ZKIZ Archives


上節目收公仔無綫藝員白做

2010-06-3  NM





為緊縮開支,無綫不斷向旗下藝員 開刀。繼之前爆出無綫藝員拍攝賀歲電影《七十二家租客》無錢收,只得一封寫上「無言感激」字句的利是後;近日又有新招出籠,由去年開始,藝員上綜藝遊戲節 目,包括《正識第一》、《千奇百趣》等,都不再計騷,騷錢變利是,「一百」、「三百」或「五百」三級制。

不過,近日無綫再有慳皮新招推出, 據知有藝員做《都市閒情》、《大廚出馬》、《為食總司令》等節目嘉賓,只得一個值68元的TV Buddy公仔,利是都cut埋,等同白做!利是三級制

新 人事新作風,無綫近年大幅減省製作開支,除了將每個電視劇製作成本調低,週日停廠等,連藝員騷錢亦唔放過。

由去年開始,藝員上無綫綜藝遊戲 節目,已不像往昔可以計騷錢,取而代之是一封「一百」、「三百」或「五百」元的利是(按年資及當紅程度區分)。

「啲藝員真係好慘,得嗰幾百 蚊,連車錢都蝕埋,雖然大家都好唔忿氣,覺得俾公司搵笨,但佢哋又唔敢出聲,怕會俾公司處分,唔俾job佢哋做!其實咁簽合約嚟做乜啫?合約訂明每做一項工作即使不足半小時,都有一 個騷錢計。好似阿佘、陳豪呢啲一線藝員,一個騷有成八千至一萬,胡杏兒、黃宗澤都有五、六千啦,即使葉翠翠陸詩韻呢啲姐仔,亦有大約兩千蚊一個騷,利是當 騷錢,無綫好識計!」知情者說。

風頭火勢

不過,自今年初無綫電視總經理陳 志雲捲入貪污案被廉署拘捕,公司不少藝人及員工亦被廉署安排問話協助調查,為免節外生 枝,無綫一度恢復舊制,依合約計騷錢。

「好似《千奇百趣》第二輯咁,因為撞啱陳總出事之後推出,嗰段時間風頭火勢,無綫唔想俾人攞嚟做話 柄,所以上節目嘅藝人全部有騷錢,做半個鐘就計一個騷錢,收得好足!」一名工作人員說。

但敏感期一過,無綫又打回原形,慳錢方針還變本加 厲,連利是都cut埋!

「依家藝員上《都市閒情》的訪問,或者其他綜藝節目好似《大廚出馬》、《為食總司令》客串試食咁,都只係得一個供內 部員工認購,售價六十八蚊嘅TV Buddy公仔做紀念,公仔當人工,同做義工冇分別。」知情者說。



節目 公仔 藝員 白做
PermaLink: https://articles.zkiz.com/?id=15924

爽視彈:無綫藝員荒 朱國亮

1 : GS(14)@2013-03-30 23:22:28

http://www.sharpdaily.hk/article/entertain/20130114/167990
電視大戰如箭在弦,今日開始同大家一齊睇電視彈電視。
《幸福摩天輪》結局了,韓馬利同乖仔陳智燊相認後雖然去世,但這星期又可以在《法網狙擊》「復活」照顧另一個仔「波地SIR」森美。其實劇集演員重複出現不奇怪,只是這次人物角色身份橋段都jam晒就比較突兀,明顯是節目部安排失當。
我那年紀還未算太老邁的媽媽看電視時都搞錯,忍唔住指着熒光幕問:「佢(呂珊)個女係鍾嘉欣定陳敏之?」
我同阿媽解釋:「咁佢(呂珊)有兩個女,做唔同工作,一個做社工(鍾嘉欣)幫人搵親人,一個做差人(陳敏之)捉賊,不過佢地返工時間唔同,社工返8點半,差人返9點半,咁得唔得?」
常說無綫欠缺花旦小生,經王維基一搶,即時鬧藝員荒,年輕的甘草的都不足夠,新晉演員如陳智燊也多了上位機會,不過《東張西望》形容他是「新師奶殺手」,卻未免太太太天真了!
朱國亮
逢一、三、五
爽視 視彈 藝員 朱國 國亮
PermaLink: https://articles.zkiz.com/?id=282453

