ZKIZ Archives


收集大新系等待倍升(一) 市場先生自語

http://mrmarketofhk.blogspot.com/2011/10/blog-post_18.html

記憶之中, 每隔一段時候本地銀行股便有私有化或收購消息或傳聞, 吸引市場人士追逐尋寶遊戲而推高一眾"買少見少"的本地銀行股股價. 然後, 隨著尋寶熱冷卻, 本地銀行股的股價也漸漸回落. 這個循環模式每隔一段時間就重複一次. 筆者認為與其等到本地銀行股有異動才去高追, 不如趁市場情緒冷淡, 股價低迷時收集本地銀行股, 然後耐心等待下一次尋寶遊戲的到來. 於投資市場追逐潮流通常最終反被潮流拋棄, "人棄我取, 人取我棄"反而才是致勝之道. 筆者認為大新系, 包括440大新金融以及2356大新銀行, 以執筆之時的股價21.55元以及7.37元計算, 未來穫得一倍回報率的機會很高, 當然, 需要一些耐性. 仍然是那一句, "夠韌, 就有驚喜".

大新銀行截至今年6月底上半年股東應佔溢利5.58億元, 同比增長10.1%, 每股基本以及攤薄盈利均為0.46元. 當中, 聯營公司重慶銀行為集團貢獻稅前利潤高達1.55億元, 同比大增47.15%. 不過, 銀行股和保險股一樣, 經營表現不能單單只看當期損益表, 還要看主要構成是可供出售證券的其他綜合收益(OCI), 期內集團扣除稅項後的其他綜合收益為1.99億元, 按年下跌9.97%. 平均總資產回報率由去年同期的0.9%下跌至0.8%, 平均股東資金回報率也由9.1%下跌至7.6%. 集團已經於9月21日派發中期息每股0.08元, 每股資產淨值則大約為11.48元.

期內淨利息收入按年微跌2.5%至9.71億元, 筆者留意到集團利息支出大增87.4%, 遠超過利息收入的增幅(18.2%). 同業存款競爭加劇, 存款定期化相信是利息支出大增的主要原因, 定期存款佔比由去年底的70.7%上升至74.5%. 淨息差由去年同期的1.87%大跌35個基點至1.52%. 淨服務費及佣金收入則按年增長10.7%至2.04億元. 當中, 信用卡業務收入增加1724.6萬元. 集團持續致力發展財富管理業務, 證券經紀及投資服務佣金增加1634.4萬元, 零售投資基金及受託業務收入增加1260.6萬元. (待續)

收集 大新 等待 倍升 市場 先生 自語
PermaLink: https://articles.zkiz.com/?id=28709

收集大新系等待倍升(二) 市場先生自語

http://mrmarketofhk.blogspot.com/2011/10/blog-post_25.html

此外, 自營交易轉虧為盈, 淨買賣收入有1.04億元. 當中, 表現最出色的是外匯買賣, 相關淨收益增加1409萬元, 交易證券組合以及買賣用途的衍生工具組合則由去年虧損7,968萬元轉為盈利385.4萬元. 營運支出按年增加13.8%至7.33億元, 主要原因是受通貨膨脹以及業務推廣影響, 導致僱員薪酬及福利支出大增7,011萬元或18.74%, 成本對收入比率因而由去年同期的54.4%上升至56.6%.

值得關注的是貸款減值虧損及其他信貸撥備按年大增145.5%至8,543萬元, 當中, 個別減損撥備由去年的回撥1,226萬元轉為淨支出1.03億元, 主要和商業銀行業務的一些不良貸款有關. 截至6月底, 集團客戶貸款總額為812.57億元, 減值貸款餘額則較去年底大增2.21億元或1.21倍至4.03億元. 減值貸款比率因而由去年底的0.25%大升至0.5%. 貸款減值儲備(LLR)則較去年底增加12.42%至4.45億元, 撥備覆蓋率由去年底的217%下降至110%. 受抵押品保障的比率亦由去年底的78.8%下降至77%, 顯示承受的信貸風險有惡化趨向.

截至6月底集團核心資本為97.45億元, 較去年底增加12.64億元, 主要受惠於保留盈利以及供股籌集增加的股本, 核心一級資本充足比率由去年底的10.2%提升至10.9%. 至於總資本充足比率則去年底的16.3%下跌至15.6%, 主要原因是集團於期內全數贖回及償還一筆總值1.5億美元的次級債務.

本地銀行面對的挑戰包括資金與經營成本上升, 淨息差收窄, 資產質量惡化導致信用成本上升等不利因素, 不過, 大新銀行以現價7.37元計算, 市帳率只有0.64倍, 預期今年全年派息每股0.3元, 預期股息率4.07%, 屬進可攻, 退可守之選, 現價買入幾乎可以穩坐釣魚台, 需要的只是耐性. (待續)

收集 大新 等待 倍升 市場 先生 自語
PermaLink: https://articles.zkiz.com/?id=28710

盛衰交替乃自然定律 市場先生自語

http://mrmarketofhk.blogspot.hk/2012/06/blog-post_12.html
據報導城中超級富豪四叔李兆基早前指出如果現時手上有一千萬元, 買股票比買樓好, 因為地產股資產折讓大, 而普通樓將來供應多, 預期兩至三年內股票跑贏住宅樓價. 香港樓市自03年沙士見底回升至今, 長升長有, 彷彿有餘未盡. 上帝創造萬物是互相節制約而達至平衡, 大自然環境中, 如果生物A靠吃生物B維生, 一旦生物A的數目不斷膨脹, 對食物的需求提升, 生物B的數目自然會下降, 但生物A的數目不會無止境地膨脹, 因為到了某個程度,某些生物A會因為食物不足而死亡, 生物B得到喘息的機會而能夠回復增長, 食物供應增加又會為生物A的數目重新膨脹提供條件, 然後週而復始. 其實, 實體經濟以致投資市場表現也是如此, 總是盛極而衰, 衰到貼地又會死而復生.

至於有人話, 全世界印銀紙, 只有實質資產可以保值抗通脹, 因此價格一定會升. 筆者無意否定這種思維, 只想分析事實. 股票和債券哪一種較實質呢? 債券背後其實是現金, 股票則代表一間公司的權益, 視乎不同行業的公司, 股票背後的資產可以是房地產, 金銀油礦, 糧食, 廠房機器, 碼頭, 貨櫃等實質資產. 因此, 按邏輯, 理論上持有實質程度較高的資產應該跑贏程度較低的資產. 但回顧5年來美國國庫債券和美股道瓊斯指數的表現卻見到相反的結果, 5年前30年期美國國庫債券的孳息率大約為5.3%, 上星期則跌至只有2.75%, 表示債券價格升值接近一倍, 相反以上星期五收市價計算, 道指仍較5年前低大約10%. 此外, 在美國也見不到印銀紙樓價必升的現象, 次按風暴後超過4年, 美國樓市仍然元氣未復, 有大約1,100萬間房屋的市價仍低於未償還按揭貸款的餘額, 更不用說同買入價比較. 在香港, 恆基地產的股價大約只有資產淨值的51%, 大家想像恆基整間公司只擁有一個物業, 如果你同恆基買這個物業需要100萬, 但如果你買恆基間公司而得到間物業卻只需51萬元, 雖然現實上, 買物業有居住功能買股票則沒有, 但仍然有地產股股價與樓價不對稱的地方.

坊間看好樓價繼續上升的理由不外乎供應量少, 資金充裕和息率低企. 筆者不是樓市專家, 沒有本事預測樓市未來走勢, 不過筆者相信投資市場一句至理名言, 樹再高也不會長上天去. 筆者不相投資市場包括樓市有只升不跌的神話, 凡事總有盡頭, 盛衰交替乃自然定律. 但凡一種資產的價格升到某個程度, 令人培養出一種只升不跌的信念, 即使不是要馬上轉勢向下, 相信也離見頂不遠了.

盛衰 交替 自然 定律 市場 先生 自語
PermaLink: https://articles.zkiz.com/?id=34366

簡評減息對內險股利弊 市場先生自語

http://mrmarketofhk.blogspot.hk/2012/07/blog-post_10.html
中國人民銀行於6月7日宣佈減息, 為3年半以來的首次, 也標誌內地開始進入減息週期, 不足一個月人行再度於7月5日晚宣佈減息, 內地銀行股和保險股面對減息股價表現各異, 內險股龍頭中國人壽由首次減息至執筆之時股價上升24.6%, 內銀股龍頭工行股價則下跌4.9%, 同期恆生指數上升6%, 由股價表現已經反映市場表達減息對內險和內銀影響的看法.

其實減息對內險股的影響有正面也有負面. 首先, 減息令到保單收益率與銀行定期存款的差異收窄, 有利提升保險產品的競爭力. 以平保銀保萬能險產品為例, 2011年1月的結算利率為4%, 目前仍然是4%, 2011年1月內地5年期銀行定期存款利率為4.55%, 到了2011年7月已經加至5.5%, 保險產品收益率遠低於5年期定期存款利率是近年銷售不景氣的原因之一. 隨著人行2次減息, 目前5年期定期存款利率已經降至4.75%, 銀行理財產品收益率也相繼走低, 保險產品的吸引力有望提升而舒緩銷售壓力. 事實上, 保險產品隨了提供保底加分紅的收益之外, 還有銀行理財產品沒有包含的保險保障, 例如疾病死亡意外傷害等.

如果大家回望2011年內險股的業績, 會發現一些共通點, 就是受到股債相煞拖累, 交易類股權型組合計提資產減值損失導致當期利潤大幅倒退, 可供出售證券組合錄得巨額浮虧則導致內險企業的資產淨值和償付能力充足率顯著下降. 減息發出政策放鬆的訊號, 對國內A股市場有正面提振作用, 股市上升拉動內險企業股權類組合的資產價值上升, 此外, 減息導致債券組合的公允價值上升, 兩者都有利內險公司改善浮虧, 降低資產減值風險, 提升整體資產淨值以致內含價值, 和償付能力.

不過, 減息會降低新增保費以及到期再投資保險資產的收益率, 導致主要計算債券利息收入的淨投資收益率下降, 但保費收入增長可望以量補價抵銷部分負面影響. 此外, 減息導致準備金評估利率下降, 保險公司因而要增加計提責任準備金, 對當期損益表有負面影響. 減息也導致精算假設投資回報率下降, 對內險股的有效業務價值有不利影響.

總括來講, 短期來看減息對內險股的正面影響超過負面, 當中, 由於中國人壽可供出售證券佔比最高, 對利率變化的敏感度也最高, 利率下降對淨資產的提升應該得益最大. 平保由於以大型城市的高端客戶為主, 對通脹率, 利率, 投資市場表現, 以及理財產品對保險產品的替代效應等等的敏感度較大, 因此, 預期平保的保費收入反彈力量較同業強. 新華保險於2011年受到銀行理財產品的衝擊退保率為同業之冠, 因此市場對理財產品降溫令到退保壓力逐步緩和對新華保險的正面影響最顯著.

