陳辰、楊浩賢




來源: http://hk.apple.nextmedia.com/entertainment/art/20160925/19780859
甩拖 拖又 又冇 冇工 工開 袁嘉 敏跪 跪禱 禱半 半粒 粒鐘
PermaLink: https://articles.zkiz.com/?id=309983

Jeana寸「識佢米奇老鼠」阿澤暗嘲袁嘉敏係「猿糞」

1 : GS(14)@2016-09-25 10:28:19

今年31歲嘅袁嘉敏(Candy),參加2009年香港小姐,奪得最上鏡小姐後入行。當年Candy選港姐都叫做有後台o架,提名佢嘅就係影后級人馬吳君如,擁有34D上圍嘅Candy,仲俾君如姐叫做「大波Candy」o添!加入大台後,Candy嘅工作並唔多,主要做吓主持咁,拍劇並唔多,直至11年佢接拍《潛行狙擊》,戲入面做張國強嘅情婦,先開始被人認識。工作亦開始增加,是非亦開始多,好似12年佢就同o靚模許穎(Phoebe)齊為一套動畫電影《神秘之法》配音,兩女就各自話係套動畫嘅主角配音,仲喺旺角宣傳時鬥嘴,火藥味甚濃。之後Candy仲係微博度,暗寸Phoebe叫佢:「醒少少喇!」
Candy之後離開大台埋咗王晶堆,做咗「晶女郎」,Candy亦豁咗出去,接拍三級片《鴨王》,仲要全裸滿出,真係好搏架,唔知係咪搏得制。今次Candy又再同戲中嘅對手鬧不和!首先,佢就同Jeana(何佩瑜),Jeana就以「識佢米奇老鼠」嚟寸爆Candy,之後Hazel(唐紫睿)就話佢成日黑面,咁Candy就即刻喺微博還話有人利用佢做新聞。三個女人都已經一個墟架喇,點知連男主角何浩文(Dominic)都要加埋入去圍攻Candy,令到Candy感到被孤立。Dominic就曾經喺fb到留言:「我真係冇興趣玩埋小學雞遊戲,自己唔知自己咩有問題就問下其他人發生咩事,點解自己被針對。」呢段留言,仲引咗曾經同Candy一齊拍《3D豪情》嘅杜汶澤加入戰團,阿澤留言話:「我懷疑你講緊一條八婆。」之後阿澤仲講到:「其他人同佢,就係佢哋之間嘅猿糞。」令人聯想到呢督「猿糞」就係袁嘉敏。




來源: http://hk.apple.nextmedia.com/entertainment/art/20160925/19781188
Jeana 識佢 米奇 老鼠 阿澤 暗嘲 袁嘉 敏係 猿糞
PermaLink: https://articles.zkiz.com/?id=309984

袁嘉敏失戀病倒入院

1 : GS(14)@2016-09-30 08:09:08

袁嘉敏、李美琪、張立基及黃淑儀等前晚出席電影首映,袁嘉敏收起性感現身,她說:「之前可能太攰,搞到肚又唔舒服,頭又暈又發冷,所以入院瞓咗一晚。」又透露之後會以新人價接拍兩部電影。問她可想找個男伴照顧自己?她笑言:「想請多兩個助手同我斟茶遞水囉!」然後又說:「係有人追,但重創之後要睇定啲,唔想而家拍到聖誕又分手,一年受兩次重創。」此外,牛雜妹李美琪前晚帶着腳傷出席,她透露在日本拍攝game show一個打鬥場面時弄傷左腳舊患,故本來跟一個300磅肥妹打擂台都取消了,經理人指她因禍得福。採訪、攝影:卓寶花




來源: http://hk.apple.nextmedia.com/entertainment/art/20160930/19785841
袁嘉 失戀 病倒 入院
PermaLink: https://articles.zkiz.com/?id=310744

【馮仁昭四圍超】袁嘉敏驚傷面拒格鬥

1 : GS(14)@2016-10-20 08:05:40

袁嘉敏同唐文龍前晚喺銅鑼灣出席《烈探狙擊:誓不回頭》電影特別場,着白色低胸裝嘅袁嘉敏,同着白色T恤嘅唐文龍好合襯,問袁嘉敏同唐文龍有冇發展?佢話:「唔會啦!我成日飛,真係要喺飛機上面識男仔。」問袁嘉敏最近推咗ViuTV真人騷《G-1格鬥會》第二集,佢話:「我好善良,打唔落手,又唔夠其他女人狠,而且我冇整過,傷咗塊面要用錢修復就唔好啦!」撰文:馮仁昭