爽視彈:藝員晒冷 暴露缺點 朱國亮

1 : GS(14)@2013-05-24 09:31:35

http://www.sharpdaily.hk/article ... %E7%BC%BA%E9%BB%9E/
無綫罕有停廠,300藝員大晒冷,公布投得2014年巴西世界盃轉播權。藝員盡出反而暴露缺點,陳豪謝天華冇到,傳聞不續約,第一排當紅男藝人,黎耀祥已遭滑鐵盧,未來孭飛的會是馬國明?抑或捧極唔得的黃宗澤?如果林峯娶老婆返屋企做生意,誰能擔旗?女的陳法拉楊怡也失了蹤,田蕊妮升呢站頭排,往後莫非真要押注香香或翠如BB?淪落今日,六嬸的「慳家」政策有很大責任,六叔是天才,識見非常人能及,六嬸勉強接手令製作質素走下坡,現在賣盤後才「病發」,陳國強面對的不僅是內憂,還有外患。藝人出走,製作水準低迷,都是錢作怪,既然可花四億播世界盃,以無綫去年賺逾17億計,十個巴仙已是億七,足以支付幾齣省招牌的中篇劇製作費,是時候改革迎敵了!
爽視 視彈 藝員 曬冷 暴露 缺點 朱國 國亮
PermaLink: https://articles.zkiz.com/?id=282950

綠葉李國麟北上密做男一嘆無綫糟蹋藝員

1 : GS(14)@2017-01-14 07:54:29

■綠葉王李國麟在無綫40多年,他大嘆公司糟蹋有料演員。資料圖片



現年61歲的李國麟,雖然四十多年來在無綫盡是做綠葉,但在內地卻獲賞識擔正男一。近日內地播映的網劇《超能少年三部曲之宿命之戰》,連宣傳海報也用他做主相,李國麟笑謂:「係TVB啲poster唔係好預我咋嘛。」他又慨嘆無綫安排曳,一個演員經常出現在三線劇,令觀眾睇到混淆,他說:「作為一個擁有龐大財產嘅公司,係糟蹋咗。」



無綫「綠葉王」李國麟於74年加盟無綫以來演過逾百部劇集,忠奸角、搞笑角色無一不曉,獨是未有機會擔正做男主角。相反,李國麟近年在內地卻吃得開,不時有機會擔正做男主角,本月9日首播的內地網劇《超能少年三部曲之宿命之戰》,便由李國麟做男一,夥拍曾偉權和黃榕等演出,而該劇海報,便見他的大頭相佔了三分一之多。



■李國麟在內地網劇《超能少年三部曲之宿命之戰》擔正做男主角。微博圖片

■李國麟北上發展甚為吃香,早前有份拍攝劇集《狩魔傳》。微博圖片

■李國麟與太太Angel於02年誕下囡囡沅薐,現時他仍要努力搵錢供書教學。資料圖片


「TVB安排好曳」

對於網劇海報由自己做主相,李國麟日前笑說:「係咩?咁畀面呀!」問是否首次擔正做主角?他笑謂:「唔係,上面都幾密吓,係TVB啲poster唔係好預我咋嘛。」李國麟指《超》劇開播當日於深圳舉行發佈會,自己因忙拍無綫劇而未能抽空出席:「?家開緊3部劇,殺到2月幾又開《溏心風暴3》,因為公司真係唔係幾夠人,得嗰幾百個演員,係用得嘅大家都知邊啲,但我又見過有啲有質素、唔曳嘅演員幾個月冇嘢做,最高紀錄8個月都有,我都唔知點解。」李國麟在無綫還有幾部劇拍好未出街,加埋現時開拍的3部及即將開拍的劇集,豈不是隨時於黃金時段三線劇都會見到他出現?李國麟說:「係,TVB安排好曳,大家有留意,一個演員如果幾重戲,隨時會令觀眾睇到混淆,我以一個觀眾立場就覺得好有問題,作為一個擁有龐大財產嘅公司,係糟蹋咗。」儘管慨嘆無綫糟蹋資源,李國麟也有為無綫講好說話:「好多人話TVB啲劇唔得,編劇日日都『屙』,乜都乾晒,唔怪得佢哋。喺TVB有名未必有利,但唔明點解要鬧,TVB畀唔到我做重要角色,都有閒角畀我做,糧期準,養咗我幾十年,超碼畀到我一頭家,畀到我安全感。」



