ZKIZ Archives


中環在線:模擬炒港股7 日賺近倍內地同胞最愛蛟型股 李華華

2010-04-22  AD






 

香港同內地越來 越趨向融合,連炒股都一樣,其實內地股民都對港股有一定認識,咁究竟內地網民鍾意短炒邊一類港股呢?

騰訊(700)旗下騰訊網最近舉辦港股 模擬交易賽,喺初段首7個交易日資料顯示,獲內地股民垂青嘅最重倉股份,都係一啲蚊型股,首推中建科技(261),獲投資股數達31億股;其次係福邦控股 (1041),有14.6億股;第3係杏林醫療(8130),有8.15億股。

捧中建科技福邦杏林

若論股民投資最多嘅港股, 首推就係長實(001),有404位投資者;其次係意馬(585),有333位;第3係杏林醫療,有238位。

個比賽到o依家已經有3萬名 網民參加,到下個月20號結束,每位參賽者網上會有100萬元虛擬投資本金。短短7日成績非常標青,最出眾嘅股民係嚟自北京嘅「學習巴菲特」,至今投資組 合已升值94%;投資港股窩輪組別嘅參賽者仲厲害,回報高達150%,佢就係嚟自貴州嘅「地主3」。

3萬網民參加 各百萬本金

喺 真實世界,揸長線嘅投資者喜好嘅股份同參賽者好唔同。據騰訊證券主編張軍介紹,舊年10月網站提供港交所即時股價資訊服務,每日有成百萬網民瀏覽,而最多 人點擊嘅股份係招行(3968)、國壽(2628)、中移動(941)、中石油(857)、中海油(883)嗰啲巨型中資股,同埋一啲A+H類股份,其實 呢啲都係大家熟悉嘅股份。

李華華

LiWaWa@AppleDaily.com



中環 在線 模擬 港股 日賺 賺近 近倍 內地 同胞 最愛 蛟型 型股 華華
PermaLink: https://articles.zkiz.com/?id=15291

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019