來源: http://hk.apple.nextmedia.com/entertainment/art/20161020/19806093
馮仁 仁昭 四圍 袁嘉 敏驚 驚傷 傷面 面拒 格鬥
PermaLink: https://articles.zkiz.com/?id=312901

【馮仁昭四圍超】《有倉出租》今站上水袁嘉敏河國榮拍拖走水貨

1 : GS(14)@2016-11-16 05:10:41

九龍灣迷你倉今年6月發生四級大火,導致兩名消防員殉職。意外發生後,港台即時停播以迷你倉作故事背景嘅處境劇《有倉出租》,直至上月24日復播,重播番頭三集。至於河國榮同袁嘉敏孭飛嘅最新一集第四集《漂泊的豬頭》,今晚會喺港台31首播。今集袁嘉敏飾演走水貨豬肉嘅水貨客,河國榮就做貨車司機,兩人因為走水貨而撻着。日前袁嘉敏一身水貨客裝扮同河國榮喺上水站拍攝《有》劇宣傳片,佢哋仲喺站出面唱情歌,夠晒浪漫。



■袁嘉敏劇中因為走水貨而同河國榮撻着。劇照

■河國榮經常幫袁嘉敏搬貨。劇照

■袁嘉敏一身水貨客裝束加埋一部手拉車,入型入格。

開工首日中暑

袁嘉敏話河國榮喺劇度經常幫佢搬貨,所以兩個人產生咗感情。河國榮就話:「我哋都好夾,第一日埋位就要喺貨van後面互相餵對方食飯。其實呢場戲幾難做,因為唔想太老套,想出嚟感覺新啲、得意啲,希望大家睇得出啦。」原來袁嘉敏首日開工已經中暑:「嗰日我哋喺上水拍嘢,要不停搬嘢,加上好曬,搞到我中暑。不過佢(河國榮)好好,我背脊濕晒,佢仲叫我埋去陰涼位置坐吓。」河國榮又大讚袁嘉敏濕
馮仁 仁昭 四圍 有倉 出租 今站 上水 袁嘉 敏河 河國 國榮 拍拖 走水
PermaLink: https://articles.zkiz.com/?id=315684

袁嘉敏食兩男媾黎諾懿五億大舅

1 : GS(14)@2017-05-19 05:27:57

■袁嘉敏曾經嫌Kenneth太熱情而分手,不過日前二人被影到在街頭咀嘴。資料圖片



現年32歲的袁嘉敏(Candy)前年撻着家族做紡織生意、於歐洲開酒店的老外男友Kenneth,二人經常被撞破拍拖行街,更試過被影到在街頭互啜互攬。



■Ivan(右)家族擁逾五億資產,父親李志強(左)是奧華美容公司的投資者。

■黎諾懿表示大舅Ivan與太太的感情很好。


咀到拗腰

去年6月袁嘉敏宣佈回復單身,分手原因是忍受不了Kenneth太熱情,還表示再拍拖會選擇亞洲人。不過,近日有周刊影到袁嘉敏已翻撻Kenneth,二人重演街頭咀嘴畫面,袁嘉敏更被男友錫到拗晒腰,之後又被影到她穿火辣三點式和Kenneth去淺水灣游水。Ivan是黎諾懿老婆李潔瑩胞兄,父親李志強坐擁五億的美容王國生意。


朋友敍舊

惟袁嘉敏翻撻Kenneth之餘,同時被影到約會黎諾懿的已婚「五億」大舅李俊彥(Ivan),女方同樣選在淺水灣會Ivan,之後Ivan以百萬Tesla房車送她返家。袁嘉敏被指左右逢源,自稱身在瑞士的她昨日以短訊回覆本報,提到與Kenneth復合,她說:「保持做朋友,有時大家都在香港,就敍吓舊。」至於黎諾懿被問到大舅Ivan與袁嘉敏在淺水灣約會一事,他表示不清楚Ivan有甚麼朋友,他說:「我唔清楚佢有乜嘢朋友呀,但以我所知係冇嘢啦,佢同太太好好感情!」採訪:王梓嫚、小米




來源: http://hk.apple.nextmedia.com/entertainment/art/20170518/20024449
袁嘉 敏食 食兩 兩男 男媾 媾黎 黎諾 諾懿 懿五 五億 大舅
PermaLink: https://articles.zkiz.com/?id=333545

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019