簡評 減息 對內 險股 利弊 市場 先生 自語
PermaLink: https://articles.zkiz.com/?id=35044

資產重新配置要等時機 市場先生自語

http://mrmarketofhk.blogspot.hk/2012/07/blog-post_24.html
早前在網誌作半年投資回報小結, 筆者的永久組合半年(Year to Date)回報率大約為15.25%, 暫時跑贏同期恆指5.46%的升幅. 有網友留言問筆者, 那麼兩年, 五年又是否仍然跑贏同期恆指? 另有網友問, 筆者持有最多的金融保險股這幾年回報強差人意, 嚴重跑輸大市及很多其他投資, 會否考慮改變一下投資策略呢? 筆者永久組合的市值由2008年12月底至今升幅有39.73%, 同時期恆指的升幅有36.5%, (註: 兩者同樣沒有計入股息的因素), 因此, 筆者永久組合的表現大致同恆指差不多. 但筆者必須承認近年投資回報並不理想, 尤其是目前永久組合的市值只及金融海嘯前最高峰的73%, 可謂差強人意, 主要原因離不開金融股是金融海嘯以及歐債危機的主要受害者, 但受制於筆者本身的能力範圍(Circle of Competence), 如果投資金融以外的行業效果不一定更好. 正如有人選擇跟隨巴菲特買比亞迪, 不過買入價當然不是巴菲特的每股8元, 而是等到比亞迪由最高峰88.4元下跌至廿多元才買入, 至今仍然要蝕超過37%. 如果真要在非金融股中選擇, 筆者倒覺得一些優質公用股可以考慮, 包括中電, 電能實業和中移動, 它們的歷史股息率分別有3.83%, 3.84%以及3.77%, 都是盈利和派息皆穩定的優質藍籌, 可以等股價向下調整時收集.

筆者同意需要進一步全盤考慮資產配置的問題, 目前筆者的資產組合包括物業, 股票, 債券, 人民幣, 港元存款, 和當代機制銀幣. 筆者研究過一些有錢人, 發覺他們都有一個共通點, 就是物業佔總資產非常顯著的比重, 有些生意人, 當年為了做生意而自置物業和商舖, 經營幾十年後發現生意本身只能糊口, 發達竟然是靠物業和商舖的升值. 做了爸爸之後, 筆者對資產配置的合理比重有根本的變化, 由股票主導轉向物業主導. 不過, 資產重新配置要等待時機. 最好的時機當然是想減持的資產在高位而想增持的資產在低位, 退而求其次, 即使兩種資產皆在低位都可以做資產轉移. 但現時股市在相對低潮, 而樓市卻在歷史高位, 絕對不是沽股買樓的好時機. CY上場後增加樓宇供應已經是不可逆轉的大方向, 即使未來主力增加的是公屋供應而非私樓供應, 已經足以大幅降低中下價私樓的租住需求, 租金上漲是樓價上升的動力之一, 因為租金回報率是衡量樓價合理與否的指標之一. 此外, 美國接近零息的超低利率已經超過3年半了, 總有轉頭回升的一日, 所引發的資金成本和供樓開支佔家庭收入比率上升, 甚至於熱錢流動對樓價的影響不容忽視, 總括來講, 筆者正等待資產重新配置的時機.

資產 重新 配置 要等 時機 市場 先生 自語
PermaLink: https://articles.zkiz.com/?id=35382

乜野係 Full set A/C? (一) 自言自語 - WYJimmy

http://wyjimmy.blogspot.hk/2008/03/full-set-ac.html
相信不少會計求職者, 都見過登報或網上招聘請會計, 都要求FULL SET A/C, 究竟咩叫FULL SET A/C 呢? 我嘗試用自己有限知識, 由淺入深講起, 有錯請各方同業指教為要。

A. 完全簡單型 Trading

聲 明: 請各位資深同業不要以HKAS18 Revenue 角度去睇以下例子, 我作此例子只方便新手明白, 未必會符合最新Accounting Standard, 尢其cost 及expenses 的term 解說方面, 到最後有需要解釋HKAS18 Revenue 或有關 Accounting Standard 時, 我會再詳細講清楚, 請勿見怪

要先由公司類型講起, 如最容易做的公司咁計, 就係一買一賣的TRADING (貿易) 公司, 這些公司特性 (Characteristic) , 是接到單 (Sales Order)後, 才安排採購, 安排出貨, 再連同發票 (Sales Invoice) 送到客戶 (Customer) 手上。 其間, 公司運作盡量不牽涉任何存貨 (Inventory), 所有會計項目交易 (Transaction) , 只會出現 sales, purchases, inward/outward freight, expenses (如salary, stationery), 或有一個bank a/c 收錢, 付錢 (假設全現金交易)。

咁呢類公司所謂full set a/c, 其實 balance sheet( 以後會用B/S 代表), 只有bank a/c 及capital, 以及retain earning 幾項。

而 income statement (前身為 profit & loss a/c, 以後用 P&L 代表)的trading 部分, 只有 sales 減 purchase 再減所有 direct cost 如 freight , 得出gross profit(以後簡稱 GP), 減完其餘支出 (expense, 以後簡稱 exp), 得出純利 net profit (以後簡稱NP)。

B 賒賬記賬 (A/R, A/P)

咁 客仔幫趁耐左, 冇奶油咁笨唔同你講賒數; 又正如你同供應商買野熟左, 又冇理由唔傾賒數 咁雙方就會傾數期(technical 一d 叫信貸條款, Credit terms), 如我比你拎貨後 30 天至付款, 咁行內叫OA 30日(Open Account), 即唔理對方用任何方法, 總之30日後付款比我。

咁你做既客仔多, 就要記賬入簿(電腦)啦, 呢個就係記入應收賬(Accounts Receivable, 以後叫 A/R)啦, 亦即係你地讀書果時既Trade Debtor。

同樣, 你都賒左人地(供應商, Vendor)數 , 咁又係另一盤賬, 叫應付賬(Accounts Payable, 以後叫 A/P), 亦即係你地讀書果時既Trade Creditor。


A/R, A/P 是記錄個別客戶, 供應商的相關買賣, 收/付款記錄, 當中可能包括退貨(Returns)/折扣(Discount)等, 而其餘會計科目, 如bank, expenses 等, 則記錄在總賬(General Ledger, 以後簡稱 G/L) 中。

由 於會計系統是Double Entry 制, 有入便內出, 為使所有G/L 的期末結餘 (Closing Balance)都可平到數, 所有A/R, 及A/P 的期未總數, 都會放在G/L 一個Control Account中, 將所有Closing Balance 的數目記錄在試算表 (Trial Balance, 叫後簡稱 T/B), 借方 (Debit)總和與貸方 (Credit) 總和相同, 咁就叫平到數, 再如你讀書時一樣, 將 T/B 相應項目, 分別填入 P&L (Income Statement) 及 B/S, 整個過程就是叫FULL-SET A/C。

當 然所謂FULL-SET, 其實就是整個過程中, 涉及記賬, 以及連帶相關的工作, 你都要識做, 如你找數, 會安排付款, 你要識開支票 (Cheque), 複雜少少如bills payment, L/C 等我唔在呢個階段講住 , 而正常你可能要做番傳票 (Voucher), 記錄你今次Double Entry 的 Transaction, 以及定時檢討A/R 賬, 客戶是否欠數過期不付, 你要與業務部(SALES)或老闆, 研究收款的方法, 如出Collection Letter/打電話, 都是日常的full set 會計工作之一。


下次講下trade debtor / creditor, 以及accrual and prepayment 分別, Non-current assets 的入賬及折舊計算)


乜野 野係 Full set 自言 自語 WYJimmy
PermaLink: https://articles.zkiz.com/?id=35825

乜野係 Full set A/C? (二) 自言自語 - WYJimmy

http://wyjimmy.blogspot.hk/2008/03/full-set-ac_30.html
C. ACCURAL & PREPAYMENT 與 A/R, A/P 分別

作 為商業會計, 所有費用, 一般都是用ACCRUAL BASIS (當期所有費用, 應在當期記入賬), 很少按CASH BASIS (即要付款時才記入當期費用) 去做, 是一般小型公司的會計, 要達至快而方便, 部分不太重要, 或不常出現的賬目, 用CASH BASIS 入賬, 如一般雜項費用。 而常見如租金, 水電差餉等, 都會用ACCURAL BASIS 入賬.. 當期應付, 但未真正已付款的費用, 則須要預計或預估, 以達至賬目在當期公平反映, 這便是ACCRUED EXPENSES (B/S 的Current Liabilities)。

同樣, 不應在當期發生的費用, 但要預先墊付, 則為PREPAYMENT, 常見如汽車保險/牌費等 (B/S 的Current Assets)。至於費用應該如何在期內反映, 則須按實際情況, 由會計的專業及經驗來自行判斷。

ACCURAL & PREPAYMENT 與 A/R, A/P 分別在於, A/R, A/P 是一般泛指Trade Debtor/Creditor (如非指明A/R - Other), ACCURAL & PREPAYMENT 其實都同樣是Debtor / Creditor, 但不屬於與公司正常營運進銷(sales & purchase), 所以不會放入A/R, A/P 賬目。

ACCURAL & PREPAYMENT 一般各自用一個會計科目記錄, 如有個別需要, 會計可以按實際再分類。(補充, 實際在Accounting Standard, Accrual & Prepayment 是受 HKAS37 管核, 類型與Trade Payable, Receivable 完全不同, 大家想深入研究, 可以參見香港會計師公會網頁的handbook中HKAS37 『Provision, Contingent liabilities and assets』)

D. Non-current assets 及 depreciation / amortization

Depreciation (折舊)

有時公司有需要購入一些生財工具, 去協助甚至直接供公司營運, 如電腦, 便是常見的例子, 業務員也要用電話去為公司接生意, 所以這些我們稱之為公司固定資產 (Fixed Assets, FA)。

最 近數年香港會計準則, 跟隨國際會計基準(International Accounting Standard, IAS)改變, 所有資產只分流動與非流動(Non-Current), 固定資產很顯然需要非流動之資產(Non-Current Assets)。有關 Non-Current Assets 至少可以用 6 個以上Accounting Standard (HKAS16,40,36,38,20,23及HKFRS5), 但不是有興趣看這貼的版友想看(十分冗長, 有機會再逐一介紹)。

簡單講, 你購入一樣東西, 其壽命可以用超過一個會計年度, 你就當佢做固定資產, 每年按佢壽命年期, 攤分在本年度應分配的損耗, 這方法我們稱為折舊 (Depreciation)。

(2008補充: 有讀者send email 問, 究竟什麼才應入fixed asset, 有時有些傢俬都只是數十元, 但可能用到三幾年, 有時有些東西都不算便宜, 但很快便報銷, 究竟什麼時候, 什麼準則去決定入賬?

