ZKIZ Archives


中環在線:洪良董事跳船遲1個月公佈 李華華



2010-8-3  AD



 

早排證監會出咗個報告,話今年第一季超過八成嘅上市申請質素有問題。無他,近呢年上市嘅部份新股質素認真麻麻哋,最經典莫過於洪良(946),舊年平安夜先掛牌,唔夠3個月就被人「拉人兼封舖」,證監講明話佢誇大財政,上門搜佢Office兼停佢牌。

之後仲爆埋洪良嘅核數師畢馬威旗下有個經理想用10萬銀收買下屬齊齊篤數,單case搞到o依家都未審完。發生咁多事,洪良嗰邊都冇咩聲氣,華華真係懷疑佢哋個董事會係咪仲function緊。

話說公司噚日公佈,執行董事胡金淑因為「私人原因」決定唔撈,6月24日開始生效,係公司出事後首個董事跳船。8月都開始咗幾日啦,足足遲成個幾月先公佈,唔通公司停咗牌,做嘢都慢啲呢可?

李華華



中環 在線 洪良 董事 跳船 船遲 個月 公佈 華華
PermaLink: https://articles.zkiz.com/?id=17210

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019