ZKIZ Archives


發哥賭神2015版「朋友,你返印度食蕉啦」

1 : GS(14)@2015-03-19 08:59:44






Alex Li:發哥,我知你肯定婉拒,但我都係要問:不如參選下屆特首啦,好唔好?

發哥:咁你即係推我去深淵~愛我就畀我做神仙啦~




the pancakes:發哥,有個儍婆作咗首《給發哥的歌》,請問你有沒有聽過?識唔識唱一兩句咁?如果在街上遇到那個儍婆,你是否願意和她一齊跳起yeah咁合照?謝謝,祝你和發嫂快樂和身體健康。

發哥:你呀~真係令我變皇上皇啦!有人作歌畀我,下次同你一路鋸pancake一路影相!多謝你多謝你!




Joan Kwan:發哥你有冇同周太行山拍拖?

發哥:點會呢~周太日理萬機㗎!



洪泳海:請發哥聯絡嘟姐!

發哥:你咩意思呀!post啲咁嘅相!!!








Fion Man:發哥同發嫂一齊咁多年都咁恩愛,請問有咩相處之道分享吓呢?


發哥:食多啲阿膠加蜜糖~



Louis Lee:發哥,可唔可以即場演繹吓「朋友,你返去印度食蕉啦!」

發哥:留意之後睇片,睇住圖先。








Bo Cheung:發哥,我就考DSE喇,可唔可以同我講聲加油?

發哥:加油啦!




Kin Fai Chap:發哥,小弟最近失業,諸事不順,想請問有乜方法,面對逆境?

發哥:睇吓電視,做吓運動都會令人開心啲,最緊要有好身體,先應付到不同工種。




Don Tam:發哥,有冇時間上嚟我屋企食餐便飯?

發哥:有啲挑戰性喎~你煮咩畀我食先?




陳子杰:發哥對大財團同街坊舖有咩睇法?

發哥:唉……




Dennis Pang:發哥,發哥,點解你咁靚仔?

發哥:問我媽媽~




Samuel Ng:發哥,我想問吓你幾時可以做番爛口發?

發哥:《賭城風雲Ⅱ》咪有囉!快啲睇番!




Eri Ho:發哥,今晚食乜餸呀?

發哥:今晚都係青菜~




Lawrence Wong:發哥!你曾經演過角色中哪一個最喜歡呀?

發哥:我好多角色都鍾意㗎,好多角色我都做得開心㗎,冇壓力又好玩。



Emma Lee:發哥,成日畀人捕獲,會唔會有時都感到好困擾呀?當然好感謝你停低同我哋影相啦!

發哥:我都不知幾想同大家影相~呢度係飛鵝山!








Chan Chi Ka:請問發哥信唔信星座?

發哥:星座……玩吓幾好玩,當有唔開心、有問題解決唔到,某程度上星座係可以令人釋懷。




Enoch Lam:發哥有冇宗教信仰?

發哥:我覺得宗教係因人而異。我鍾意佛學,但唔係一種信仰。




Vivian Lau:發哥幾時來馬來西亞?

發哥:我好鍾意馬來西亞~五、六、七月都有機會去檳城食吓榴槤~馬來西亞嘅榴槤好食,苦但好食!




Fanny Lui:發哥,其實你拍咁多套戲,你自己有咩角色係你最想做的?

發哥:梗係做啞佬啦~唔使記對白嘛!




Charlotte Chan:發哥點解唔試吓開演唱會呢?期待!

發哥:嗰個老細會……一張飛都賣唔到㗎~我唱歌……我老婆聽聽吓都會嚇醒!




Yman Cheung:發哥,你個頭邊度恤?

發哥:仲講「恤」頭……我係開工先有人同我整頭,平時就唔會特登整㗎!



鄧簡文:發哥你好,我叫鄧簡文,很多香港人都希望你能做特首,請問你會考慮參加2017年行政長官選舉嗎?另外,你覺得我似肥版的你嗎?

發哥:你英俊好多~







來源: http://hk.apple.nextmedia.com/entertainment/art/20150319/19082263
發哥 賭神 2015 朋友 你返 印度 食蕉 蕉啦
PermaLink: https://articles.zkiz.com/?id=288679

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019