首 先你要考慮該些物品對於賬內的重要性, 很快報銷的(一年內), 一定不能入fixed assets, 至於數十元的椅子, 你便是視乎購買類近物品的頻密次數, 我個人主張太少數目不入固定資產, 而你們規劃應以公司的資產總值及生意額去衡量, 因為固定資產其實正規要每項表列及各自折舊, 如果你覺得值得為數十元, 每年甚至每個月拿出來計一下折舊, 雖只是excel copy, 但太多項都夠你頭痛了, 那時你便會曉得怎決定是否入 fixed assets)

商業會計的折舊, 跟你們讀書時沒大分別, 我經驗中最常見也只是 Straight line method(直線法), 即你固定資產購入價, 減去估計的剩餘值(通常是0), 除以可用年期, 如你買一部電腦 5000, 可用為4年, 每年折舊便是 1250, 有關入賬方式請參閱你的教科書, 商業會計做法一樣, 亦當然有時有需要用Reducing Balance (曲線法), 而某些國家因為賬稅合一, 以前甚至會Sum of Dight, 這也是在會計學原理時您們學過。

留意, 如一件固定資產, 用開直線法, 請不要隨意轉其他計算方法, 雖HKAS 8 (Change in A/C policy and estimate)容許, 但以前相關的要重計! 所以除非是非常必要充份理由, 一般Auditor 都唔會接受你咁做。

Amortization

Amortization (攤分)Amortization 主要是針對無形資產 (Intangible Asset, 有關無形資產定義, 請參考 HKAS38 - Intangible Asset) , 您們常見的無形資產主要是Trademark, Brandname, 或 Goodwill (信譽), 它們同樣是非流動資產, 大部分按應用/議定年期進行攤分, 當期應攤分部分, 如折舊一樣, 直接在費用賬中入賬。

留心, brandname, goodwill 等是不能自制出來, 需真正由其他人手上購入 (Acquitistion)要注意是, 按新會計準則HKAS27, Goodwill 是不能攤分的, 因購入公司出現的 Goodwill, 按HKAS36-Impairment of Assets (資產貶值), 須每年做impairment test, 決定是否出現貶值, 做法可按香港會計師公司網頁 e-handbook 所述處理, 或者聯絡您的Auditor。
乜野 野係 Full set 自言 自語 WYJimmy
PermaLink: https://articles.zkiz.com/?id=35826

乜野係 Full set A/C? (三) 自言自語 - WYJimmy

http://wyjimmy.blogspot.hk/2008/04/full-set-ac.html
(三) Invertories 及audit 工作簡介

E INVENTORY存貨

TRADING 公司, 一般都要針對一買對一賣, 但隨著公司營運成熟, 有時會存貨出現。

而我見過公司存貨形式林林種種, 常見有以下例子:

1. 因需要, 寄存貨品待賣
2. 別人寄賣 (Consignment)
3. 趁市價低購入, 高價賣出
4. 購入供售出, 但有剩, 留待下次再售
5. 來料給其他工廠加工
6. 退貨等

商業會計來說, 有存貨便要小心, 因在Trading A/C涉及影嚮元素多了, 存貨有多入計入本月相關銷售, 直接影嚮利潤。最好的方法, 當然是清楚記錄存貨的出入紀錄, 尤其出貨時, 該出貨數量是跟那一張公司發票的單, 須與發票所載數量相符, 以做到purchase matching sales 之效果, 小心避免 understated/overstated "COST OF SALES" (虛減/虛增銷售成本) 。

而付款給供應商前, 要確保入倉紀錄齊全, 證明公司有收過相關貨品; 及定時要檢閱公司的存貨, 如定期抽查。

auditor 對公司曾有存貨出入紀錄特別敏感, 對於auditor 來說是高風險地帶(High Risk Area), 所以準備紀錄要相當小心, 有關對 auditor 工作情況下面會有詳述。

很多公司都要求full-set 會計有處理存貨經驗, 因為存貨是公司其中一命脈, 我覺得如許可, 真的花多時間心神管理好存貨/購貨, 絕對有助你財務報表提高更大的準繩度。

而在報表方面, 是在"COST OF SALES"項內反映本期所用的存貨量, 利用期初(OPENING STOCK) 比對期末(CLOSING STOCK), 再加入本期購貨實數計出來。

F 對 Auditor 的工作 (初步介紹)

讀書時, Auditor 只會為你公司盤數表達意見(form opinion), 你公司賬目是否達至真實與公平 (truth and fairness / true and fair view), 現實的執業會計師又是否這樣呢?

究竟乜野係會計師(Certified Public Accountant, CPA), 又何謂執業會計師 (Certified Public Accountant, Practising)呢?

其實以上兩者在考試與學歷是沒有分別的, 正如Solicitor(事務律師) 及 Barrister(大律師)一樣, 兩者也是須持有 LLB (法學學士) 及PCLL(執業證書), 但只是功能上不同。根據香港會計師公司規定, 原則上會計師(CPA)是需要通過QP及FPE 考試, 或同等認可學歷及經驗(相關見"會計進修途徑 - 以HKICPA 為目標計"), 而執業會計師要求是, 當中有四年認可審計(Auditing)經驗, 方可註冊成為執業會計師。

執業會計師在商業會計一般稱謂為, Auditor, CPA firm, 會計師樓等等... 實則佢地做既野, 與讀書有少少出入, 審計工作Auditing 範疇分為Control Audit 及 Verification Audit, 其實兩者也是會同時做, 不一定要揀一, 一般中小企需要的是Verification Audit比重較大, 大約是將你的賬目紀錄, 抽樣驗證, 以進行特定的auditing 程序為主。

在下一篇我會再簡略介紹我們商業會計, 在準備audit 前的基本工作。
乜野 野係 Full set 自言 自語 WYJimmy
PermaLink: https://articles.zkiz.com/?id=35827

如何輔助老闆處理危機? 自言自語 - WYJimmy

http://wyjimmy.blogspot.hk/2012/08/blog-post.html
上海正在刮颱風, 在酒店沒事做, 可以打發文章了; 最近網上版友對發展局長陳茂波能力質疑, 在此我不作多評論, 反正每個人看法不同, 但想就這件事, 與大家討論日常我們做管理或輔導首長工作, 以及危機管理, 或當我事後孔明吧。


我立場是: 仍然覺佢公關團隊問題較多, 或者佢身邊的人能力不夠。


冷靜是成功決策的根源


我立論是, 我與您之間智慧不會真是差太遠, 世上有幾多個愛因斯坦? 往往做決定或危機管理, 在乎決策人夠唔夠冷靜。


用我工作環境為例, 我們輔助老板做決定, 都有少少心理輔導, 不是要你挑釁老細權力與智慧, 人在危急, 總有糊塗的時候, 我們當「阿二位」, 除管理眾多下屬, 如何設立分層問責外, 最重要係老細面臨危機時, 如何安撫他, 令他放輕鬆, 再用下屬角度導向他作出一個理性決定, 這一點是很重要。


如果一個常人在理性冷靜時, 通常會採取一個全盤及有理智的應變方法, 明顯我見到今次事有點「見招拆招」感覺, 甚至出現"前後不一致", 明顯係被迫急跳牆, 其實都跟過一些大人物工作, 他們一樣有這個情況, 只是他們團隊能力強, 處理得宜, 怎樣處理, 其實便是"處理"老闆的心理狀態。


應當「心理輔導員」


一年前, 在這家公司, 我的老闆有差不多同樣危機, 情況甚至更壞, 初時, 我其實並沒有向他具體提案, 只是第一時間安慰他, 引開他對事件注意一會, 談些不著邊際的事, 看到他心情稍好一點, 便將全盤建議, 圖文並茂向他解說, 最後及時拆解這個管理危機, 甚至做到比預測好的結果... 有時其實老闆自己是想到怎做是最好, 只不過未夠冷靜, 畢竟老闆也是人, 沒有完美, 我們做輔助的, 應主力幫他心理做調節, 最後讓他做一個明智的決定。


大家可以質疑陳茂波局長的能力, 因為他是問責高官, 向市民負責, 我們是他「老闆」, 有權向他批評, 但我在管理多年經驗, 只是覺得是他團隊出現問題, 可能政府那邊根本沒有人幫他, 他始終不是公務員出身, 入政府一定有"「人才之患」, 較其他政務官升任難做, 做市民有包容的心也不是太多人做到。


結論: 多聽不同人意見, 作最好的決定


大家日後做管理, 可以用此為借鏡, 任何事要保持鎮定, 如老闆表現焦急, 不要默不作聲, 甚至一起在急, 因為這對事情沒有幫助,應嘗試引導他。


當然也要老闆肯納言, 用人唯才是用, 人才不能分出身或階層, 我表哥梅老很清楚, 我什麼階層的朋友都會有, 我並不求他們對我有什麼「關照」及「助益」(梅老算過我只會當別人「貴人」, 我沒有「貴人」,哈! 命運!), 但有時與不同人做朋友及交流, 除拓闊眼界外, 也能發掘人才, 我有位朋友只有中三程度, 但他也是我「智慧型」朋友之一, 出身好如名牌, 有保證但未必實用, 應該每一樣人才用一些, 多聽一些, 才是職場致勝之道。
如何 輔助 老闆 處理 危機 自言 自語 WYJimmy
PermaLink: https://articles.zkiz.com/?id=35830

管理會計(Management A/C) 系列 (一) - 解說篇 自言自語 - WYJimmy

http://wyjimmy.blogspot.hk/2009/02/management-ac.html
緒言

這系列我盡量講比一d 認識較淺的同學/朋友, 溫故知新, 所以都唔會用太技術的字眼, 而且這不是一本書, 唔可能講得太詳盡, 以及包羅萬有, 要旨係想讀者略明白係管理會計『management a/c 』是什麼一回事, 以及我一些工作經驗分享, 如果大家睇唔明, 或者我有咩講錯, 不妨多點提出。如留言或email 我(wyjimmy@gmail.com)。

第一篇『解說篇』會解說一下咩叫management a/c, 同我地日常做的會計有什麼關係?

第二篇『分類篇』會解說一下, 唔同行業的management a/c 的簡單介紹, 我會以建築, 製衣兩大行業的job costing 做例, 講下佢地功用(job profit and loss), 演說一下如何用 financial a/c reconcile (對照) 去 management a/c, 亦會講下咩叫內部轉移定價 (Transfer pricing)。

第三篇『表現比較篇』(performance measurement):會試下解說如何設定部門表現比較方法(divisional performance accounting), 如何將股東的投資 (capital investment) 加入。

第四篇『創價篇』會講下, management a/c 點去幫助公司產品定價, 包括少少市場學及策略管理學的基本知識。

最後一部分(可能要兩篇)『投資定向篇』會講如何做決定(Decision making), 要包括可量化因素(Quantitative factor), 如投資決定(investment appraisal)的簡單概說,亦會介紹所謂『可行性評估』(feasibility studying) ,除左賺蝕以後, 有d 咩其他因素, 如流動資金, 行業內競爭及前景,甚至公司的品牌價值(Band Equity)等不可量化因素(Qualitative factor) 都要考慮。


解說引言

大家雖統稱『會計』,但工種甚多,連審計(audit)已分內審(internal), 外審(external), 甚至廠審, 入面仲有環境與道德審核(Ethical and Enviornmental Auditing), 其他稅務, 財務管理, 上市報表專門等, 五花八門。但最多人做的, 都係full set a/c, 其實在較早前都談及過有咩要做, 不贅。

所謂Full set a/c 定義非常是闊, 可圈可點, 但請人要求得full set a/c , 當然希望你一個人, 一腳踢, 咁一個人可以做得哂, 其實即係公司都唔係話太大間, 亦正是我們佔總勞動人口 70% 的SME (Small-Medium Enterprise)。

何謂『管理會計』Management A/C?

咁究竟成日聽人講, 話我做financial a/c, 或做management a/c, 咁full set 咪要兩份都做哂? financial a/c 大家都知係開下票, 收下數對下數, 出下報表, 最多都係對下auditor, 問banker 拎statement 做bank rec, 咁management a/c 究竟做d 乜? 個名好嚇人下喎!?

其實所謂 management a/c, 簡單d 講就係management (管理層, 如你老細), 要睇既accounts, 就係management account囉。即係平時你老細話, 想要d 咩figure (information) 睇, 你prepare 比佢果d 就係, 根本有咩複雜的一回事????

簡單講, 平日你地用software gen 出黎的financial report, 如果你老細睇慣覺得ok, 就算係management a/c report, 而交比auditor 的, 便是financial a/c report, 兩者可能係同一樣野來。

但你老細可能會要求加入多d 數, 如公司明明係自置物業, 可能夾硬叫你當入幾錢租(事實冇租可納), 或者甚至計番investment return 入數, 呢d 大家都明白, 行規叫"出唔到數", 但一般做法都係照入, 到交數比auditor 時(financial a/c 最後用途), 就out 番佢出黎, 或者加個reconcliation statement 扣番走佢.... 以上就係最簡單的 management a/c 做法。

其 management a/c 亦包括其他種類, 常見如salesman, product line performance 比較(在第三篇會有介紹), 以及成本分析(在第二篇介紹), 這亦都係老闆們常要到的數據, 但一般會計同業都係跟番上手點做, 自己照做, 真係management a/c 的奧義, 就係取決大家就地取材的能力, 當中亦包括 presentation。

但management account presentation 做得好與否, 就係你有幾利便你老細所需要的資料, 呢d 根本冇咩準則, 但要訣一定要concise(清晰)及 appropriate(合適), 算你好醒, 做到成份上市公司annual report咁大份, 但你老細入面都搵唔到佢要既野, 或者要搵好耐, 咁你份report再details 都係廢....

