ZKIZ Archives


婚外情傳聞女粉絲傷心中環在線:鄧聲興轉工冲喜 李華華

2008-10-23  AppleDaily

雖 則話經濟差咗,搵工跳槽冇咁易,但似乎對財圈股評人冇乜影響。近排股評人開始玩新一輪嘅音樂椅遊戲,10月頭,股評界型男郭思治就高調開party返新 工,由平和證券過檔耀才;最近,中環金融圈就傳出靚仔股評人鄧聲興(Kenny)亦都跳槽,華華梗要第一時間打電話畀當事人,問清楚傳聞堅定流?結果── 消息屬實!

唔再紙上談兵

Kenny喺電話度向華華證實咗佢會轉工,咁究竟過檔邊間公司呢?Kenny話暫時唔方便透露,因為 仲搞緊牌照問題,要遲吓先可以向外公佈喎。不過,佢都同華華露咗少少口風,話嚟緊嘅新工作,唔單止會睇實研究部,仲負責埋資產管理,即係發揮嘅機會多啲咁 話。Kenny喺東泰證券打咗8、9年工,喺研究部打骰,主要做公司分析,畀投資意見,咁畀意見幾時都容易過自己做嘅。家吓佢份新工要掂埋資產管理,可以 落手落腳炒埋一份,即係話,佢唔再係紙上談兵,直頭上埋前線作戰。

自己落手投資

股市o依家通街都係平貨,除咗睇你有冇膽識 買,都要睇吓有冇眼光,咁講到公司分析,以Kenny喺研究部做咗咁多年,可謂駕輕就熟。之不過,家陣人心不穩,隨時一個壞消息傳出,市場就哄一聲散貨, 完全唔理基本因素,所以今次對Kenny嚟講,都係一個挑戰。早幾個月前鄧聲興傳出婚外情,俾周刊影到佢背住老婆,同一位財經女公關拍拖,搞到乖仔形象蕩 然無存,傷透唔少師奶女粉絲嘅心。家吓佢轉工跳槽,絕對係冲喜,正所謂舊嘅唔去,新嘅點會嚟呢?至於仲會唔會有股評人起身?下一個輪到邊個?大家估吓啦! 李華華LiWaWa@AppleDaily.com
婚外情 婚外 傳聞 粉絲 傷心 中環 在線 鄧聲 聲興 興轉 轉工 沖喜 華華
PermaLink: https://articles.zkiz.com/?id=2801

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019