📖 ZKIZ Archives

中環在線： 畀多1000萬　間屋有金執?

1 : GS(14)@2013-01-17 01:10:02

http://hk.apple.nextmedia.com/financeestate/art/20130116/18135445

全城等睇CY今日公佈首份施政報告，睇嚇會唔會有奇招令到樓價回落，讓市民可以上到車，唔使400萬買個200呎單位，但市場一般估計，政府有乜奇招都好難即刻拉低樓價，豪宅市場更加係企到十分硬淨。
早排聽地產代理講，有位仁兄較市價畀多1000萬，買咗九龍塘喇沙利道碧華花園一個單位，當時以為佢吹水，點知噚日見到土地註冊處資料，碧華花園三座9樓一個1742呎單位，真係以3500萬成交，較同類單位新近成交2500萬足足貴成千萬。
碧華花園有三十幾年樓齡，實用率超過九成，出曬名地方見使，仲要有個41校網，仔女要入名校有優勢，難怪買家出手咁豪爽啦。

---

2 : 肥B(18468)@2013-01-18 13:20:37

晤.....正常黎講唔會咁做(比市價高出4成), 我估係有內情的....

---

首日收表反應佳　平均每人認購4至8手退休男抽iBond「為畀多啲家用」

1 : GS(14)@2015-07-22 08:22:30

■新iBond首日認購反應理想，符合市場預期。黃耀興攝


【本報訊】政府6月份通脹上升3.1%，部份消費品價格加幅遠高於此。有退休市民大嘆「乜都加，老婆成日叫我畀多啲家用」，昨入表認購首日發售的第五批通脹掛鈎債券（iBond，4228），以紓緩通脹壓力。綜合市場資訊，單日認購反應理想，符合預期；經銀行認購宗數增兩至六成不等，每人平均認購4至8手。記者：黃珮琳



綜合各銀行統計，iBond認購反應符合預期，作為牽頭行的中銀香港認購宗數按年升38%，認購金額則按年增42%，平均每人認購6手。該行全球市場部副總經理梁偉基表示，認購反應符合該行預期，若往後認購時間能保持此增長速度，料今次吸引逾50萬人認購，而受昨早天雨影響，該行首日經電話及網上認購比例按年升4個百分點，至55%。另今年經交銀香港網上認購的客戶，按年增約24%。



銀行追加免佣優惠


其他銀行方面，大新銀行及永隆銀行首日認購宗數按年均升兩成，而富邦則升逾六成，平均認購手數界乎6至8手。富邦昨日宣佈推出追加優惠，凡於iBond認購期內開立全新證券戶口的客戶，成功認購iBond，並於8月10日至9月11日內沽出，有關佣金費用可獲豁免。匯豐銀行發言人表示，昨日iBond認購宗數及金額都較去年首日顯著增加，iBond孖展申請宗數更有七成增幅，而首日透過網上申請認購的客戶佔整體申請宗數65%。上海商業銀行產品拓展處總監陳志偉指出，該行今年認購人數與去年相若，平均手數由去年約5手減至4手，料市民估反應熱烈降低認購手數，減低成本。他認為首日反應未能作準，因部份投資者會視乎反應，於認購期結束前才決定入飛金額。




有券商錄8,500申請


上月本港通脹率僅3.1%，梁偉基稱，市場估計今批新iBond之息率大約介乎3至4厘，推測首日上市價較去年低，或介乎103至105元，由於首日上市價未必理想，即日沽售之人士或會按年減少（去年經聯交所即日沽售金額達15億元）。券商每年都落力「做好iBond呢份工」，冀吸納客戶日後於證券行買賣股票，賺取佣金收入。綜合10間券商孖展認購iBond情況，首日認購金額錄15.73億元，保守估計有逾3萬人申購iBond，其中耀才首日錄8,500個申請，輝立及信誠分別錄8,400及8,300個認購申請，而耀才及信誠之客戶全數以孖展認購。信誠證券聯席董事張智威指，今年首日認購宗數按年增15%，至8,300人，相信與投資者近日難於股市尋找投資機會，故連回報僅3至4厘的iBond都「唔放過」有關，該行另設回購機制，惟定價將以iBond上市當日的平均價作準，故最終定價將於8月10日掛牌日公佈。