所以management a/c 最高境界係 - 一針見血!

即係, 冇關係既野, 唔該唔好出現,常見問題如show off 你識d 乜定理, 或某學者講過乜, 太深奧了! 你老板唔係大學教授, 佢地冇興趣睇呢d。

另外, 好多人做projection 的figure(預估的數值) 去到仙位, 我想問番你, 乜你咁叻連幾多仙都估到? 但估多估少幾仙, 對你老板做決定有咩關係? 唔通你公司賣咸脆花生? 賺多蝕多兩個仙會叫影嚮你公司盤生意決定? (significance)

Salesman Report - Bad example    
   
   
      Jan     Feb     Mar     Total amount     Perfectage
陳大文     HK$456,213.37     HK$547,456.04     HK$421,120.03     HK$1,424,789.45     32.971%
李小強     HK$562,484.34     HK$674,981.21     HK$519,216.31     HK$1,756,681.86     40.652%
張中正     HK$364,970.70     HK$437,964.84     HK$336,896.03     HK$1,139,831.56     26.377%
合計:     HK$1,383,668.41     HK$1,660,402.09     HK$1,277,232.37     HK$4,321,302.87    
百分比     32.020%     38.424%     29.557%    
   

   
   
   
   
   
缺點:     (1). 格式不一致, 不雅觀 (2). 小數位太長, 無意義, (3) 忽中忽英 (4) 欠缺解說    

呢d 我地稱之為雜訊 (Noise), 太多雜訊會影嚮到你management a/c 報表的質素, 因為, 你浪費左你老板的時間。後果係, 唔好問點解你咁耐人工都冇咩加, 因為management 覺得你唔helpful!

Salesman Report - good example
(HK'000)     Jan     Feb     Mar     Total     %
T.M. Chan     456     547     421     1,425     33.0%
S.K. Lee     562     675     519     1,757     40.7%
C. C. Cheung     365     438     337     1,140     26.4%
Total     1,384     1,660     1,277     4,321    

   
   
   
   
   
Note:    
   
   
   
   
1. March is our slack season.    
   
2. C.C. Cheung is our part time sales.    


所以呢個又係management a/c 另一難處, 幾時至show 仙位? 幾時show 到千位('000), 甚至 百萬位(m), 真係要睇公司本身, 但你唔好傻到, 你公司sales volume 幾多百萬, 單價(unit price) 你唔計到仙位呀? 咁結果就會差好遠勒!

書本與現實的分野

咁之但係, 點解平時我地上堂(AAT/PBE 也好, degree都好), 點解咁多野要讀既?

其實 management account 唔一定要讀過好多至識做, 這可以解釋有d 朋友會計學歷唔高, 但可以跟到個老細咁耐, 人工咁好? 因為大家相處耐, 有默契, 會計知老細要d 乜, 老細唔講, 自己醒目搵定d 料比佢(呢個都要同佢對公司有清楚, 即係有幾多熟有關), 因為佢都唔讀得多, 所以都只係表達一d 好事實的數據, 而老細明白自己要分析的東西都係在腦中, 時時唔同, 太多唔同presentation 亦未必岩佢脾胃。

所以在以前, 時有聞LCCI higher 的老會計可以做經理, 幾皮野人工, 但一齊都俱往矣,因為普及教育程度提高,你老板都可能係有學歷,受個系統訓練的人,加上現今社會講求分工化,專門化,太片面的數據已不能令新一代的你,突圍而出。

由於management a/c 實在太空泛,所以書本/學術,是會在常用的方向,如產品定價, 投資決定, 內部表現比較等幾方面, 幫助我們平日應付老板常要既野, 而正如management a/c 並不如 financial a/c 有特定格式去跟從, 所以部分朋友學習上係特別困難。不過, 書本都有唔少參考的表達方法(presentation), 去幫助你去傳達呢d 資訊比老板們睇,但始終每老板要求唔同,所以管理會計最後都要按番老板的習慣, 公司文化, 行業習慣性去設計一d 報表, 下一篇開始我會比一d 例子大家。

管理 會計 Management 系列 解說 自言 自語 WYJimmy
PermaLink: https://articles.zkiz.com/?id=35831

管理會計(Management A/C) 系列 (二) – 預算篇 自言自語 - WYJimmy

http://wyjimmy.blogspot.hk/2009/06/management-ac.html
前言

在第一篇管理會計出後,相比講升學,或其他 full set a/c 話題,似乎反應都唔算好,追問番好友原因,佢話我講得太深,因我的長期blog 友,多數係在讀AAT或文憑的學生,除應付考試外,一般做野都唔會做到咁複雜,就算部分資深的老友,好多都已是會計師,甚至是教書,咁佢地真係冇必要由 LCCI higher 或AAT paper 3 level 既野再睇一次。

所以我自己都有少少唔想寫落去,同埋,大部分會計朋友都一定比我更熟,自己是有點點『獻醜』倒不如『藏拙』吧!反正都冇人追我稿,即係需求低,不如節省大家看的時間吧。

但個人做事總唔想有頭無尾?咁唯有寫多一個會計界常見的詞語-預算(Budget)便算了,是否再寫下去,就按需要決定吧。

以下講緊係兩堂以上既野,所以會詳細少少,有興趣的可以分段去睇,唔必要一下子睇哂,慢慢睇,慢慢消化,有興趣而唔明可以問,或者指教在下都可以。

何謂『預算』(budget)?

其 實每天我們都身處Budget之中,例如你早午餐一般情況會食幾錢度,每日搭車等等,你會budget到每日,每星期,每月的洗費,再對照番你既收入,去 決定可以洗多d?抑或洗少d,今個月比幾多錢伯母,或可以買d咩比女朋友(通常係碌咭!因為正常你係買唔起!XD)亦即係我地所謂的『量入為出』,而目的 是去達到『收支平衡』。

一個人要預算,同樣,一間公司涉及更多唔同人運作,變數會更加大,例如你收入唔係穩定,你要應付既環境變化(成 本)會更多方面,如賠償等,其他可控制的東西,你更加需要有預算去準備,所以budget應該盡量有多D人參與,唔好個會計同老細兩個坐係度『閉門造 車』,咁會失去事實的效用。

預算並不一定指金錢上,你行動上都可以是預算,如你打算去邊,打算做什麼,與什麼人吃飯,往往這亦會與你金錢上的有關,所以預算主力視乎我地打算做些什麼,行動與所需金錢是式式相關。


Source from: Mr. George Brown, Edinburgh Napier University

『預算』的用處

傳統上,budget是給老板們『心中有數』,等佢地預知未來大約要洗d咩錢,做d咩野,檢視手上籌碼,作為未來的資源分配計劃(resource allocation planning)。

預算亦可以搵出管理問題,例如點解會成日out budget,要找出是公司既問題,抑或係人既問題,從此知左問題後,可以容易搵出解決問題的方法。

同樣,透過budget與實際結果比對,可以作為管理層表現(Performance measurement)及獎勵(Remuneration System)之評審標準,鼓勵他們做得更好。

預算(Budget)與預測(Forecast)

好多人都攪唔楚呢兩個字分別,我大致用自己所知解一解。

預 算(Budget)係按一個期間,如年度(Annual Budget),季度(Quarterly Budget),甚至按月按日等去做,但所設定的budget figure是不會變,因為這只是一抽預計數字,或者是你們(公司)所期望一堆數字,作用是為這一刻規劃未來資源,以及事後參考,常見政府的預算案,政府 果年定左洗咁多就咁多,好少會改,就算改都係政治因素 (Political factor)?如曾特首視民望如浮雲後被政治壓力團體炮轟一輪,最後都係改到唔知似乜一樣…..

預測(Forecast)就不然,如七天天氣報告,尋日話星期六會好天,天文台會按實際情況改變預測,如有颱風改方向迫近,咁星期六天氣可能變壞,咁係會改既。

在 會計來講,Forecast 又有人稱 Rolling Budget,即係隨時按情況會郁,以應付變化特多的環境及因素,常用有如Sales forecast,舉個例,在上年九月雷曼爆鑊前,很多公司的Sales forecast相信跟年頭所做的已相當不同了,這是forecast的好處。而唔好處當然係成日改,亦好難做比較,因為已經變哂。

預算與預測實用情況

由 此可見,對於變數大的figure如sales,我們一般是不會做period budget,budgeted sales 只會在考試上見到,因為經濟氣候變化太快,很多美帝國大公司與你簽了約,都可以在經濟不景時,不停地找你碴子,企圖退貨,甚至不找數,你budget一段 期間的數有什麼用? 難道有張新的大單,有利可圖而你不接嗎?

一般來說,sales 與 cash flow 這些每期不同的東東,所以需要定時去改變,以使更貼近現實,我們是會做forecast 多,在後面我們介紹如何去做一個sales 或 cash forecast,談不上正統(什麼是正統?),但我趨向簡單實用,你們可以按情況而變成合適你的設定,而budget 來說,一般我們會做一些Fixed nature一點的, 如G & A Budget (General administration expenses budget)

『增長』與『按需要』的預算

以上兩者有點似你地讀書既Incremental budgeting 或Zero-based budgeting (ZBB),但強調並非完全一樣,只係類似的東東,大家只需要用正常通識,即係common sense去理解就得,唔必要睇番書。

由 於只係預算是估估下的東西,在中小企層面我唔認為需要太費周章,因為我們需要講成本與時間效益,但所有budget 都要有一個assumption出來,換句話講:你點估個數出來,咁『增長式預算』就係最原始,最簡單做法,例如人工,因為這世界我地有通脹 (inflation),今年公司合共人工要10萬,老板話平均預算會加10%,變左你要預算下年同事人工變成11萬。

以上就係assumption了,係有根有據,你係根據以往既人工支出,再加上一個可靠既變數,如老板話加10%,其實你已經做左出年人工既預算。

『按 需要預算』係再進化少少,同Zero budget果樣係類似,我想你地考慮個G&A budget,究竟仲有冇果類野存在,簡單講,公司有10個人,上年人工10萬(假設人人一樣1萬,方便解說),老細話下年加人工10%,但裁兩個人走, 咁下年個預算就唔係11萬,而係8x1萬x1.1=8.8萬。

點解會話類似ZBB?其實你地要諗多D 野,上面提過,做budget 唔只係會計同老板既事,其實運作部分都要比一d意見,所謂叫『交budget』,佢地提出有咩洗費,大家在制定時諗下係咪真係必需,由於某d洗費,係方便 某d同事做少少野,但對於公司係一個大負擔,咁作為會計同老板,應該諗一諗有冇更好的替代品?而唔應該同事話要洗,我地只係做paper work,搬番落個budget度就算。

制budget 的技巧

而 做budget亦無謂攪得太複雜,分得太細,試過有北京同事交G&A budget比我,廁紙用幾多又一行,清潔費又一行,這正是我第一篇講既資訊雜訊(noise),因為管理會計係比老板做決策decision making,你放太多細項目入面,只會加長佢地審閱既時間及精神,減弱左你報表既效用,所以盡可能將一d大類既費用項歸類,你可以在後面的附註講下你 base on 些什麼去計出來。

第二點在第一篇都提過,但有需要再重覆,真是無必要估到小數後兩位,我亦唔信你估到咁準,更唔相信一個分類總數的幾蚊幾毫幾仙會影嚮到一個管理的決定(unit price就不同,因為會乘大條數,咁會好顯著下)。

