ZKIZ Archives


【新一代性女?】《脫獨》夢夢:講性事唔使勇氣 可以正經講

1 : GS(14)@2017-04-05 23:57:14

馮夢哲(夢夢)上年參加ViuTV節目《脫毒工程》,對情事性事嘅直率言論吸引唔少觀眾目光。



「(做愛)大家都開心,女仔蝕底咗啲乜?你都可以話,個男仔蝕咗灘精(子)。」



「最鍾意睇嘅AV情節?幾個男仔服侍一個女仔,大家都鍾意被服侍啩?可能男仔都鍾意幾個女生服侍佢。」以上言論,出自一位年輕女生把口。你覺得好爆?「飲食男女,人之大欲存焉。」孔子都話,生存離不開飲食、男女,將性事攤在陽光下談論,其實有乜好驚?馮夢哲(夢夢)上年參加ViuTV節目《脫獨工程》,對情事性事嘅直率言論吸引唔少觀眾目光,最近更加喺facebook專頁Good Moaning同版主族長一齊開台,在網絡中同一眾網友談情說性。電視節目播完幾近成季先搵佢訪問,全因佢上星期又有新搞作,幫慈善組織關懷愛滋「性幻想大解放講座及工作坊」做主持,同性治療師齊齊傾「如果成為調理系大師」。夢夢本身係性教育導師,專職負責男男情事,談「性」對佢而言實在簡單過飲水。記得節目播出後,有人話佢姣,亦有人撐佢夠真夠大膽,佢卻一笑置之,好評負評一概不理。「我冇特別覺得自己大膽,其實唔需要勇氣先講得。我成日講『性』,對我來講有乜影響呢?其實係冇。」面對大家現實收收埋埋唔敢講,但露事業線、公眾場所gathering、富婆攬小鮮肉卻瀏覽量甚高嘅社會,與其只論有乜juicy爆料,佢就鼓勵大家床笫事正經講,「我聽過有啲人敏感帶喺腋下,拔腋毛時會有高潮。你唔講,其實冇人會知。」除咗要安全,性事要雙方了解再滿足同樣重要,同時做埋issue management,避免破壞雙方關係。「最緊要唔好將AV當成現實。因為真係好多描述強姦嘅情節,女性完全冇話語權。現實中,男仔如果冇詢問之下真係同伴侶實踐呢啲行為,是非常不尊重(註)。女仔應該知道自己有拒絕的權利。」正所謂有得食又唔識食,簡直罪大惡極。各位巴打絲打以後想食好啲?以後記得多啲拎出來溝通溝通喇。註:《刑事罪行條例》(香港法例第200章)第118(3)條列明,如任何男子與一名女子非法性交,而性交時該女子對此並不同意;及當時他知道該女子並不同意性交,或罔顧該女子是否對此同意,便干犯強姦罪,最高刑罰是終身監禁。場地提供:Sally's Toy記者:黃樂雯攝影:徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170405/19980073
新一代 性女 脫獨 夢夢 性事 唔使 勇氣 可以 正經
PermaLink: https://articles.zkiz.com/?id=329314

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019