市民對iBond看法

希望派多啲馮先生：「乜都加，老婆成日叫我畀多啲家用，我2011年退休，12年開始年年抽iBond。iBond係長線投資，食息嘛！今次用現金抽5手，希望派多啲。」





抽得多冇用趙小姐：「舊年第一次抽iBond，抽到兩手，今次會抽4至5手，抽得多都冇用，派唔到畀你㗎。」





炒股更好賺陳先生：「1萬銀（iBond）先得4厘息，根本上冇用，我炒股票兩日都賺一千幾百啦。」





來源: http://hk.apple.nextmedia.com/news/art/20150722/19228027

---

財經評論：值得畀多80萬嗎？

1 : GS(14)@2016-08-13 14:49:04

經過上周六屯門新盤豐連狂賣300幾伙，細價樓反彈訊號進一步被確認。之後輪到馬鞍山同樣主打細戶的薈朗搶住開價，明顯想搶截上星期六抽唔到屯門盤一房同開放式單位的客源。不過，屯門豐連最平開放式單位、實用253呎折實197萬元，即「兩球」有找；馬鞍山薈朗221呎開放式戶折實要276.8萬元，賬面計，兩個單位價值差成80萬元。計發展商名氣，薈朗發展商為宏安（1243）；豐連發展商為南豐，坦白講，兩間都唔係香港一線大型財團。兩樓盤的定價可以有咁明顯的差距，關鍵在於地皮成本同埋配套。睇番地價紀錄，南豐是於2014年初以約4.5億元投得豐連地皮，當時樓面呎價僅約2,139元；宏安地產夥拍錦華地產則於同年年中以約7億元投得薈朗地皮，當時買入樓面地皮呎價3,515元，即是麵粉價，宏安比南豐要多付六成成本。地價成本的差異，令南豐開價可以較貼地。宏安開價較進取的原因就是贏了配套。今時今日，10個香港人買樓，10個除了睇價錢外，起碼9個半都會考慮到個樓盤有無鐵路接駁。由薈朗行去馬鐵馬鞍山站，不足7分鐘已到閘口。而且周邊有具規模的新港城中心及馬鞍山廣場，亦有一個小型街市及戲院，基本上衣食住行都可自給自足。至於豐連則要先坐兩個站輕鐵，才可駁到西鐵兆康站，交通上，豐連呢吓已輸咗。購物商場輸得更慘，要坐車去屯門市中心先至有大型商場V city同屯門市廣場，區內只有一個小型的盈豐商場同寶怡商場。等緊上車機會，又或者想買豐連劏房而又抽唔到前籌的閣下，應該要思考一下，到底值唔值得多付80萬去買一個馬鞍山的劏房。記者：黃嘉銘




來源: http://hk.apple.nextmedia.com/financeestate/art/20160812/19732695

---

【iPhone7實試】畀多$1,288另購AirPods無線耳機　破格定有型？

1 : GS(14)@2016-09-09 05:42:54

用家只要輕輕按耳機一下就可聽電話、播放或暫停音樂，兩下即可召喚Siri；如拿下其中一邊的耳機，音樂就會自動暫停，再戴上後就會重新播放。



剛剛發佈的iPhone7新機，跟網民在這數個月看到的傳聞差不多，反而最多人討論的就是新配件──AirPods無線耳機的外形。先不加入戰圈，評論外觀好看與否，現正在現場試機的記者試戴後又覺得實用性如何呢？一如所料，3.5mm手機聽筒位被踢走，從此聽歌跟充電共用Lightning插口。幸好新機除了附送新的Lightning耳機外，還有一個Lightning跟3.5mm轉播，好讓大家沿用舊有的耳機。另一個選擇就是蘋果新設計的AirPods無綫耳機，用起上來相當簡單，把耳機盒放在電話旁，打開盒蓋，手機便自動感應到耳機，按下連接，再按盒上按鍵即可成功配對。而完成一次配對後，其他使用相同Apple ID的裝置就會自動連技，例如iPad和Apple Watch等，非常方便。加上電池盒已備有24小時電量，設計非常小巧，方便攜帶亦不怕容易遺失耳機。那為甚麼耳機下方會呈長條狀，令外形那麼古怪？其實因為長條中內藏了電池和收音咪，讓AirPods可以有體感操作。用家只要輕輕按耳機兩下即可召喚Siri，為你控制音樂、音量或檢查電池用量；如拿下其中一邊的耳機，音樂就會自動暫停，再戴上後就會重新播放，記者試戴後認為非常方便。音色方面，記者表示AirPods相比起舊有的原裝耳機有進步，低音明顯有力，但喇叭的改進更大。iPhone一直都靠機底喇叭發聲，今次新機同時用上了電話聽筒位發聲，加入另一聲道的喇叭，有了左右聲道，播放歌曲清晰有力。
AirPods售價為$1,288記者：韓繼聰、馬朗澄攝影：韓繼聰