格式我覺得用番平時P&L,大家會方便比對及好睇一D,始終你會拎番個actual 出來做比較,當然最好都係先簡化平時你們的管理報表較好。

最 後是要提醒一下,所有budget的數字都要有根有據,每一個數字你都要解到出來,唔係亂咁估,但世事無絕對,最可靠方法梗係同有關人仕一齊去估(因應佢 地具備在某方面,比你有更好既資訊及認識),但現實社會往往事與願違,當同事冇咁得閒entertain你,而你老板多數都係不負責任,只要你交數,但乜 都係你諗掂佢時,咁你真係只有降低個quality架勒,由同大家一齊去估,變左你去部門同事度拎一d資料,try your best estimation去估個數出來,可能既話,再拎去同有關同事傾,佢地通常都唔知咩黎,咁你地就睇情況,去執個老板想睇到既budget出來,再比建議 佢。

Sales forecast

其實Sales forecast (銷售預測)是很難一概而論去解怎做,最準確做法是本身公司有良好銷售訂單系統(Sales ordering system),可以在早一點預知下期走貨的詳細資料,再預估出未來月份銷售的金額。

當 然有些中小企對sales們是行銷售目標制,即係所謂要sales meet quota 或target,咁會計做forecast就要諗下在過往老細諗既數(佢地expect sales 可以做幾多出黎),同實則佢地跑到出黎既數差幾遠,例如七到八成咁計,咁你咪將下個月QUOTA數估做75% 囉?但會計人一般都係比較保守,revenue 我覺得可以估細DD,expenses 估大少少係冇問題,但過份保守會影嚮你報表既準確性及可觀性,所以呢d要你地自己去衡量點做係最fit。

如果真係又冇order system, 又冇quota 制,甚至你係零售業,咁最多你只能按淡旺季(seasonal effect)去估個sales,舉個例,上年一至六月的sales分別係 100k, 120k, 200k, 280k, 140k, 80k,今年頭三個月係70k, 85k, 145k, 你可以睇到今年大約係跌30%,而你公司好顯都係有一個淡旺季的效應,咁跟住四至六月,你唯有將上月同期既sales打番70%便算,反正係估架者。

但要玩再準確d,你就要睇番行業既銷售系數,甚至拎番一d經濟指數預測去做assumption,難度就唔係高,睇你有冇必要,同你要做到幾準囉?當然,越準既數,成本同時間都越高,只要你公司負擔得起吧!

Cash forecast

其 實在我地做野黎講,cash forecast 反而係最重要,因為呢個係做我地會計或corp fin 做decision making,例如我地黎緊係咪要拖人數?同banker傾facility借錢,簡單d如攪下factoring (即係所謂同銀行賣單, 其實唔係真正的賣, 只係將張客單押比銀行,銀行再借筆錢出黎比你用,當客找數銀行會收左佢,扣番你手續費及利息),甚至我地要同客傾下早d還錢,或同供應商傾下遲少少找數, 如唔肯,我地又要諗下可否做 invoice financing,甚至要同銀行傾medium term loan(如政府最近D SME loan)周轉,cash 對於公司來說係非常緊要。

要做一個好的cash forecast 係唔容易,準唔準主要睇你手上d 資料既質素,如是否update? 同埋你要預計埋客找數既pattern 以及之後你要比d 咩錢。

首先,你要有sales forecast,再要簡單分析,有幾多客會有幾時會找數,幾時你又要找數比邊個邊個,因為每間公司個情況都幾唔同,所以我用番textbook既例子比你睇一睇便算,有問題你地可以再問。



你地睇到,第二個月尾bank balance 係負數,即係唔夠錢找數,咁你一早知左,就要及早諗辦法比老細決定點攪勒!

總結

以上知識唔可能拎住出去,就可以解決哂所有中小企公司問題,因為大多數中小企管理系統較差,人力及各方資源都不足,所以真係冇乜邊個會計或文件系統係做得好。

管 理層高估自己/公司能力,對同事作出過高要求,而忽視本身需要有關,要明白你老細想你地做好盤數之餘,當然更想你買埋早餐奶茶咖啡,總務人事船務秘書一腳 踢,亦唔可能出太多人工請專材,仲要係穩定既人材返來,個個會計做三個月半年就走,你接手返黎既野唔係蘇州屎已經係執身彩,仲想攪好以上呢d野?好像有點 痴人說夢吧!

我覺得,以上既野,你地有個概念就夠,有時我明白唔係你地唔識做,係公司情況唔容許你地去做,不過點都好,你自己識做就夠, 萬一遇到個老細好,你做落d鑊氣野又攪掂哂,不妨真係幫老板諗諗佢,為自己同為公司增值,其實世界上僱主同員工唔係冇雙贏,只係比較上,天下烏鴉一樣黑, 與其外面d老板古靈精怪,你遇到個好d,你留低係度做好d,老板楂既資訊好一d,管理改善一d,公司競爭能力又大一d,最後你同老板都可以搵多d,呢個係 事實,所以書與各位共勉之。

預算做得好與否,或者有冇效用,真係要睇管理層的支持度有幾多,預算這工作亦關連到全公司的資訊數據(文件) 系統,唔一定話要setup 一個貴貴ERP至做得到,最主要係睇你老細與同事有幾合作吧!所以做得唔好不用強求,盡能力便算,夾硬去推樣野出黎,得罪全世界,最後你老細都係要炒你! 歷史告訴過我們:戊戌維新中的康有為及梁啟超,光緒便是一個活生生例子!

管理 會計 Management 系列 預算 自言 自語 WYJimmy
PermaLink: https://articles.zkiz.com/?id=35832

管理會計(三)-「轉移定價」(Transfer pricing) 自言自語 - WYJimmy

http://wyjimmy.blogspot.hk/2010/06/transfer-pricing.html

前言

又係被各位讀者們email 催稿了 (未殺上催已給足面子,攪串我老友個場就無謂了),我呢個blog 變左季刊咁(三個月一篇),相比老齋半個月至少三篇,我呢度睇怕都可以執笠了。咁我努力d 寫多d 管理會計上既東西啦,都係果句,我都係隨心打及學緊野,冇點正式research 過至做,有咩寫錯寫漏,請各行家私下通知聲,另有問題討論,可以email wyjimmy@gmail.com,因為我睇唔到呢度既回應,謝謝。

引言

從前, 企業營運架構簡單, 內部資源及材料統一運用, 計成本亦都變得簡單, 但隨著現代化企業分工精細, 部門運作獨立(Decentralization)及自主(Divisional autonomy) 如因為方便運作而需要在部門間調配資源, 因考慮『發送部門』(下稱『發送』)在採購, 處理及倉存也引起一定工序,單純只以材料成本(Variable cost / Marginal cost)計算給『收貨部門』(下稱『收貨』),會對『發送部門』造成不公平。


tp-1
圖例一 「轉移定價」的利益衡突

舉例說, 部門甲需要某原料A 1000件, 部門乙因為大量採購(如每次 50000)以及運送上給予方便(如自行安排收貨) 而獲得貿易折扣(trade discount 即係訂多D 有著數) 本來 10蚊件可以減到 8蚊, 這樣用 8 蚊賣給部門甲, 可能對部門乙構成不公平。

但如果賣 10蚊, 在部門甲心諗不如出去市場自己買? 因為長久後可以為『部門甲』製造信貸紀錄,不過這樣對整個企業(group prospect) 未必有利 明明公司唔駛 10蚊買返來, 點解又要比$10 ? 而部門乙亦未必即時用得哂自己原料A 的存貨,重複貨物積存,造成管理企業資金上問題,資源未能有效運作。作為上層管理者必須要解決,所以『管理會計』便是需要有以上『管理』的考慮。

「轉移定價」四大法則

作為管理會計, 當然應以集團整體利益考慮合適的內部「轉移定價」,主要都係用Cost-plus (成本遞增法)market price (市場價參考)厘定, 亦會有negotiate price (協調價格) 至於幾時用邊個, 就會按以下四大法則:

法則一 如物品有售賣市場, 市場是成熟及完全開放(perfect market) 應以市場價格(market value)交易, 留意完全開放即係你去邊度買都咁既價錢, 並唔會有咩優惠, 做個比喻, 你去買份「信報」度度都係七蚊,個個都送紙巾, 除左舊報紙, 你唔可能用六蚊買到, 這便是經濟學上perfect market perfect competition 任何人都唔會有額外利潤, 只可以跟市場利潤決定, 所以『發送』賣給『收貨』部門應按市場價而定。而集團利益只係將存貨有效調配便達到目的。


tp-2


圖解二: 「轉移定價」四大法則

法則二及三:如物品沒有或不完全具備公開銷售市場, 所以並沒有市價可以參考,則要考慮『發送』供給『收貨』部門後, 是否影嚮『發送』部門生產條件 (constraint on production capacity)?

比方說, 『發送』與『收貨』兩部門自己都會售賣『物品甲』給外面賺取利潤, 如『發送』如果要提供『物品甲』給『收貨』賣, 變相『發送』部門要放棄自己盈利機會了。

如果咁樣, 法則二便應用了,『發送』部門的計價應以物品本身變動成本(marginal cost) 例如材料本身在外採購價錢, 以及所引起相關必需費用, 如運費等, 再加上因為供給『收貨』部門而放棄賺取機會成本(opportunity cost) 便是應計之「轉移定價」。

Optimal transfer price (OTP) = MC + OC

因為有AAT同學係度睇, 我又花多少少時間講下咩叫機會成本? 最基本經濟學上講你放棄呢個機會既最大成本,就係機會成本,比個市儈D例子, 男友甲請我去「香殺你拉」食buffet (可能麻麻地架咋..),唔好計我與男友甲感情發展與否的機會, 果一餐就當五舊水一位, 若你果晚要OT 咁個opportunity cost 就係五舊水! 好啦! 你話女仔去約會,著件靚衫,敷下mask 化下粧都要時間及錢? Sorry d 我地管理會計叫Sunk cost(又名『既出之物』) 因為靚衫,mask 化粧品你係唔係都買左架啦? not relevant to this dating!!!

所謂機會成本(Total opportunity cost) 有分Internal External External 就係指你生產佔用『發送』部門的放棄條件(capacity) 簡單講最大舊就係市值租金, 假設你租番來乜都唔做, 都可以轉租比人做倉收錢吧? 而家用左來生產材料給『收貨』部門, 咁即係你蝕左租比佢吧, 所以咪要加番囉?

