ZKIZ Archives


喪愛蒲咀仔 Danielle形象插水避走大馬

1 : GS(14)@2017-02-05 10:48:28

現年37歲嘅Danielle Graham,係愛爾蘭、中國、馬來西亞嘅混血兒,喺在學期間已經做兼職模特兒,當佢喺澳洲完成學業後,更轉為全職模特兒,正式來港發展。Danielle憑住靚樣,成為某護膚品品牌代言人,廣告代言越拍越多,人氣急升,更有「翻版關之琳」之稱;Danielle喺01年同香港模特兒界前輩琦琦、馬詩慧等,齊齊獲選為「十大模特兒」。
Danielle之後更簽約王家衛,正進大銀幕拍電影,喺娛圈大展拳腳,處女作係同謝霆鋒合演《異靈靈異》,可惜佢經常被拍到去夜蒲煲煙照,更喺02年捲入羅兆輝慾照事件,令其形象插水,星途暗淡嘅Danielle其後避走返大馬。到09年,Danielle同吉隆坡銀行界才俊Patrick結婚,有消息指佢當年身穿100萬元vintage婚紗出嫁,加上豪花300萬於當五星級酒店設婚宴,以及包下數十名親友嘅機票酒店同食宿,有指當年婚禮費用高達500萬元。婚後二子育有一對子女Sophia及Benjamin。可惜呢段婚姻都係唔長久,舊年Danielle承認正與Patrick辦理離婚手續,佢透露因兩人性格不合,自己好「鬼妹」,但老公太傳統,仲形容離婚係人生低潮,但佢現時已積極發展事業,更喺舊年10月推出烹飪書,有個美好新開始。(新聞連結: http://bit.ly/2kK6Zg0




來源: http://hk.apple.nextmedia.com/entertainment/art/20170204/19917731
喪愛 愛蒲 蒲咀 咀仔 Danielle 形象 插水 水避 避走 大馬
PermaLink: https://articles.zkiz.com/?id=325427

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019