■李國麟由醉心練武的鳩摩智,到奸到出汁、獲台慶頒獎禮提名男配角獎的馬元贄,他也能刻畫得很到位。






4月約滿冇人理

今年4月李國麟將約滿無綫,至今仍未有人找他傾續約,問可感到擔心?他說:「佢哋好『他他條』嘅,始終香港得一個台,你唔做,做邊個呢?」對於去留問題,李國麟表示要視乎對方開出的條件,但他似乎不大樂觀:「我去年都想唔續,但冇TVB冇今日嘅我,亦冇內地市場,TVB畀我感覺係好需要我呢類演員,我都唔想離鄉別井。但我又覺得今年條件都唔係幾好,好似話公司賺少咗,咁都要向股東交代,我好明白要維持盈利,增加唔到咁梗係要向我哋開刀啦。」若續約不成可有其他打算?李國麟說:「咪打游擊囉,冇話驚唔驚㗎喇。」採訪:嵐山




來源: http://hk.apple.nextmedia.com/entertainment/art/20170113/19894820
綠葉 李國 國麟 北上 密做 做男 男一 一嘆 嘆無 糟蹋 藝員
PermaLink: https://articles.zkiz.com/?id=322507

《蘭花劫》重溫離世藝員陳鴻烈中氣十足 曾守明兩頰豐滿

1 : GS(14)@2017-05-21 13:17:35

大台以一齣舊劇《蘭花劫》接手黃金黃金時段,十年人事幾翻新,一眾演員身份轉變,陳錦鴻、唐寧已離巢;田蕊妮已貴為視后;胡定欣十年前仍然是配角。劇集重見天日,演員再次宣傳,連陳錦鴻都俾足面為大台宣傳。可惜,不是每位演員都有幸目睹劇集由收費台轉到免費台重播,當中有演員已經在十年內離世,包括09年在拍攝期間應該係猝死的陳鴻烈、今年2月因皮肌炎導致肺部衰竭致死的魯芬、上月在廣州登台暈倒後不治的曾守明。翻睇《蘭花劫》,飾演監獄長的陳鴻烈精神奕奕,戲份亦多,與陳錦鴻有不少對手戲,說話中氣十足。至於魯芬則演死囚,角色依舊饞嘴。變化最大的是上月過身的曾守明,對比最後一次登台時與歐瑞偉、鄭家生合照,曾守明兩邊面頰仍然豐滿、下巴有肉。




來源: http://hk.apple.nextmedia.com/entertainment/art/20170521/20028374
蘭花 重溫 離世 藝員 陳鴻 烈中 中氣 十足 曾守 守明 明兩 兩頰 豐滿
PermaLink: https://articles.zkiz.com/?id=333889

藝員投身地產界賺夠首期

1 : GS(14)@2017-06-18 11:09:22

【本報訊】今年新盤售樓處萬人空巷,大眾爭崩頭,有買家抽中前籌難掩興奮地形容「好似咗中六合彩咁」。入市者的觀點大可歸納為3大信條:物業供不應求長遠升值、低息環境供樓壓力輕、自住樓不怕跌。80後首置客許明志(Archie,圖),4月時以約680萬元購買保利置業(119)啟德新盤龍譽一個一房戶。


「自住唔使諗咁多」

無父幹的Archie置業路非坦途,回歸後投考大台藝員訓練班,順理成章加入演藝界,曾經轉會香港電視(1137)參演《警界線》。星途不順,輾轉到2015年初加入地產代理行列,捱過頭3個月「無單開、咬老底」的艱苦時光,至今促成多宗大額成交賺夠首期。「以前做幕前都幾被動,要等電話又唔係成日返工,個人冇咁積極。做代理雖然精神壓力大、工時長,但有番主動權喺手。」Archie形容兩種職業分別。
Archie憶起身邊朋友數年前置業被形容為高位入市,如今回望頓成低價撈貨,「呢刻你買樓會覺得『嘩好貴、破頂呀』咁,但自住唔使諗咁多啦,因為你唔會住三、五年就走,起碼住番十年八年」。另一個回歸前後樓差異在於按揭息口,「97年嗰時爸爸供緊樓,利息係十幾厘,見到佢辛苦」。Archie眼中1997與2017年分別還在於炒家絕迹,「?家(SSD)點都要綁你3年,97嗰時,今日買完、過幾日摸貨就賺幾十萬」。■記者陳東陽



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170618/20059478
藝員 投身 地產界 地產 賺夠 首期
PermaLink: https://articles.zkiz.com/?id=335699

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019