同學最難明是Internal opportunity cost 睇書有什麼咩shadow price 其實唔係咩特別野, 簡單d 講, 因為企業資源唔會係無限, 當生產空間有限, 如果我唔做材料甲, 我都可以做材料乙, 亦都會有額外盈利供給『發送』部門, 但因為要供給『收貨』材料甲, 而放棄材料乙的額外盈利。

法則三很簡單, 假設『發送』唔駛考慮供貨問題, 長賣長有,供給『收貨』部門根本唔算放棄盈利機會, 所以只需要計變動成本(marginal cost) 如你買返來係$9 $9機會成本(opportunity cost)在這裡是不存在。

至於法則四情況, 係指產品未有完全成熟的銷售市場(imperfect market) 可能係一d 好冷門的東西, 舉一個怪怪的例子,唔知大家屋企有冇睇過風水? 睇完師傅sell你擺個什麼什麼? 話高僧開過光好值錢架? 拿, d 係個師傅話值錢既,如果你拎番呢舊野賣比我,我一毫子都唔比仲要攆你出門口,因為我唔信, 但唔代表外面冇人要架喎?

d 就係product market imperfect了, 這類特徵係產品市場是很浮動(fluctuate) 很難去厘定到產品公平價值, 大家看書會話視乎情況, 但呢d 在實務上即係等於冇答過野, 大膽一點, 我會建議大家無計可施時, 用番法則二及三去定。

「轉移定價」三大功能

實務上, 決定是否採用或如何厘定內部(部分/同系公司)間的「轉移定價」, 會考慮因素不外乎三方面上的功能: (1)內部業績考核 (2)部門運作獨立自主化 (3)稅務優惠等三方面,來達至提升整體集團利益(Goal congruence)

(1) 內部業績考核 (Divisional performance measure)

公平的「轉移定價」計算機制, 可以容易比較是各部門實質業績,唔會有人啃哂d 豬頭骨, 但又有人坐享其成, 上層管理清晰地了解到各部門真正的效益, 從而對企業資源作出有效的計劃。

在實行時, 最理想係給各相關部門需要參予, 我們管理會計需要考慮各種情況, 如生產成本計算, 產品市場條件及趨勢等。

同樣地, 如配合獎勵員工計劃推行(reward system),更對有功績同學具鼓勵作用,可以有利企業整體前景發展。

(2) 部門運作獨立自主化 (Division autonomy)

按照前一段解釋,這更有助鼓勵部門間相互調配資源,良好的資源計劃(Enterprise Resource Planning),以及成熟的「轉移定價」機制 (Transfer Pricing Mechanism) 能有效地令部門達至整體企業利益, 減低因為不公平而對實務運作的停滯。

良好的「轉移定價」機制, 可以讓部門決定是否接受其他部門offer ,自主地作出internal sell 抑或 external sell decision making,理論上集團中央管理層可抽出時間去做更重決定(書本上吹下水者,考PBE/QP 咪拎黎答下囉…)

(3) 稅務優惠 (Global taxation planning)

由於各地稅制不同, 很多公司都會利用設立世界上唔同公司, book d profit 去一些低稅率地區, 以往BVI (英屬處女島)便是一個例子,我可以用以下例子解比你地聽便明。


tp-3

圖例三 「轉移定價」的稅務優惠

!! 重申一句, 以上情況純粹係解個effect 你地睇, 而家唔work 架, 你地唔好拎去propose 比老細仲話係我教!!

由上面睇, 好顯而易見你將本來$20 利潤抽走了 $13 [$(18-10)+$(30-25)]去其他地方, 變左計香港稅的利潤只有$7 假設BVI 係一個比香港低稅率的地方(唔解咩黎啦) 咁正路企業係交少左稅既。

的確, 如果你相熟各地稅例, 稍花心思就可以用「轉移定價」, 做一套好既稅務計劃,但點做就唔好請教我(如有意付款請email: wyjimmy@gmail.com XD) 最好去諮詢你地相關稅務顧問,世界沒免費午餐的,我只是教管理會計而已。

以上例子情況在香港稅例是不容許,按香港稅務條例第20條的反避稅條例, 任何海外人仕(公司)與本地貿易, 而兩者有密切關係,而該貿易安排是刻意使無利潤,或低於本來利潤(如上例),則會被假定海外公司收入來源是香港,該全部海外收入必需計算香港利得稅。

而香港稅務局都發出『稅務條例釋義及執行指引』第四十六篇 http://www.ird.gov.hk/eng/pdf/e_dipn46.pdf 入面appendiex亦有介紹五種可接受「轉移定價」的方法, 分別為:

(a) Comparable uncontrolled price (CUP) (即係我地講既market price 又稱arm’s length price)

(b) Cost plus method (上面提過, IRD 講明要reasonable)

(c) Resale price method (重售價格設定)

(d) Profit split method (利潤分拆法)

(e) Transactional net margin method (交易邊際利潤法)

入面都有詳細例子,因為這是稅務學的範疇,在此不贅。

總結

「轉移定價」(Transfer pricing) 連香港稅局都發出特別指引, 證明在現實已非常廣泛應用, 這除了是公開試(PBEACCAQP)常考的課題外,我以上所講係以公平公正去處理好管理會計事宜,達至公司取得最大效益,不過「轉移定價」技巧雖可幫你,也可害你,如果應用不善,如上面例子會令你陷入逃稅的嫌疑, 所以應用時,必需要清楚各地稅例規定,以及行業內如何應用習慣等。

另一個問題是涉及管理層面,凡由人執行的工作,便會有人性既問題,唔同部門都會存在唔同觀點,當然個個都想以自己利益做依歸,而作為上層管理,決定亦唔可能是非黑即白, 厘定「轉移定價」的標準亦唔可能單純係數字上考慮, 好簡單做個比如, 什麼是『集團最有利』? 現實上其實沒有標準答案。

此外, 在設定「轉移定價」的準則, 亦都要考慮很多其他因素, 內部的, 如『發送』部門的生產容積限制(constraint on production capacity) 盡量希望為企業計算出最大的邊際利潤(margin / contribution) 另外market price 如何決定? 因為世界上未必有絕對的perfect market market price 在現實上是浮動(你睇地股票的價格便知) 決定更準繩的market price 會涉及很多複雜的經濟學及市場理論 (Dr. Eugene Fama Efficient Market Hypothesis) 所以如何厘定transfer pricing basis 都要考慮cost vs benefit – 不能太複雜亦不可太輕率。

另外, 在不同國家貨幣轉換, 會因為匯率變動而會令「轉移定價」設定出現頗大變數。最近「歐元風暴」中便可見一班, 由早幾個月歐元兌港元一對接近十一, 跌至最近一兌九, 這些匯率上的風險, 在管理會計人員制定「轉移定價」機制, 應去如何處理及回應? 這些都是值得討論的問題。

下次我會試下講公司項目投資的可行性評估(feasibility study)基本的常識,請多多支持。

[]


管理 會計 轉移 定價 Transfer pricing 自言 自語 WYJimmy
PermaLink: https://articles.zkiz.com/?id=35834

爛賬的罪魁禍首 自言自語 - WYJimmy

http://wyjimmy.blogspot.hk/2011/09/blog-post.html
這陣子股市波動,很多企業都停了招聘,但年初勞工市場仍是暢旺,很多打工仔尤其是會計從業員都想過一過塘當肥魚,找個肥缺。筆者很多朋友也不例外,但最近與會計朋友聚會,不少剛轉職的朋友都寧願辭職再找,原來外面很多企業的會計賬目爛得可以。


何謂「爛賬」?其實撇不開以下三種︰


(1)埋數嚴重甩期


現在是9月初,原本現在是為8月份結賬(埋數),但往往可能還未做好5月份的賬,甚至更久。


上市公司要定期交數,因此這情況不會發生,不過在一些私營企業(Private Entity)就很常見。我見過不少公司數年來未有核數,到稅局追收財務報表才抱會計師的佛腳。


由於會計是後勤工種,不能為企業直接賺錢,老闆心態是用到盡,許多不是會計事務的也找會計去做,網上更有傳要幫老闆子女功課補習、接放學等。


辦公時間有限,要做些繁瑣而自己不熟悉的工作,事倍功半,更白花不少時間,這也是大部分香港會計從業要不停加班的原因。


其實會計員不蠢,誰也知老闆在搵自己笨,只是為碗飯而啞忍,忍無可忍就索性不幹了。


公司又不看重會計工作,請人慢慢來,最後結賬拖得便拖,新人來便要他一個月埋數個月賬,做不到一會又走了,這樣的賬不爛才怪。


另外,有些略懂皮毛的老闆要求多多,小企業又要會計做預算(budgeting)及預測(forecasting),但沒有投放合適資源在資訊系統,會計員在一個爛系統內左找右找,去東拼西湊出一個模樣,但內裏基礎都未攪好,質素當然欠奉。


最慘老闆根本不懂看,最後只放進recycle bin,或者根本不會按預算去做。事實上,有幾多預算老闆是會跟?會計捱更抵夜的精神白白浪費了,其他實務的事又怎會有質素?


(2)內賬空虛


有前輩稱這些企業老闆叫「古龍」,公司賬目一味靠估,只是看現金流及應收賬(街數)便算,賺蝕心知。如做100萬當有5個百分比,不用掌握太準確的賬目資訊,略略計下婆乸數便夠,或請位略懂簿記的數千元打雜一腳踢便算。


但現時營商變化大,企業邊際利潤已愈來愈低,中小企要生存就要不斷求變。競爭劇烈,在報價管理上需要較準確掌握內部資訊,簿記員開始不停做統計、問價等後加工序,入賬模式因為市場環境變化變得更複雜。


一般經驗不足的簿記員已較難掌握正確入賬方法,賬內的明細做得亂七八糟,最後換了幾代人,賬目根本亂到不能解釋。加上老闆對會計知識不多,無論採納什麼會計人才,始終做不好盤賬。


(3)會計系統太爛


針對小型企業,我最推崇的會計系統是試算表(如EXCEL),雖是手動,但只要設定得好,還是條理分明。不是說坊間的小型會計系統有問題,但市面上實在太多不懂會計的人設計會計系統,難聽點說只是一個資料庫管理,報表沒靈活性也算了,很多更是連總賬和應收應付也對不上。


此外,其技術支援服務熱線總是只聽到電腦人聲,或永遠沒有人聽電話(或是線路繁忙),又或軟件公司沒誠意解決問題(可能是系統老問題),這些也夠折磨會計人員了。


這往往都是前人或老闆不懂選擇系統,很多時還是熟人介紹使用的。最明顯以為貪便宜有着數,其實一套MYOB只是數千元,但也可以很好用。會計系統出問題,人員要用幾倍時間去做公司基本的要求,倒不如早點壯士斷臂。


短視成致命傷


近年香港經濟增長只是靠股靠樓,實體經濟已非常疲弱,鬥成本平已等於割喉大戰,血放盡企業便滅亡。成本結構當然要重整保持競爭力,但如果錯用資源, 當然是加速企業滅亡。


現代資訊發達,做好賬目已不只是要應付報稅及審計,聰明的企業決策人已很會利用賬目分析資訊。


作為管理決策的重要工具,會計人員擁有廣闊的商業知識,是企業發展的好夥伴,可惜香港的會計從業員太多,又是後勤工作者,不受重視。


最近筆者跟國內投資公司做盡職調查(Due Diligence),跟合夥人交流多了,事後她稱讚我們香港會計同業專業有水準,但當她知道我們的待遇後也只嘆了一句︰「香港太多人當會計了,香港的中小企也太短視,同樣的人才,國內的工資已開始追過香港了。」


怪不知很多人開始往外面發展,皆因外地及國內均很重視財務人員,但香港僱主們已在不知不覺間狠狠傷害了與會計夥記們的關係了。
爛賬 罪魁 禍首 自言 自語 WYJimmy
PermaLink: https://articles.zkiz.com/?id=35837

熱錢湧入早於干預前 市場先生自語

http://mrmarketofhk.blogspot.hk/2012/10/blog-post_30.html
根據報導, 為應付熱錢流入推高港元匯價, 上星期金管局於5天內4度出手, 前後已向市場注資143.5億港元.有朋友問筆者, 銀行每天都有客戶將美元換港元, 為何今次會驚動到金管局出手. 筆者嘗試舉個比喻去說明. 假設有個拍賣網站, 裡面有股票和房地產可以買賣, 但交易必須用指定的網幣, 而官方的匯率是一美元可以換到7.8元網幣. 但網幣真正的匯率是浮動的, 就像其他商品的價格受供求關係影響一樣, 如果市場上網幣的需求多, 網幣的匯價便會上升, 例如一美元只能換到7.77元網幣, 如果市場上網幣的需求少, 相反美元的需求多, 網幣的匯價便會下跌, 例如一美元可以換到7.83元網幣. 網主規定網站裡的交易商必須持有一定水平的網幣, 以維持足夠的流動性. 當有客戶用美元向交易商A換網幣的時候, 如果交易商A本身沒有足夠的網幣, 又或者交易商A想保留多一些網幣, 便可以向其他交易商問價. 網主規定交易商每當有其他交易商詢問網幣的匯率時, 必須報出買賣價. 理論上, 當某交易商極不願意沽出手上的網幣時, 可以報出一個非常貴的價錢, 例如一美元只能換到5元網幣, 如果個個交易商都持有同樣立場, 網幣的匯率便暴漲至1美元對5元網幣. 相反, 如果某交易商極之需要美元, 便可能報出一個非常低的價錢, 例如一美元可以換到10元網幣. 為了避免網幣的匯價嚴重偏離7.8元的官方水平, 網主推出強方兌換保證和弱方兌換保證措施. 當網幣需求強勁推高匯率時, 網主會在7.75強方兌換保證水平向交易商沽出網幣, 相反當網幣面對強大沽售壓力網主便會在7.85強方兌換保證水平向交易商收回網幣.

