【馮仁昭四圍超】老公開騷鬥肉麻 楊洛婷速遞肉嘴
1 :
GS(14)@2016-09-06 04:42:10楊洛婷
樂隊Dear Jane前晚喺九展舉行一連兩場演唱會,吳業坤同自封Dear John新組合嘅衛蘭、衛詩、連詩雅、新人曾若華(Jude)做嘉賓,捧場睇騷就有Super Girls、袁澧林等。Dear Jane主音阿Tim個老婆楊洛婷絕對係癡心fans,除咗高舉示愛牌之外,中場仲走埋台邊送花獻肉嘴,當然呢啲只有阿Tim獨享。完騷後兩公婆又肉緊抱抱,肉麻到呢……
■老公阿Tim台上耍冧招,楊洛婷high到走去台邊送花兼錫錫。
■Dear Jane前晚喺九展舉行一連兩場演唱會。
扮城城氹老婆
阿Tim唱老婆嘅男神郭富城首《狂野之城》時,仲扮埋城城跳舞,耍冧招高呼:「老婆,I love you!」晒恩愛。坤哥着住皮背心扮到好rock咁出場,戴住一邊有假紋身嘅手袖,但就俾Dear Jane笑係1984年造型兼玩踢爆話:「坤哥要求啲衫要自己襯過,可以揀得靚啲,估唔到襯到咁。」完騷之後,阿Tim講到氹到老婆勁開心:「係咁易啦!我睇咗城城嘅演唱會,偷少少師用嚟表演。」佢又笑坤哥個造型遲咗30年:「坤哥好好笑,着之前影咗相畀我哋睇,估唔到咁好笑,現場見到佢上台個吓,都差的甩bit。」另外,衛蘭、衛詩姊妹同Jude話佢哋以後會用呢個形式繼續唱。撰文:馮仁昭
來源:
http://hk.apple.nextmedia.com/entertainment/art/20160905/19760028
爆老公Tim自覺好勁楊洛婷陀雞B 肥10磅
1 :
GS(14)@2017-04-17 07:20:07■楊洛婷昨趁復活節報喜,宣佈為老公Tim懷孕4個月,一屋三隻「雞」。互聯網圖片
現年35歲的03年港姐亞軍楊洛婷,昨日趁復活節在社交網宣佈懷孕4個月,跟樂隊Dear Jane的主音黃天翱(Tim)婚後兩年多終於成功造人!楊洛婷在電話說:「好興奮,因為我同Tim都係雞仔,一直想生雞仔,屋企就會有三隻雞仔,預產期係9月尾、10月頭。」
臨上機知中獎
之前心急懷孕的楊洛婷,獲朋友推介不同姿勢,曾坦言:「我哋喺屋企條樓梯試擺嗰啲姿勢,應該會high啲。」問到今次成功受孕是否試了很多體位?她笑說:「最後邊個位,呢樣問番我老公,我唔記得咗,佢覺得自己好勁,哈哈哈!我哋結婚兩年,好多謝個天畀雞仔我哋。」腹中胎兒是否囝囝?她說:「我哋暫時會保持驚喜,遲啲再講。」
■楊洛婷和Tim結婚兩年多,為生B向朋友取經求百發百中姿勢。資料圖片
■楊洛婷是前港姐亞軍,樣靚身材正,懷孕至今肥了10磅。資料圖片
■努力搵奶粉錢的Tim(左),日前和Dear Jane隊友在廣州出席活動。互聯網圖片
原來楊洛婷最初用驗孕棒中空寶,後來知道「中獎」後驚喜若狂:「有咗嗰個月冇諗過得,我仲plan咗去旅行返加拿大,去之前因為月經未到,自己喺屋企用驗孕棒話冇,我都好放心,但諗吓都係唔好,始終月經遲咗去驗血好啲。嗰日排緊隊上機,收到姑娘打電話嚟:『楊小姐,恭喜你,你有咗!』我話:『吓!仲飛唔飛得㗎?』好似發緊夢,即刻call老公,佢都唔係好相信,因為check驗孕棒唔係,原來已經有咗4、5星期。」
每周針灸養胎
準媽媽楊洛婷表示懷孕後重了10磅:「因為我個肚好大,好多工作要推,好多衫着唔到。」問有冇孕吐?她說:「冇呀,冇任何唔舒服,食得好瞓得好,所以肥咗好多,而且我每星期睇中醫針灸養胎。」問到想開刀還是順產?楊洛婷說:「我想順產,但好多嘢未諗,我哋乜都未買,除咗買咗好多靚嘅孕婦衫,醫院都未book,我哋比較懶,同埋老公都好忙,冇乜時間陪我,自己成日坐屋企,佢叫我做吉祥物,佢忙於搵多啲奶粉錢,我冇乜所謂。」採訪:皓騫
來源:
http://hk.apple.nextmedia.com/entertainment/art/20170417/19992072
楊洛婷直播生B嚇親老公
1 :
GS(14)@2017-06-18 11:18:11■楊洛婷和Tim的首個愛情結晶品將於10月出世。
Dear Jane主音黃天翱(Tim)和楊洛婷的BB將於今年10月出世,二人日前受訪,問到準備如何時,即將為人父的Tim說:「其實係有好多嘢要準備,但又唔知要準備啲乜,冇嘢係會準備得晒,輕鬆心態,會令我同老婆生活會加添精采。」
■即將當爸媽的楊洛婷和Tim,四出搜購BB用品。
原來此刻BB房仍擺滿雜物,Tim說:「我見佢(楊格婷)執咗幾百條裙出嚟好唔捨得,冇辦法,香港地方細,逼住要間房,其實?家開始慢慢會諗點樣佈置。」楊洛婷表示想經歷做媽媽的十級痛:「我諗住順產,好想facebook live,拍低過程,等老公呢一世都會記住我幾偉大!」Tim聞言即被嚇窒說:「我諗我睇過一次都會一世記住,唔需要再翻睇個video。」採訪:楊潔雯攝影:林德雄場地提供:Silver Cross
來源:
http://hk.apple.nextmedia.com/entertainment/art/20170618/20059449
Next Page