記者現場試戴後認為AirPods無綫耳機配對非常方便，一次可連接所有共用相同Apple ID的裝置。

喇叭的改進比耳機更大，除機底喇叭外，同時用上了電話聽筒位發聲，有了左右聲道，播放歌曲清晰有力。



來源: http://hk.apple.nextmedia.com/su ... t/20160909/19764993

---

金發局：盼新特首畀多啲資源

1 : GS(14)@2017-05-17 22:35:31

【明報專訊】金發局由梁振英一手策劃同促成，?家政府即將換屆，好多人都關心金發局嘅未來。但主席查史美倫噚日就話，候任特首林鄭月娥認為金發局有貢獻，會繼續做落去，仲期望金發局喺佢政綱提到嘅「金融領導委員會」中發揮作用。

冀成法定機構 運作更順暢

雖然傳聞話佢係財政司人選之一，但史美倫就話會擔任金發局主席至2019年任期屆滿為止。咁係咪即係角色不變？但史美倫唔希望一切照舊，因為佢唔滿意?家金發局嘅資源太少，呼籲下屆政府要投放多啲資源咁話。

另外，史美倫又向小琴埋怨，金發局過往寫咗唔少報告，提出過好多建議，但政府喺落實方面，似乎效率欠奉。佢又希望金發局可以成為法定機構，「財庫局應該向呢個方向諗」。雖然成為法定機構唔代表工作性質有變，但佢話，至少可以令財政來源更清晰、資源更多同運作更順利。

email: [email protected]

[小琴密語]


來源: http://www.mpfinance.com/fin/dai ... 1076&issue=20170517

---

【新iPhone殺到】想用盡iPhone新快充　要畀多$1,074

1 : GS(14)@2017-09-17 17:38:36

iPhone8、iPhone8 Plus及iPhone X終於登場，先拋開規格、屏幕及設計不說，今年iPhone終於加入快速充電和無線充電功能。當Android陣營充電功率已經到20W、25W甚至更高時，iPhone始終緊守5W，官方稱加入快充功能的iPhone，半小時即可充電50%。可是，無論iPhone8、iPhone8 Plus還是iPhone X，隨機都只附送5W的充電器，要享受快充，還要額外購買配件。



今次也是考驗果迷的忠誠度，如果你是新Macbook的用家，恭喜你，你可以省下買充電器的錢，只需要買一條USB-C轉Lighting的充電線。舊Macbook用家，即還在用MagSafe充電器的用家並不適用。Apple官網29W USB-C充電器盛惠$388，USB-C轉Lighting充電線盛惠$188。



目前Apple有29W、61W、87W三款USB-C充電器。29W充電器售$388。

有USB-C充電器，都要有USB-C轉Lighting線配合，售$188。

Apple已推出副廠無線充電板，售$498。

新iPhone也加入無線充電功能，為對應此功能Apple將於明年推出AirPower無線充電板，屆時iPhone、Apple Watch以及AirPods可在同一地方、同一時間充電。想搶先體驗iPhone的無線充電功能？Apple官網已經新鮮推出兩款無線充電板，售價$498。不過iPhone支援Qi制式，理論上所有支援Qi制式的無線充電板都能使用，可在其他渠道購買多省點錢。要完整體驗新iPhone的快速充電和無線充電功能，起碼要額外購買大功率充電器、新充電線以及無線充電板，總共要$1,074才能完整體驗iPhone新的充電功能。文：梁志穎2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170915/20153151

---

【人人試iPhoneX】旺角擺檔畀人試　分析員：早一晚都值畀多$3000

1 : GS(14)@2017-11-05 17:38:09

Gadget Guy喺旺角街頭擺好檔等大家試機！

呢兩日不停睇住iPhone X試機片嘅你應該蠢蠢欲動了吧！2/112pm未夠，喺iPhone X還未出貨之時，「人人試玩iPhone X」專車已經落到旺角西洋菜街銀行中心附近，幾位Gadget Guy就地擺檔準備畀大家一齊試玩iPhone X，先達分析員亦Simon亦有到場，一摸上手表示手感唔錯，評分都有7.5-8分，咁又覺得值唔值炒價萬幾蚊呢？


「睇下有幾心急，蘋果好多fans的，有啲fans可能會覺得早一晚都值$3000。」另一位分析員阿基同場表示，今日收機價已開始跌，因傳聞內地貨量不少，唔想收香港機。另外大家同樣關心的是，如果唔小心跌爆芒，iPhone X換芒會唔會好貴呢？阿基估計，首個月換芒的話費用大約要$3000，玻璃機背也要$1500。睇嚟大家真係要小心拎實部機嘞！記者：韓繼聰、朱崇德、司徒港燊



來源: https://hk.lifestyle.appledaily. ... e/20171103/20202621

---