熱錢流入就好像某天交易商A突然收到order要大量兌換網幣, 而且order持續一段時期. 於是交易商A向其他交易商要求報價. 交易商B手上有一批網幣的成本是7.78元, 於是報出7.775元賺取50點子利潤. 交易商A全數接受交易商B沽出的網幣. 交易商C見到7.775元有成交, 心想賺多20點子於是報出7.773元, 網幣又被交易商A全數接受. 其後其他交易商繼續抬高匯率也通通被交易商A接受. 漸漸地市場上的交易商察覺一些現象: 第一, 交易商A接了大order, 第二, 誰報價先和報價低誰便蝕底. 於是個個交易商都不大願意低價出售手上的網幣, 即使要報價, 也只是報7.75元甚至超越強方兌換保證水平. 於是觸動網主以7.75強方兌換保證水平向市場拆出網幣. 當網主的干預行動發揮效力而網幣的需要漸漸被滿足後, 開始有交易商願意以低於強方兌換保證價出售網幣, 甚至有交易商需要美元因而報出更低價, 網幣的匯率便會漸漸遠離強方兌換保證水平, 熱錢流入之勢趨向緩和.

筆者不清楚今次是否真的有熱錢流入本港, 但可以肯定2點. 第一, 熱錢一定不是於大家見到新聞報導金管局向市場注入港元才開始流入, 而是當熱錢已經流入相當金額和日子之後, 有心人士才迫使當局出手而導致"熱錢流入"的新聞暴光. 第二, 熱錢一定是有利可圖才流入本港, 而且利潤一定有相當水平才足夠轉身撤退, 以恆指為例十多巴仙升幅是最起碼的, 不過起點不是由今月17日傳媒開始報導熱錢新聞時的水平. 筆者於8月7日的文章指出當時市場執意向上只選擇好消息來反應, 因此相信下半年會有一個可觀的升浪, 恆指可望創出今年的高位. 極可能當時熱錢已經開始流入本港了.

熱錢 湧入 早於 於幹 幹預 預前 市場 先生 自語
PermaLink: https://articles.zkiz.com/?id=39407

港銀炒私有 尋寶唔使急 市場先生自語

http://mrmarketofhk.blogspot.hk/2012/12/blog-post.html
據報導全國人大財經委副主任委員吳曉靈對滬綜指跌破2,000點表示百思不得其解, 認為A股走勢與中國經濟的表現不大匹配, 相信原因是由於股民信心不足. 筆者認為任何政府如果想人民對前景有信心, 積極消費振興國家經濟, 非常有效的一招就是炒高股市, 股民賺錢容易自然使錢較爽手, 相關的財富效應會帶動實體經濟增長和企業盈利的提升, 企業有信心擴充業務和增聘人手可以降低失業率, 形成良性循環. 有人話A股的疲弱反映內地經濟前景充滿隱憂, 筆者當然不會認為大陸完全無問題, 事實上當歐美經濟面臨衰退邊緣當然會對大陸出口造成衝擊, 固定資產投資過度導致資源錯配甚至浪費, 拉動經濟的三頭馬車已經有兩個甩轆, 內需消費支持經濟增長的模式是內地未來的發展趨勢. 不過, 靠內需消費至少需要符合二個條件, 包括國民收入和財富水平必須達到某個程度, 第二國民的消費習慣. 但是, 目前大陸城鎮居民人均可支配收入估計只有2萬4千元人民幣, 要靠消費帶動經濟增長, 人均可支配支收起碼要達到6,000美元或以上. 然而, 儲蓄是中國人的美德, "先使未來錢"靠借貸消費不是內地居民的主流消費模式, 因此, 中國要成為消費大國路途仍然遙遠. 經濟有下行風險, 內銀貸款質素惡化導致不良增加是合理的關注點, 不過, 如果市場採用和內地A股同一套標準來衡量美國股市, 以美國的負債水平和財政狀況, 以及企業的盈利前景, 恐怕目前道瓊斯工業平均指數應該遠低10,000點以下.  筆者不知道是A股目前估值太低還是美股估值太高, 但肯定的是兩者的估值並不對稱.

上星期另一個受到關注的板塊是本地銀行股, 市場憧憬創興銀行賣盤, 創興銀行股價創52週新高, 最高升上18港元, 也帶動一眾中小型銀行股股價揚升. 筆者曾於去年10月18日連續3星期刊登文章標題為"收集大新系等待倍升", 當時指出每隔一段時候本地銀行股便有私有化或收購消息或傳聞, 吸引市場人士追逐尋寶遊戲而推高一眾"買少見少"的本地銀行股股價. 與其等到本地銀行股有異動才去高追, 不如趁市場情緒冷淡, 股價低迷時收集本地銀行股, 然後耐心等待下一次尋寶遊戲的到來. 當時440大新金融以及2356大新銀行的股價分別為21.55元以及7.37元, 如果當初以平均注碼買入大新系, 持有13個月股息加股價升值的總回報率為38.28%, 雖然跑贏同期的盈富基金(+25.72%), 但距離筆者的目標仍然差一大段, 主要是大新銀行表現較令人失望, 但反映市帳率只有0.69倍的大新銀行股價有很大追落後的潛力.
港銀 銀炒 私有 尋寶 寶唔 唔使 使急 市場 先生 自語
PermaLink: https://articles.zkiz.com/?id=40752

Gold, Basel III, Tier one capital, Level one asset黃金與巴塞爾三,一級資本和一級資產 市場先生自語

http://mrmarketofhk.blogspot.hk/2013/02/gold-tier-one-capital-level-one-asset.html
最近見到網上有傳聞黃金將會被納入銀行的一級資本(Tier one capital)計算當中, 感覺非常奇怪, 因為無論你將黃金當作是商品或貨幣, 與銀行的一級資本根本是兩種風馬不相及的概念, 正如, 如果有人講BASEL III有意將貨幣例如人民幣納入銀行的一級資本計算當中, 是否好奇怪?

一級資本是根據資本的來源和本質而定, 同資本以什麼形式(即資產的種類)存在於銀行的帳面上無關. 舉例, 銀行A增發普通股融資100萬元, 資產負債表因而多了100萬元現金, 銀行B發行次級債券融資100萬元, 資產負債表也多了100萬元現金, 銀行A和銀行B同樣以現金形式持有這100萬元, 但只有 銀行A可以將100萬元計入一級資本, 銀行B只能將100萬元計入附屬資本.

筆者用另一個比喻, 一級資本是講血統, 講國藉, 黃金則是講職業, 美國人可以是律師, 醫生, 但如果說 律師就等於或全部是美國人, 是否很奇怪?

銀行持有資產的種類會影響風險資產的計算, 繼而影響資本比率. 在計算風險加權資產(RWA)時, 會根據資產的風險權重, 一般分為5級: 第一級風險權重為0%, 表示該等資產無風險, 第二級風險權重為10%, 第三級風險權重為20%, 第四級風險權重為50%, 第五級風險權重為100%, 表示該等資產具有完全的風險.

舉例, 銀行A股東出資10億元, 客戶存款100億元, 即總資產110億元, 總負債100億元, 如果資產當中,10億為現金(險權重為0), 其餘100億元為風險權重100%的資產, 銀行A的一級資本比率=10/100 = 10%. 如果銀行A將現金增加至30億元, 一級資本比率=10/80 = 12.5%

如果BASEL III將黃金定義為貨幣而非商品, 則黃金的風險權重有可能變為零, 銀行的一級資本比率(注意, 不是一級資本, 而是一級資本比率, 因為只影響分母, 不影響分子)是有可能因而提升.

此外, 銀行的資產會根據流動性高低和市場價格的公開度和透明度被分為Level one, Level two 和 Level three. 引致金融海嘯的次按有毒資產很多屬於Level 3, 即沒有公開公正的平台去定資產的公允值, 通常靠Model去計算, 而且流通性低.

筆者認為傳聞中黃金角色的改變, 同改變一級資本的定義無關, 最有可能是改變風險權重至0%(不過, 筆者相信現時已經有國家把黃金定為風險權重是0%了), 和由Level two 資產改為Leve one資產, 肯定黃金的貨幣地位, 即視黃金等同貨幣.

無疑黃金作為資產是有其優點, 包括沒有交易對手風險, 沒有信用違約以及評級被下降的風險.不過最終是否會令到銀行增加持有黃金的意欲, 還要考慮其他因素, 包括流動性,  市場風險(始終黃金價格是波動的), 收益率(持有黃金基本上無利息收益兼具要付倉租)等等,  但無論如何, 筆者認為銀行會因此增加黃金比重的機會不大.
Gold Basel III Tier one capital Level asset 黃金 巴塞爾 巴塞 一級 資本 資產 市場 先生 自語
PermaLink: https://articles.zkiz.com/?id=43908

今年目標是提高現金水平 市場先生自語

http://mrmarketofhk.blogspot.hk/2013/02/blog-post_26.html
恆生指數由去年底的22,656點迅速上升至今年2月4日的最高位23,944點,短短1個多月便升了1,288點, 然而才廿多天時間又迅速下跌至上星期五收市位22,782點, 幾乎打回原形. 去年大部分人對股市相對悲觀, 筆者算是較樂觀的一位. 今年情況則相反, 太多人看好今年股市的表現, 並有頗高的期望, 預測恆指目標水平動輒二萬七甚至更高, 太多人對股市心雄反而令筆者有戒心, 於今年第一篇刊文提到對今年股市不要過份樂觀, 並於1月29日的刊文提醒投資者要為美國退市提早作好心理預備, 再於2月5日的文章提到股市乍現不祥徵兆, 已減持部分獲利甚豐的持股, 將整體現金水平提升至6.5%. 筆者的投資策略是股市水平和現金水平成反比例, 當股市升至某個水平時, 開始分段越升越沽增持現金, 相反, 當股市跌至某個水平時, 開始分段越跌越買增持股票, 明顯地, 今年是以提高現金水平為目標.

值得注意的是上星期公佈的美聯儲公開市場委員會會議記要顯示, 與會成員對是否應該繼續資產收購買計劃進行廣泛討論並且產生分歧. 有成員對購買資產帶來的成本和通脹問題表示擔憂, 也有成員表示應當根據經濟狀況靈活調整資產購買規模. 雖然鴿派成員在投票權方面仍然佔絕對優勢, 但鷹派聲音較以前有所增強. 大家要知道, 美聯儲為救市推行的寬鬆政策已經接近7年了, 無論是力度還是持續時間都是歷無前例, 一旦寬鬆政策轉向, 對全球資金流動性和流動方向, 風險喜好以及資本價格將有顯著影響. 相信美聯儲進行退市一定是有序的, 出售債券資產收回流動性一定要在加息之前發生, 否則美聯儲會損失慘重.

筆者的資產當中沒有包括黃金, 但有朋友定期收集金幣. 前一排網上有傳聞黃金將會被納入銀行的一級資本(Tier one capital)計算當中, 對金價有提鎮作用. 筆者已經提醒朋友無論黃金被當作是商品或貨幣, 與銀行的一級資本根本是兩種風馬不相及的概念, 一級資本是根據資本的來源和本質而定, 同資本以什麼形式(即資產的種類)存在於銀行的帳面上無關. 黃金牛市自1999年7月開始, 由每安士250多美元上漲至2011年9月最高位1,900美元, 12年升了6.6倍. 黃金有兩種角色, 既是商品也是世界貨幣, 今輪牛市主要由黃金的貨幣屬性帶動, 全球央行狂印銀紙令市場對紙貨幣失去信心, 本來, 黃金作為貨幣角色相對真貨幣有一點非常不利, 就是真貨幣有利息收益, 而持有黃金不單沒有利息收益, 還要支付貯存費用. 因此黃金只能保值而缺乏盈利能力. 不過, 在美聯儲將聯邦基金目標利率維持在接近零水平的情況下, 真貨幣的盈利能力大降, 而保值能力卻不及黃金, 造就了黃金的大牛市. 不過, 花無百日紅, 一旦美國退市, 對黃金的影響不容忽視. 筆者非常認同投資市場的名言, 樹再高也不能長上天, 這個世界沒有永遠上升的資產.
今年 目標 提高 現金 水平 市場 先生 自語
PermaLink: https://articles.zkiz.com/?id=53166

新華保險業績表面風光 市場先生自語

http://mrmarketofhk.blogspot.hk/2013/05/blog-post.html
上星期主要的財經新聞是美國四月份失業率出乎意料下降至7.5%, 非農業職位增加16.5萬個, 也遠高過市場預期, 帶動道指和標普500指數創下歷史新高, 匯控股價也於港股美國預託證券上升, 進一步接近筆者預期年內見9字頭的目標. 今期繼續內險股分析系列.

新華保險今年第一季股東淨利潤有14.65億元(人民幣, 下同), 按年大增90.8%, 股東淨資產則增加4.3%至374.03億元或每股11.99元. 正面因素包括投資收益大增26.98億元或79%, 主要原因是集團把握A股年初的升勢出售部份以前確認資產減值損失的股權型投資. 此外, 資產減值損失大減33.4億元, 主要原因是去年同期集團大幅計提投資資產減值損失, 今年首季的市況沒有顯著惡化已經足以導致減值損失大減. 另一個正面因素是保險責任準備金解釋放了46.1億元, 主要原因是客戶退保和保單期滿給付引致的自然釋放. 筆者一向認為當期利潤表未必能真實反映當期售出保單的經濟價值, 因為一份保單相當部分的利潤要在保單結束時才能實現和釋放出來, 但這可能已經是很多年以後才會發生的事.

負面因素包括已賺保費減少35.75億元或10.24%和退保金增加25.97億元或54.8%. 一直以來新華保是所有內險股最依賴銀保渠道的, 而銀保渠道正是近一兩年最受影響和最低迷的, 嚴重影響保費收入. 此外, 銀保產品的退保率也通常較個險渠道為高, 原因是銀保產品和銀行理財產品較相似, 一旦銀保產品的投資回報不理想, 容易觸發客戶退保潮. 事實上集團第一季度退保率增加0.5個百分點至1.9%, 年化後為7.6%, 均較2012年第一季5.5%和全年5.6%惡化, 也是上市內險股最差的, 國壽, 平保和太保第一季退保率分局為5.44%, 1.16%和5.04%. 退保率上升其中一個壞處是令到現有業務的內含價值受損.

保險公司其中一個主要收益是投資收益, 和管理互惠基金相似, 管理投資資產涉及不少費用, 包括研究分析, 監管法規, 會計和資訊系統等等, 因此, 資產規模越大, 越具經濟效益, 此外, 管理費也會同資產規模掛鉤. 投資資產的規模增長主要靠保費收入增長. 受保費收入下跌的拖累, 集團第一季投資資產增長只有2.8%. 幸好, 受惠期內金融債和企業債小幅上漲, 年化總投資收益率提升170個基點至4.9%, 但表現仍不及國壽的5.82%. 此外, 可供出售金融資產也由去年底的浮虧0.43億元轉為浮盈0.28億元.

表面上集團首季盈利增長顯著, 不過, 增長動力依靠出售股權型投資以及釋放保險責任準備金, 相信難以持續, 此外, 集團推行回歸保障策略, 主力推動健康險和終生壽險產品銷售, 固然是方向正確, 但需要承受產品轉型的"陣痛", 加上集團受到銀保渠道的掣肘, 因此短期保費收入要達至明顯改善極具挑戰性和難度.
新華 保險 業績 表面 風光 市場 先生 自語
PermaLink: https://articles.zkiz.com/?id=55468

中國財險承保風險管理出色 市場先生自語

http://mrmarketofhk.blogspot.hk/2013/05/blog-post_21.html
匯豐策略日的主要信息是繼續削減成本和增加股息, 對股東均是好消息, 因此近期股價表現強勢. 匯豐佔筆者的股票組合高達6成, 自然也得益不少. 雖然匯豐現價只有88.8元, 仍然未返回"紅底股", 但不要忘記匯豐曾經於2009年3月進行供股, 每12股供5股,供股價28元, 現價其實相當於供股前的114.13元. 匯豐最後一次是紅底股的時間是2008年10月23日, 如果當時有人以100元買入一手共400股匯豐, 需付出資金40,000元, 然後參與2009年3月的供股, 需供股份166股, 需供金額4,648元, 供股後共持有566股, 總成本為44,648元或每股78.88元, 以現價88.8元計算, 市值50,260.8元, 但期間共收取股息7,740.8元, 表示持有匯豐4年半的總回報率約為29.9%, 金融海嘯對匯豐的衝擊是前所未有, 不需要政府救助而能夠靠自身努力漸入佳境, 匯豐表現已經算很不錯.

繼續內險股分析系列. 中國財險2012年股東淨利潤按年增長29.63%至104.05億元(人民幣), 每股基本盈利為0.849元. 財險業務較壽險業務簡單, 因為財險保單通常沒有儲蓄和投資成份, 保險公司無需和客戶分享投資收益. 內地財險公司通常以銷售車險為主. 車險保單的特色包括保單年期較短, 因此財險公司只能將保險資金投資於較短年期的投資產品, 例如銀行存款或短期債券. 此外, 車險保單較簡單而且不同保險公司的產品差異不大, 因此維持客戶忠誠度是一大挑戰. 期內已賺淨保費收入增長16.65%至1,553.04億元, 於內地市場份額34.9%, 穩佔一哥地位. 當中, 車險保單佔比高達78.38%. 不過單看保費收入不夠全面, 還要看賠償金額. 期內已發生淨賠款為987.22億元, 按年增長12.77%, 低過保費增幅, 主要受惠於車險的的已發生淨賠款只增長8.9%, 大幅低於已賺淨保費16.01%的增幅. 賠付率因而由65.8%下降至到63.6%, 屬利好現象. 降低賠付率的方法包括嚴格控制承保風險, 減少高風險客戶的保單或者提高高風險客戶的保費, 以及加強反欺詐活動, 進行真實性檢查和打擊假保單, 假賠案等等.

內地車險市場進行費率市場化改革, 競爭加劇導致費用率上升. 此外, 集團加大縣域,鄉鎮及農村網點建設, 強化電網銷售落地服務, 導致承保相關費用支出明顯增長. 期內包括獲取成本及其他承保費用和一般行政及管理費用的費用總額為490.01億元, 按年增長30.42%, 費用率因而由28.2%提升至31.5%, 帶動綜合成本率由94%上升至95.1%. 承保利潤率只有4.9%, 下降1.1個百分點. 在投資資產增長12.47%的帶動下, 存款利息, 股息和租金收入大增28.46%至83.87億元, 此外, 集團因應市況調整權益類投資品種結構, 已實現及未實現的投資淨損失大減64.88%. 不過, 財務費用大增23.78%, 由要原因是次級債利息和回購證券(Repo)利息分別增加14.7%和48.91%. 以現價10.08港元計算, 中國財險市盈率為9.4倍, 市帳率為2.15倍, 股息率為2.55%, 估值合理應有上升空間, 如能等待9.5港元或以下才買入勝算更高.
中國 財險 承保 風險 管理 出色 市場 先生 自語
PermaLink: https://articles.zkiz.com/?id=55981

退市預警常態化 市場先生自語

http://mrmarketofhk.blogspot.hk/2013/05/blog-post_28.html
上星期美國聯儲局主席伯南克在國會聽證會上表示, 如果就業市場繼續改善, 並形成可持續勢頭, 聯儲局或會在未來數次議息會議上考慮減少買債, 也不排除在9月初美國勞動節前行動, 並且警告息口長期維持過低水平令到金融穩定存在風險. 此外, 聯儲局公開市場委員會公布本月初息口會議紀錄, 顯示委員曾深入討論縮減買債規模的時間表, 有部份委員甚至認為最早可以在6月減少購債金額. 退市憂慮引發環球市場波動, 上星期四日股單日暴跌1143點, 恒生指數也大跌591.40點, 執筆之時美國10年期國債孳息率已經升至2.01%, 較去年底的1.78%上升23點子. 筆者相信美國遲早會退市, 並於今年一月二十九日刊登文章提醒投資者為退市提早做好心理準備. 筆者於美資行工作多年, 學懂一樣很實用的東西, 就是"預期管理"(Expectation Management). 因為很多時人對一件事情的反應, 最大的影響因素並非事情本身, 而是對事情的預期. 舉個例子, 如果有兩個員工同樣獲得加薪6%, 同事A覺得不滿意, 因為他預期會加10%, 同事B覺得很滿意, 因為他預期加幅只有3%. 現實工作環境當中, 如果筆者需要推行一個新的項目, 第一, 會預先通知受影響的同事, 避免last minute surprise, 第二, 會降低同事對新項目的期望, 避免不可能實現的要求. 2011年政府公佈每個合資格市民獲派6000元, 有些朋友未等到6000元到手已經用完預期會有的金錢. 股市有句名言是"buy on rumor, sell on fact", 一間公司的股價通常在出盈喜當日已經上升了, 等到業績公佈盈喜成為事實股價反而可能下跌.

筆者查看美聯儲五月份的資產負債表, 總資產高達3.317萬億美元, 當中, 55.71%持有美國公債, 33.83%則持有住房抵押貸款證券券(MBS), 總負債有3.262萬億美元, 表示淨資本只有550億美元. 有言論認為一旦美國加息美聯儲便會破產, 但筆者絕不認同. 無疑利率向上會導致債券價格下跌, 但我們要明白債券價格下跌對債券持有者的意義和影響. 舉個非常極端的例子, 某日上午投資者A以100元買入公司A發行的一年期票面利率3%的債券, 表示一年後債券到期連本帶利會收回103元. 假設下午突然加息2%, 另一個投資者B以100元買入公司B發行一年期票面利率5%的債券, 表示一年後債券到期連本帶利會收回105元. 大家可以見到加息不會令到投資者A有損失, 加息只會令到投資者A的投資收益少於投資者B. 因此, 除非涉及出售債券, 否則加息的意義只表示舊的投資資產收益率相比加息後的投資資產收益率下降了. 事實上, 伯南克已經表明退市並非只有出售資產一個途徑, 可以一直持有債券到到期日. 因此, 加息不會令到美聯儲破產, 除非發生信用違約. 不過, 理論上經濟好才會加息, 而經濟好信用違約的概率只會更低. 筆者相信美國會有秩序退市, 美聯儲精於預期管理, 因此可以預期, 在退市真正發生之前, 久不久就會向市場釋出超低息和量化寬鬆措施不會永遠持續的訊息, 以提醒投資者對退市要有心理準備.

退市 預警 常態 市場 先生 自語
PermaLink: https://articles.zkiz.com/?id=56360

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019